خيانة ×خيانة × خيانة ،،، أيش السبب ؟؟

[عشق الأمل]

السلام عليكم ورحمة الله وبركاته ،،،،،،،،،
الحمد لله رب العالمين ،، والصلاة والسلام على أشرف المرسلين عدد ما ذكره الذاكرون وغفل عنه الغافلون ،،​

صباحكم عسل ومساكم ورد وجوري​

واضح جداً من العنوان إني راح اتكلم عن الشغل الشاغل للجميع في هالمنتدى​

فالملاحظ عند الجميع أن أغلب المواضيع اللي ​

تنطرح هي عن​

الخيــــــــــــــــــانة ​

سواء في قسم الاستشارات أو قسم الزوج ​

والزواج ،، فالكل يشكي والكل ينوح وتقريباً ما تخلو ​

قصة من خيانة ،، لدرجة أن كل وحدة قامت تشك​

بزوجها وتراقب تصرفاته وتقول : معقولة ما ​

يخوني .... معقولة يكون غير عن باقي الرجال ؟؟​

فيا ترى شنو السبب اللي يخلي الرجل يخون زوجته ؟​

المرأة مسيكينة مو مقصرة وبلسانها تعترف وتقول ​

ما بقى شي إلا وسويته له​

تغيير في شكلي غيرت ،، ​

تغيير في بيتي سويت ،،​

ليالي الوان وأشكال ،، ​

يعني تجديد في كل شي ، ​

وفوق هذا كله يخوني ،،،​

اسمحوا لي إني أعرض عليكم وجهة نظر يمكن ​

تكون صدمة لبعضكم ويمكن البعض الآخر يأيدني ​

فيها​

سمعت مرة الدكتور طارق الحبيب يحلل شخصية الرجل الخائن ،، ​

روووووووعة والله ما صدقت ​

بسم الله ما شاء الله عليه​

اللي يعجبني في هالدكتور هو وعيه ​

الكبير بتخصصه يعني مو مجرد علم ويوصله لك ،،، ​

لا​

هو يربط الأشياء ببعضها ويبهرك بطريقة حله ​

للمشاكل ​

اسمعي ايش قال عن سبب الخيانة ​

الدكتور الحبيب الله يحفظه رجع سبب خيانة الرجل​

لزوجته إلى تربيته من الصغر ... ​

يقول : إذا كان مع أمه في بيت زيارة لناس​

- وتعرفون الطفل ما يجلس دقيقتين على بعضهم ​

في مكان واحد يحوس فهالبيت حوس واذا لقى ​

لعبة أو تحفة صغيره ياخذها ويشبص فيها واذا ​

حاولت تاخذها منه شيفكها من صياحه ذيك الساعة -​

يقول الدكتور إذا أمه تركته ياخذ اللي يبي وما ​

منعته فهي تزرع بداخله أنك عادي تمد يدك على ​

ملك غيرك ،، ​

عادي تتعدى على حرمتهم وتاخذ شي مهو لك ​

عاد تعرفون الله خير أحنا محد عندنا يساعد على ​

التربية الصح يعني حتى الأم لو ما تبي ولدها ياخذ ​

اللعبة تجيك صاحبة البيت وتقول لها : حرام عليك ​

توه صغير وخاطره فيها ،، إلا لعبة بتكسرين خاطره ​

عشانها ،، لا وتلزم أنه ياخذها حتى أن ولدك ساعتها يكرهك لو رفضتي ​

ويزيد نياحه لين ياخذها ويمكن هو عنده أحسن​

منها بالبيت بس اللي عند غيره بعينه أحلى​

ولو راح البيت بيلعب فيها شوي وبعدين بيمل منها ​

بيرميها وبيرجع للعبته ​

انتهى كلام الدكتور وانا باضيف عليه ​

- والله أقنعني هالدكتور -​

أحياناً الولد يحاول يدخل غرف البيت اللي هو ​

زايرهم مع أمه أو يفتش في أغراضهم ولا حد ​

يكلمه أو يفهمه أن هذا بيت نا س وما يجوز نتعدى ​

على حرمتهم ​

طبعاً هالطفل راح يكبر بهذي العقلية اللي هي​

لما تشوف شي مهو لك عادي تاخذه ،، ​

لما تدخل مكان مش مكانك عادي تتطفل عليه ،، ​

لما تشوف حرمة ماشية في طريقك عادي تبصبص ​

لها ،، ​

لما تصير مراهق وتحس بميل للجنس الثاني عادي​

إنك تشبكها وتكلمها أنصاص الليالي وتتعدى على ​

حرمة أهلها وتكلمها وهي وسط بيتهم ولا كأنه ​

صاير شي ،،، ​

ويكبر ويتزوج وهو عنده كل شي ​

عادي ،، ​

عادي ،، ​

عادي ،،،​

يعني لو شفت واحدة في أي مكان عادي أنك ​

تكلمها وتكون علاقة معها لا وتصر لين تفوز بها ​

حتى لو عندك في البيت أحلى منها وأطهر وأنقى ​

وبعد مدة راح تمل منها وترجع للعبتك اللي في ​

البيت - اقصد زوجتك -​

ولو لقيت لعبة غيرها مرة ثانية ما عندك مانع إنك ​

تعيد الموال مرة ثانية وتصر على اللعبة الجديدة ​

لا وأحياناً راح تلاقي من يأيدك من اللي حواليك ​

مش هذا اللي صاير في مجتمعنا يا بنات ،، ​

والله إنها ثقافة مجتمع بالكامل ​

يعني لما يصادفك رجل في أي مكان والله أنه ​

يخزك خز حتى لو كان ملتحي ولحيته اشطولها ​

وحتى لو أنتي متغطيه من فوق لتحت يخزك يعني بيخزك ،، ​

ولو شافك مراهق وأنتي بالسوق بيلاحقك ويرقمك ​

حتى لو كنتي كبر أمه ​

لأنه للأسف طبع انغرس فيهم من الطفولة ( دور على لعبة غيرك تاخذها لك )​

ولأنه ما ​

انحطت لهم خطوط حمرا من الصغر أن هذا ما يجوز ​

هو للغير مش لك ​

اللي حبيت أقوله أن تغيير هالشي بيدنا احنا لأن ​

احنا اللي قاعدين نربي الحين ،، خلينا نربي صح ​

،، خل نحط خطوط حمرا للطفل ،، بنت أو ولد​

لازم نربيهم على نفس المبدأ​

ما يجوز أمد يدي على ملك الغير​

ما يجوز أتعدى على حرمات الناس ​

اللي عند غيرك عندك مثله بالبيت وأحلى وااااااايد منه ​

ايش رايكم يا بنات أنا على حق والا أخطأت​

أتمنى أني وصلت لكم الفكرة صح ​

 

[الطيور المهاجرة]

صدقتي في كل ماذكرتي ولكن ياعزيزتي هو يكبر ويدرك ان هذا ملكه وهذا ملك غيره وانت لاترضي ان يعتدي احد علي ماتملك وأضيف أيضاً من اهم الأسباب ضعف الوازع الديني البعد عن الله أني أعاني من الخيانه فرج الله همي وهم كل مهموم **

 

[كنت احبة]

سلمتي اختي كل ماذكرتية صحيح بس شنقول ( شوف عينك حظ غيرك)

 

[الاميره الهادئه]

جزاك الله كل خير معلومات مفيده اختي سلمت يداك على الطرح الرائع

 

[عسوله هانم]

بجد موضوع كتير مفيد ونحنا ما بنعرف انو هاى هو سبب خيانة الزوج من هاى السبب مشكورة اختى على الموضوع الجميل

 

[بلقيسيه كوول]

صحيح اختي كلامك سليم 100%100
مشكلة التربية من الصغر يعني اهم مرحلة في العمر الخمس سنين الاولى واحنا في مجتمعاتنا في ذا السن لسه صغار مايفهموا وتمضي اهم مرحلة في حياة الانسان دون توجيه صحيح بسبب الفهم المغلوط انهم صغار ومايفهموا
جزاك الله خيرا على طرحك المميز

 

[جنون حلم]

قولي امين ،، ربي يسعدك على هذا الموضوع الروووعه
اختصرتي وااااقع كامل بكلمه ,, التربيه
وصدق من قال الام مدرسة اذا اعددتها اعددت شعبا طيب الاعراق

 

[عشق الأمل]

الطيور المهاجرة
صدقت فعلاً الوازع الديني هو الأساس
لو تربى من صغره على الدين ما سوى اللي سواه

ممتنة كثيراً على مرورك وتعليقك​

 

[عشق الأمل]

كنت أحبه
الأميرة الهادئة
عسولة هانم

جزاكم الله كل خير على ردودكم
تقبلوا محبتي​

 

[عشق الأمل]

بلقيسية كوووووول

وجزاك مثله وأحسن منه
وأتمنى أنا نستفيد من أخطائنا مستقبلاً
الله يسعد قلبك​

 

[عشق الأمل]

جنون حلم

اللهم آمين ولك مثله وأحسن منه إن شاء الله

الله يسعد قلبك وينور دربك​

 

[مجاديف الزمن]

سلمت اناملك يالغاليه كلامك جواهر
اعاننا الله على تربيه ابنائنا التربيه الصحيحه
لان المجتمع اصبح مخيف ولم اكن اتوقع ان اكون من الزوجات اللي يخونوهم ازواجهم لكن الحمدلله
رب العالمين والله يرده لي ردا جميلا مستعان

 

[عشق الأمل]

مجاديف الزمن

الله يكون بعونك ويثبتك حبيبتي

الخيانة شي صعب الله يشفي هالرجال منها

أشكر لك مرورك​