خوات يتزوجون اخوان وش رايكم؟تعالو وجاوبوناااااااااااا

[*غاليه*]

السلام عليكم ورحمة الله

خواتي حبيت اشوف ارائكم في سؤالي

<<اسألي واخلصي:questionmark:

وش رايكم لمن 2 اخوات يا خذون اخوان؟؟

وش الايجابيات وش السلبيات؟؟

وياليت اللي تكون مجربه هالوضع تجي وتعطينا خبرتها؟

وعموما اختي الصغيرة 23 سنه ملكت من فترة وانا28 سنه باقي​

 

[زمرة مشاعر]

انا اشوف ان حلو لأن الخوات راح يتعاونون ويسلفون
مع بعضهم وكل وحده راح تشيل الثانيه بكل شئ
بس السلبيات ان واحد من الأزواج راح يكون اتكالي
يعني ماراح يودي ولا يجيب
روحي مع اختك طلعي مع اختك
وبعضهم لما تصير مشكله بينه وبين زوجته يتأثر اخوه ويروح يسوي مشكله مع اختها
هذا رأيي وانشاء الله مبروك الزواج لكم انتم الثنتين

 

[*غاليه*]

حبيبتي زمرة اذا ربي كتب وتزوجت اخو خطيب (زوج) اختي 80% راح نكون بعاد عن بعض

يعني انا راح اكون بمدينه وهي بمدينه

وشاكره ردك الله يجزاك خير

 

[{عشق الخيول}]

عزيزتي , حطي فبالج شخصية الزوج وكيف هو ,, مااعتقد يهم اذا اخوان او لا, عادي .

اما الايجابيات اعتقد راح اتكون اكثر من السلبيات .

 

[هتوفي]

مو ضروري يكون الاخوان زي بعض يعني يمكن يكون زوج اختك قمه وتفتكرين ان اخوه زيه وبعدين تكون الطامة وانا اعتقد ان السلبيات اكثر من الايجابيات لان المقارنه رح تكون موجوده هو ريح يقول اختك وانت رح تقولين اخوك

 

[ALBDEWEYA]

السلام عليكم ورحمة الله ​

خواتي حبيت اشوف ارائكم في سؤالي​

<<اسألي واخلصي:questionmark:​

وش رايكم لمن 2 اخوات يا خذون اخوان؟؟​

وش الايجابيات وش السلبيات؟؟​

وياليت اللي تكون مجربه هالوضع تجي وتعطينا خبرتها؟​

وعموما اختي الصغيرة 23 سنه ملكت من فترة وانا28 سنه باقي​

كل شيء في الحياة له سلبيات وايجابيات
وبالنسبة لزواج اخين من اختين له سلبيات وايجابيات مثله مثل اي زواج
برأيي ان نجاح مثل هالزواج يعتمد على شخصيات ازواجكم
ما هو رأي اختك ؟

 

[مرور]

والله انا اتكلم من تجربه سلبياته اكثر من ايجابياته 00وبسبب هذا الزواج خسرت اختي ولا تجي عندي الا نادرا بالاضافه لاهل الزوج اذا كانو ا من النوعيه اللي يحبون المشاكل ماراح يتركونك انتي واختك في حالكم وانا اتكلم من تجربتي القاسيه واهم شي تستخيرين الله اكثر من مره والله يسهل عليك ويرزقك الرجل الصالح الذي تحصل به سعادتك في الدنيا والاخره وبالتوفيق

 

[*غاليه*]

اشكركم اخواتي على الردود

واحب اشوف ردود اكثررررر

جزاكم الله خير

 

[*غاليه*]

فوق.....

 

[فطوم حيص بيص]

لالالا ابدا ماأأيده وسلبياته اكثر من ايجابياته
واتكلم عن تجربه

 

[...ليووونه.....]

انا واختي مااخذين اخوين هي تزوجت قبلي ب3 سنوات

 

[درة البحار]

الله يوفقكم وأستخيروا الله تعالى هو نعم الدليل ..

وبالنسبة للإستشارة بصراحة ما راح أكذب عليك خواتي ثنتين ماخذين أخوين وساكنين في بيت واحد مفصول بينهم والسلبيات على ما شفت منهم أكثر من الإيجابيات بس الحمد لله حالهم مستتب ..

وقريبات لي أخذوا أخوان لكن الصغرى ما أستمر حالها وانفصلوا لكن السبب هي ما بغته يمكن والله أعلم بسبب المقارنة الي تهدم بيوت وبيوت..

الله يوفقك ومثل ما قلت لك استخيري وكمان استشيري كمان وكمان.. ولا خاب من استخار ولا ندم من استشار..
موفقين يا قممير..

 

[عبقرية منسية]

استخيري علام الغيوب عن تجربة اذا كانو اهل الزوج مو زينين فراح يحطونكم في خانة وحدة وبكونون ضدكم لانكن اثنين واي وحدة عندها مشكلة راح يشركون الثانية معها واذا طلع الزوج مو زين ماراح تقدر تتطلق لان اهل الزوج راح يدمرون نفسية اختها >اما اذا كانو محترمين فتوكلي على الله واهم شي نصيحة لاتهملينها خلي عندكن شخصية واصبرن ولاتردن الاسائة الا بالمعروف لانة راح يبين بعدين عليكن وهذا رزق لاتقطعينة والله يوفقكن ويرزقكن ويسعدكن أأأأأأأأأأأأأأأأأأأأأمممممممين

 

[*غاليه*]

جزاكم الله خير على الردود

بس اللي بعضكن قال لا وان السلبيات اكثر ولا شرحو ليش؟؟


وعموما ترى اهل الأولاد طيبين وامهم حيل طيبه واللي بقلبها على لسانها

وخطيب اختي مرة طيب واخوه بعد

ولاادري وش يصير مستقبلا عشان كذا استشرتكم

والله يعين عقلي ع التفكير

 

[qwqw]

طيب ياليت
مرور
وفطوم حيص بيص
يوضحون أكثر
وش السلبيات ووش الإيجابيات
عشان الجميع يستفيد

غالية ربي يكتب لك الخيرة

 

[زهرة البوادي2006]

اختي
انا 3من خواتي متزوجات اخوه وبنات عمي بعد وعايشات احلى عيشه وتعاون وتفاهم​

 

[hadifa]

أنا وأختي متزوجتان من أخوين الحياه ماشية طبيعية والحمد لله

اذا كان من عائلة محترمة ومتدينة توكلي على الله ومبروك سابقا

 

[sensation]

اتركي العباد واستشيري ربّ العباد

صلي صلاه الاستخاره ياقلبي وتفائلي بالخير

 

[عزيز الروح]

هو حلو ان خوات اياخدون اخوان .. بس اهم شيء اي مشكلة تحصل من اي طرف فيهم ..
مايخلط الجميع في هذي المشكلة ..

 

[شاكه بحبه لي]

موضوع حلو

بس انا غير انا ماخذه اخوها واهي ماخذه اخوي

شرايكم بس اهي مابعد تتزوج بعد شهر زواجهم