خلاصة تجربتي من زواجه علي ونصايحي للزوجات الاوليات (زوجات ناجحات)

حمد لله على سلامتك ربي يشقيك شفااااء لا يغاااادره سقمااااا
 
ماشاء الله عليك أختي ..
منطقك وحكمك تدل على عقل واعي جداً
ألف شكر لك على كل نصيحه كتبتيها لنا
وكل حروفك أعتقد إنها ملخص أكثر من رائع يساعد في بناء أسرة سعيدة
غطيتي كل الجوانب إن كانت شخصية أو مشتركة ..

الله ينفع الجميع بكل ماكتبتي ويثقل به ميزان حسناتك
والله يعطيك الصحة والعافية ويحفظك لأحبابك يارب
​
 
الحمد الله على سلامتك والله فرحتيني برجعتك يا لغلا في انتظارك
استغفر الله واتوب اليه
 
حبيبتي قراة موضوعك حتى وصلت ص 23 ماشاء الله عليك الله يرزقك رضاه وبر اولادك عزيزتي انا زوجي اتزوج علي مرتين اول مرة اخذ وحدة اكبرمني 22 سنة وطلقها وبعد اكدلي انه عرف غلطته وحلف ما يكرر التجربة بس رجع اخذ وحدة بعد اكبر عني 18 سنة وانا اكيد انتي تعرفين لاي درجة تعبانة نفس الاحساس اللي كنتي اتحسينه اتمنى اتساعديني
 
اختي الغاليه وينك ياليت تكملي لنا باقي الدرر ماشاء الله عليك عسى ربي يشفيك ويعافيك ويخليك ارجووووووووووووووك انا في انتظارك وفي اشد الحاجه لموضوعك الاكثر من قيم
 
ياربي تردها لنا عاجلا غير آجلا
 
:wink:]الحمد الله على سلاااااااااااااامتك يا كنت احلم والله يكتب اجرك
 
كل عام وانتم بخير وتقبل الله منا ومنكم صالح الاعمال

الحمد الله على السلامه كنت احلم
نورتي يالغاليه الله يحفظك
وانا بنتظار نصايحك اللي مانستغني عنها جعلها ربي بموازين حسناتك
 
في انتظاااااااااااااااااااااااااارك
 
كل عام وأنتن بخير كييف حال أختنا كنت أحلم والله سجلت في المنتدى عشانها
 
السلام عليكم اختي في اللة كنت احلم هذه اول مشاركه لي لكني كنت متابعة لموظوعك استفدت منة كثيرا ومازلت اكرر لانة يريحني كلامك جدا جدا انا واقعة تقريبا بنفس مشكلتك وشاكة في زوجي انة متزوج مسيار ولاكنة ينكر ذلك وبقوه لاكن احوالة تغيرت معي اسلوبة معاشرتة من خلال الانماط زوجي طلع جنوبي غربي وانا شمالية شرقية ودي اراسلك على الخاص وتشيرين علي واللة اني بحالة مايعلمها الا اللة .اللة يشفيك ويجعلك قرة عين لزوجك واولادك ويجعل ماحصلك تكفيرا لذنوب ورفعا لدرجات
 
أسأل الله العظيم رب العرش الكريم أن يزيل همك ويفرجك كربتك ..
وأن يرد لك زوجك ردا جميلا وجميع الزوجات المغدورات يارب يارب يارب..
 
قريت تقريبا اغلب الردود وكلام الاخت الغاليه كنت احلم
انا الحين تعبانه نفسيا وربي ومنهاره
كنت عند اهلي بسبب انه ضربني والسبب خواته سوو لي مشكله عشان يضربني
ورحت لاهلي وطلبت لي شقه بعيده عنهم قال ماعندي امكانيه الحين خليه بعد شهر
قلت خلاص بعد شهر تعال انا عند اهلي بنتظر عادي
ولما راح لمناسبه استغليت الفرصه وقلت اروح لبيتي واجيب اغراض ناقصتني لقيت
المصيبه لقيت ورقه بجنب الاب توب وفيها ارقام بنات كثيييييييييييييير وربي يمكن عشرين رقم
اللي باسم امل واللي باسم البندي واللي فاطمه
ولقيت كاتب في الورقه وصل لام فهد الخطابه خمس ميه ريال ولام عبدالعزيز الخطابه الف ريال
جن جنوني وربي لما احتاج عشره ريال بس يهاوشني ويقولي انا الحين يالله اشتري لك رز وملح تبين عشره
اسكت واصبر
اتصلت على امل اللي شفت رقمها متكرر بالورقه وقلت لها قالت لي زوجك كان بيني وبينه مشروع زوج وانلغى واذا عرفني وكشفتي تاكدي انه راح يعرف الف غيري قلت لها
طيب انتي بنت ناس وش اللي جابرك تتزوجين مسيار ثقي بالله انه نصيبيك راح يجيك مو بهذي الطريقه
لانه عندنا معروف ماتعرض نفسها لمسيار الا انه بها عيب وفيها شي خايفه منه او تبي ترضي رغباتها
تحت مظله انه مسيار وحلال قالت انا كنت متزوجه وطلقت وعندي اطفال وزوجي خاني وابي احد يصرف عليهم قلت توظفي احسن لك واستر قالت توظفت في مدرسه اهليه وتركتهم استغربت دامك محتاجه
تصرفين على عيالك ليه تتركين الوظيفه شكيت وربي بكلامها
المهم قالتي انه علاقتي بزوجك اسبوع وانتهت وانهم تهاوشوو لانها قالت انه اختها نحيفه قال خلاص انا غيرت راي الحين ابي اختك مابيك انا احب النحاف تقول اختي رفضت وبعدين قالت لي انه جاء وخطب وحده تعرفها
وانه عطاها مبلغ ضعيف وانها قالت لها وش تبين فيه وهذا عطاه لك قالت شوي شوي راح اسحب كل اللي عنده قلت يعني يقابلها قالت مدري بس اول يوم قابلها بس ماادري اذا عاشرها ولا لا
بعدين سالتني قالت وش وظيفته قلت موظف عادي قالت يعني مو عقيد مثل ماهو قايل لي يوم جاء يخطبني قلت لا قالت حسبي الله عليه ونعم الوكيل يكذب علي وجعله لمسرع اللي ياخذه بعدين قالت لي بقولك اسراره تراا سالته هل لك علاقات مع احد قبل قال ايوه مع بنت من جده وطولت معها لين تزوجت وانتهت العلاقه وقالت لي انه صاحبه هو اللي دله على هذا الطريق اللي هو طريق الخطابات اللي عن طريق النت وعن مواقع المسيار في النت
بعدين سالتني عن راتبه انا على نياتي قلت اظن عشره الالف قالت مشاء الله بعدين قالت لي اي مساعده اتصلي علي ولما قلت لاختي هاوشتني قالت هذي تستدرجك واخذت المعلومات اللي تبيها منك
وقالت اختي اجل وش عرفها انه تدور غيرها مشاء الله لايكونو بنات المسيار عايشين في بيت واحد
وقالت لي اختي هي قالت اي مساعده اتصلي في وبساعدك
قالت ايوه قالت اجل بنشوف تساعدك ولا اتصلي وقولي لها ابي مساعده اذا ردت عليك يمكن صادقه بكلامها واذا طنشتك اكيد كذابه اتصلت عليها من نفس الرقم مادرت علي وتعطيني مشغول ارسلتها مسج اني ابيك تساعدني نفس الشي ماردت وعدت الاتصال قلت يمكن مو معها الجوال
حسبي الله عليها
وربي انقهرت اني عطيتها معلومات عنه
المهم لما رجع من السفر ارسلت له مسج وقلت له طلقني وخذ راحتك من بنات المسيار اقصد بنات مسيار الجنس وكذبت عليه وقلت تراا انا استدرجت البنات وخذت رسايلك ومكالماتك معهم اذا ماتطلقني بفضحك وايضا كذبت عليه وقلت له
اني سجلت محادثه مع الخطابه وكذبت عليها وسالتها عن زواج المسيار وقلت لها اختي بنت صغيره واحنا من بنات الحموله وردت علي وقالت ابعدي يابنتي عن طريق الخطابات نصيحه لك واختي راح يجيها نصيبها ويوم سالتها ليش قالت مايجي لنا الا البنات اللي الله يصلحهم دمروو سمعتهم ويبون يصلحونها هذا اغلب اللي يبون مسيار
ولما راسلته له ردي واني كشفته ارسل لي وقال انه تزوج على سنه الله ورسوله وانه انا السبب لاني تركت بيتي بدون سبب مع انه فيه سبب قوي لان خواته دايم يسون لي مشاكل واصبر بس انه يكون معهم ضدي هذا اللي خلاني اطلع من البيت اللي اصبر عشانه وعشان خاطره واطنش حتى اهانتهم لي يجي اخرتها هو نفسه يكسر ظهري عشان خواته وكذبهم وبهتانهم لي
المهم
قالي انه يبي يرضيني وقالي انه عطها بس عشرين الف قلت له مابي شي ابي ورقتي بس
قال لا مافيه انتي ام عيالي قلت وربي عفتك من فعايل خواتك تالي تجي انت تكسر ظهري بفاعيلك وبلاويك
المهم خواتي يقولون لي لو انه متزوج زوواج عاد كان اقل شي خواته يتفرحون عليك وينشرون الخبر هو قالك الخبر وجلسنا اسبوعين ولا سمعنا من احد طاري عنه
اكيد انه مسيار وعشان فضحتيه يبي يستر نفسه ويقول لعالم انك كذبه وانه زواج عادي سالته منهي هذي
قال انها بنت شيخ قلت بنت الشيوخ ماترضى بالمسيار الا وفيها بلا عشان تلصقه فيك
المهم عشان اقهر ارسلت لعيالي له ومعهم الصغير اللي عمره سنه وربي اني ارسله له وانا اموت من القهر
وقتها مانمت الليل كله لا انا ولا امي ولا خواتي نبكي على الصغير اللي محتاج لنا ومسكين مايعرف شي
امي لما جاء الصباح سوت نفسها ماتدري عن شي اتصلت فيه وقالت وشفيك على ام عيالك مزعلها
اكيد قايل لها شي ولا ليه ترسل عياله لك بدون سبب وغير كذا متغيره نساله تقول مافيه شي
بينا
قام قالها ماادري سمعت كلام عن خطبه وكذب حريم وانا مسوي ها الشي عشان ادبها قالت امي خلاص رد علي العيال انا مااتستغني عنهم وردهم لي و
بعد اسبوعين جاء اليوم وقابليني وقلته له شروطي وربي اني كارهته يابنات
بس امي وخواتي اقنعوني عشان عيالي اصبر وانها دامها مسيار مراح يستمر معها
بس انا خايفه انه يطنشني انا وعيالي مثل ماسوى ابوه في امهم وفيهم
وربي يابنات اني منهاره ولدرجه اني حاسه اني بضر نفسي لاشعوريا صرت اضرب براسي الجدار
ودي ادخل غيبوبه ولا ادري بشي ويزيدني قهر لما اشوف عيالي خايفه تنسيه عياله زي ابوه
يوم نسهاهم ونسى امهم

