خوات زوجي تآمروا علي.. شو الحل؟؟؟

كاكاواا

كاكاواا

New member
إنضم
2009/01/10
المشاركات
171
السلام عليكم
شخباركم بنات؟؟؟ انا ما أبي اطول عليكم بس بذكر المشكله بدون تفصيل.. اخت زوجي قالت لعمتي اني ارمس عن بنات بناتها انهم يدخلون النت لوقت متأخر.. وانا ما يب طلري هالموضوع اساسا بس اللى صار ان زوجي عصب على اخته واخوه وقال كيف تفتحون نت في البيت وفي بنات وما عجبه الموضوع لأنه من قبل رفض ان النت ينفتح في بيت ابوه... بس عمي ما سوى سالفه وفتح نت وريلي عصب قال كلمتين وطلع...
أمس في الليل بعد الساعه 12 ونص اتصلت فيني عمتي وعصبت وقالت انتي كيف تقولي لريلج ان بنات بنتي يدخلون النت لوقت متأخر وانهم يسهرون عليه.. كيف تطلعين عنهم كلام نفس هذا وتمت تصارخ وريلي نش ومب فاهم السالفه سحب مني الموبايل ورمس امه،،، وتموا يتصارخون وامه دعت عليه وعلي وهو عصب وايد...
بنات انا ما ابي تصير مشاكل بينهم بسبتي ابدا ولا أبي اني انظلم بهالطريقه.. زوجي عصب علي قالي انا كم مره حذرتج من خواتي انهم راعيات مشاكل وامي بعد متى بتفهمين... طبعا قالي انه ما صدقهم أبد وانه يعرف خواته لأنه اتطلق قبل بسبب المشاكل وتعلم...
ابي مشورتكم انا ما زعلني إلا عمتي ما ابي اقاطعها ولا ابي ريلي بعد.. بس ما خذه فخاطري مب عارفه كيف اتصرف.. الحمدلله انا مب عايشه معاهم بس احب اوجبهم عشان ريلي بس الحين ما ابي اشوفهم في نفس الوقت قلبي يعورني لانهم بيكونون اهل اللي فبطي ما ابي اقاطعهم.. شو اسوي دلوني.. ع فكره انا متزوجه من سنه وبس؟؟؟​
 
عزيزتي الحل اتواجهين العمه وتفهمينها على كل الل صار
اذا تفاهمت معاج كان بها والا انتي عملتي باصلج وبس
موفقه
 
الله يعينج يا أختي ..

بعد استئذان زوجج .. طلبي منه أنج تكلمين أخته اللي سوت المشكلة وبكل ثقة بالنفس ( مو ضعفا منج) بيني لها أنك تحبين توضحين لها أن هي كانت على خطأ لما تخيلت أنك ورا موضوع عصبية اخوهم عليهم على موضوع الانترنت .. وأن اخلاقياتك لا تسمح لك أن تتكلمين على أعراض بنات الناس .. وأن هذا راي أخوج بالموضوع وأنتي مالك علاقة .. وحاولي تصفين النوايا بينك وبينها مو تكبرينها .. بالكلام الطيب ..

وهم دقي على خالتك ..و فهميها الموضوع ...أن زوجك من زود حرصه على البنات من حبه فيهم يخاف عليهم من مشاكل الانترنت .. وبيني لها أن أخته فهمت غلط ... وهدي الموضوع ...وعاد كيفهم جذي أنتي قمتي باللي عليج ...عجبهم الحمدلله ما عجبهم ... ادعي الله ييسّر الأمور لما هو الصالح ..
 
الله يعينك
بالاول اذا زوجك حذرك منهم يعني خلاص لا تتكلمين بالموضوع الحين
واذا رحتي مره ثانيه تفاهمي مع عمتك وانك مظلومه
لا تهتمين منهم أهم شي زوجك وبس
ربي يسخركم لبعض
 
شوفي شي اسمه اخوات او اهل زوجي انسيه حتى في سوالفك انتي وزوجك لا تجبين طاريهم ابدا وام زوجك خليك رسميه معها مره لا تعطينهم اكبر من حجمهم اهم شي عزي نفسك لا تخلينهم يوطون عليك وبتوفيق
 
مشكورين حبايبي.. والله كنت متحريره لما اشوفهم شو بسوي بس ريلي الحمدلله وقف يمبي وقالي انا ابيج تكونين قويه وردي حقج بإيدج وانا ما بزعل ابد بالعكس.. بس للأسف اليوم ما شفتهم كنت ناويه اتكلم مع اخته الكبيره بس ما صار.. يمكن ما فيها خير.. لأن اخو ريلي قالي ان امه وخواته لو شو قالوا ما يصدقون حد أبد هم كلامهم صح وبس يعني بالمعنى اني لازم ما ـعب عمري لأن الغلط علي سواه فهمتهم ولا لأ.. هذا كلام عيالهم مب كلامي.. مب عارفه شو الحل بس والله مثل ما قالت الأخت ( لتوفي ) انا ما بسويلهم سالفه وهمي في زوجي وبس.. فديييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييته
 
اختي
هالنوع ما ايي وراهم الا المشاكل
وصدقيني ما بيصدقونج
عشان جيه طنشي الموضوع
 
شكله هذا الحل.. انا عطيتهم اكبر عن حجمهم الله يسامحهم والله ييسر أموري وآخذ حقي منهم ادعولي بنات..
 
طنشي اهم شي زوجك راضي عنك وبس وهم اهلك الحين اذا زعلوا كم يوم ما فيها شي
لا تتصلي ولا تكلمي احد وانتي ما غلطتي . تذكري حديث الرسول (من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان) وانتي شفتي شي غلط وتكلمتي فيه وما سويتي شي غلط . الله يهدي خوات زوجك ويجمع شملكم بالخير يا رب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل