خواتي ساعدوني يزاكم الله ألف خير

[الأمل موجود]

مرحبا خواتي... خلوني ادخل بالسالفة على طول...

أنا كنت زعلانة من ريلي بس بسرعة نسيت وأكلمه عادي بس هو فتح الموضوع مرة ثانية كأنه يحس بتأنيب الضمير على ما أعتقد...

يقولي انت مش طبيعية شو فيج؟؟؟
قلتله مافيني شي...
قال: بس احس ان فيج شي...
وحلفتله انه ما فيني شي..
وبعدين قلتله يمكن كنت شوية زعلانه منك لأنك رحت عني وما خذتني معاك هذاك اليوم..وانا زعلت في حزتها وبعدين نسيت...
الحبيب مصر ان في شي مستوي عندي وان أنا ما اريد أتكلم....وحلفتله ان ما في شي..

حزت النوم سرت ونمت في الفراش لكني ما نمت عنه ويوم شافني قالي أيوا بعد ما انتظرتيني وقالي هذي أول مرة تسوينها...

وعطاني ظهره ونام....

ساعدوني شو أسوي ما احب يكون زعلان علي... انا عند الفطور حطيتله بطاقة كتبت فيها صباح الخير يا أغلى الناس..أحبك...مع تحيات حبيبتك للأبد

بس هو بعده زعلان لأني كلمته وهو ساير الدوام وهو يكلمني بكل جفاء...

الله يخليكم ساعدوني... أعتقد انه زعل مني لأني نمت عنه..

 

[الأمل موجود]

للرفع

 

[كحولة]

والله يا اختي معظم الرياييل بهذا الشكل ..انا مثلا قليلة الكلام لكن زوجي لما يشوفني ساكته يقوللي انتي فيج شي ولما اقوله مافيني شي صدقني يقوللي كيفج بس فيج شي. ومعظم الرياييل يتثيقلون على حريمهم يعني يسوون عليهم حركات انا سويتها في ريلي كم مرة كنت اروح انام لان علي دوام وكان يقوللي ماعليه روحي نامي مافي مشكله وتفاجات لما صارت بينا مشكله انه ذكر الموضوع وقاللي تراج تنامين وتخليني في الصالة .. ومن يومها وانا اتحمل على عمري واقعد سهرانه عشان بس ما يمسكها علي.
على العموم طولت عليج حبيبي بس طولي بالج ان شاءالله يرد طبيعي معاج لان الموضوع بسيط وما يستاهل .
الله يوفقج ويسعدج يارب

 

[أرجواان]

عجزنا في ها الرجاجيل لكن لاحول ولاقوة الا بالله العلي العظيم

 

[تشكرات]

حبيبتي انتي قلتي له مافي شئ خلاص هو حر
خليكي عاديه ومبتسمه حتى يفهم من موقفك
انك فعلا مانتي زعلانه ومافيكي شي وتكلمي
معاه بشكل طبيعي وعادي ..بس يمكن زوجك
حس انك غامضه وما تبغي تبوحي له بشي
عشان كدا زعل والرجل عادة يحب تكون زوجته
راضيه عنه ومرتاحه وفرحانه ومبين عليها كل هذا
وأنا ما أنصحك بالرسايل والمسجات اشوفها ميته
وناشفه ..امّا ( فيس تو فيس ) يعني وجهالوجه
تكون معبّرة أكثر وصادقهأكثر >>لأن العيون لها دور
قوي بين المحبين ....وربنا يوفقكم يارب
..................................................................

 

[سُــكـر]

زوجي لما يسوي كذا ويجلس ينبش فيني اعرف انه مسوي مصيبه ويبغى يعرف انا عرفت عنه وساكته والا ايش السبب
لكن اطنشه مع الوقت بطل هالحركه

 

[الأمل موجود]

شكرا خواتي على الردود...