خموووووول

[من انا؟]

السلام عليكم و رحمة الله و بركاته..

باختصار مشكلتي اني خموله جداً يعني ابغي اقوم اسوي شغلي بس احس بكسل شديد وإذا سويت شي اتعب بسرعة ..
ما عندي مشاكل في الدم لاني من فترة كنت حامل و ولدت و اسوي فحوص دورية بس ما ادري وين المشكلة..
انا ربت بيت وعندي طفلتين صغار وما عندي خدامة يعني شغل البيت كله انا الي اسويه بس مشكلتي الخمول الي يصيبني ..
فكرت اسوي حجامة لاني سمعت انها تنشط الجسم وهل تنصحوني بيها ؟؟
وهل في نوع معين من الغذاء يعطي نشاط للجسم؟؟

ارجو المساعدة..

 

[تاغي]

عندي نفس المشكلة بس ياليت احد ينفعنا

 

[منال الحب]

اختي ان بقولج على شئ جربته سبحان الله نشاط عجيب وحيوية لم اعهدها في حياتي

في الصبح وعلى الريق تاخذين سبع حبات من حبة البركة من غير ماتمضغينه يعني بلع واشربي معاه ماي
وبعدها بعشر دقايق خذي ملعقة صغيرة من حبة البركة وامضغيه من غير ماتفتحين فمك لنه فيه زيوت طيارة بحبة البركة وابلعيه مع الماي من ثالث يوم اتحسين بالتغير

 

[عقد ألماس]

السلام عليكم ..
أنا حصلي نفس المشكلة أكثر من سنه ..
وبعدين بالصدفة تحليل في البيت عن السكر ولقيته مرتفع حوالي 300 وأنا ماكنت أعاني من السكر
ولما رحت للمستشفى ..حللوني ولقو عندي فقر دم والسكر مرتفع..
والأن أخذت حبوب منظمه للسكر وحبوب هيموقلوبين و صرت أحسن من أول..
وأحس بالنشاط..


عافاك الله

 

[من انا؟]

اختي ان بقولج على شئ جربته سبحان الله نشاط عجيب وحيوية لم اعهدها في حياتي

في الصبح وعلى الريق تاخذين سبع حبات من حبة البركة من غير ماتمضغينه يعني بلع واشربي معاه ماي
وبعدها بعشر دقايق خذي ملعقة صغيرة من حبة البركة وامضغيه من غير ماتفتحين فمك لنه فيه زيوت طيارة بحبة البركة وابلعيه مع الماي من ثالث يوم اتحسين بالتغير

بإذن الله بجرب من باجر ومشكورة و لج الاجر..
يالله اختي تاغي نجرب ونخبرهم بتجربتنا..

اختي عقد الماس خوفتيني الصراحة بروح بأقرب وقت افحص وتسلمين على الانذار ..
الله يعافيكم كلكم من كل شر..

 

[الرميصاء]

وصفة النبي صلى الله عليه وسلم لفاطمة وعلي عندالنوم سبحان الله 33والحمدلله 33 والله اكبر34

 

[الحلوة فيهم]

تعوذي بالله من العجز والكسل بعد كل صلاة

 

[حظي زي وجهي]

اهلين اختي.. انا نفس الشي حصل لي صرت من اي مجهود اتعب ورحت سويت فحوصات كامله توقعتها الغده او فقر دم.. فطلعت النتيجه فقر دم:icon1366:هو الي كان مسبب لي الخمول والكسل والتعب من اي مجهود.:no:. وصف لي فيتامين للحديد واهتميت بالاكل الي في حديد.. وزياده ع كذا في حبوب فيتامين سي تلاقيه عند جي ان سي اذا اخذتيها تحسين بالنشاط والحيويه.. ارجو اني نفعتك:shiny:

 

[طموحي فوق]

حللو غده درقيه
انا زيكم وطلع عندي كسل في الغده

وماعليكم الا العافيه

 

[الااوربية]

وانا كمان عندي خمول في الغدة الدرقية

 

[مرجانه نادره]

هلا اختي انا بعد ياني جيه بس احاول اتقلب ع التعب
وربي يبعده عناااااااااااااا..

 

[فيض لانوثة]

نفس مشكلتى
سويت جميع التحاليل ونتايجها زينة وسويت تحليل الغدة وطلعت سليمة وما عندى فقر دم ولا سكر
يابنات الى عندها حل تساعدنا

 

[السهم]

نفس الحاله
​