خلونآ نتشارك / شلون تكونين محبوبه عند ام زوجك وبنآتها

[كشه ناعمه]

انا من اول يوم شفت زوجي فيه يوم الخطوبه قالي
تبين احب امي ثم امي ثم امي ..

وانا من طبعي اصلا ماحب اجرح او ازعل احد مني
وخاصه ان فيني عيب لكرهت كرهت .. وماحب
برضو حد يكرهني او اكون بمكان فيه احد مو مستحب وجودي ..

واهل زوجي قدرت اكسب حبهم .. والي ماحبني ماكرهني
يعني اعاملهم بالحسنى .. وخاصه ان انا بمنطقه وهم بمنطقه ..

وام زوجي ماقول شينه ولا طيبه على حسب مزاجها ..
بس لو تعطينها عيونك وتخدمينها ماتقول لك كلمه حلوه .. ولو ولدها
سوى لها اي شي بسيط مايبقى دعوه خير ماقتولها له ..
زي مره سوت عمليه وقالت بتجي عندي عشان عيالي اقل شي باخوانه
ومنها عشان انا بمنطقه ثانيه ومايكون لها زوار يتعبونها ..
وشلتها بهالفتره بعيوني .. وولدها كان مره مبسوط من تعاملي لها
وخدمتي وخاصه ان بفتره وجودها مارحت لاهلي ولا طلعت من البيت
لان هي موجوده .. وفوق هذا كله تقول لكلمتي اهلك يكفي:30:
ولمح لها زوجي نطلع تقول ماله داعي الف والدوران تبون طلعوا الحوش :8:هههه
وتحملت ويوم جلست شهرين واحت حتى كلمه يعطيك العافيه ماقالتها
بس جزاي عند الله ..

ومره قلت خلني اشتري لها هديه يوم عطيتها اياه لفت راسها على ولدها
وقالت له مشكور جزاك الله خير :25:قال لها هي الي شاريتها قالت من وين لها فلوس
غير منك .. قال بس هي شرتها من مصروفها قالت ومصروفها مو منك
جن جنوني ذاك اليوم ... بس قلت تحلم تشوف هديه مني
يكفي لولدها عطاها ..

اقولك اختي .. مع امه كلمه حلوه ومعامله طيبه وحبه راس واتصال وسؤال عنها
تقدرين تكسبينها حتى لو مامدحتك على الاقل ماتذمك ..
واخت زوجك صغيره بس حاولي تثبتين لها عكس كلام خالتها ..
باسلوبك معها وسوالف على قد عمرها وجذبها لك بهدايا شبابيه وبنفس
الوقت لها تاثيرها الي ماتنساه ..

ومهما سويتي لهم لاتقولن لزوجك هذه قالت وهذه قالت .. وانتي لو وحده تغلط عليك
خذي حقك منها لاتسكتين كذا يحطون لك الف اعتبار ..
لان وحده تقول لصارت مرت الولد نذله ولسانها طويل اهل الزوج يحترمونها ..
واشوف هالكلمه صح من الي حولي مرت حماي يخافون منها خوف ويحترمونها
ويقدرونها ويبدونها قبل الكل من خوفهم منها حتى ام زوجي
تخاف منها وتحط لها الف اعتبار .. حتى لقالوا لها كلميها
لسوت غلطه والا شي
قالت تبونها تاكلني بلسانها كلموها انتو :31:




سوري على الاطاله :5:​