خلاص مالي حل غير الطلاق ..ادعولي

زوجي حياتي..

زوجي حياتي..

New member
إنضم
2010/11/18
المشاركات
120
كيفكم اخواتي ,,,,وحشتوووووووووني
من زمان مادخلت المنتدى والسبب هالعله الشمالي هبل فيني وقلب حياتي
تذكروون لما قلت لكم صرت صديقته بالفيس بوك وبعد فتره واجهته ...صحيح صارت بيننا مشاكل بس في الاخير رضخ لطلباتي والغى صفحته بالفيس بووك واستانست ,,,,,
بس للاسف امس كان مسافر للامارات وفتحت لابتوبه واحصل انه رجع فتح له حساب جديد بالفيس بووووك ونفس الشي راز صورته وضايف درزن بناااااااااااااات ,,,,,,,ياناس تعبت معه ومليت مافيه امل يتغير ....خلاص انا قررت اطلب ورقتي حياته كلها بنات في بنات شات ودردشه ومسن زوجي مايعيش بدون بنات حسبي الله عليه
والله العظيم اني مشبعتة عاطفيا مدري وش يدور وش يبي بعد ,,,,وش رايكم انا ودي يرجع من السفر مايحصلني بالبيت وودي بعد اكتب له كم كلمه تخليه يندم انه فرط فيني وخرب بيته بس ماعندي اسلوب حلو بالكتابه ياليت تساعدوني
والله مالي غيركم بعد الله
 
استهدي بالله واتعؤذي من أبليس
ولا تيأسي من رحمـه اللهـ
نكك / زوجــي حيــاتي ..

لاتفرطي فيــه وادا تعبتي في اصلاحـه
إلتجي الى الله بدعاء والصيام والقيام
لاتفكري بطلاق وتضعفي ..

الله يفرج همـــي وهمك وينور طريقك
 
الله يكون بعونك

ولا حول ولاقوة الا بالله
كل شي بالتفااهم
 
يا بنت الحلال لا تستعجلي وفي النهاية يضحك مع ذي ويحكي مع الثانية ويرررررررجع لكي لوحدك

فكري بالايجابيات وبس

ومصيره يعقل ويرجع لبيته

والله يسخر لنا ازواجنا جميعا
 
خلاص انا تعبت مليت من كثر مايخوووووووووون
والله العظيم اني مااقصر عليه بشي
ياناس حتى راتبي كله له ,,,,ماعمري قلت له كلمة لا
 
لا ليش تتطلقين على شان شئ كذا ؟

وعني سؤال مهم تجاوبيني عليه

: هوه يتكلم مع البنات بالجوال ؟ والا بس بالفيس بوك ؟ < لي عوده

تحياتي^^
 
بتهدمي بيتك وبتتركي زوجك من اجل وحدة تكلمت معاه بالفيس بوك حكمي عقلك وامسكي زوجك بالاناقة والثقافة والحنان والتطنيش عن حركاته الصبيانية وحاولي قدر الإمكان تسولفي معاه عن المخادعات و النصابات اللي يسوؤه حالهم بنات اتكيت وهن في الحقيقةاما اولاد او محترفات في النصب ع الرجال واستغلاله ماديا ودائما قولي ان التكنولوجيا صنعت لمساعدة الناس وليس استخدامها في معصية الله واذا ممكن تكلمي عن حريم عندهن حساب بالفيس بوك وضايفين رجال يسولفون معهم وشوفي ردة فعله اذا فهم الرسالة خير وبركة مافهم اشغلي نفسك عنه وعن سخافاته وادعي الله ان يهديه ويحنن قلبه عليك ويسخره لك واصبري وماصبرك الا بالله
 
ليش تطلب الطلاق على انة يسولف مع بنات في الفيس بوك عادي اهم شي انة مايسولف باالجوال ليش تخرب حياتك اداعي اني الله يهدية ويسخرة لك
 
وراتبك كله له ليش ان شاءالله ؟...تعتقدين انك بكذا مشبعته من كل النواحي ...انتي بكذا خسرتيه بقوه وخسرتي نفسك بعد ...لاتكونين فهمتي غلط ان الزوج ولي مقدس والغيتي شخصيتك عشانه ؟...قبل ان تفكري بالطلاق غيري شخصيتك وكوني حازمه معه ..توقفي عن اعطاءه راتبك وتوقفي عن ملاحتقه ومراقبته وركزي على اصلاح عيوبك وقوي شخصيتك..تعلمي تحبين نفسك اكثر من حبك اياه ..اذا جاء من السفر اجلسي معه جلسة مصارحه ضعي فيها شروطك للاستمرار في عيش حياة سعيده ومستقره ..وواظبي على الدعاء ..والله يسخره لك ويهديه
 
الشمالي عقدته الانسانة الي ترضخ له وتضعف يعني انتي شخصيتك ما تستهووية أبداااااااا

راتب وعطيتيه حب وعطيتيه صحتك وسهرك واهتمامك وكل شيء عطيتيه ..

واش استفدتي في النهاية تفكرين بالطلاق ,, هذا الي قدرتي عليه .........!!!

للاسف قراارك خاطئ راجعي حساباتك وابدأي معاه حبه حبه .. صفي حساباتك بأدب واحترام ولا تسمحين له يهينك اكثرر خليه يشبع بالفيس بووك خليه اتررركيه لربه .. بس لا تخلينه اهم شيء بحيااتك ..
تناقشي انتي وياه ع هالوضع واطلبيه جميع حقوقك بقووووووووة وصرامة .. اولها الراتب .. لانه لك ومن حقك .. توكلي على الله ..

بعد ما تورينه صرامتك ودفااعك عن حقوقك صدقيني راح تنسين موضووع الطلااق ..

اتمنى تحذفين الرضووخ له من قاموس حياتك ..

الله يفرج همك
 
اعتذر منك مقدما لان ردي بيكون قاسي شوي عليك ...

اذا كان شمالي فانا بقولك نظرته لك :
- واتوقع انها نظرة جميع الرجال -

​
  • يرى انك مثل امه تهتمين به وبالبيت وتضحين لاجله ...​
  • يرى انك صراف تحت خدمته وطلبه ... وهذي تضحيه اخرى ...​
  • يرى انك امرأة زنانة وفارغة ... ليس لك هم الا هو وناسية نفسك ...​
والرجل لا يحب المرأة المضحية والفارغة ...

ليش تلومينه وانتي غلطانه ...

الحل :​
  1. تقربي لربك ... لان من جعل همه الاخرة جمع الله شمله وفرج همه ... واكثري من الدعاء له .​
  2. اهتمي بنفسك ودلليها وكوني مرحة وسعيدة ... وعيشي لنفسك ... واجعلي لك اهداف اخرى غير زوجك واسعي لتحقيقها .​
  3. تناسي وضعه ... ولا تحدثيه ابدا في هذا الموضوع ... ولو حاول يستفزك به تجاهليه .​
  4. امنعيه منعا باتا من راتبك مهما حاول وكوني صارمة هنا .​
  5. قومي بجميع حقوقه وكوني رسميه معه اذا اخطأ بدون ان تعاتبيه ... لانه يعرف موقفك تجاه هذا الامر والنقاش لم ياتي بنتيجة ... ​
اسال الله ان يزيدك بصيرة وحكمة وحزم ... وان يصلح لك شانك كله برحمته وفضله .​
 
استغربت كثير من ردود البنات الي يقولون عاااااااااادي ولاتخربين بيتك !!!!!!!!!

ياناس هي اللحين الي تبي تخرب بيتها ؟!!!
والسيد الي ماحترم نفسه ولا راعى زوجته وارتكب المحظور مايبي يخرب بيتها ؟!!
والا بس الزوجه هي الي مطلوب منها تحافظ على البيت حتى لو انداست بالرجلين ؟!!!

الله يكون بعونك اختي
وخذي لك موقف قوي يايصير رحال ويحافظ على بيته والا الفراق واجهيه وبكل قوه وهو عقله براسه يعرف خلاصه واذا صاير مصر وبيستمر بالغلط فانت مخيره انك تسكتين وترضين بالغلط والا انك .....
تعرفين الباقي
 
الله يكون في عونك ياأختي بس تري هالحركات الي يسويها زوجك مو شرط انه يكون السبب منك انت يعني تكونين مقصره معه في شي لا لانه بصراحه يقدر يكلمك ويفهمك وانت تتعدلين هذا لو كنت مقصره بس أنا أعتقد أن المواضيع هذي تبدأ كانوع من التجربه والتسليه بعدين تصير زي الإدمان والسبب الحقيقي ضعف الوازع الديني حاولي قد ماتقدري انك تخليه يقوي علاقته باالله وطرق كثيره وخليه يشغل نفسه بكثر العباده وانت شاركيه كمان صلة الرحم بالاضافه طبعآ الاشغله وبأذن الله اول شي قلبه راح يبدأ ينظف شوي شوي من هالوسخ وعلاقته باالله راح تتحسن وانت دايم ادعيله بالهدايه وأن الله يطهر قلبه ويثبته على دينه وأن شاء الله رأح تشوفين خير
 
شوفي حبيبتي انت مومجبورة تعطيه ولا ريال من فلوسك..........هو اللي مجبور يصرف على البيت حتى ولو كان مليح الأيام مابتعرفي شو حاملة لك؟؟
والله الرجال هالأيام أشباه رجال مافي غير الخيانة والسفريات وغيرها من البلاوي .......وأحيانا الزوجة تساعده على التمادي بذلك ........أما انهادلل به ولو على حساب نفسها .........أو تهمله ولا تسأل به
خلي الأمور وسط أهمتي به وأعملي بما أوصانا به ديينا الحنيف وعزني نفسك ولا تكلفيها فوق طاقتها.........أستخيري وربنا يوفقك
 
اسحبي بطاقتك منه واهتمي في نفسك اكثر واكثر وطنشيه حسسيه بانك ماانت ميتة عليه والله يفرج همك ويسخر لك زوجك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل