خلني اكون صريحة معاكم (لن اكون السنفور الطيبة بعد اليوم )

الله يوفقك
 
يعني وشلون خلاص ماراح تكملين والله قهر متحمسه
واذا دخلتي بي معرف ثاني كيف نعرف انه انت هههههه
يالله الله يوفقك ويرزقك بالولدالسليم المعافا البار
 
من جد صراحة هذا المنتدى نفعني كثيرواحس حياتي صارت احسن من اول :17:
 
هلا حبايبي لكم وحشة في القلب بس انقطعت فترة لاني دخلت مع الشمالي في جولة قوية والي الان انا في حالة هدنه معاها
اللي حصل لي احسه اني جرحني فيه وبقوة وهو اعترف بغلطه وقاعد يراضيني بس مادري الى الان اذا تذكرت تخنقني العبرة .
واحس يبلي فترة اني انساه هالحدث علشان مايتاثر البيبي اللي في بطني
لي رجعه لكم ................
 
فعلا انتي أنسانه قوييييييه جدا
الله يوفقك ويسخر لك زوجك
ويزقك الولد الصالح المعافى​
 
ماشاء الله عليك الله يسعدك حبيبتي في حياتك
ويسخر لك زوجك وازواجنا ويبعد عنهم بنات الحرام
وانا معاكي واول مايصير موقف بنزله هنا>> اذا طبعا ما عندك مانع (:
وحبيبتي انا فاهمتك انك فتحتي هالموضع دافع لج للاستمرار واحنا معاكي عشان نتشجع ونخلي بيونا من افضل البيوت واسعدها


 
هلا خواتي
من الصعب على الانسان ان يوضع في موقف غريب عليه واللي حطتك في هذا الموقف هو حبيبك وروحك اللي اخلصت له طول هالسنين
عندما ترفع السماعه وحدة وتسمعك كلام عن حياتك وبعض اسرارك الخاصة وتقولك زوجك بدور علي وحده غيرك لانك تجبين له دايما بنات
عندما تكونين في ازمه حقيقيه (ازمة اختبار بناتك في المدرسه وغدا عندك مجموعه من الضيوف من قبل زوجك اللي لازم تستقبليهم وتكرميهم وانتي في وضع صحي حرج (حامل وتعبانه))وفوق ذالك تجي لك شخصية معقدة ومريضة تزن وتهدد على راسك تريد بكل وقاحه تزلزل بيتك كيف ياترى تقدرين تتصرفين معاها ؟؟؟
عندما انصدم من الموقف اللي وضعني فيه شريكي ولا اقدر اشكى همي الا لربي
كل المواقف واجهتها بالصمت مع زوجي وتركت الكتاب مفتوح له ليكتب التعليق علية
لم اترك بيتي واذهب لاهلي وانا في ازمة اختبارات بناتي لحقق هدفها الشيطاني
لم ارفع السماعه واشكو لاخوة الكبير عن تصرفاته الغبية خوفا علي هيبتة وسمعته
لم اغضب واصارخ وانفعل خوفا على جنيني ان يتاذى واحتسبت ذلك كلة عند الله
فقط صمت ومارست واجباتي اليومية بهدوء وتطنيشة ومارست نظراتي المعبرة عن جرحه لي
 
حبيبتي ان مايصيب ابن ادم خير
فقد اصبت بما هو اعظم منك فالحمد الله
بارك الله لك في بناتك ورزقك ولد بار حسن الخلق والخلق
وسخر لك زوجك
لاتستسلمي لظروف وليس خروجك من بيتك هو الحل
وان كان الله كتب له الزواج فليس نهاية الحياة
عسى ان تكرهوا شي وهو خير لكم
 
حبيبتي انك تولد غير البنات هذا عيب فيه هو مو فيك ذكريه ديم بهذ شي ودخلي ابحثي في القوقل على براهن ثتبت ذالك
والله ينصرك على كل ظالم
انت امراءة قوية مابنخاف عليك
 
انتي رررررررررررررررررررررررررررائعه والى الامااااااااااااااااااااااااااااااام:32::32:
 
الله يعينك يارب على هالشمالي

كنت اتمنى يكون اخبارك بعد هالغيبة اخبارحلوة بس الحمدلله على كل حال اصبري وعقلك ما شاء الله يوزن بلد ونحنا ناخذ منك النصايح وانتي قدها وقدود


استمري على التطنيش وقدمي اللي تقدري عليه بس لاتضغطي على نفسك (العمر واحد والرب واحد)
طمنينا كيف الحمل ومتى موعد ولادتك
 
الله يحميك ويحرسك مـاشاء الله لآقوة إلا بالله
إنجـــآز عظيم حققتيه
ولسى كم خطوة اخيره وتنتصري
رآئعــة رآئعــة رآئـــعة
ذكــية ووآثقة بالله وأطفال يحبونك
تغيير للأفضل و تطوير للذات
ونجــآح
يآ ليت كل النســآء أنت

 
ااااااااااااااه الشمالي تخيلي انا حملت بعد 7 سنوات
اتوقعت حياتي تكون ورديه للاسف
اتوقعت يدلعني يمسك بطني يقولي كيف طفلي تكون طلباتي اوامر
ااااااااااه لا حاجه سارت توحمت مع نفسي تعبت مع نفسي
دحين انا في السابع جات حماتي واخواتوا وكل القبيله عندي و كل يوم اقوم جالس معاهم
الحمدالله في شغاله ما اسوي شي
مع انوا عمتي تقولي ما سويتلنا الاكله دي والاكله دي
طبعا زوجي مع المعمعه يناااااااام يقوم يطلع برى وانا دايما مع عمتي جالسه ما سويت شي لنفاسي بحجه اجلسي مع امي
البيت بيت عمي مسكنا فيه طبعا اخوات زوجي بيت ابويا يعني مالي اي حق فيه
تعبت من الطيبه الزايده و اضغط على نفسي
ابغى اتغير زييك
راح اولد في بيتي و اهلي في بلد تانيه لانوا الدكتور منعني
عمتي تقولي جيبي امك تجلس عندك طبعا بجيبها استناكم يعني
تخيلي عمتي راح تشيل الشغاله لانوا شغالتها مسافره وانا اول ولاده
اقول لزوجي راح انحاس مطنشني
طفشت جدا جدا جدا
تخيلي قبل فتره انفجرت جلست ابكي و هوا نايم قام شافني ابكي راح نام في غرفه تانيه

ابغى اتغير ساعديني
ابغى احس بكياني
ابغى احس باهميتي
انا اخر وحده في حياتوا مع اني شايله اهلوا شيل حريم العيال الباقين لا يجوا ولا يعزموهم بس انا كبش الفدا

حتى ام زوجي واخواتوا يقولولي اولدي في حكومي ما يفرق عن الاهلي
انا اول حمل ما احد يمدح الحكومي

انا متابعتك و ابغى اتغير زييييييييييك
 
السلام عليكم ورحمة الله وبركاته
غاليتي لقد أستفدت منك كثير ودت لو أكملتي كيف تعاملتي مع عشيقته وهل واجهتيه أم لا
فلقدكانت مواقف كثيره حدثت معك كانت تحدث معي وبعد قرائتي لموضوعك هاأنا ذا أوفق في التعامل معه زوجي وأنجح ولك الفضل بعد الله في هذا
أسأل الله الغظيم أن يرزقك وأياي الأولاد الصالحين المعافين
أتنمنى أن أسمع أخبارك ونطمئن لحالك الله يرزقك حسن التصرف ويجعلك قرة عين لزوجك ولايرى في دنياه زوجتا غيرك
اللهم آمين
 
هلا خواتي
سيتا لازم تتغيري من اليوم لان الطيبه اليوم ماتوكل عيش وفوق ذاك بيزدون عليك الميانه علي حساب راحتك
ضعي راحتك في المرتبه الاولى (يعني انتي اولا )بشويش على نفسك في الاكل والشرب والمشي والضحك حسيسيهم كانك بتموتي على نفسك وبلا خدمات زايدة علشانهم اهم شي الواجب
ومسالة الشغاله انا نفسك ماعندي شغاله ويبيني اروح عند اهلي بس انا رفضت وتحجتت ببناتي واني مابي اخرب نظامهم في النوم والدراسه فطلبت منه ياجر لي شغاله بالشهر
بعد اخر سالفة سواها معاي كان يبي يراضيني فيقول بدلعك يالغاليه وبولدك في مستشفى خاص بس لما قربت الحين الولادة بدا ينحز لي بان الاهلي(مستشفى الخاص) دمار ويستعجلون على الحامل بالقيصري (يبي يخوفني )علشان اولد بالحكومي ولا يدفع فاليوم بقترح عليه هذي الفكرة (اوكي انا فكرت في كلامك وباخذ فيه بس الفلوس اللي بتدفعها لمستشفى الخاص ابي ادفعا لشغاله وامدد لها لشهر ثاني )يعني مطلعة الفلوس من عينه مطلعتها وبشوف ايش بيقول ؟

ولي رجعه علشانك


 
هلا وايلية
طبعا الحقيرة طلبت طلبات من زوجي ينفذها لها زوجي استغرب كيف تطلب هذي الطلبات وانا زوجته اللي عايشه معاها وخادمته بعيوني مامره طلبت منه هشي
ثانيا صارت تتصل عليه يوميا وطبعا زوجي شمالي مايحب احد يضغط عليه او يزن على راسة فكان مايعطيها وجه
وانا بدوري صرت ثقيله وتاركته لوحده وكثرت اهتماماتي بنفسي
قريت قصة لناعمة الهاشمي اسمها ام بسمة وخيانتة زوجها الشمالي استفدت منها كثير ومعظم الاحداث كنت اشوفها في قصتي مع زوجي
الغبيه ماقدرت على زوجي جات تخرب بيتي قامت اتصلت علي بكل براءة وكانها اخت محبه وتبي مصلحتي قالت لي انتي انسانه طيبه ولا تدرين عن زوجك شي ترها يدور على غيرك
انا كنت اكلمه في مواضيع مختلفة واخذ منه الراي والارشاد بس زوجك حبني وطلب مني الزواج بس انا رفضت وقالت لي عن بعض اسرار بيتي اللي قالها زوجي لها
وصارت ترسل لي رسايل مسجات
انا طلبت من زوجي نجلس وافتح وياها موضوع قد يهدد حياتك فجلست بكل هدوء وشرحت اللي صار لي معاها
بدا يسبها ويلعنها ويقول انا اعتبرتها مثل اختي وووووووو وغيره من هالكلام (ويبرر فعلته)الشمالي عجيب في الاعذار وفي نفس الوقت تراها خاف على سمعته ومكانته
فصارت معركة حاميه بين زوجي وياها تلفونات ومسجات وانا من ابعيد اشاهد المسرحيه وقول في نفس مابي اضايق نفسي واللي في بطني لاجل انسان حطني في موقف سخيف مع اشخاص بالمستوى الفكري الدنئ
فبديت بمرحة التطنيش والصمت وكانه غير موجود
هو طبعا خاف لانه شمالي (خاف على سمعته وعلى عياله يوصل لهم الموضوع خاف اني اشيل ثيابي واتركه هو شمالى ويخاف الوحدة )
بدا يراضيني وانا ماهتم فيه وبديت في عالمي الاخر اللي يجنن الشمالي وهو الغموض (كنت طيبه كل شي اسويه او افكر فيه اركض واقوله كنت الصفحة البيضاء اللي تخاف تزعله ودايما اتلصق فيه (طبعا اختكم جنوبية بزيادة وكان مغتر بنفسه اني اموت عليه وماقدر استغنى عنه )


 
هذا من كلام سيتا
تخيلي قبل فتره انفجرت جلست ابكي و هوا نايم قام شافني ابكي راح نام في غرفه تانيه
نفس الموقف حصلي كنت ابكي من جرحه لي (يوم كنت طيبة وعلى نياتي )في المطبخ واغسل الصحون قام من الصاله ركض علي المطبخ جاء صوبي حسبته بضمني ويعتذر مني الا مد يده على الشباك اللي خلفي يسكره ويقول لي سكتي فضحتيني
ولا يهمك ياسيتا بكره تصرين قويه وتضحكين على الايام الخوالي
بس عززي في نفسك الثقة بالنفس ولا احد يهمك بنتقادة ليكي او يجرحك بتصرفاته
 
شكرا اختي أنثى كارزمية



علي كلماتك التشجيعية

وانشاء الله كل النساء المهضومات حقوقهم (السنفورات الطيبات )ياخذون حقوقهم من شرشبيل (الرجل)
 
درة من درة
اطمنك انا بخير وحملي انشاء الله بخير وانشاء الله اخبركم بولادتي لانه قربت ودعواتكم لي بسهالة
وياختي الحياة دروس وتجارب بس اهم شي انا احنا مانستسلم لها ونطلع منها منتصرين
ونخلي التجارب تضيف علينا اشياء جميلة تزين شخصياتنا وتقربنا من الله ومن محبة الاخرين ومساعدتهم في تخطى الصعاب ولا نجعلها تسلب منا روحنا وعطائنا للي حولنا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل