صبااااح الخير وردة ..كيفك حبيبتي
أول شي مبروك الزواج..الله يسعدك و يهنيك يا رب
ثانيا ..فيه شوية قواعد لازم تتبعنيها في حياتك ..
* زوجك شكله ما شاء الله انسان ناجح و وسيم عشان كذا كانو قرايبه حاطين عينهم عليه (نفس اللي صار معي ) الله يحفظه لك و لا يشوف غيرك ابددد .. فاحرصي انك ترقينه و ترقين نفسك داااايم
* لا تتكلمين عن خصوصياتكم مع اي احد حتى أمه .. إن شاء الله لو رحتو سهرتو بمطعم .. لان الأم طبيعي تغار .. تقول هذا ولدي و انا اللي ربيته و كبرته و تاليها جت البنية و اخذته و تتهنى فيه بعد ما افنيت شبابي اربيه هو و اخوانه .. و لو ان شكل حمااتك صغيرة دام زوجك اكبر عيالها .. بس ما تضمنين .. خصوصا ان جيل الرجال اللي قبل كانو اشد من الحين فغالبية الحريم اللي من جيلهم ما تدلعوا مررة فيوم تشوف زوجك يدلعك كثير ممكن تغار و لو كانت شريرة ممكن تكرهك
* إذا زوجك من النوع اللي مررة يدلعك قدام اهله .انتبهي لا يسوي كذا .. قدام امه بتغار .. و بصراحة حرام ترحمينها يعني هي بعد لها حق بولدها يدللها و يحن عليها هو معك بالبيت اربع و عشرين ساعة فـ الوقت اللي تجون فيه عندهم خليه لها يعني يجلس جمبها مب لاااصق فيك :7:.. حركات الغمزات و غيرها مب لازم قدامها :36:.. و الله حرام تنجرح .. خليها تحس يوم تجون عندها انها هي مركز الاهتمام منك و من زوجك .. أما بالنسبة لخواته و بقية محارمة ..بالعكس خليه يدللك و يحترمك بحدود المعقول .. بكذا يفرض احترامك عليهم ,, و يعرفون انك انتي خط احمر بالنسبة له ..:27
إذا قدرتي تقنعينه..لان زوجي مررة كتوم و ما يرضى يبين شي قدام احد :/ )
* أنا مب مع نصيحة الاخت اللي تقولك دبريلها مقلب خليه يكرها ..يختي هذا كذب و مكر و لا يحيق المكر السيء إلا بأهله ..انتي خليكي حذرة منها .. و رسمية و اتركيها على ربك ..تخيلي انا إلى الآن وحدة من قريبات زوجي تجي تقوللي في وجهي ترى انا و زوجك كنا نحب بعض و احنا صغار .. و أنا إلى الآن أحبه !!!! إن الله يدافع عن الذين آمنو انتي اتصرفي بمعدنك و أصلك .. و بالشي اللي يرضي ربك و ضميرك و ربي بيحميك من سابع سما
* تعاملك بشكل عام مع أهله ..خليه ذووق و راعية واجب .. لكن في نفس الوقت لا تدخلين فيهم مررة
* مع أمه و أبوه احترميهم و قدريهم ..لأن احترامهم من احترام زوجك
لكن نصييييحة لا تعبييين نفسك و و تلزمينها بشي فوق طاقتها عشانهم .. في النهاية رحتي و اللا جيتي راح تبقين مرت ولدهم و يشوفونك اجنبية و الله لو عطيتيهم زبدة عينك و ولعتيلهم اصابعك العشر شموع .. تفضلين الغريبة ..و ممكن ينقلبون عليك في اي لحظة ..و الدليل الحركة اللي سوتها عمتك .. احترميهم قدريهم .. حاولي تحبيهم إذا هم ساعد وك بتصرفاتهم الراااااقية انك تحبينهم بس لا تصيري هبلة مثلي يوم توقعت انهم بيعتبروني بنتهم و انهم بيصرون اهلي .. و الله مالك اهل الا امك و ابوك و اخوانك .. اعرفي هالدرس قبل لا تنصدمين مثلي و لمن تتعاملين معاهم و انتي جوة قلبك متوقعة اي شي ما راح تنصدمين .. و الله الجرح اللي في قلبي لين الحين ما برا .. و رغم عودة العلاقة إلا اني ما قدرت اسامحهم على اللي سووه فيني .. بس الحمد لله على كل حال و ربك ما ينسى احد ..لاسف احنا في مجتمع شرقي .. يغلط الصغير داااايما حتى لو كان مظلوووم مية في المية .. نسينا ديننا و نبينا افضل البشر اللي ما منعه فضله و مكانته عند رب العالمين و عند البشر انه يعتذر عن زلاته !!
* بالنسبة لاخته .. نفس الكلام اللي قالوه الاخوات مافي شي ازيده
* عمممرك لا تسبين في عمك او عمتك قدام زوجك ..و لا تتوقعي لو صارت مشكلة انو زوجك راح ياخذ لك حقك من أهله ..
* لا قدر الله لو ضاقت فيك الدنيا و امه و ابوك ما فكوك من شرهم و مقالبهم و نفسك تقولك رديلهم الصاع صاعين .. يعني الزوجة لها في قلب زوجها قدر و تقدر تأثر عليه و تملي قلبه و آذانه على أهله .. لكن لا تطاوعينها .. تذكري ان في رب يشوفك و يحاسبك ,,احتسبيها لوجه الله .. و قولي يا رب انا باصبر على أذاهم ..انت ياربي عوضني خير في نفسي و زوجي و أولادي و أهلي .. يا رب ارزقني في المستقبل زوجات أبناء بارات بي و يحبوني و اكون انا امهم و يكونون هم بناتي .. ادددعي من قلب الدعاء يصنع المعجزات
موفقة حبيبتي ..
