خلاصة تجربتي من زواجه علي ونصايحي للزوجات الاوليات (زوجات ناجحات)

ماشاءالله اللهم بارك أعجبني تماسكك وقوة إيمانك

وثقتك الكبيرة بالله................

ماأقول إلا مابني على باطل فهو باطل..............

الله يسعدك ويسخره لك ويجعلكما قرة عين لبعضكما

آآآآآآآآآآآآآآآآآآآآآآآآآآآآآآآميييييييييييييييييين:32:
 
الله يهنيك الله يهنيك والله العظيم اني فرحاااااااااانه لك وكانه انا
الله يبعد عنك كل من اراد بك شر ويشغلها بنفسها يارب العالمين
الله يخلي لك زوجك وعيالك ويخليك لهم ويوفقك بحياتك
حبيبتي لا تنسيني من دعواتك اذ رحتوووا مكه
الله يسهل عليكم ويتقبل عمرتكم ...
والله فرحت لما رجعتي للمنتدى الله يوفقك ويسعد ايامك
 
الله يصبرنا يارب بس حبيت انك تساعديني انا زوجي اتزوج عليه ومخليني عند اهلي عشان بيشوف ليه شقه جنب الجامعه وفي هديك الفتره راح اتزوج وطبعا اهله ورا كل هذا وهم مره ما يبغوني وانا ماعندي اطفال وليه 4سنين متزوجه والين دحين ماشاف ليه شقه ليه شهر تقريبا وكل يوم يكلمني وكيف اتعامل معاه واحليه يستعجل وفي نفس الوقت اخليه يجري ورايا
 
حبيتي كنت احلم ابارك لك والله والله بعد ما قريت ان زوجك طلقها بكيت وبكيت فرحه لكي واحساس بمعاناتك لاني احس الان بالنار الي مريتي فيها ودعوت لكي من كل قلبي ان الله يشفيك ويسخر زوجك لك اكثر واكثر وان الله يصلح اولادك ويزقك برهم وتشوفينهم بأحسن حال يارب فعلا كل ما ادخل المنتدى ابحث عن جديدك لاني اذا قريت كلاماتك الرائعه احس اني استمد قوتي من الله اولا ثم منك كلامك مثل البلسم علي صح اعيش بقهر الان واي حركه من زوجي مع عروسه الجديده تزيد النار في قلبي والله اذكر ليله من الليالي تعبت من التفكير وكان زوجي مع زوجته الجديده وهي اول ليله لها من رجوعهم للسفر حسيت وكانه اول مره اسمع بخبر زواجه بكيت وبكيت بقهر والله اني ادور بالبيت والادي كلهم نايمين وارفع يدي الى الله واقول يارب لاتذوق بناتي واخواتي ومن يحبوني الحره الي فيني لاني احس جواتي نااااااار وحررااااااره قهر ورحت وصليت ركعتين ما عرفت اقرا شي فيها من كثر بكا ئي وفتحت النت ودخلت ورجعت ابحث عن كلامك والله انه ريحني شوي وصدقيني ما رح انساك من دعواتي ابدا فأنتي الاخت الي لم ارها ولم اسمع صوتها لكن قريبه من قلبي جمعني الله واياك في جنه الفردووس .
 
ياعمررررررررري انتي مبروك رجعته لك الله يجعلك زوجته وحبيبته وعشيقته
الوحيده في الدنيا والآخره وتأكدي ان ربي ابتلاك لمحبته لك وان عظم الجزاء مع عظم البلاء ورددي اللهم اكفنيها بما شئت وانت السميع العليم الله يكفيك شرها حبيبتي اهتمي بصحتك واقري سورة البقره يوميا وانتي حاطه يدك على موضع الألم او العمليه والله يسعدك ويمتعك بالصحه والعافيه
 
المــهــا قال:
ماشالله تباارك الله انتي انسانه قوويه ومتززنه في التحكم بتصرفاتك

والحمد الله ياارب ان ربي اسعدك برجوع زوجك للبيتك وعيالك الحمد الله

والله فرحت فرح ماتتخيلينه ان ربي سهل اموورك مع زوجك عسى ياارب تكون سعاده دايمه ومايتعكر صفوكم يارب


دعواتك لي اختي كنت احلم ان ربي يسهل اموري وييسرهاا لي بالدنيا والاخرره
دعواتكم لي ان ربي حبيبي يرجع زوجي للي ولبيتي وعيالي ومايشووف ولايحب احد غيري بعد حبه للربه ورسوله
دعواتكم ان ربي يألف مابين قلبي وقلب زوجي ويبعد عناا السوء والشر والمكرووه
دعواتكم اني ابشركم وافرحكم عن قريب برجووع زوجي للحضني ويهديه ويسخره ربي لي وللعيالي
محتااااااااااااااااجه دعواتكم عسى ربي يفرجها علي وعليكم وعلى كل المسلمييييييييين ياحي يااقيووم

ياارب تثبتنا على دينك الثابت وترزقنا الصبر والحلم ويرد لي زوجي ردا جميلاا ويرد ازواج الزوجاات الأوليات للأحضانهم وعيالهم يا ارحم الرااحميييييييييين إن مع العسر يسرى إن مع العسر يسرى


الحمد الله يارب على كل حال الحمد الله والثنااء لوجه الله الحمد الله حمدا يليق بوجهه وعظيم سلطاانه
لاإله الا انت سبحانك إني كنت من الظاالمين لاحول ولاقوة الا بالله
أنقر للتوسيع...


اسأل الله العظيم ان يرزقك بكل ماتتمنينه
اسال الله ان يعطيك حتى ترضين وجميع نساء المسلمين
اللهم آمين اللهم آمين اللهم آمين
احبك [you] في الله ​
 
صدقينى ما طار طير وارتفع الا كما طار يقع بينبسط يوميين وبيجيه الهم والمشاكل
 
بصراحه موضوعج يستاهل التثبيت ارجو من المشرفات التثبيت
فديتج والله شكلج مغموره بطيبه الله يوفقج ياقلبوه
 
smy قال:
انا الحمدلله مو متزوج علي ... لاكن مايمنع اننا ناخذ دروس تعرفين الدنيا تخوف

الله يجزاك خير ويجعل هذا الموضوع في موازين حسناتك
أنقر للتوسيع...
فعلا انا شاكه وبعد قراءه الموضوع ماراح اتكلم اخلي الامور تمشي على حالها الله يعين :30:
 
الف مبرررررررروك ياختي الغاليه على رجعت زوجك ويارب تقومي لنا بسلامه ولزوجك واولادك ومايشوف غيرك ابدا ويجعلك زوجته وحبيبته في الدنيا والاخره اللهم امين واسالك الله انك تدعيلي ان زوجي يردوا ليا عاجل غير اجل يارب
 
مبررررررررررررروك

بكيت من الحزن ع قصتج وبكيت من الفرح يوم قلتي طلقهااا الله يوفقج مع زوجج

ع رغم اني توني متزوجه للمعلوميه زوجي جنوبي غربي بس قصتج خلتني استفيد واعرف زين مازين الجنوبي الغربي

الله يسعدج وييشفيج وويحفظلج زوجج وعيالج
 
يالله ماتتصورين شكثر فرحتلك اقسم بالله اني استااااااااااانست
احمدي ربك على نعمه انتي فيها الحين
وخليك مثل ما انتي الحين واستمررري في نجاحك واياكي يوم تتكاسلي
اسلوبك روووعه
من اكثر المواضيع اللي عجبني على مستوى مملكة بلقيس
اقدر اصنفه ان من مستوى روعة قصص استاه ناعمه
الله يوفقك لما يحب ويرضى
راااااااااااااائعه راااااائعه رااااااااااااائعه بكل معنى الكلمه
الله يوفقك ويثبتك على دينك حبيبتي
حبيتك كثير بالرغم اني ما اعرف
بس يشهد الله اني حبيتك في الله حبيتك لانك تحبين الخير للغير
ربي يوفقك ويسعدك
بالرغم اني كان فيني النوم من بداية موضوعك
الا اني تحمست وكملت لاخر القصه
وفرحت اني كملتها لان نهايتها سعيده ماشاء الله لاقوة الا بالله
من اكثر الاشياء اللي اقشعر بدني فيها يوم ذكرتي حلمك المزعج اللي كنتي تشوفينه
ماتتصورين لأي مدى اندمجت في قصتك بشكل مو طبيعي
وفي كل رد لك قاعده ادعيلك بكل خير
ربي يوفقك يالغاليه آآآآآآآآآآآمين يارب
 
ودي اقولك كلمة...انتي نقيه ونظيفه اما زوجك لوكانت صلاته وايمانه رادعاً له لما مشى بالحرام هذي نقطة لصالحك لأجل يكون تفكيرك بثباتك وتدينك وهذي نقطة مهمة بيحسب لك الف حساب


انسانه شريفه ...خنتها وظلت شريفه وماتغيّرت ....مش مثل اللوث ( زوجته النجسه) ....



انتي نظيفة وبتظلين نظيفة بس ياترى هل فحصتي وفحص !؟ خصوصا مبين من كلامك انها متعدده العلاقات وهذا الشي يدل على شخصيه غير سوّية وتهديدها بالانتحار والمسجات كله كـذب

وهي مش ضعيفه لوضعيفه ماقدرت عليه !!! لكن ربج قدر عليها وفضحها في عقر دارها لنها خبيثه ونجسه





وزوجك حب يعوضك (وضروري يعوضك)


نصيحه من اخت محبه لك تناسيها تماما ماتستحق منك ربع الثانيه ...فضحيحتها تكفي لنه بيفكر فيها بكل لحظة كم رجل كلمته وكم رجل خانته ...




وربي يصلح اموركم ويعوضك السعاده .،
 
حبيباتي الغاليات

اشكركم جزيل الشكر على دعواتكم الطيبه لي ومشاعركم الحلوه

والله اني فرحت بردودكم و قريتها وتمنيت ان كل وحده بحالتي

ان الله يفرج عليها كربتها ويصبرها ويربط على قلبها ...

لم يزل الأمل موجود بالتأكيد .. رغم الصعاب ورغم الاحزان

دائما كوني واثقه ان دام الانسان عايش معناته في شي منتظره لسه ما جربه

سواء فرح او حزن سواء يسر او عسر كوني على استعداد لتلقي التجارب

واحمدي الله على فضله وسعة رحمته دائما ودوما وبكل الاحوال ...

...........

ملكة الاحاسيس زوجي تزوجها واحنا بديرتنا ما يصير يعقد عليها عقد النكاح الا

بإجراء التحاليل وغيره ..

اما بفترة الي كانو علاقه كانو يعاشرون بعض خارج بيتهم ...

وبعد ما عرفت عن زواجهم وعلى حسب شروطي ما تقدر انها تطلع معاه

ولا يقدرون يسون شي وهو عندها بالبيت بسبب اخواتها وامها واهلها

وعلى حسب ما فهمت منها لما كانت وقتها تتصل فيني تشتكي ان

ما تقدر تاخذ راحتها معه وهي ببيت اهلها وكانت تتوسل ان ارضى بالامر الواقع

واخلي شرط من شروطي بعدم توفير البيت لها

بالتالي العلاقه الخاصه بينهم ما كانت موجوده وهذا الشي

كان لي فيها اثباتات كثيره كثرة رغبة زوجي لي اولا اكثر من قبل

ثانيا صار ما يروح لها لان ما ياخذ راحته ببيت اهلها ويحس بالقصور

بما انه يروح لها وما يقدر يعطيهم وقت وموعد لتأجير شقه لبنتهم

بالتالي كان يهرب من المواضيع المتعلقه عن استقراره معه كزوجه ثانيه

والحمدلله رب العالمين على كل حال

كنت احس يوم من الايام ان ما ابي اظلمها بشروطي

لكن بعد ما حصل تأكدت الحمدلله ان كانت شروطي

بمحلها وان شاء الله ما ظلمت احد وما عدت احس بتأنيب الضمير ..

..........

يالغاليات بكره موعد سفري للعمره وبرجع على يوم الاحد ان شاء الله ..

......

وكاني رجعت اكمل بعض النقاط الي ممكن انتي تساعدين زوجك انه يفكر بالخيانه

اولا الرجل بشكل عام لو تشوفينه بفترة الملكه لما يزورك بيت الاهل

راح تلاحظين انه رومنسي محب للكلام والدردشه

يموت على لمسة الايد او بوسة الخد

يكفيه الشعور بالنشوه و الارتياح لو بلمسه بسيطه

هذا هو الرجل الي ما جرب العلاقه الخاصه

من خلال كلامي راح تعرفين لخطيبك بعد الملكه

لو زارك واصر على العلاقه الجنسيه من اولها يعني ببداية الاسبوع

اتمنى انك تاخذين حذرك من هالنوعيه من الرجال

اقولها بصراحه ..

ان كان مو مجرب هالشي مثل ما البنت تكون عذراء

الرجل ايضا لو ما جرب وما وصل للزنا او الزواج سابقا

راح يرضيه الاقل القليل من اللمس او الحضن او البوسه

لا تجي وحده بعد ستة شهور او سنه تقول لا يبي ازيد

اكيد يبي يطور هالعلاقه الحميميه من الى ...

لكن انا اقصد ببداية الملكه للي يجيها زوجها ببيت اهلها راح تلاحظ هالشي

طيب يالغاليات بعد الزواج هالرجل يكون اسير لشهوته الجنسيه

على حسب طباعه ان كان انسان حار او بارد جنسيا

لكن الزوجه بحسب تجربتها الزوجيه ببدايتها راح تعرف طبعه

كم الفتره الي يجي يطلب منها العلاقه او عدد المرات بالاسبوع او احيانا

باليوم الواحد من كثر الوناسه عنده بالتجربه الجديده

حبيباتي تجي الحرمه عاد بعد ما تحمل ببداية زواجها تحس ببرود مع الوحام وغيره

والرجل يحس نفسه لسه هو على نمطه وروتينه يحط بباله اشياء كثيره الا انك ترفضين

الشي الوحيد الي يحبه من الزواج لأن وقتها ما يكون اساسا مسؤول عن بيبي

وما عنده خبره ان الزواج مسؤولياته ما تنتهي على باله لمجرد ان جاب لك المقاضي

ويدخل بيته وهو معك هذا هو الزواج الي ما جرب الشي ما يعرف بالتأكيد

نفسنا احنا نحلم نكون امهات لكن مع قدوم البيبي تقولين ليته يدخل بطني من جديد ارتاح اشوي

اول غلطه : لا ترفضين طلب الجماع حتى لو كنتي مو رغبانه

الا ان كان عليك منع من انه يقترب منك والطبيبه طلبت هالشي هذا شي ثاني

ثاني غلطه : النفاس ثم النفاس
سوي بحث ارجوك سوي بحث عن الخيانات الي تحصل بفترة نفاس المرأه ببيت اهلها
والله بتنصدمون من المواضيع
اكثر المواضيع قرأته تكون الحرمه بيت اهلها نفاس وهذاك ما قدر يصبر عن الي بالي بالكم

او حتى ما قدر يصبر عاطفيا وهو بعيد بالتالي بيخون بيتزوج مسيار او تلفونات والله العالم وشو بعد

ان كان هذا طفلك الاول جيبي شغاله واقعدي ببيتك اهتمي بروحك
فيه حلول كثيره تعلمي كل شي قبل الوضع عشان ما تتوهقين

وان كان مو اول طفل لك معناته ما عندك سبب او عذر انك تتركين بيتك اربعين يوم

يا اختي الرجل ما يصبر عن المرأه خصتا لو جرب خلاااااااااااااص ما عاد يستحمل

ثالثا :
الي اهلها بمنطقه ثانيه بالله عليكم
كل شهر تروح تبات هناك اسبوع وله اكثر
وان حصل شي شالت اغراضها بروح عرس فلانه وله علانه
اتركوا عنكم كل هالسوالف

والله ان الحرمه الي معوده رجلها انها تكون ربة بيتها وتعوده على وجودها ان

ما يقدر يستغني عنها ...

الي تاركه كل شي وكل اشوي بمنطقة اهلها لو يحصل لك اي شي معه

وتقولين له بطلع من البيت يقول عادي لانه متعود على فراقك اساسا

متعود انه ما يشتاق ..

لا تخلينه يتعود على غيابك من البيت انتي صرتي شريكته بالبيت

يعني وجودك مهم الا عند الطوارئ هذا شي ثاني

ولما يحصل امر طارئ تعالي شوفي حالته اجزم ان بيهل عليك بالرسايل والاتصالات

لان اساسا مو متعود على غيابك الي تقول زوجي ما يسأل عني

اكيد لانه تعود على هالشي ما عاد ينفع معه احساسه بالشوق اساسا تعود

ان يمشي حاله بدونك ...

رابعا :
الي تقول المرأه المفروض تكون غامضه
فأنا اقول خير الامور الوسط
يعني لا تشرحين كل تفاصيل حياتك اليوميه

ولكن عطيه الموجز لا تركزين على تعبيرك عن احساسك وعن شعورك

خليه هو يتقن انه يقرأ بعيونك ويعرف تعبير جسمك

افضل من الكلام الزايد

كل ما احتويتيه كل ما تزيدين النقط للمستقبل

هذا كان شعاري ولسه باقيه عليه

عطيه وانتظري وشوفي المستقبل وش يصير

ما راح يقدر يقول عنك نص كلمه بحقك

راح يمشي ويمدح فيك لو هو غلط عليك

انتي بنفسك تكونين مرتاحه لو مظلومه لان

الانسان لو يعمل اي عمل صالح ما ينتظر المقابل

وان جاه المقابل خير وبركه لكن اتمنى ان النيه تكون سليمه انك

تبين الحصاد بيوم الحساب

خامسا :
يجي للمرأه اوقات تكون فيه تعبانه من شغل البيت
تعبانه من العيال

تعبانه من وظيفتها

تعبانه من تغيير الهرمونات ومزاجها متعكر

هذا ماله دخل ابدا بالرجل

هو ما يعني له شي من التغيرات الي فيك

هو الي يهمه حقه الشرعي

سواء عاطفيا او بالجماع وغيره من الامور المطلوبه منك

وش يصير فيك لو طلب منك العلاقه الخاصه

والله بدل الهواش والصراخ الي ممكن يصير والزعل لايام

كل السالفه وما فيها حطي على نفسك عشر ربع ساعه

يخلص لك بعدها وتحصلين اجر ولا الملائكه تلعنك
ولا اليوم الثاني يكون الامور متأزمه بالبيت

خلك دائما على استعداد للشي ذا

والله الوحده تقعد على النت بالساعات

وتتكلم بالتلفون بالدقايق

لكن في حريم وقت ما يطلبها زوجها للفراش

ينقلب وجهها وتقعد تناقشه ليه ومو الحين اصبر لين الليل

وله تعبانه نفسيتي ومدري وشو

يا بنت الحلال خلي عنك الاعذار

قومي ارضيه وارضي ربك وبعدها سوي الي تبينه وريحي ..

سادسا :
امورك بالبيت خلصيها اول بأول ما اقول بس الترتيب

والتنظيف كل شي خلصي قبل ما يجي

في حريم تقول زوجي ما يرتاح الا لما يشوفني اكرف

اقولها اي في رجال كذا زوجي كان كذا ببداية حياتنا الزوجيه

لكن اكتشفت ان لو سويت كل شي قبل ما يجي ما بيحس ان في شي ناقص

وكل شي تمام التمام وقتها بس ترك عنه هالعاده وصار يمدح بكل شي

هذي الطريقه عرفتها من بداية ثلاث شهور زواج لي ما كان عندي خبره بالسوالف هذي

وسبق تكلمت عن امه فهذي كانت عادتها ان ما يجي زوجها الا كل شي جاهز من البيت والثياب والتنظيف والاكل

رجاء شوفي شكلك قبل ما تستقبلينه او قبل ما تقعدينه من النوم

من قال ان الرجال يتذكر شكل زوجته قبل ما تودعه ما ينسى صورتها الين ما يرجع بيته

ان كنتي متبهدله معناته انه يتذكرك بالشكل ذأه الين ما يرجع بيته

غيري ملابسك لما يطلع ولما يرجع يشوفك بلبس ثاني

خلي يشوفك انسانه مهتمه بنفسها تحبين نفسك تدلعين نفسك

عشان هو لما يطلع ما يحس بالقصور من الناحيه هذي

سابعا::

لا تمدحين قدامه الحريم ابدا ابدا ابدا

ولو كنتي من النوع الغيور لا تقولين فلانه فيها عيب او شي كذا

لانه انسان رغم انه يمشي على شهوته بأكثر الاحيان لكنه مو غبي ابدا

دائما يبحث عن سبب ليش قلتي عنها كذا الا لانك غيرانه منها او تكرهينه بعينه

ما يفكر بالحريم ان فيهم عيوب كثر ما يفكر ان ما في حرمه مو حلوه

يعني لو ابعدتي عنه التفكير عن وحده من بنات الجيران مثلا وقلتي مهي حلوه

هو برضوا يشوفها ان هي حرمه لو شكلها فيها كذا اكيد كلامها اسلوبها جسمها

لازم يفكر بالشكل ذأه

............

بكمل لكم حبيباتي بس بغدي عيالي وان شاء الله ابتكلم عن امور ثانيه
 
اح ياقلبي...ولله اني تعبت كثير
خاصه انه احنا الحين بظروف انا وزوجي ومفترقين صار لنا شهرين ونص بسبب الشقه اللي باننتقل لها...وحاسه فيه تغير من ناحيتي اخاف صار له عشيقه من وراي يكلمه...الله يصبرنا بس
فانا احس بالوحده من غيره وخاصه بالليل لاني تعودت عليه بجنبي وبحضنه الدافيء
 
الله يسعدك كنت متابعه الموضوع وما كنت اقدر ارد ماعندي رد يخفف عنك لاني ماقدرت اخفف عن نفسي الدموع والله بكيت على قصتك اكثر من اي قصه بالمنتدى

بس الحين فرحت لك الله يوفقك ويشفيك ويسخر لك زوجك ويصلح لك ذريتك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل