خلني اكون صريحة معاكم (لن اكون السنفور الطيبة بعد اليوم )

نورتو صفحتي وشجعتوني اكتب اكثر لكم عن كل جولاتي مع هالشمالي
الجولة الثانيه :
اختكم من درت بقضية الجوال اللي شراه لها والنوم طاير منها وكل يوم والافكار رايحة يمين ويسار شنو اسوي معه؟؟؟؟؟؟؟؟؟؟؟؟
وقلت في نفسي الا شاريه لي جوال الشهر الا الا الا ,,,,,,,,,,,
بديت اشتغل عليه بالعبارات (وي فشله اروح جمعة بنات وجوالي هالتعبان اطلعه يمهم اقول حبيبي تسلفني اليوم جوالك بس ارز روحي يمهم وعلشان مايقولون انك ماعندك تشتري لي جوال )
طبعا الاخ الكريم مو راضي خايف اشوف اللي في جواله يبدا يتحجج ويقول لا مافي داعي جوالك زين
وانا اقوله والله اخشه في الشنطه ماحب اطلعه من الغبار اللي عليه
يقولي بس يصير عندي بشتريلك وانا اقول :هين لبكرة شاريللي الجوال شاريلي
اسبوعين احن عليه واتحجج عليه اني ماني رايحه لاهله بسبب جوالي حتى بنت اخته اللي زوجها يستلم ثلاثه الالف ريال شاري لزوجته بلاك بيري وانا اللي زوجي سمعته ومنصبه الحلو بين اخوانه جوال مرتة بالشكل وصار له 6 سنين موضته طق عليها الدهر
وهو نقهر من سالفة بنت اخته الا نهاية الاسبوع راح شرالي جوال جديد
وفي هالجوله ووووواووووواااااااااااووووو فرحة نصر وكسب الغنايم
تابعو ني في الجواله القادمه تراها حلوة ومميزة

 
ااااااااااااااااااااااااااف ليش تسوون جذي !!!

حطوو القصه مره وحده و خلاص

و الله بطني عورني
 
الله يسعدج حبيبتي ويزيل عنج الهم,
المهم....وبعديييييييييييييييين شو إستوى,منتظرين تكملين على أحر من الجمر.
 
ايه اختي خليك ذكيه والعبيها صح هي تسلطي عليها علشان يبعد هو اجذبيه وخوفيه من الحرااام وانه اذا هو سوى كذا بناته الله بيسلط علهن وعلشان تخوفينه وقوليله الرسول صلى الله عليه وسلم يقول عفو تعفو نسائكم والزنا سلف ودين يمكن يردع ويرجعك وربي يساعدك
 
هالجوله الثالثة مع الشمالي

في احد الايام اشوف علي طاولة التسريحه حقتي فاتورة شراء لاب توب انا استغربت بس بلعت الامر ورحت سالته ؟ هو جاوبني انه شاري لاب توب حق واحد بفلوسه وبس يصير عندة هالمبلغ بيرجعه ؟؟؟
هالسنفورة ماصدقت هالكلام ولا بلعته
بعدها بيومين اكتشفت انه زوجي حبيبي وكل حياتي شاري لاب توب حق اخو اللي يكلمها
انا قلت ومصيبتاها ؟؟؟؟؟؟؟؟؟مارضينا بالجوال اجى لاب توب
هين يبو الشباب هين تحسبني مدمغة وغبيه مثلك
اذا هم خلوك تشتري لهم لاب توب وانا وين رحت ؟؟؟؟؟؟؟؟؟؟
شمرت ايدي للعمليه القادمة وجهزت سكاكيني علشان اشرحو ......حته حته
اولا :اتخذت اسلوب الصمت معه يعني رسمي رسمي معه
ثانيا:اعطيه تنحيزات علي تصرفاته الغير مدروسه (اي فلوسك سبيل انت تتعب وناس تاخذها مجهزة .اذا ماتبي فلوسك ترا عيالك في حاجه لهم ووراهم مستقبل .اذا الانسان ماعز نفسه ماحد بيعزة )
ثالثا استخدمت النظرات الاسفة عليه (وهذي جننته واجد )يقول ليش تناظريني كذا انا اقول لا ولا شي

في نهايه وضحت له انه لا يتصرف بتصرفات حمقاء فيها يخسر اجمل شي في حياته اللي هو انا وعياله

انشاء الله يكون استفاد من الدرس
لكن هو قاعد يبرر تصرفاته انها لوجه الله وانه ساعد هالشخص لانه ماعنده هالمبلغ من المال وهو حاب يشتري لاب توب علشان يطور قدراته في الحاسوب ويقولي اعتبريها صدقه (شاطر هالشمالي في الاعذار )

قلت في قلبي اشتر اشتر

لخليك تشتري عمرك من جديد

بعد فترة من الزمن .....(لا تحسبوني نسيت فعلته تراني جنوبيه والقهر يضل في نفسي لين ابردها بشي )
قلت له حبيبي ابي ازور امي صار لي ثلاثة اشهر ماشفتها (لانها ساكنه بمنطقه بعيدة عني )وعاد مايصير اروح ويدي فاضيه
قالي امري شنو تبين تشترين (صدمته لاول مرة بطلب جامد مامرة طالبته حتى حق نفسي)
ابي اشتري خاتم ذهب
قالي بس ولا يهمك (حاسب الذهب رخيص بيدفه ميه او متين )
قلت له عاد ابيك وياي انت ذوقك رهيب ورايك يهمني
الرجال نفخ ريشه
وفعلا رحنا سوق الذهب وبديت ندور وندور والرجال منصدم من الاسعار وهو يقول مو معقوله خاتم بسيط بالسعر
قلت له اجل ليش انا مابي اكلف عليك واقولك ابي حلق او اساور حق بنتي واخوانك كل واحد مشكشك بناته بذهب كل حب مني مابي اثقل عليك وحطمك اذا سالتك وتقول لي ماعندي
اخيرا شريت الخاتم 700 ريال (على الاقل برد اشوي قليبي)(لاتضحكون علي تراة انجاز عظيم حق وحدة جنوبية تعودت طول هالسنين تعطي بحب واخلاص ولا تنتظر مقابل سوى كلمه حلوة
وتوه متعودة تتعلم تاخذ
تابعوني في جولة القادمة ؟؟؟؟؟؟؟؟؟؟؟؟؟

 
متابعة ان شاء الله شدني الموضوع جدا ليكن الله في عونك في هذا التغيير الذي لابد منه
 
الله يقدرك وتنتصري عليه بس حبيت اسالك كيف عرفتي نمط زوجك ودي اعرف
 
رااااائعة
احب قصص النجاح وياريت يحطونج المشرفات ضمن (زوجات ناجحات)
يالله عطينا من جولاتج الباقية​
 
الله على كيد النساء محد يقدر عليكن
بس شوقتينا تابعي ربي يحفظلج زوجك
 
روووووعه استمرررررري

عجبني دا التوقيع




من لم يرضى بكِ كحلاً لعينيه.... فلا ترضي به
نعلاً لقدميك وإن كان أنفه فوق النجوم ...... فاعلمي بأن النجوم تحت قدميكِ
 
المنتصرة من جعلت رضى ربها أكبرهمها ولم تمحور حياتها على رجل لاحول ولا قوة إلا بالله أحمد الله أني ما ني متزوجه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل