خيّرته بيني وبين علاقاته و ... ؟؟؟

[كسيرة قلب]

باختصار شديد تزوجنا عن حب عاصف انجبنا طفلين لي معاه سبع سنين تخللتها بعض المشاكل
زوجي عنده مميزات كثيييييره بس فيه عيوب اهمها (الكذب)
يعني يكذب بالسوالف العادية موبس عشان يخفي حقيقة لأ مجرد إنها عادة عنده
المهم كنت اثق فيه ثقة عميا أو بالأحرى أثق بنفسي ثقة هائلة وكنت أظن إن أي رجل يرتبط فيني مارح يلتفت لغيري!!!
لكن للأسف اكتشفت إنه التفت وكلم وأرسل ويمكن بعد قابل
كل مره اواجه يثور وينكر ويعصب ويقول خلاص انتهينا مع اني متأكدة من كلامي
ارجع الم الموضوع لأني أحبه وماابغى الطلاق
وبعد فتره اكتشف شي ثاني واواجهه وينكر
مع العلم انه يغار علي موووت أكثر من غيرتي عليه.
قبل شهرين صارت بيننا مشكلة بعد مااكتشفت شي اعترف على طول غير عن عادته ومسك ايدي ودمعت عينه ووعدني ان اللي راح راح واننا لازم نفتح صفحة جديدة , قلت له حاضر ابشر من اليوم ثقتي فيك انولدت من جديد !!!!!!!!!!
اليوم وصلت حدي بعد مااكتشفت امر وعدني انه انتهى وكذب علي ماأنهاه.

خيرته بيني وبين علاقاته عن طريق مسج لأني ماأكلمه
جاني زعلان وقال انه تعب من ظلمي له وإنه خلاص لازم ننتهي !!!!!!!

انصدمت بس ماخليته يحس بضعفي لان كل مشاكلنا الماضيه كنت اضعف وابوس راسه واخااااف
من سيرة الطلاق.
اليوم قلتله خلاص إذا بتختار طريق الباطل على زوجتك وأطفالك حتى أنا ماأبيك .

قال خلاص جهزي اغراضك وأنا بتفاهم مع أهلك .
بعد ماطلع بساعة ارسل مسج : خليك في البيت مع أولادك وانت بحالك وأنا بحالي لين أشوف .

بعد وقت طويل ارسلت له مسج : ( وبشر الصابرين).

وش رايكم ياملكات .. وش أسوي ... أنا صحيح ماابي الطلاق بس بعد مااقدر اتحمل إن زوجي يعرف غيري
ولا يمكن يحب غيري .

عشان اريحكم من بعض النصايح أنا ماناقصني شي ولا منقصه عليه شي وعايشه معه كأم في الصباح بحناني وصديقة في المساء بخفة دمي ومشاركتي اياه اموره ومشاكله وعشيقة في الليل بجرأتي وووووو الخ .

أنتظر آرائكم ياغاليات.

 

[دانة_بوظبي]

مثل ما انتي ماتبين الطلاق .. باين عليه هو بعد مايبي .. والدليل انه طرش لج مسج .. خلج في البيت ..
وهو يوم قال لج جهزي اغراضج .. بوديج .. يمكن كان ينتظر ردة فعلج .. ورفضج لكلامه .. بس صدمتيه يوم سايرتيه ..

هااي فرصتج الحين تعطينه درس مااينساااه .. ويبتعد عن خرابيطه .... بس فكري .. وخلي بالج طويل ..

وشوفي البنات بشوو بينصحونج .. وشو الافكار اللي بيعطوونج ايااهـا ..

 

[اميره وكلي دلع]

ياحبيبتي يالغلا اغلبية الرجال طبعهم الخيانه ومو عيب فيك لا والله عيب فيه اهوه
يالغلا زوجج عارف انج ضعيفه امام الطلاق عشان جيه اهو يستغل هالشي فيج والدليل انه قالج ان كل شي بينتهي وبعدين لما وافقتيه قالج يلسي فالبيت لحد مايشوف حل اهو ماراح يشوف حل اهو راح يطنش لحد ماترظين بنفسج
لازم تكونين قويه وماتصيحين
ولا تبينين له انج حزينه اهو مو خانج خان ربه وربه يحاسبه
اانا نصيحتي لج تعرفين شخصيته اكثر وهل اهو يحبج ومايقدر يستغني عنج وهل هذي مجرد علاقه عابره وانتهت اذا اهو انسان فعلا متعلق فيج وفعياله خليه يحس بقوتج وروحي بيت اهلج وقوليله انت قلت لي وانا اخيرك يا انا يا علاقاتك
بس قبل لازم تعرفين انتو شو بالنسبه له لان لو انه ما يحبج راح يخليج بيت اهلج ولا يسال عنج
الله يسعدج ويفرج عليج كربتج

