خلني اكون صريحة معاكم (لن اكون السنفور الطيبة بعد اليوم )

ن

نور14موون

New member
إنضم
2010/11/22
المشاركات
121
اكتبها بالخط العريض (شكرا لك يامنتدى بلقيس)
فقد علمتني الكثير عندما اكتشفت صدمة حياتي بعد عشرة 15 سنه حب واخلاص وتضحيات ولا اطلب حتى ابسط حقوقي نقلبت حياتي 180 درجه وعاهدت نفسي الا اكون سنفورة الطيبه الغبيه اللي تتوقع من شرشبيل(الرجل) الخير
كل يوم اقف امام المراه واقول لازم هالشخصية تكون اكثر ثقه وحزم وتطالب بحقوقي في اطار الانوثه والرقه
الحكايه تبدا من هنا
عندما طحت علي رساله جوال عرفت منها ان زوجي شاري جوال لوحدة وهو يكلمها بالساعه
جن جنوني ضربت اخماس في اسداس معقوله حبيبي وشمعة حياتي يطلع جوال جديد لوحده
وانا صار لي 6 سنوات بجوال معفن وصابرة عليه علشان مابي اكلف عليه
ولا يكلم وياها وش يقول ؟والفاتورة مين طبعا بيدفعها ؟
صرت ماعرف ليلي من نهاري ورسايل تروح ورسايل تجي غير اللي يحذفها مايبيني اشوفهم
صار اكثر صمتا واكثر انتقادا لي وكثرت طلعاته وبس اسئله سوال عادي يقولي شنو دخلت ؟
زوجي عايشه معاة 15 سنه واعرفه زين والتصرفات غريبه عليه فاكيد بيدخل في دماغي الفين سوال ؟
اللين طحت علي منتدي بلقيس اللي اكتشفت منه الكثير والكثير
عرفت شخصيته زين مازين كل يوم اقرا واقرا وابحث عن هالشخصيه واستفسر عنها
اللين جمعت معلومات وبدات في اللعبه
صرت انا اللي العب فيه مو هو اللي يلعب علي ويجنني
طبعا طلعت شخصية زوجي شمالي بقوة
جمعت الايجابيات والسلبيات وبديت في الخطة والحرب عليه
واتخذ سياسة الدفاع مرة ومرة الهجوم والغموض لعبت في اعصابه
بقولكم بعض المواقف اللي صارت لي معه واستخدماتي للاسلحة الفتاكه

 
تعجبني قوتك واصرارك واهدافك
كملي لعنا نستفيد
وفقك المولى..
 
شاااااااااااااطره وتعجبيني بس وين الباقي ما احب الاثاره والتشويق يالله بسرررررررعه خلصي الباقي خل نستمتع بالنصر
 
لالالا. مانبي. اسلوب. القصص. اللي. طايحين. فيها. هاليومين

بليز حبيبتي. لاتطولين. ًًً
نستناك. بشوووق
 
هلا بلقيسات
اولا مابديت في الخطة جمعت ايجابيات زوجي وهي (طيب وهذا بعد نقطة سلبيه فيه من جهة اخرى يعني بسرعة يصدق .يحب اعياله فاحيانا اشتغل علي هالجهه.كريم وهذي بعد نقطة سلبيه علي وعلي غيري, شخصية حلوة بين اخوانه يعني رايه مسموع , يحب امه ,
اما سلبياته (سريع الغضب ,دايما ينتقد ,بس ياخذ برايه وبذوقه دايما ,فيه غرور ,يكسر افكارك وطموحاتك يبي هو بس المميز,يبيني علي كيفه يعني شخصيتي اهو اللي يهندسها روحي يمين او روحي شمال


ثانيا :اخذت فترة بريك لنفسي يعني تركته يسوي اللي يسويه وبديت اشتغل علي نفس كيف ؟

اهتممت بعلاقتي بربي يعني كثفت الادعية .الصدقات .صلاة الليل علشان يعيني ربي اني اتغير واصير انسانه قويه ولا اتراجع او اتحطم من انتقاداته
قرات كتب عن تطوير الذات وتحرير النفس من الضغوطات وكيف استمتع بما وهبني الله من نعم ولا اكون سلبيه وانظر الي الاشياء التي لا املكها
صرت دايما انظر الي المراه واحدث نفسي بعبارات ايجابيه مثلا
كم انتي رائعه يا.............
انا صاحبه شخصيه قويه وجذابه
اضحك علي نفسي وارجع واقول لن اكون السنفورة الطيبة الغبيه
ايضا وضعت لي ميزانيه لنفسي كنت دايما ابخل على نفسي بعدين وبعدين اللين قريت نصيحه من نصايح الدكتور ناعمه تقول ان لم تصرفي نقود زوجك فسوف يصرفها علي غيرك

