خلني اكون صريحة معاكم (لن اكون السنفور الطيبة بعد اليوم )

واصلي احلى سنفووووووووووووره
 
هههههههههههههه ياعمري عليك يالاميره سنفوره خلاص خلاص مانيب راسله شرشبيل خليها تطلع..........اخاف سمعت اسم شرشبيل خافت لاتطلع وياكلها
 
ههههههههههههه
وسعتو صدري ياحلى بلقسيات
ولا اكبرشرشبيل يقدر علي خلاص صرت وحده ثانيه انشاء الله
واللي يبي يتعشى فيني اتغدى فيه قبل

تكملة الجوله السابقه :
اختكم نور 14 موون مستانسه بهذي الانجاز اللي ولا مرة احلمت فيه بس ماقول الا (وما توفيقي الا بالله العلي العظيم )

فرجعت البيت بكل ثقه وفخر في نفسي الا يستقبلها ذاك الشمالي بالعبارات (انتي من سجك بتكملين دراستك ,
اشفيك ماحاسبتي امورك عدل ,وبدا يتحجج بالعيال واللي في بطني وين بوديه وشلون بتوفقين بين البيت والدراسه والبيبي ,وبدا يقولي انتي ماتدرسين امورك عدل بس مع الناس تهبين و......و.........و.........ووو)تعرفون الشمالي عند قاموس في الاعذار والله عجيب انا مقدر احيلة
طبعا لما كنت اسمع الكلام قبل كنت اتاثر واجد لاني ماكنت اعرف شخصيته وبسرعه اتراجع عن قراراتي لاجل عيونه وكنت دايما تنهز ثقتي فيني وكان قراراتي خاطئه وهو اللي دايما صح
كنت طول اليوم افكر وحطم في نفسي غير الدموع اللي في الليل تترس مخدتي
بس الحين لا لا فوقفت وبكل هدوء امامه وصرت اناقشه بكل ثقه وكبرياء اني مو اول وحده ولا اخر وحده تكمل دراستها بعد هالعمر
وانت فعلا لديك زوجه طموحه اللي تفكر هالتفكير الراقي
واني برتب اموري بس انت لازم تقف معي موضدي
وكل شي في وقته حلو ياحلو
الرجال ضرب اخماس في اسداس علي قوة تمسكي بالامر وتعجب مني كيف تغيرت ؟؟؟؟؟؟؟؟؟؟؟؟بس مو عارف شنو السر ؟؟؟؟؟؟
الا قوة عنادة الشمالي متاصلة فيه وهو مايتنازل عن موقفه
اعلمكم شنو صار وقت اختباري التحريري للقبول ؟؟؟؟؟؟؟؟؟؟؟؟؟؟
لي رجعه
 
يله يله بسرعة متحمسة بقوة والله انك مراه والنساء قليل ترى والله احس اني انا اللي انتصرت مو انت خخخخخخخخخخخخخخخ حبيبتي عندي اسئله ابغى رايك لو عندك وقت ما ابغى اثقل عليك الله يحفظ لك زوجك وعيالك وتولدي بالسلامة يارب ويكون اجمل ولد وربي يجعله بار في والديه واخواته ونافع لدينه وامته اللهم امين
 
الله يوفقج يااااااااااااارب

كلنا كنا سنفورات وتغيرنا للأحسن ان شاءالله
 
صباح الخيررماشاءالله عليج

اناابعدشانه حرب على زوجي هههههههههههههههههههه

بيناااتحدي وفزت بالتحدي للحين تابعي ويااج يالغلااااااااااااااا​
 
ماشاءالله على قوة الاصرار والعزيمه ,,الله يوفقك ويرزقك بالولد السليم المعافى البار بوالديه,,حمستينا وشجعتينا ع التغيير
 
قبل يوم الاختبار التحريري للقبول في الدرسات العليا عطيت خبر لشمالي بتاعي انه يوفر لي سيارة مواصلات للجامعه او هو اللي يتكفل في توصيلي لا ن الاختبار بيكون في الساعه 3:30 عصرا
فقلت له اذا ماتقدر توصلني فلا تنسى توفر سيارة
قالي اوكسي بزفره
يوم الاختبار جهزت الغداء من بدري وجهزت اموري كلها علشان بس اخلص وجبة الغداء تكون السيارة جاهزة علي الساعه 2:30 لانه مسافة الطريق تاخذ نصف ساعه
ماجت الساعة 2 الاربع الاوانا مخلصة اموري كلها فقلت له :يابو فلان شنو سويت علي السيارة ؟بتوديني ولا عطيت احد خبر قالي :لا ماقدر اوديك بشوفلك الحين
جلس من الساعه 2 الي 2:30 يدقدق علي سوواويق علشان يوصلني مافي احد راضي يوصلني
قلت له :خلاص حبيبي اضغط علي روحك هالمرة علشاني وودني تراني حامل ولا احب رجة الباصات
بكل برود وستخفاف فيني قام ودخل الغرفه وقالي في احد يختبر في هالشمس الحارة بس انك فاضيه
بستلقي الحين انا واذا ماحصلتي احد بوديك انا الجامعه قعديني علي الساعه 3
وانا اقوله اختباري 3ونصف والطريق الجامعه يبيلها نصف ساعه وانت ولا هامك

انا صراحه اغتضت وصلت مرحلة ماحد يعلم فيها الا الله
طلعت من الغرفة وانا ابكي واقول بصوتي قاعد تخدم الناس الفقارة في الجمعيه وانا ماحسبني وحده منهم لا يمي امي ولا اخ يداريني مالي الا الله والناس المومنه اللي حولي والدموع تكبكب علي خدي من دون شعور
وبنتي الكبيرة14سنه قاعدة تراضيني :يمه لا تسوين في نفسك كذا علشان البيبي
وبنتي 13 سنه جايبه لي الكلينكس وكاسة الماي تبي تسكتني
وبنتي اللي عمرها 10 شافتني ابكي راحت غرفتها تبكي
وبنتي الصغيرة 5 سنوات تتخبى وراء الكنبة وتناظرني كل شوي من وراها ماتدري شنو صاير حق امها
وينقلب ذاك اليوم البيت مناحه وهو في الغرفة قاعد يسمع

وعلي الساعه 3وعشر دقايق يطلع من الغرفه يقولي هذا بيجي سواق بوديك
انا قلته :عسى ماتعبت روحك ؟
الحمدللة ان سواق اللي بوديني مو أنت ..

رحت الجامعه والاختبار كان بادي صار له ربع ساعه
والزمن كان محدود جدا بس ساعه وحده والفقرات كانت طويله بس الحمد لله كانت كلها اختيارات
سويت اللي اقدر عليه ورجعت البيت

يستقبلني الشمالي بكل بساطه :ها شنو سويتي ؟
قتله:واجد مهم عندك ؟
قال :انا كنت ابي اوديك بس قلت اصبر اشوف رد السواق اللي قالي دقايق وبرد عليك ...........؟؟؟؟؟؟؟؟؟عيار درجه اولى هالشمالي
بعدين دخلت مرحلة التطنيش معاة ذاك اليوم ولا كلمه ولا نضرة ولا همسه ولا ضحكه
بس نظرات موسفه له وخدمات خفيفه ودايما في الغرفة مستلقيه

بس تدرون والله بس اذكر الموقف اقد ابكي كيف قهرني وانا في عزة نشوتي وفرحتي بالانجاز العظيم اللي ابي احققة وبنتي تشوفني تقولي ولا يهمك يايمه اذا راحت هالفرصه في الف فرصه بتجي (شوفي شلون ربي يحبني عوضني بلي يبرد قلبي ويواسيني واقرب الناس لي قاعد يكسر مجاديفي)
 
يا قلبي دمعت عيوني على مواساة بنتك لك =( تخيلت الموقف

الله يسخركم لبعض وييسر أموركم
 
واااااااي يالله مافيني صبر أعرف شصار.....
والله يعينا على هالشمالييين أنا ساعات أحس اني كسرت راسه وأعرف أخذ اللي أبيه منه وساعات أحس اني مبتدئه وهو غامض ويخرع بالنسبه لي والله متعبين
 
انا زوجه شمالي شرقي ومتزوج علي
الله يقوينا عليهم هالشماليين
الله يرزقك الولد الصالح البار ويحفظ لك بناتك ويخليك لهم يارب ويوفقك
متحمسه لقصتك الله ينصرك يارب ​
 
ما شا الله عليج

الله يقويج و استمري في الكفاح و بتقدير ذاتج و احترامها
 
لالالالالالالالالالالالالالالالالالالالالالالالالالالالالالالالالالالا
التقظيع بالقصه مو حلووووووووووووو
اسرديه على ظول افضل واحلى
الله يسعد اختنا
 
والله يابنت الحلال ماادري ايش سويتي فيني تاثرت معاكي كثيييييييييييييييييييير
صرت اضحك معاكي وابكي معاكي ,,,,,,,,,

بس من جد عجبتيني ياشيخة تعجبني المراة الذكية الي ماتستسلم وتخلي احد ياخذ حقها مع انه انا لما اجلس مع زوجي ويجي موضوع الخيانة المح له انه لودريت انه يخون او اي شي لاقدرالله ماراح يلاقيني بالبيت ؟؟؟؟ بس عشان يحس اني ممكن يخسرني مثل ما قلتي والا في داخل نفسي والله ماخلي واحدة ثانية تاخذك عالجاهز

وكملي بانتظارك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل