داخله على الله ثم علييكم....

[sa thebest fa]

السلام عليكم
شخباركم بنات؟
هذي اول مشاركه لي واتمنى مساعدتكم؟.

لاني احس زوجي بيطير مني ومو عارفه اتصرف:8:

انا متزوجه لي شهرين وشوي وتوني حامل لي اربع اسابيع...

زوجي احسه جنووبي غربي
مشكلتي

زوجي واايد طيب وحنون وايام الملكه جدا رومنسي
الحين احسه غيييير
كان يقول لي ايام الملكه ابيك جرييئه وحنووونه وتدلعيني
وانا والله ماقصرت مدلعته ومحسسته باهتمامي وبشهادته كان يقول كل اللي ابيه قاعده تسوينه

..لكن اللي معذبني هو عكس تماما ...
لمااتعب مايحسسني باهتمامه
مثلا من اسبوع كنا طالعين مع اهله لاستراحه من الظهر لليل فتعبت لاني حامل ..طبعا هو طلع المغرب لاصحابه وانا قعدت مع اهله على اساس بيرجع ياخذني ولما كلمته الساعه 12 قال انا توني بروح لاصحابي ارجعي مع اهلي..قلت له ادري اني بخرب عليك وناستك بس انا محتاجه لك قال لاعادي تامريين الحين جاي
((كنت ابيه يحس بالمسؤؤليه..وبعد ماابي ارجع البيت لحالي وانا دايخه ))
رجع وانا في البيت وراميه نفسي على السرير مرره تعبانه دخل ومن غير نفس يكلمني قال قومي لللمستشفى تخيلوا ولايساعد ولاشي انا اسحب نفسي سحب((اشوف وجهه متاثر بس مايمسكني))
هو قدامي يمشي وانا ورااه اسحب نفسي سحب ..استغربت يقولون لما تحملين يدلعك واالله شكله زوجي مايحب يجاامل خخخخخخ:35:

وبالمستشفى حطوا لي المغذي قال انا بروح اكل جوعان اذا خلصتي كلميني..
تخيلووا وربي انهرت من البكي....

ايام الملكه كان دايم يقول انتي وش سويتي فيني والله احبك اعشقك كلامه يحسسني انه مييت علي ..

وللحين لو سالته قال امووت فيك
بس اصحابه ماخذينه مني يطلع معاهم اكثر ممايطلع معاي...

وفي شي
انا اعترف اني تسرعت وحسسته اني ميته عليه عشان كذا هو الحين يكلمني بثقه ((بحكم اني احلى منه بواايد..كان يقول لي انا اهلي دايم يعيبون علي لاني اسمر ويابختي اني اخذتك
وكنت اعطيه الثقه واقول له والله انك مملوح ومافيك شي,,احسه الحين تكبر علي))

وصار يحسسني اني انا الاحقه..
يقول لي قربي واذا قربت قال وش تبين ملاحقتني هو يضحك بس احسه يقصد

كاني ممللته مني والحين ابي اثقل دايم اناديه بحبيبي وقلبي واحلى الكلام
ذاك اليوم يقول لاتقولين حبيببي
ناديني بإسمي؟...

وبنفس الوقت يبي دلع ورومنسيه شلوووون؟؟؟؟

والله تعبني
تصدقون الحين صار بالعلاقه مافي مقدمات على طول .....
وكذا مره اقول له انا احتاج مداعبه وحركات يسكت...


ابي اكوون جريييئه واخذ قلبه..

بليييييز
خبرتكم يابنااااات
واالله تعبت
الحمدللله انا متوكله على ربي وادعيه بكل وقت بس احتاج للمشووره...
ربي يجزااااكم خييييييير​

 

[بسبو]

هو يحبك بس مايعرف يعبر وهما كدا كل الرجال لازم انتي تقوليلو تبغي ايش يعني حسسني انك خايف على انا محتاجتلك وزي كدا ترى هو يحسب ادا وصللك المستشفى خلصت المهمه واذا اكلتي ماقصر واذاوداك بيت اهلك تجمل معك انتي ياقلبي دربيه

 

[chorook]

ما تمرين به الان كل امراة جربته واتحدى اي واحدة تقول انو زوجها اهتمامو زاد عن الاول مشكلتك كلنا مررنا بها وتالمنا لها اختي تاكدي ان حب زوجك يزداد بوما بعد يوم لكن هرمون الحب بدا يسير في وتيرة الشبع ومشاعره الجياشة بدات تستقر فاياك ان تظني ان حبه قد قل او راح ابدا انصحك بالتوازن في كل شيئ في عطاءك وحبك واهتمامك واياك والتملل والاستنفار والاستنزاف هي حرب لكن حرب مع نفسك حتى تتقبلي الواقع هو نعم يحبك ولكن يحب نفسه ايضا فحققي هذه الموازنة احبي نفسك واجعلي زوجك وبيتك جنة يفوح منها رائحة التفاهم والاحترام واياك والعصبية فانها داء ل دواء له ودائما عليك بالتروي والحكمة واخيرا فان حب المراة يزداد بالعطاااااء وحب الرجل يزداد بالاخد فتعلمي كيف تاخدي بقدر عطائك ودون ان يدري مع تمنياتي

 

[صوتي نغمه]

ماعليه حبيبتي لاتصيرين لازقه دايم يعني
لاتشدين ولا ترخين الحبل وانتي حامل طنشيه الايام هاذي بس قومي بواجباته كزوجه يغاكي
زي ايام الملكه يموت عليكي من بعيد لبعيد واذا امكن روحي لاهلك نقاهه
لو يومين ولاتتصلين واثقلي واذا قال ليش لااتصال ولا شي قولي انشغلت ولا من اوناسه
مااتذكر الابعدين وحسسيه انك مبسوطه ورجعي ثقتك بنفسك ودللي عمرك
صدقيني بيحن لك ويرجع لك وكلامك الحلو هذا خليه كل يومين ثلاثه علشان يحس
في شي جديد وشخصية زوجك تحب التجديد يعني اليوم مشغوله
اليوم الي بعده كلام حلو الي بعده هواياتك الي بعده صاحباتك ولا تكثري رسايل واتصالات
وخليها بين فتلره وفتره والله يخليكم لبعض

 

[ام ولودي وحزومي]

عادي كلهم كذا ما يعرفون دفشين تربيتهم كذا ما تربوا صح ما تربوا على الحنيه والرقه تلاقين الولد في العيله ما احد يحنن عليه حتى امه ممكن لو عمره 8 سنين ما تضمه ولا تطببطب تقول عيييب وزي كذا في المساكين رجالنا اعذريهم كيف تعرفين حبه لك اذا اعطاك فلوس وخلاك تشترين اللي نفسك فيه وما صجك بالسوق اذا سمحللك تروحين عند اهلك اذا جو اهلك البيت تلاقينه يرحب ويهلي ويكرمهم اذا راح يقضي مقاضي البيت يزود على اللي طلبتيه ويجيب عصير وشكولا بدون ما تطلبين اذا ما مد ايده عليك وكفخك ولعن ابو جدك هذولا هم رجالنا الله يصبرنا عليهم ويخليهم لنا لاكن حنا لازم نتدارك الوضع ونربي عيالنا على الحنيه من صغرهم ونخلي الولد يحن على اخته ويهتم فيها ويجيب لها هديه اذا نجحت ونعلمه كيف يعبر عن مشاعره عسانا نتدارك خطاء امهاتنا ونعوضه في عيالنا وسلامتك

 

[الله يازمن]

عادي حبيبتي كلنا مرينا بهذي الحركات مثل ماقالو الاخوات اهم شئ خلى بيتك جنه لزوجك ولك

 

[saniaend]

ما حبيت اطلع من غير رد فربي يفرج همك ويكمل حملك ويرزقك الطفل الكامل الصحيح المتعافي ويسعدك ويفرج همومك

 

[مجنونه زعلاته]

لاني احس زوجي بيطير مني ومو عارفه اتصرف:8: ( مابيطير ولاحاجه ان شاءالله :22​

انا متزوجه لي شهرين وشوي وتوني حامل لي اربع اسابيع ...(مبروك وعقبالي يارب بالحمل السليم يــ:8:ـــارب)​

زوجي احسه جنووبي غربي( مثل زوجي :32

​

وصار يحسسني اني انا الاحقه..
يقول لي قربي واذا قربت قال وش تبين ملاحقتني هو يضحك بس احسه يقصد
( ههههههههههههه:31:ههه حركه حلللوه بسويها في الجوجو فديته يمزح معك صدقيني )​

ذاك اليوم يقول لاتقولين حبيببي
ناديني بإسمي؟... ( عادي ياكروشه انا زوجي يحب اناديه باسمه او بالدلع حتى هو طلع لنفسه اسم الدلع ومره قلي خلاص كل اشوي حبيبي حبيبي بس عادي مازعلت:35: )



وبنفس الوقت يبي دلع ورومنسيه شلوووون؟؟؟؟


(انتي الحين عشانك حامل صايره حساسـ:25:ــه وزعوله واذا انه مايهتم فيك معذور بداية الزواج وباقي مايعرف اشوي اشوي ويتعلم اصبري اصبري عليه ....) ( لمن يجي البيبي:12: كيف حتدلعينه !! دلعي الجنوبي حقك زي البيبي :11

تصدقون الحين صار بالعلاقه مافي مقدمات على طول .....


(ترا الجنوبي كذا حتى زوجي نفس الشي والله والله قمصان النوم باقي كثير مالبستها من مقاضي الزواج اتخيلي انا ليا 3 سنوات وشي واذا لبست قميص فهي لبسه وحده لانه يطب فجأه من غير مقدمات وفي اي وقت يعني مفاجأه بس حلو ...
احس مالها طعم لو يكون بوقت محدد وحده من صحباتي زي كذا وقت محدد وايام محدده
ابدا مايعجبني ..حلو كذا يطب فجأه )



وكذا مره اقول له انا احتاج مداعبه وحركات يسكت...
(ماشاءالله عليك رايحه فيها انا الى الان استحي اقله ولو ابغى اقله شي زي كذا لازم في الظلمه استحي والله) ​

ابي اكوون جريييئه واخذ قلبه..(ع السرير الجنوبي يموت في الجريئه ع السرير دامك ماشاءالله فيك من الجراءه طلعيها ع السرير وحتاخذين قلبه صدقيني وبالعافيه عليك هههه)​

​

 

[تشكرات]

لا تقارنــي فترة الخطوبه بما بعد الزواج ...ليس لأنّ الحب أنتهى

ولكن لأنّ المسؤوليّه أصبحت اكبر ...ولذلك اصبح زوجك ( عملي

أكثر من عاطفـي .....فلا تكبّري الموضوع وتعطيه أكثر من حجمه

يعنــي زوجك ( ماقصّر معك ) .....طلبتيه وجاء لك ....وذهب بك

الى المستشفى ....كونه كان جائعآ وأعتذر منك ( هذا لا يعني

أنه متغيّر عليكي ....لا حبيبتي ...لا تفكّري هكذا ...أدري أن الحمل

يسبّب الحساسيّه الزائده ....وكلّنـا مرّت بنا هذه الحساسيّه .....

وبالذّات مع أوّل طفل ..فهذا شئ طبيعي جدّآ ....فلا تقلقي ...

فحب زوجك موجود بحول الله ......

وبالنسبه لحركاتك معه >>> حاولي أن تكونــي ( متغيّره ) كلّ يوم

يختلف عن الذي قبله ( حتى لا كوني ملوله في نظر زوجك ...يعني

مو كلّ يوم تناديــه حبيبي ....أعتقد أن هذا شئ ممل ....غيّري ..

مرّه ناديه باسمه ...ومرّه ناديه بحبيبي ..ومرّه ناديه بأبو الشّباب ...

وهذا نوع من المداعبه والمزاح ....ومرّه ناديه بأبو فلان ( على الاسم

الذّي أخترتموه لأبنكم القادم بحول الله ....هكذا كونــي متلوّنــه كل

يوم ....

وعلى العموم >>>مادام زوجك رجل يخاف الله ومحترم فلا تخافي

أبدآ من تغييره .....ربي يسعدك ويشرح صدرك ....

 

[عيوف]

لا تصيرين حساسة مررررررررة ...

اللي صاير لك عااااااااااااادي جدا ..

أنا زوجي لما كنت حامل ما أقدر امشي من الم ظهري والله انه دازززز قدامي وانا يالله الحقه هههههههههههههه

ولا زعلت ولاشي .. مع العلم انه اول حمل بس انا تعودت على شخصيته ..

وبعدين خفي شوي من التلزق والرومانسية عشان ما يمل ... يوم كذا ويوم كذا ..

وسلامتك..

 

[Smsooma]

اهم شي لاتقارنيه بأيام الملكه لأن زوجي شمالي شرقي وماادراك ما الشمالي الشرقي
ايام الملكه كان ملااااااااااااك شي مو طبيعي انا قلت لا هذا الرجال مافي زيه بالدنيا كلها وكنت احس ان الناس حاسدييني عليه
وبعد الزواج بعد كم شهر بدأ يبين في مواصفات الشمالي الشرقي والحين على طول مشاكل لدرجة حسيت المشاكل مو طبيعيه
قلت اكيد عين بس لمى عرفت شخصيته تأكدة انه مافي امل يتغير لازم انا اغير من نفسي عشان يتغير وقبل كم شهر طحت على رجلي وباليل من كثر الالم والله مانمت بس ببكي بس بدون صوت سايلنت ههههههه وقمت ابغى اروح الحمام من كثر الالم والله طحت ماقدرت اقوم
تخيل قام شافني ورجع ينام وانا مكاني مو قادره اوقف حسيت مره كرهته هذاك الوقت واليوم الثاني يقول ماخليتيني انام
بس الحين الحمدلله عرفت كيف اكسب قلبه حل سحري كثري الاستغفار والدعاء بكل فرض بالسجود ولاتنسي قيام الليل والكلمه الطيبه
الله يوفقك