طيبتي علتي
New member
- إنضم
- 2011/04/13
- المشاركات
- 25
السلام عليكم ورحمة الله وبركاته كيفكم خواتي ان شاء الله طيبين انا قد نزلت موضوع وفيه قصتي ومعاناتي مع زوجي وكنت استشيركم فيه اذا اطلب الطلاق اولا ابغى اقولكم اني انا الحين عند اهلي لي تقريبا ايام لاني فاض بي وماني قادرة استحمله وحاولت معاه بكل الطرق لكن ما فيه فايدة احس انه جالس ينتكس اكثر الله لا يبلانا طبعا هو مايصلي ولا قد ركع لا في البيت ولا في المسجد وحاولت معاه بكل الطرق ما نفع اذا قلتله صلي يقوم ياخذ الدخان ويجلس يدخن والمشكلة اني من كثر ما احاول فيه يقولي والله تصلحين تسيرين داعية وغير كذا افلام الجنس اللي تعبت معاه فيها وانا احاول اخليه يتركها لكن مادام انه بعيد عن الله وما يخاف الله اتوقع يسوي اكثر من كذا لا تقولولي ما عرفتي تكسبينه ولا تتعاملين معاه ترا انا اقرا اللي في المنتدى واطبق من لبس وتعامل واهتمام ولكن والله ما كاني اسوي شيء وغير كذا هو رماني قبل سنة في الفجر عند اهلي انا وعيالي ورجعتله بالغصب علشان اهلي وياريت اني اكرمت نفسي لاني ما طلبت حتى الرضوة المهم انا الحمد لله عندي بكالريوس ودايما اقدم على المنطقة اللي انا ساكنة فيها لكن بعد مارماني انا وعيالي غيرت لديرتنا لاني ماعاد اضمنه وابغى اضمنلي وظيف اعيش منها والحين الحمدلله جاتني الوظيفة وزعل وقال لا ماتروحين تخيلو متحملة كل عيوبة والله انه حتى صرف ما يصرف علينا اما هو ياخذ اللي ابغاه حتى الاكل والله انه مايجيب اللي نبغاه يعني بخيل واناني وغير كذا مانعرف شيء اسمه تمشية ولا خرجة ولا مسيار حابسني في البيت بس اكرفله والله تعبت من هذه العيشة والمصيبة اني اكتشفت انه يتعاطى والله العظيم اني كنت شاكة ولا قلتله قام زعل ورجع الغلط علي انا نصحته وحاولت فيه لكن مافية فايدة عاد انا طلبت منه عن طريق وساطات بينا انه يطلقني لاني مااقدر اعيش معاه خلاص تسع سنوات افنيت عمري فيها علشانه وياليته قدر الحين ابي اسئل اذا ماطلقني اروح المحكمة اطلب خلع ولا طلاق معليش طولت عليكم بس حبيت افضفض واخرج المركوم اللي بصدري