مره يقول لامي انه يبي يادبني وانه كلام وكذب وفي الاخير يقولي لا خطبت وقالها لامي بعد اليوم انه تملك
على بنت تدرس بالكليه عمها خويه بالعمل
يعني صغيره وانا عمري 38

وكلما تذكرت شماتت خواته علي وانهم بزيدون لي قهر على قهري وراح يخلون زوجي يحبها وينسني
امووووووووووووووووووووووووووووت ميه مره وربي
بنات تكفون ساعدوني الله يخليكم
ودي احد يرسلي بالخاص اقوله صفات زوجي حسبي الله عليه وعلى من دمر حياتي وتعب نفسيتي

الله يخليكم ردووو علي بسرعه سااااااااعدوني تكفووووووووووون ساعدوني لاتبخلوون علي الله يخليكم
الله يسعدكم ويرد كل وحده لها زوجها رد جميل ويسخر لها يارب

مقهووووووووووووووووووووووووووووووووووووووووووره وربي وربي وربي مقهووووووره
 
اختي ظلموني يارب شوفي حبيبتي لاتخلين احد يتهنا بزوجك غيرك انت واولادك اول شي اعرفي نمط زوجك لان النمط يساعدك كيف تعرفين زوجك وجيبية بطريقتك على حسب نمطة اذا كان حنون ارسلي له عبارات تهزة وتخلية يندم على فعلته وانا انصحك بشراء كتاب المريخ والزهرة يساعدك على التعايش مع زوجك ولاتنسي الدعاء الدعاء الدعاء وقيام الليل بس مو مسبة
وطنشي خواته لانهم يسعون في خراب بيتك يعني لاتعطينهم اهتمام لان انفعالك يساعدهم على خراب بيتك
واكبر غلطة تركتي بيتك وخليتي الرجال يفكر ببدائل يعني كان عالجتي الموضوع بأمور أخرى غير ترك البيت
الله يسخره لك اللهم اميييييييييين
 
كنت احلم
الف مبروك رجوع زوجك لك الله يتمم عليكم الاستقرار والالفه
اتمنى مراسلتي على الخاص للاهميه ولك جزيل الشكر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل