دام انا بعينك حقيره اعشقك يا اعظم حقير

[v.cute]

إستشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر

لاتحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر

والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر

جيت لك موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

كيفها عيونك حبيبـي لـو تناظـر بإحتقـار
دام أنا بعينك حقيره أعشقك يا أعظـم حقيـر

خلها تطـول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر

ودامها صارت تحدي ما أحب لعـب الصغـار
وأبتدي أقنع عيوني بس تشوفك هـي كبيـر

وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر

وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى كسير ؟؟

تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟

تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعير ؟؟

كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر

التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر

شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر

ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر

تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر

والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر

كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر

يستشير الكـون لكـن مايفيـد المستشـار
هو عقب نظرة عيوني .. به عيونٍ تستشير؟

][هذي مثال لعزة نفس انسان انهارت عزته لجل من يحب][

 

[سنابل خير]

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر ​

][

حروف بارعة ..
وكلمات مصقلة قوة وثقة ..
رائع ما جادت به قريحتك ..
ابدعت .. سلمت اناملك ..
ولافض فوك ..:clap:​

 

[ملكة ناسي]

الصراحة لا توجد كلمات تصف مدى سعادتي بكلماتك اكثر من تصوير اكبر من مشاعر .........ابدعت ..

 

[خطاك ضيع غلاك]

تدري وش يعني عظيم تشعره بالانهيار
تدري وش يعني غرام مابه انسان يغير...
ااااااااه جيتي عالجرح ... صراحة ابداع وتميز كهذا والا فلا
تقبلي مروري ...

 

[ايمي]

يعطيك العافيك وتسلمي على هذه الكلمات المعبرة

 

[ورد الأمل]

كلمـــــــــات رقيقــــــــــــه

لكن هل هناك شئ في الدنيا يستحق ان تنهار عزة نفسي لاجله!!!

لا أظن ذلك

المؤمن عزيز دائما وابدا
ومن أذل نفسه لاجل شخص سيذله ذاك الشخص بذاته

تحياتي وخالص تقديري

 

[براءة حلم]

كلمات رائعة والاروع اسم القصيييييييدة

 

[كلكوليت]

عجبتني مره انتي كاتبتها ولا منقوله مين كاتبها
لانه بصراحه تناسبني مره ودي ارسلها لزوجي اذا ما عندك مانع

 

[نمله زعلانه]

يازين قربك لي وياشين فرقاك ....... احترت فيك يازين مادري وش اسميك } تسلمين اختي على القصديده

 

[فيض الحنين]

هذا من قلمك؟
اذا كان ذلك فانت مبدعه بكل الحروف

 

[قمر بلقيس]

رااااائعة