 

[همس الخيال*]

يووووووووووووه يالغاليه كل الرجال خاينين انا زوجي اكبر خاين بالسعوديه واشوف قدامي وازعل وهو يحلف وينكر والله شي يتعب مدري وش اقول لك لان الحال من بعضه وانا ماعندي لك غير الدعاء ان ربي ييسر امرك

 

[أميرة بكلمتيـ]

عزيزتي اذا لم تتخذ المرأة مع زجها موقف حاد من البداية
فإنه سيبقى يخطيء ويتأمل منها العذر الى ان ينقضي الصبر
وليس في كل مرة تكون نزوة عابرة
احيانا تتطور العلاقة الى حب ..
انتي كما قلتي لاينقصك شيء وفي كل مرة يعتذر ويعود للخطأ اين تكونين
حتى لا تلاحظي امره من البدء من الجميل ان نسامح لكن نبقى لفترة ننام وعيوننا مفتوحه
لا تغلقي جميع المنافذ معه الان لاسيما وان بينكما اطفال وانتي لاتريدين الطلاق
هو ابقاك في البيت وسكت وماذا بعد السكوت
هل تعرفين ماذا يفعل الان ؟ وكيف يمارس حياته ؟ وهل هناك علاقة او لا !
استدرجيه بكرامتك ليعود
وبعد ان يعود راجعي قاموس حياتك
ربما اعطيتِ الاطفال الكثير منك ونسيت ابوهم
حاولي ان تجددي حبكما سافرا اخرجا انتي وهو بعيدا عن الاطفال في تمشيه خاصة
اجعلي كل ليلة غير بلمساتك الخاصة
كل يوم ارسلي له مسج في اوقات مفاجأة تكون من كلماتك واحساسك انتي
ترى في اشياء تجذب الزوج بسيطه وسهله ولا تكلف لا المال لكن قليل من التنسيق والعاطفة
مع الوقت صدقيني بيترك العلاقات لكن قبل فكري كيف تصيرين كل النساء في امراة


اهم شي اكسري هالحاجز اذا بادرك وارسل
وليني الجانب وخليه يرجع بدال مايكون في احضان علاقة اخرى

وربي يسعدك

 

[مشكلتي حساسه]

يابنات ماتفهمون(الكذب ملح الرجال)<<وحده فقده الامل في اي رجل
الرجل مخلوق من الكذب حتى لو انه ماسوى شي لازم يكذب واحلى شي عند الرجال لما تقول حرمته احلف لانه كذا يحلف ويصير بيرئ..انا زوجي لو ادخل عليه وفوقه حرمه قال قسم موب انا واحد يشبهني

 

[hnoon]

السلاااااام

صرااااااحة الموضوع محيررررررررررررر

بس من رأيييييييييييييييييييييي

انك تحاولي شده لك

وووووووانو تغيييييييييييييييييييييييييري

هالطبع فيه

تنصحييييييييييييييه

تعلمييييييييييييييه

تغيريييييييييييييييييه

بمعرفتك


لان عندك اولالالالالالاادك

والا كان ماتجلسي معاه

بس عشان اولادك ضحي

تقبلي مروري

حنوون​

 

[ياربي انصرني]

علاقتك معه من البدايه وقبل الزواج علاقه محرمه والعلاقات التي على هه الحال مألها الفشل حتى لو استمرت سنيين 000

لان الحب قبل الزواج يبنى البيت على اساس هش عكس البيوت التي تبنى على الحب بعد الزواج تكون اقوى000

والان اكثري منالاستغفار واسئل الله ان يرده لك ردا جميلا000

 

[الجذابه]

مشكلتك انك تبحثين وراه وتتبعينه ..

يعني انت تدرين انه كذاب وانك ان كشفتيه بيحلف ويتظاهر قدامك بالتوبه ويرجع وانه حتى لو اوهمك بالصدق فإن ثقتك فيه مهزوزه .. لانه بالفعل كذاب ..

وشوله تبحثين وراه وشوله تتعبين نفسك ..

صحيح انا معك في ان هالشي يجرحك ويتعبك لانك تغارين عليه موت وتنقهرين بس وش بيدك تسوينه وماسويته ..

اذا على قولتك انت عاملتيه بالطيب وماقصرتي عليه وعالرغم من ذلك عينه زايغه ويدور ويطالع لغيرك وش بتسوين بالله ..

لو انا منك اعيش معه واستمتع بحياتي دامه زوجي ودام انا احبه .. واستهلك كل طاقته ولااخلي للعشيقات قدر ذره يستمتعون فيها ..

يعني اهلكيه بحبك وحنانك واهتمامك ورعايتك دام هالشي تبينه ودام هالزوج تحبينه ودامك تموتين فيه استمتعي فيه وتغاضي عن تفاهاته ومكالماته اذا كنت مقتنعه انها مجرد علاقات ماتدوم يعني مو وحده بعينها ومستمر معاها ..

لانه بيمل وربك بأذن الله بينصرك لانك انت الحلال وانت الزوجه وماراح يبني معهم علاقه جديه ..

طبعا هالطريقه ماتطبيقينها الا ان كان زوجك لعاب يعني من علاقه بعلاقه ومن وحده بوحده يعني تقضية وقت ولعب مع بنات الناس لان بعض الرجال يكوّن علاقات لمجرد المتعه ولا له اي نيه جاده بالامر ..

اذا هو يحبك ومتأكده من هالشي لاتتركينه اذا كنت تحبينه ..

واللي ظاهر انه يحبك ومتعلق فيك بدليل ردة الفعل بسالفة الطلاق ..

استمتعي بحلالك ولاتتركينه لبنات الهوى وخليك بعينه الاهم من كل شي بحياته ..

انت حاليا ومادام انك اتخذتي هالخطوه كملي تأديبك له يمكن طريقتك تنفع ويتوب ..

لكن ان مانفعت وماتاب تغاضي وعيشي حياتك معه واستمتعي بكل لحظه تعيشينها معه اشغليه بأسلوبك بحبك بطريقتك الحسي مخه خليه يشوف ان البنات هذول ولاشي بنظره وخليه يلعب ويلعب ويلعب ويرجع لك ..

عيشي حياتك ..

عيشي حياتك ..

و ..

عيشي حياتك .. اي استمتعي بحبك وحلالك .. ولاتتركينه لهم ..
وانا متأكده ان هذا اللي تبينه .. لاتشغلين نفسك بعلاقاته وتفاهاته اعتبريها تفاهه خليه يحس ان اللي قاعد يسويه غباء وتفاهه وانك عايشه حياتك ومستمتعه لانك ماشيه صح ومااخطيت بحق احد بيجي اليوم اللي يستحقر فيه نفسه ويرجع لك بكل جوارحه..

بس اهم شي لاتهملينه ابدا ..

والله يوفقك ويعينك وييسر لك امورك وينصرك ..

 

[*^ ندى الورد ^*]

لازم تعرفي وش وش نوعية العلاقات ؟ ممكن يعتبرها صداقة ومو شرط انها توصل لحب .
انتي تعاملي مع عشيقاته اولا وهدديهم , وهو هدديه بالفضيحة بين اهله .
وحرام تهدمين بيتك بينكم اطفال.

 

[كسيرة قلب]

ياصديقات البوح :
دانه/ يسلم قلبك يارب .. أشكرك
أميره وكلي دلع/ أنا واثقه إني مهمه جدا في حياته وواثقه إن علاقاته عابره ومتبااااعده يعني كل فتره سالفه . الله يعطيك العافيه
همس الخيال/الله ييسر امري وامرك ,, شكرا
أميره بكلمتي/ أشكرك على كل كلمه ياأميره
مشكلتي حساسة/ أضحك الله سنّك ياعسل وربي ضحكتيني همّ يضحّك وهم يبكّي
hnoon/أشكرك ياعسل
ياربي انصرني / جزاك الله خير بس ياأختي مايجوز تحرّمين وتحللين دون علم بالتفاصيل هذا أمر خطير.
الجذابة / اسلوبك راائع وجذّاب ورأيك يؤخذ بالإعتبار.
ندى الورد/ نوع العلاقات تسليه , أشكرك ياندى.


حبيباتي عندي الجديد احكيه لكن الليله لأني مشغووووله بإعداد الفطور
بس ماحبيت أطوّل وأنا ماشكرتكن .
الله لا يحرمني منكن