ثالثا :
حددت وقت لدخول المعركة يعني وضعت تقريبا شهر اشتغل علي نفسي بصمت الين ابدأ لكي اكون قويه ومؤثرة
كلمة حق استفدت من خبرات الاخوات ونصايحهم مثل احساس امراة وقشطه بالعسل

الان ندخل المعركة ببعض المواقف اللي حصلت لي, اللي كان متوقع مني شي لكن خاب ضنه وطلع العكس
 
اول موقف حصلي :
كنت تعبانه نفسيا من تغيرات تصرفات زوجي وغموضه واسراره حاولت اتقرب منه انه يشاركني بس دايما رافض التدخل
وصلت حد مايعلمه الا ربي
وفي احد الايام كنت حاضرة ندوة نسائيه عن تحقيق الاهداف وتعزيز المهارات والخبرات عن طريق الاستفادة من رحلات التعرفيه للانشطة الخيريه
عجبتني الفكرة وحبيت اني اشارك في اقرب رحله لهم وبكل حماس جلست اخبر زوجي عنها وهو طبعا مو مهتم
كان يقولي انتي حاسبه نفسك بروحك (يعني بتروحين وتتركين البيت والعيال علي منو)
قلت له كلها يومين مافي مشكله اذا انت مسكت المسوليه هالمرة ...... اهو انصدم وقال لي وبنتك ام اربع سنوات وين بتودينها لا يمك امك ولا عندك شغاله ...؟
قلت له :انت ابو حنون وماتقصر عليهم
طبعا يدور مانع وراء مانع علشان ماروح اخر عقبه قالي :ماعندي فلوس اعطيك اذا دبرتي ذيك الساعه اوافقك ؟
ادري انه عنده بس انه مايبيني اروح الرحله واترك المسؤليه علي راسه
انا مو موظفه ولا املك اي دخل ولا كنت اجمع علشان استفيد منها وقت الحاجه (احترت وكنت محتاجه هالرحلة لتنفيس )
هنا طلبت من الله اذا كانت هالرحلة فيها خير الله يسهلها
فكرت في اخوي اني اخذ منه سلف وارجعه له بعدين (الحمدلله وافق اخوي رغم ظروفه ماحب يردني)
وبكل ثقه وقوة واجهته مالك اي حجه او مبرر
الزوج الكريم تعجب من اصراري وتدباري واني وضعته في الامر الواقع ولا في مجال يتراجع
وفعلا رحت الرحلة وستمتعت فيها كثير ووهقته بعياله
وحسسته ولو اول مرة اني اقدر اروح واجي بدونك وانك مو كل شي في حياتي
واحلى مافي الرحلة اني قفلت جوالي علشان عملية التطنيش للشمالي وافتح جوالي بس للحاجه .

انتظروني في جولة اخرى
 
الله يسعدك حتى انا زوجي قام يسوي مثل حركات رجلك بس بستفيد منك واطبقه على ظهره حسبي الله على ذا الرجال خبلو فينا الواحد يتعلم القراءه والكتابه عشان يطلع سنه جديده واحنا نتعلمها عشان نقرى انماطهم وشخصيتهم وكيف نتعامل معهم ااااااااااااا بس ننتظرك يالغاليه
 
الله موضوعك روعة أختي أحس وناسة ... يللا نبي نتعلم منك الله يسعد قلبك ويوفقك .


يحليلنا حنا صاحبات النمط الجنوبي مسيكينات فرحانات اذا طلبنا حقوقنا كننا فاتحين فتح
بعض الحريم ماشاء الله عليهم من البداية عارفين كيف يعيشون .. استغفر الله العظيم ياربي سامحني لو أخطأت .

**
 
الله لايسيئك خبرينا بسرعة كل المعركة قبل لا تزيد الردود ونندوش بتقليب الصفحات وتضيع مننا الفايدة
 
الحياة مع الرجل تحتاج من المرأة فهمه أكثر من حبه،،،،

وتحتاج أن يحبها وينبهر بهاـ


الله يوفقك، لا تبخلي علينا بمواقفك وحيلك،،،
الله يسعدكم انت وزوجك ويرضيكم ببعض​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل