خلاصة تجربتي من زواجه علي ونصايحي للزوجات الاوليات (زوجات ناجحات)

ترجعي بسلامه بارب
بالتوفيق يارب
 
نرجع حبيباتي لإضافتي الي يحتاج للتكمله ..

وتذكرت اختي نووف لما سألت عن الفيتامينات
لا يالغاليه عمر الفيتامينات ما تسمن الوحده ابدا
ان كنتي تبين تبتعدين عن الاشياء الي يسمنك
امتنعي عن كل انواع النشويات
ومجموعة النشويات كل ما لونه ابيض او قمحي ببعض الاحيان
الرز المكرونه البطاطس الدقيق السكر ..

....

بالنسبه للمشروبات الي يهدئ الاعصاب

استعيني غاليتي باليانسون لما تحسين نفسك انك متوتره او بحالة من القلق

او النعناع او شراب الشوكولاته الدافئه

يساعدك انك تروقين وتهدين ..
أنا مدمنه كل انواع القهوه

العربيه او الانواع الثانيه

ما كنت ابتدي صباحي الا بشرب كوب من القهوه او الكوفي

ولسه قاعده اغير هالنظام واستعين بالعصاير الطبيعيه

وان شاء الله اني اقدر اغير النظام القديم

لاني شفت فعلا نتائج ممتازه بمزاجي وراحة بالي

الي عندها مشاكل او شي يشغلها تحتاج للنوم لساعات كافيه

بالتالي المنبهات ما راح ينفعها لان فعلا يخليها تتوتر وتفكر بمشاكلها مطولا بدل الراحه واخذ قسط من النوم

حتى النوم نعمه لان العقل يتوقف عن التفكير بكل ما يشغله

فلا تتهاوني انك تنامين بقدر كافي انك تقومين وانتي مرتاحه جسديا

وكثيرات لاحظوا ان لو صار لها مشكله بالليل

تقعد الصباح تحس ان مشكلتها ان شاء الله صغيره ومحلوله

دام اشرق صباح جديد على حياتها

هذا يعني انها مستمره بحياتها وتقدر تواجه كل شي بس الاهم انها مقتنعه بشي واحد

دام الله نعم عليها بنعمة انها تستقبل يوم جديد

هذا يعني ان ينتظرها اشياء تستحق انها تجربه وتعيشها

سواء بحلوها او مرها هذا المقسوم لك ..

وراح اعيد كلامي سبق كتبته بمنتدى ثاني

وهالكلام كنت اقوله وانا عمري عشر سنين ولكم تتخيلون اني ما قلت هالكلام الا بعد ما جربت فراق الام والاب والاخوات وانا بهذا السن وما عانيته

كنت مقتنعه تماما ان هالكلام صحيح

لأن بعد كل يوم جديد كنت اذكر نفسي فيه

وبيوم من الايام قلت لخالتي هالكلام بعد ما بدر منها كلام فعلا اثر فيني كانت تعاني من مشاكل

ورغم اني كنت صغيره وقتها الا مدري كيف كانت تشوفني وقعدت تقول الي بخاطرها لبنت بعمري

صارت تشكي لي همها

وما قدرت اني اساعدها الا بكلامي هذا الي بقوله لكم الآن

قلت لها خاله :

كل مشكله نهايتها نقطه .

ايه حبيباتي فكروا بالشكل هذا وبترتاحين نهائيا

بعد مرور سنين ايه والله سنين

جتني اختي قبل سنه او سنتين والله ما اذكر

قالت لي خالتك زوجها توفى وولدها طلق وبنتها عندها مشاكل مع زوجها

وكانت تبكي ومره وحده ابتسمت

قلت خلاص خالتي استجنت

قالت لي تدرين ليه ابتسمت

لأنها تذكرتك وقالت لي

اختك الصغيره قالت لي شي وهي صغيره مره

قالت يا خاله كل مشكله نهايتها نقطه تنهيها .

وبعدها قالت والله ان ما يمر علي شي يضيق صدري الا اتذكر كلامها وتهون علي مشكلتي رغم انها بعيده هي بديره وانا بديره الا ان كلامها يرن بإذني واحس ان الحياه مستمره رغم كل شي

وانا ابيكم تفكرون بالشكل هذا وتستعينون بذاكرتكم لكل طيبه سمعتيها وله اثر على نفسيتك ويخليك تصيرين اقوى من قبل

نرجع للجانب الاخر ..


استعيني بتخيلاتك وبتفكيرك من الجانب الآخر

تعرفون اي جانب

جانب التفائل بالخير

اكيد قرأتوا اكثر من مقال عن هذا الموضوع

ابيك مو بس تقرين وتنسين لا ابيك تطبقين

وان كنتي مشتته بأفكارك ابيك تعلقين اوراق صغيره تذكرك انك تكونين متفائله

طبعا انتي مو عايشه لحالك

واكيد من شاف هالاوراق بيقراها بشكل استغراب

لو كتبتيه لا تنسين انك تتفائلين
او كتبتي فكري بشكل ايجابي

ما نبيك تكتبين هالملاحظات
ابيك تكتبين مقوله يوحي لك رغما عن الشعور الي تحسين فيه

ان كلمات هالمقوله فعلا تبعث روح التفائل لمن يقرأه سواء انتي او غيرك من الي مر على ملاحظتك هذي

