خوذوا كلام جحيش مآبـه تكاذيـب

[زحمه مشاعر]

اهلين حبايبي
اليوم جايبه لكم قصيده شخص اسمه جحيش بن مهاوش طبعا هو والد لاربع عيال توفت امهم وماتزوج بعدها من خوفه على عياله الي لما كبروا وزوجهم مالقى غير الجحود منهم واهتموا برضا زوجاتهم على حساب ابوهم الين تركهم ودعا عليهم بهذي القصيده وبعد مادعا عليهم ماحد منهم خلف عيال وانقطع نسلهم
سبحان الله --





قـال الـذي يقـرا بليـا مكاتـيـب=يلي تقـرون العمـى مـن عناكـم



يا عيال يالـي تشرفـون المراقيـب=تريضولي وقصـروا مـن خطاكـم



خوذوا كلام جحيش مآبـه تكاذيـب=مثل السند مضمـون للـي ووراكم



يا عيال وان صرتوا ضيوف معازيب=ترا الكـلام الزيـن ملحـه قراكـم



تراالبلاسـه مـن كبـار العذاريـب=تـرا البلاسـه مـا تطـول لحاكـم



يصير بعيون ألرفاقـه تقـل شيـب=لامنـه اقبـل قيـل هـذا بـلاكـم



المذهب المذهب ترى المذهب الطيب تـرى ردي المذهب يبورنساكم




ياعيـال ماسرحتـكـم بالواهـيـب=يا عيال ما عمـر المعـزب ولاكـم



ياعيـال ماضربتكـم بالمشاعـيـب=ولا سمعوا الجيـران لجـة بكاكـم



ياما تمسعرت الخلايـق تقـل ذيـب=من خوفتي يقصـر عليكـم عشاكـم



أحفيـت رجلينـي بقيـظ ولواهيـب=وخليت لحم الريـم يخالـط غداكـم



واليوم شوفوا لحيتـي كلهـا شيـب=وشوفوا محل تخوضعي فـي ذراكـم



قمت اوكاء فوق عوجاء المصاليـب=وقصرت خطايا يوم طالت خطاكم



ياعيال يا عيالـي عليكـم مطاليـب=عطوني ألقرضـه جـزاء موتاكـم



خوالكم ياعيال هـم منقـع الطيـب=يا عيال مدري ها لردى منين جاكم



ياعيال ياعيال الخناء كلكـم عيـب=يالـي علـى الوالـد كثيـر ألغاكـم



تروشوننا روش الانعـاج المهاديـب=والا حديـا ياعلـى مـن نسـاكـم



قصيتكـم وأسنـدت وادي سلاحيـب=ولقيت بالصبخـه مـدا فيـق ماكم



يا عيـال بعتونـي بصفرالعراقيـب=ماهـي حقيقـة سـود الله أقـراكـم



عسـا نساكـم لاتحمـل ولا تجيـب=ويبقـن رمالـى وعايشـات بلاكـم



وعسي قمركم لا يظهـر ولا يغيـب=والشمـس مطميـه ومعتـم سماكـم



ولا بد ماهوعـاوي دونـي الذيـب=بالقبر مفـرق طيبكـم مـن رداكـم

​

 

[- نور الليالي -]

لاحول ولا قوه الا بالله يارب رحمتك قصيده حزينه جدا ومبكيه

 

[هدوء أميرة]

مشكورة غلاي قصيدة موفقة