خلطه تطول الشعر في شهر ونص

[عريون]

السلام عليكم ورحمة الله وبركاته
خواتي انا عضوه يديده فالمنتدى وحبيت احطلكم هالموضوع الي افادني وان شاء الله يفيدكم
هالخلطه ماخذتنها من احد المنتديات وجربتها وبستمر عليها
هي عباره عن زيت جوز الهند الي علبته خضرا وفي منه اصلي وتقليد الاصلي مكتوب عليه cBc
والتقليد cpc وتيبين راس ثومه تنعمينها تحطين الزيت عالنار شوي وعقب تضيفين الثوم تخلينه يفور خمس دقايق لين يحمر الثوم وبعدين تلشينه عن النار وتخلينه ساعه او ساعه ونص لين يبرد وبعدين تصفين الثوم من الزيت وتستخدمين الزيت ثلاث مرات فالاسبوع وتكون ساعتين او اكثر ....وسلامتكم
واي سؤال انا حاظره ..
وترا هالزيت صراحه عجيب الكل متفاعل وياه والي تبا تتاكد تقرا الردود في منتدى سيدات الامارات والي كانت حاطه الموضوع عين القطى وهي ناقلتنه من منتدى ثاني عشان ما انسب الموضوع لنفسي
والسموحه

 

[ملاذ الطير]

مشكوره الغاليه بس حبيت اسالج الثوم ما يسوي ريحه فالشعر ؟؟

لان الي اعرفه ان ريحته متروح بسهوله وبسرعه .... يا ريت تفيديني

 

[همـ الجراح ـس]

[grade="FF1493 DEB887 008080"]تسلمين اختي ويعطيج العافيه[/grade]​

 

[عريون]

مشكوره الغاليه بس حبيت اسالج الثوم ما يسوي ريحه فالشعر ؟؟

لان الي اعرفه ان ريحته متروح بسهوله وبسرعه .... يا ريت تفيديني

الغاليه الثوم يسوي ريحه بس انتي حاولي تخوزينها بكذا طريقه انا عن نفسي ادخن شعري بالدخون والريحه تخوز ويوم بتغسلينه بالشامبو اغسليه مرتين عشان الريحه تطير......

وفديتج يوم بتشوفين النتيجه الحلوه و الغاويه بتقولين برايها الريحه يعلها مره ماخازت خخخخخخخخخخخ
بس استمري عليها وشوفي النتيجه واي سؤال انا حاظره والسموحه :icon30:

 

[عريون]

[grade="FF1493 DEB887 008080"]تسلمين اختي ويعطيج العافيه[/grade]​

مشكووره الغاليه عالمرور الغاوي ويعافيج ربي ابعدي

 

[الأميرة الصغيرة]

جزاك الله خير اختي وان شاء الله اجربه وقولكم النتيجه

 

[أمل أمه]

ممكن اتحطين صورة الزيت

 

[عريون]

هذي الصوره واسمحيلي عالتاخير اختي :nosweat:
http://www.9q9q.org/index.php?image=Xhnxzwwyv621Vt
والسموحه

 

[ملكة الخليج]

مشكوره اختي

يعطيج الف عافيه

 

[pink girl]

مشكوره وان شاء الله نجربها

 

[( بنت السعوديه )]

مشكوره يالغاليه بس ممكن سؤال؟؟؟

اذا جربته وتركته ممكن يطيح الشعر ولا لا؟؟؟

وكم النتيجه عشان يبين؟؟؟؟

وسوووووووري ثقلت عليك بالاسئله

 

[شمــ العز ــوخ]

تسلمين اختب

بس الزبت اش كثا احط مع راس التومه

 

[ياالعسل]

مشكوووووووووره على هذي الوصفة
بس عندي وصفه ثانية ومجربه تمنع التساقط وتطول الشعر
وهي ........
عبارة عن عصير الجرجير الطازج فبعد عصرة ويكون ( أستخدمي الخلاط ) وحطي شوية ماء عشان تقدرين تخلطينه واستخدمي العصاره على جذور الشعر مرتين في الأسبوع لمدة ساعتين وبتشوفين الفرق.

 

[اندماج الارواح]

مشكووووووووره الغلاااا,,,,,,

 

[العين الوردية]

مشكورة الغالية على هالوصفة بس انا صراحة مااقدر اسويها اخاف ريلي يطردني من الغرفة بسبب الريحة انشاالله يسافرقريب واقدر اعملها

 

[أم امل]

السلام عليكم ياحلوات

أنا قريت هذه الطريقة البارحة من موقع ثاني وقلت ياحرمة جربي ....


وسرت على طول المطبخ وجهزت الزيت وبالليل دهنت راسي وسويت له مساج ولفيته بكيس نايلون عدل علشان الريحة ماتضايق بو العيال ورقدت فيه .... الي عدالج مايروحونه لانه مغلف بالنايلون ولالصبح غسلته مرتين بالشامبو وحطيت بلسم وانا قريت أنه في البداية يطيح الشعر وعقبها النتايج اتكون حلوة....باستمر عليه وبخبركم بالنتايج


بصراحة ودي يرجع شعري طويل مثل الاول لأني من قصيته ومب راضي يطول .... وزيت الهند اوكي والثوم بعد مفيد

وأن شاء الله نخبركم ^_^ بالنتايج بعد انتهاء المدة

 

[Om Dnoo]

انا قصيت شعري قصة الاناناس ومو عاجبتني ابدا وانشالله اختي عريون اجرب الخلطه واقولك النتايج

 

[Rooma1]

ما شاء الله يا خواتي .....مالنا شغلة الا نطول في ها الشعر....وبعدين يتساقط...
سمعت ها الوصفة من وحدة من البنات هني....وبدت تجربها...وأنا قلت بانتظر
النتيجة ....تسلمين الغالية....

 

[فتوشة]

الله يجزاكي الجنة بصراحة عجبتني وراح اجربها .. بس عندي سؤال انا شعري كل ما طال يتقصف واطر اني اقص منة .. فهل عندك حل لهذي المشكلة خصوصا ان نوعية شعري اجعد جاف الاطراف ودهني الفروة:sad_1: وبصراحة نفسي يطول لين نص ظهري لكن من غير تقصف.
وشكرا:bigsmile:

 

[ليليان وبس]

شكلها حلوة هالطريقة

أنا الحين بدأت أستخدم زيت اسمه زيت الممتاز الهندي

الحين لي تقريباً اسبوع ونص

وشكل شعري طال ..

بعد مايخلص بجرب طريقتك

يسلموووووووووو