أجمل ما في هندسة الحياة :(( أن تبني جسراً من
التفاؤل على بحر من اليأس))
زي ما كتبت لكم كذا شوفي لك مقوله فعلا تحسين ان يبث فيك حماس التفائل

طيب قريتيه اليوم كيف تبتدين يومك وش الاحساس الي تحسين فيه لما تقرينه

ابقول لك
لما تقرينه ابيك تبتعدين كليا عن اي فكره تشوش لك افكارك بيومك الجديد هذا

ابيك تكونين واثقه تماما ان كل انسان له جانبين من حياته

جانب مظلم وهذا الجانب فيه اليأس وفيه تشويش لافكار الشخص بعد ما مر عليه ظروف او ضغوط

ومثل ما وصفت لكم هالجانب قلت عنه مظلم

يعني ليه تتلقين فيه كل يوم وتقلبين صفحاته دام هالجانب مظلم وما بتقدرين تشوفين من خلال ظلامه الا السواد الي يخليك تفتقدين الجانب الاهم من حياتك

الجانب المشرق طبعا
من الكلمه نفسها يوحي لك بالنور بالسعاده بالراحه وكل ما يحتويها من كلمات مشجعه للانسان ان يواصل مسيرته بشكل جميل جدا

ابيك تفكرين لما تقرين مقولتك الي اخترتيها

إن لكل انسان دور معين لازم يأديه على اكمل وجه

فبدل انك تفكرين بمشاكلك بهمومك

دلعي نفسك من خلال تفكيرك الايجابي

ابعدي عن نفسك وساوس وكل ما تتذكرين مشكله

يزيد رصيد وساوسك من خلالها

تتذكرين مشكله بسيطه او كلمه فعلا اثرت فيك وجرحتك

تزيدين رصيد الحقد للشخص الي جرحك ووالله ان هالشخص عايش حياته ولا هامه الآن وانتي الي قاعده تتذكرين سوالف ما راح يفيد الا انه يخرب لك يومك الي الله انعم عليك فيه لكن ما استغليتي هاليوم بالعكس قعدتي تحسبين وش لك عند زوجك وش قال لك وش فعل وليه وكيف ؟؟

ابيك تفكرين بشكل ان انتي كإنسانه لك طموح

ما اكتشفتيه اقعدي مع نفسك بدل تقليب صفحات الماضي المظلم اقلبي صفحات اليوم المشرق هذا وأسألي نفسك وش طموحك

وبنفس الوقت ابيك بكل ثقه تتأكدين لو تفكريك ايجابي

راح تلاقين مليون طريقه انك توصلين لهذا الطموح

ولو كان شي بسيط المهم انك تنشغلين بشي انتي نفسك فيه انتي تحسين ان لو سويتيه راح ترتاحين راح تحسين ان لك دور وانك على قدر من التفكير الراقي الي يخليك تفهمين نفسك وش ودك فيه او وش تبين تسوينه ترااا قليل جدا من الناس الي تقدر تستوعب كيف تقدر تجلس مع نفسها وتتفائل بالخير وتطرد كل افكارها السلبيه وتلتقي بعدين بافكار جميله تطبقها وتحاول بقدر الامكان انها تعمل على تحقيقها

وتأكدي ان ما راح يصير هالشي الا ان كنتي مقتنعه ان كل شي تقدرين تسوينه حتى لو كان شي صعب

فكري ان بتسوينه بشكل مبسط وسهل ولكن كوني على اقتناع انه الافضل دائما
لعل كلامي مو واضح لبعض الاخوات
لأنك يالغاليه مقتنعه

ان المرأه اكثر شي يشغلها بيتها عيالها زوجها اهلها
لكن وين انتي من كل هالاشياء

ابيك تقعدين مع نفسك

وتفكرين وش تبين انتي تسوينه وش طموحك

حتى لو كان هالطموح لعيالك

مثال :

وحده من الاخوات كنت اسولف معها عن هالموضوع قبل فتره

قلت لها وش طموحك قالت اربي عيالي ما يقصرهم شي ووو

طيب ما حددتي ؟؟ بشكل افضل

قالت ودي ان ولدي يتعلم شي .. وقالت لي فعلا وش هالشي الي ناقص ولدها ..

قلت لها طيب وش دورك انتي لما تطمحين ان هالولد الي يحتاج منك هالشي توفرينه له وش سويتي

قالت لسه ما قررت

متى يعني لما يكبر .. هو الي يساعد نفسه ..

قالت لا المفروض الآن بس مو عارفه كيف

السبب :

ما قعدت مع نفسها وفكرت بشكل ايجابي كيف تقدر توفر هالشي للولد

كيف تساعده
كيف تقدر انها توفر له اساليب يقدر يتعلم من خلاله الاشياء الي ناقصه

تدرون ليه ؟؟

لأن الاخت مشغول بالها بمشاكل ثانيه بمشاغل ثانيه

بدل كل هذا بدل ما توجه نفسها لشي مفيد يفيد قضاء وقتها فيه بشكل ايجابي وتتفائل ان هالشي ممكن يزيد رصيدها من عطائها كإنسانه لها دور

قاعده تقلب بصفحات ماضيه ..

وتاركه اشياء جميله جدا يخليها فعلا تستقوي على ظروفها وتحس براحه لان لمجرد ابعاد نفسها عن التفكير بالمشاكل هذي بحد ذاته اول النجاح انك انسانه قويه تستحمل كل ما يمر عليها من ظروف

وانا تعلمت من خلال تجاربي

ان كل صفعه تجيني وبعدها انصدم من الي حصل لي اوقف على رجولي وانتظر الصفعه الي بعدها ولكن ما اتهاون اني اعيش حياتي بطولها وعرضها
لان مستحيل ان يمر عليك حياتك كلها بشكل حلو

وان كنتي مقتنعه بعكس هالشي
فكري بشكل منطقي وهاتي اسماء فعلا عاشوا بسعاده طول حياتهم

بالنهايه السعيد والي مرتاح

هو الي فعلا يفكر بشكل إيجابي ويستقوي على ظروفه رغم كل الي حصل له ..

اضافتي هذي كان من النوع الدلع النفسي

لما تتجردين من كل شي حولك وتدلعين نفسك

لما تفهمين نفسك بشكل افضل لما تواجهين حقائق اهدافك وطموحك بالشكل الي المفروض كل انسان يستعين فيه ..

لي رجعه ان شاء الله
 
قصتك اختي تثير الشجون وتحيي الامل في نفس الوقت فجرح الغدر من اقرب الناس لا دواء له متشوقة لمعرفة النهايه السعيدة والخطوات العملية التي اتبعتيها لاستعادة قلب زوجك وابو عيالك
 
مرااااااااااحب ياعزيزاتي حبيت انقل لكم هذه المقاطع الي تساعدكم على الاسترخاء اتمنى لكم الاستمتاع


جلسات إسترخاء و أصوات طبيعية​





إضغط علي إسم الملف المراد تنزيله

إسترخاء و هدوء طبيعة..موسيقى طبيعة كاملة


46238.jpg




جلسه استرخاء لصلاح الراشد.ج1.mp3

جلسه استرخاء لصلاح الراشد mp3.ج2


N%20El%20refaey.jpg




الإسترخاء بصوت نجيب الرفاعي.mp3



تمرين جلسة الاسترخاء_ د. رأفت عسكر.mp3


موسيقى هادئة. تأمل. استرخاء. صوت الطبيعة Relax Music.mp3



​
 
عذرا الرابط الاخير فيه شوية موسيقى مادري مشككة

حاولت احذف الرابط بس ماقدرت .. للتنبييه ..​
 
كنت احلم قال:
رجعت لكم وانا كلي شووووووووووق

امة الله الضعيفه كلامك بلسم على قلبي
جزاك الله خير

وبارك الله فيك انك تساعدين خواتك في الله وترسلين لهم الرابط

وعندي ملاحظه للاخوات الي استلموا الرابط

يجب التسجيل وبعدها تدخلين على ملفي الشخصي وتشوفين المواضيع

البارحه كنت موجوده هناك ..

وشفت اسمك يا امة الله الضعيفه بأكثر من موضوع من مواضيعي

والحمدلله ان اعجبك المواضيع وان شاء الله القادم اجمل

لان برضوا هناك ينتظروني وعارفين اسباب غيابي واجازتي المرضيه

رغم اني طلبت احالتي عن الاشراف الا انهم مصرين اني ادخل اقسام المشرفين

والمنتدى والله فيه فائده عظيمه بكل ناحيه من نواحي الحياة الزوجيه العمليه او الجماليه وغيره

والاهم انه منتدى نسائي فقط ..

اجهز لهم حاليا اكثر من موضوع حتى اعوضهم الغياب

وان شاء الله بيعجبهم ويعجبكم بإذن الله هنا اتكلم عن الزواج ووو

وهناك عن تجاربي الخاصه بالبيت والتنظيم

يعني عندي زوجتين هههههههههه وان شاء الله اعدل ههههه

...........

الأمل 22

فرج الله همك واثابك على صبرك

بعض الملاحظات الي كتبتيها على ما لاحظتيه من اضافتي

هذا يعني ان زوجك جنوبي غربي

وتنطبق عليه اكثر النصائح الي كتبتها بالموضوع

حاولي قدر الامكان انك تدلعينه ولا تتكلمين عن الزوجه الثانيه

فو الله دام يطيب خاطرك وما وده يزعلك هذا دليل على حبه لك

ودليل على انه ندمان على اختياره لهذا السبب

ليه ؟

لأن كل انسان ممكن يشفق على فئه معينه

ذوي الاحتياجات الخاصه
المرضى بامراض مختلفه
الفقير
اليتيم
وما الى ذلك من ظروف
ممكن الانسان يحنن قلبه لمساعدتهم ..

لكن بزمنا ..

اختصاص المطلقات والارامل

صار اختصاص رجالي بحت لمساعدتهم

انا ما انزل قدر المطلقه ولا الارمله

لكن بنظري ان الرجل يشوق هالحالتين

من اهم الحالات الي يقدر يعلق عليها بعض اعذاره للتعدد

ولو ما عنده يصرف على بيتين الا ان يجمل لنفسه الزواج من الثانيه

ولو ان يعرف ان ما بيقدر يعدل لاسباب كثيره

خصتا بالزمن هذا ولو اني بذكر لكم الاسباب الي ما يخليه يعدل

كان ما خلصت ..

الا من رحم ربي واكيد انهم قليلين من الرجال الي يعدلون

ولكن بالمشاعر مستحيل لازم يميل ..

ومو بس يميل الا لازم بيبين عليه هالميل عاجلا ام آجلا

بتصرفاته برغباته بتلبية احتياجات واحده من الثنتين

وهالشي بيشب نار بقلب وحده منهم

بالتالي الرجل انسان مهو كامل

واكيد انه ما بيقدر يعدل لو ايش يصير خصتا بزمنا هذا

وبرضوا ما اعمم لكن الود ودي اشوف بعيني رجل مع زوجتين يعدل بينهم

الى الحين ما شفت ولا قريت ولا وصل لي اي رساله من الاخوات ان الرجل

ممكن يكون عادل

بالعكس توصل لي رسائل واسمع قصص ان يا الاولى مسنتر عندها

او الثانيه بس ..

وكثيرات بالمنتدى تزوجوا رجل معدد لظروف خاصه فيهم

لكن برضوا نشوف رغم انها الجديده رغم انها موفره له كل شي

ورغم انها تكون احلى او اصغر

الا انه لم يعدل بينها وبين الاولى
ليــــــــــــــــه الرجل يقول انا باخذ مطلقه او ارمله عشان اعدد رحمتا لحالها ؟؟

لأن النبي عليه افضل الصلاة والسلام

كان يتزوج الارامل من مات زوجها بالحروب

لكن شتااااااااااان بين معاملة النبي عليه افضل الصلاة والسلام مع زوجاته

ومع الرجال بهذا العصر الحالي

الآن الإنسان يسعى عشان يحافظ على صلاته ووالله مهما نسوي مقصرين مقصرين مقصرين بواجباتنا الدينيه
لأن كل ما نسوي شي نلاقي ملايين الاشياء الي ممكن يبعدنا او يشتتنا وما في انسان معصوم عن الخطأ ولو بالظن فقط
يعني انسان ماشي تمام بعباداته
لكن معاملاته الله العالم فيها وش نوعها مع الناس مع اهله مع والدينه مع زوجته مع عياله مع المجتمع بكبره

بالتالي لو ظن سوء ممكن انه يكسب اثم وذنب

يجي عاد الرجل يزيد هم وحده من الثنتين الي عنده

لو بالمعامله لو بشي بسيط لو زياده بمصروف لو زياده بكلمه حلوه

وكل هذا والله ما يضيع عند رب العالمين

...........

عندي بعض الرسائل من الزوجات الاوليات بالمنتدى

واكثر الزوجات يشتكون من تصرفات الثانيه
من ترك اثر على ثياب الزوج او غيره من التصرفات الي ترفع الضغط للاولى وكأنها ترسل لها رسائل يوميه ترااااااااااه تزوج عليك ترااااه تزوج عليك
لا تنسين ..

يعني من جهه الله مصبرها ورابط على قلبها

ومن جهه ثانيه هي قاعده تولع النار بقلبها

والويل لها من رب العالمين على عمايلها الي تسويه

قلة عقل منها انها تسوي هالحركات وتبي ردود افعال يرضيها من الاولى مثلا انها تسوي مشكله مع زوجها
انها تبكي وتنهار ويرتفع فيها الضغط وبدل ما انها توقف على رجولها بعد ما صار وتنسى وهيهااات انها تنسى بسهوله تجي الثانيه تسوي هالحركات الي مالها داعي

اضافتي هذي مالها دخل اساسا حاليا

لكن مصره اني اقوله على العام بدل ارسال رسائل لأكثر من وحده اوليه بالمنتدى

الي مريت فيه صار لي نفس الشي مره من المرات بس

ونبهته ودائما الرجل يطلع نفسه بريء او انه يحس بنشوة الفحوله طبعا معي ما قدر يسوي نفسه فحل وينبسط من هالحركه

لكن قال لي خطأ مطبعي يمكن
يعني شفايفها بالخطأ جه بالمكان هذا
يا شيــــــــــــــخ

صار اكثر من موقف تبي تعلمني الاخت

انها موجوده لا محاله بحياة زوجي

لأنها متأكده اني ما عدت افكر فيها واني اعتبرها تايم باست فقط لا غير

وش صار ؟؟

حمااتي اخت زوجي تصير صديقتها

وحماتي اساسا لو عرفت اني بسوي اي شي راحت خبرتها

مره من المرات جلست مع امه الا تسألني عساك مرتاحه مو ناقصك شي ووو

قلت لها والله انه مدلعني ولا ناقصني شي
والود ودي اروح ازوجه الثالثه بسرعه
قالت لي : انتي مهبوله يا مره
قلت لها ايه والله مهي جايه على راسي انا فما في مانع ان شاء الله والخير واجد
حماتي سمعتني وانا اكلم امها بالطريقه هذي
وكلها بس يومين الا زوجي جاي يقول لي

انتي قلتي كذا ..
ايوه ليه
قال جن جنونهاااااااااا
الحرمه استجنت لما سمعت انك قايله كذا

وانا بكل ثقه قلت له تبي الثالثه

والله ان اخليك ليله عندي وليله عندها واختارها لك بنفسي

وطبعا راح قال لها تراهي صادقه ومدري عنها وش ناويه اخاف ارجع يوم من الايام البيت تقول لي سبريس هذي الثالثه

وطبعا هي استلمت الرساله بشكل جيد جدا
تراا مو انا الي اسنعك
ما تسنع الثانيه الا الثالثه
ولو تلاحظون اكثر الثانيات المشاغبات
الي تدخل على الاولى على بالها الرجال لها لوحدها

وتقعد تسوي هالحركات كلها

ترفض رفض تام فكرة ان تجي على راسها وحده

لأن تعتقد انها الجديده وهي جايه عاد بإعتقادها ان فيها كل المواصفات الي بالاولى ناقصها

ووالله ان الرجل الي يقول ان الاوليه فيها نقص
ما فيها الا العافيه الا نقص برجولته هو ..

لان دام تكلم فيها فالدور جاي على الثانيه

لا محااااااله

ومن يومها الاخت كافيه خيرها شرها الين ما كتب الله لي الفرج

قصص كثيره من الازواج الي يعددون

دائما الاولى بعد ما تجي الثانيه اشوي تتبهدل نفسيتها
لكن برضوا نشوفها تستقوي على ظروفها وتعيش حياتها

لكن بعد ما يتزوج الثالثه

ما بتنهار نفس المره الاولى بالعكس عندها مناعه

محد بينهار الا الثانيه وهكذا

والي نشوفه ان اغلب الاوليات كويسات مع الثالثات مو مع الثانيات والثانيات مو كويسات مع الثالثات كل وحده على راس الثانيه

اما الرابعه ..

يبي لها صبر ما له حدود
لانها تزوجت انسان ما راح تشوفه الا بعد ثلاث ايام ..

بالله وقتها كم عمر الرجل
متى بتجيب لها عيال
متى بتتعرف عليه كل اسبوع مره تلاقيه
تقول له اخبار الاسبوع كله بليله وحده وهذي يسمونها قصة الف ليله وليله الين ما تشرق الشمس

ويا قلبي على الرجل الي معدد الين الرابعه

يكون منهار ماديا منهار معنويا
منهار زواجيا هههه كيف هذي

ما بقى له اي حل ثاني الا المقويات عشان يعدل
وان كان ماله مزاج ان يجامع وحده من الاربعه بليلتها

يجب عليها الانتظار للاسبوع القادم ..

بالله عليكم هذا عدل وله نقص بواجبات المرأه

لو احتاجت لدفء رجل خلال هالايام وما ابي افصل اكثر بعد انتوا حريم وتدرون

لو ناقصها شي عاطفيا مو شرط حتى جنسيا

لما الرجل يبي يتزوج ويعدد

المفروض يفكر مليووووون مره

المرأه صعبت الإرضاء بكل حالاتها

خصتا ان كان بالموضوع زوجه اخرى

لها مشاعر ولها احساس حتى انها تنقلب خلال اليوم الواحد لعدة مشاعر احيانا تكره تواجده لافعاله او حتى لمجرد انها تتخيل تعامله مع الاخرى

واحيانا تحتاجه حتى لكرهها له تحتاجه عاطفيا

تحتاج الراحه النفسيه
ان يوفر لها كل متطلباتها

واتمنى من كل قلبي

إن يجي اليوم الي الرجل يفكر

ان الزواج من اخرى لاسباب فعلا تستحق انه يعدد عشانها ..

ومن ضمنها ان يكون رجل واثق من نفسه انه بيعدل بكل شي وان كان واثق من نفسه خلي يورجينا العجب بقدراته وصبره على حريمه ..

كانت اضافتي هذي المفروض ما اكتبها اليوم والمفروض اني اكتبها من قبل ...

لكن من صدمتي لواقع القصص الي توصلني عبر الرسائل حبيت اني اكتب من منطلق قهري لبعض الحالات الي فعلا يأثر علي لما اقراها واقول يا رب فرج عليهم كربهم ..

اللهم آمين
أنقر للتوسيع...
السلام عليكم
أختي الغالية
صدقت في كل ما قلت
بس أختي الفاضلة أبي اسألك
( بيني و بين زوجي مودة و محبة قوية جدا من زمان و هذا واضح علينا بشهادة كل من يرى حالنا معا
زوجي من النوع اللي ديما يمدح فيني عند اهله و اصدقاءه من كثر ما يحبني - لاا قصد امدح نفسي - بس هذا هو حالنا منذ ست سنوات و الكل يعرف انه يحبني و ان حبنا واصل لدرجة العشق من زمااان
لدرجة ان كل اللي غرف بأمر زواجه يستغرب جدا يقول مستحيييل ان زوج يحب زوجته بهذي الطريقة يتزوج عليها !)
و حماتي ايضا لها دور حيث بدأت تلمع له الثانية منذ ان جاب لي سيرتها و تقعد تقارن بيني و بينها حتى تجملها له رغم انها بنفسها قالت اول ما شافتها موب حلوة بالمرة !!
أختي انا الحمد لله حياتي مستقرة مع زوجي من زماااان و ليس بيننا مشاكل و عمره ما طلب شي و ما لبيته له .. مدلعته من زماااااااااااااااااان و مهتمه بنفسي لأبعد الحدود و لله الحمد حتى اصبح البعض يطلق علي اسم ( الانيقة) في البيت و خارجه
ما استقبله الا و انا متكشخة و لابسه ومعطرة البيت
وبوسه عالخد اول ما يوصل
احس انه متألم من اللي صار ووده يرجع بالزمن و ندمان بس ما يبي يقدم على شي و حد يتشمت فيه

كيف أحسسه ان اللي صار ولا شي ؟
و اخليه يقتنع بطلاقها خاصة لا شعوريا اني احس انه مو مرتاح معها بالمرة
و كما قلت لكم هي اللي لفت عليه بالقوة لين تزوجها يعني مو هو اللي خطبها هي اللي اخطبته ههههههههههه حريم آخر الزمن استغفر الله

و ايش اللي ناقصني برايك حتى احاول اكمله و اتدارك الامر

بارك الله فيك

ملاحظة : انا عمري صغيرر جدا 24 فقط يا حليلي و هي عجوز جدا في الثلاثينات ايش رااااايك !!

و هل ممكن احتوي زوجي ولا خلاص فات الاوان
 
يالغاليه

دام هو ما شاء الله عليه مو مقصر معك بشي
ليه تتمنين طلاقها ؟؟

شي ثاني مهما تكون الزوجه الثانيه لفت دارت سوت عشان تتزوجه

فهو رجل له كلمه محد جبره على هالشي

ومثله مثل الطلاق محد يقدر يجبره على هالشي هو له الخيار

ومثل ما تزوج برضاه خليه يحل مشكلته لو كان راضي مو راضي

هالشي يخصه تحديدا هي موجوده اساسا بحياته مو بحياتك

يعني لو ما كان مرتاح هالشي والله هو الي جابه لنفسه

فيتحمل المسؤوليه

بما ان زوجك جنوبي غربي يمكن الي مانعه من طلاقها

رحمتا فيها وهو يشوف نفسه ان لو مو مرتاح بس اهم شي

انه ما يبي يظلمها مهما يصير ..

كيف تجذبينه اكثر النصائح الي تكلمت فيها سابقا راح يخليه

فعلا يرتبط فيك لا تقلقين من هالناحيه انتي استمري بعطائك

والله ان شاء الله يربط على قلبك ويجعل ما بينكم موده ورحمه

شي ثاني غاليتي فهمي زوجك شي واحد

عشان يحس بإحساسك بالحزن دون العتاب

ولعل كلامي يكون منطقي جدا للي اكتشفت ان زوجها كان متزوج عليها بالسر

وبعدين اعلن لها هالزواج

كيف موقف الزوجه الاولى ؟؟

اولا لما جه يتقدم للأولى

كان عازب او مطلق او ارمل

فهي وافقت عليه على اساس انها زوجه اولى ووحيده

تعلمت فنون الحياة الزوجيه لأجله لان مثل ما هي له هو لها

وعندها قناعه ان انا الوحيده بحياته فأنا راح اكون له بكل ما فيني

من جميع النواحي راح اقدم التضحيات راح اجمل نفسي راح اريحه من جميع الجوانب الحياة الي

المفروض اي زوجه تقدمه لزوجها ...

طيب يجي يتزوج الثانيه

الثانيه حالها افضل

ليه ؟؟

لانها اختارت الموافقه عليه وهي تعرف انه متزوج سابقا وما راح يكون لها لحالها

يعني على اساس بيكون يعدل ما بينهم

وصار لها خيارين الموافقه او عدم الموافقه على زوج معدد

الزوج كيف موقفه ؟

هو اختار الزوجه الثانيه

سواء عن علاقه سواء عن معرفه بالعمل
سواء عن طريق الاهل
سواء عن مدح بعض الناس للمرأه نفسها

بالتالي كان له خيارين

هل اعدد ام اكون زوج لزوجه واحده فقط

وان وافق وراح تزوج هذا الشي كان قراره

..............

بالله عليكم ..

افهمونااااا يا عالم

بهذه المعادله فوق

من هي الي تحس بالظلم

أليست الاولى ..

ليه لانها وافقت على زواجه من هالشخص لاسباب مقنعه بالسابق

ولكن تغير الوضع عليها

البعض يلوم غيرتها ويلوم حزنها او قهرها على ايامها الي فاتت

وليه لااااااا

واكثر الازواج يندمون على الزواجات الثانيه بسبب

ان فعلا يحس بتأنيب الضمير

من بعد ما كانت هالزوجه مرتاحه البال

انقلب حالها

ويبي لها وقت على اساس انها تجمع نفسها من جديد

لكن برضوا ما راح تكون الا انسانه غير عن الي عرفها

ممكن تكون افضل بأكثر من الاحوال

ولكن بتكون ايضا انسانه محدودة العطاء واكثر

عطائها بيكون لنفسها وبيتها وعيالها وبعدين هو بالمرتبه النهائيه

واكثر الرجال ينجذب لهذي النوعيه من الحريم

ليه ؟؟

لانها لو تنشغل عنه وتداري حزنها

بالتالي ما راح تتابع تصرفاته وين كنت ؟؟

يعني وين كان مع عشيقته مثلا خلااااااااص ما عاد يهم

دام تزوج لو يجيب اثنين برضوا ما راح تفرق صدقوني

ليه تأخرت علي

مو خلاص بعد سنه سنتين بتتعود ان بتمل من تصرفاته

بتعرف ان هالانسان الي كان زوجها عايش حياته

ليه هي تهتم متى جه وله متى بيجي

وقتها الرجل بيحس براحه نفسيه

هذي من بين زوجاتي ما عادت تسأل ما عادت تهتم بتصرفات

احس لما اكون عندها ما عاد يفرق عندها انا معدد او لا

الاهم انها تعمل واجباتها معي وشايفه عيالي وكل شي تمام

ما عادت تعاتب ولا عادت تعمل مشاكل

وجوده عندك راحه وبتكونين سكن وطمئنينه له

ولكن احذر اي زوجه اولى انها تشيل ايدها نهائيا

عن زوجها يعني تشيل كل انواع الاهتمام منه

انتي مرتاح بالك وقتها زوجي ما يخون زوجي تزوج وهذا الشرع

ولكن ما عدت اهتم ان كان بيتزوج علي لان زواجه هالمره بيكون على انسانه ثانيه

وكمان صار عندي مناعه عرفت كيف ألم شتات قلبي

اهتمي فيه واصلحي امورك معه واتركي العتاب لو كان ينفع كان نفع الكثيرات قبلك

خليك قويه وبيني رضاك له

وصدقوني ان وحده جت وضغطت على الزوج عشان يطلق الثانيه

راح يتعلق فيها اكثر

او ان حصل فعلا ان طلقها بسببك

انتي تتحملين ذنبها ليوم الدين لان صار هالشي بضغط منك

حالتي عكس حالتك يالغاليه بالنسبه لطلاق زوجي لزوجته الثانيه

الأسباب كتبتها سابقا ليه طلقها

شي ثاني جتني ايام كنت على فراش المرض مررررره ما كنت حتى اقدر اني اقوم من مكاني

اتذكر اكثر من مره ايام وراء ايام

كان يمسك ايدي ويبكي

ويقول لي اطلقها ؟؟

تبين اطلقها ؟؟

كل شي بيدك قولي لي ؟؟

قلت له لااااا

بكى وقال لو طلاقها فيه راحه لك ويخفف عليك مرضك

والله اطلقها

رفضت ..

مع ان الكثيرات يتمنون ينتهزون الفرص

لكن دائما بكل شي الانسان المفروض يتقي الله

إن كان زواجه نصيب فو الله لو كان نصيبهم الطلاق

ان الله بيقسم لهم هالقسمه غصبا على الجميع ..

خليني اوديك مكان ابعد عشان تتخيلين الوضع

زوجك وهو ببطن امه

مقسوم له وشو

رزقه كم يعيش متى ينولد

وش يمر عليه من مشاكل

انتي زوجته
وحده ثانيه
وحده ثالثه

طلق تزوج طلق

كل هذي الاشياء مكتوب له

ومكتوب لك بالمثل

انتي اخذتيه بقسمه ونصيب الله رزق كل واحد الثاني

وخلاه نصفه الثاني يشاركه بحياته ينجب له الاطفال

تبون حياتكم مع بعض

نفس الشي للثانيه ..

ونفس الشي الثالثه

وان الله كتب له الفشل بزيجه من الزيجات

ولو كانت الاولى

فهذا نصيب كل واحد بالدنيا

لا تقلقين من هالامور وخليها

على ربك سبحانه وتعالى

لا تعلمين الخيره لعل زواجه عليك

خيره لك ان يشوفك افضل من ما كان يشوفك قبل

خيره ان يربط علاقتكم ببعض

كل ما يشوف صبرك عليه وعلى زواجه عليك انك تقويتي على ظروفك

يشوفك انسانه تستحقين الاحترام تستحقين ان يبذل هو المزيد لإسعادك

لكن الأهم عدم انشغالك بحياته الخاصه خارج البيت

وش سوااا معها وش قال وش جاب

خلي كل شي وراء ظهرك

هو ما تمسك فيك

الا عشان يبيك

اذا وش ينفع العتاب الا انه يبعد قلوبكم عن بعض

والله يوفقك ويصبرك ان شاء الله

ولا تنسين مره كتبت بإضافه لي

دائما كرري هالدعاء

اللهم فرج علي بمشكلتي بما يرضيك ..

وهذا يبي له قلب قوي عشان تدعينه

شوفي هالكلام وتخيلي وش الي يرضي رب العالمين

راح يكتبه لك لا محاله

سواء انها تتم على ذمته او لا

فهذا ان كان يرضي رب العالمين وكان عكس ما ترغبين

فلازم تعرفين ان هالدعاء له قدر عظيم من الظن الجميل بأن الله

الي يكتبه لك ان شاء الله خيره لك بالنهايه ..

.......

وحده من السيدات

الله ما رزقها الحمل لسنوات

دعت وقالت يا رب دعيتك استجب لي دعائي

ان كان دعائي فيه خيره لي
انك ترزقني الذريه
فأنت خير الرازقين

ويارب ان كان ما قسمت لي برزقي ان احمل
وترزقني بالذريه

فانت أحكم الحاكمين

ووالله ان ربك رزقها البنين والبنات

ليه لان حتى بدعائها كانت واثقه تمام الثقه

ان الله الي كاتبه للعبد بيجيه لو كان ابتلاء او خير

راح يصيبه بالنهايه


 

يالغاليه شكرا على روابط ما قصرتي

بارك الله فيك ساعدتي اخواتك عشان يستعينون فيه وقت التمرين

جزاك الله خير
 
حبيبتي كنت احلم

يالله اشكثر انتي انسانه عظييييييمه وكبيره عقلك وحكمك ومتوازنة
ماتتصورين اشقد تاثرت بقصتك واثرتني شخصيتك جدا جدا

تدرين من امس واليوم اقرا قصصك وادعيلك وتغيرت للافضل بعد الله وبعدك

تعلمت منك الاتزان والحكمه وعدم التسرع والرضا بقضاء الله


انتي ملهمه ملهمه عظيمه

والله العظيم غيرتيني وغيرتي جنوبيتي

اشقد الشماليات صبورات ومنجزات

والله صرت متوازن وكل شوي اتذكر مواقفج واتدارك مواقفي واقتدي فيج

اشقد كافحتي وغيرتي من نفسج ماشاالله

من الاعماااااااااااااااااااااااااااااق


دعواتي الصادقه لج


ممكن وبعد اذنج اعرف انتي من اي دوله ؟؟

وشكرا
 
السلام عليكم

اهلا حبيباااتي اشتقت لكم وودي بالجلسه لكن والله تعبااانه شوي

ووش سالفة الرابط

ان شاء الله بكرة اسولف معاااكم وتقولون لي سوالفكم من طق طق للسلام عليكم<< لاتلوموني والله واصله حدي من النوووووم
تصبحون ع خيييييييييييير​
 

و الله كلامك روعه و يشرح القلب

كلام يدل على مدى صبرك و يقينك بالله

الله يجملك في عيني زوجك و يوفق بينكم

الله يرزقنا هذا الصبر اللي عندك و يفرج عنا الهم كما فرج عنك

احببتك في الله بصدق و الله صار لي كم يوم اقرا قصتك

جمعنا الله و اياك في جنات النعيم


دعواتي لك بالشفاء العاجل

و ان يجعلك الله سيدة الحور العين في الجنه
 
وحشتووووووووني كتيييييير
النت فصل عندي اليوم وانا طول اليوم ناقصني شئ كبير
واول ما رجع جيت جري
حبيبتي كنت احلم لا تشكريني ارسال الرابط اقل شئ اعمله
الود ودي ارسله لكل اللي اعرفهم (واللي معرفهمش كمان)
عشان يستفيدوا كما استفدت
ده وانا لسه مقرأتش كل المواضيع
بس فعلا بدأت اتاثر والكسل بدأ يزول عني
(تلاقيني ماشية في البيت بالفوطة والبخاخ اياه هههه وجوزي يقول ما شاء الله ايه ده وابني فرحان وبيحاول يمسك بخاخ تاني ويلف ويقلد الصوت)
لكن لكا اللي اخد الرابط ياريت تذكروا الله وتبركوا عليها
قبل القراءة وبعد القراءة واثناءها كمان
الاخت مش ناقصة واللي مش هيذكر ربنا عليها انا هوريه :busted_red:
(طبعا هزار لاني عارفة انكمكلكم ماشاء الله بتحبوها كتير وبتتمنولها الخير)
وياريت بقى تعدلي بين الزوجتين
ومتنسيناش هنا وتقولي القديمة تحلى ههه
هرجع اقرا بقية الردود
 
ماشاء الله تبارك الله
امة الله ارسلي لي الرابط
ومشكوره ياقلبي
 
جزاك الله خير حبيبتي كنت احلم والله يعطيك الصحة والعافية كلماتك اعطتني حماس وتفاؤل للصبر والتغيير ماشاء الله تبارك الله
امة الله ارسلي لي الرابط وماقصرتي على مجهودك للتواصل بين الاخوات
احبكم في الله جميعا والله يجمعنا على خير ويصلح لنا ازواجنا وذرياتنا امين
:31:
 
ارجو ارسال الرابط امة الله

والله يجعله في موازين حسناتج ويزيدج من فضله ياحي قيوووووم​
 
جزاك الله خير حبيبتي والله يصبر كل وحده تزوج عليها زوجها
 
الله يرزقك الجنة ويوفقك أختي أمة الله ياليت ترسلي لي الرابط حتى أستفيد
(ماشاء الله ولا قوة إلاّ بالله) .
 
انا احلم
ان شاء الله يكون اللي امر فيه حلم
واتكلم عنه بعدين وانتهي عند النقطة
استسمحك بنقل تجربتك الى من يهمني امرهم
 
مـا شـآء آللـه عـليك .. كنت أحلم نصأيحـك كلهـا درِرِ ..

أمــه آللـه تكـفين أرِسليليَ ـآلرابـط .. وجـزآك آللـه خ‘ـير ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل