خففوا عني هالحيره!!!!!!!!!!

م

ملكة الحصون

New member
إنضم
2009/08/24
المشاركات
24
السلام عليكم ورحمة الله وبركاته

كل عام وانتم بخير يالغوالي

ابي مساعدتي وتطلعوني من حيرتي
انا متزوجه من 6 شهور
الشهر هذا تاخرت الدوره عن موعد دورتي عشر ايام وانا دورتي منتظمه معاي
وقمت احس بألم في العظام قلت اروح اسوي تحليل حمل
رحت اليوم طلع النتيجه سالب قلت للدكتوره انا احس بحرقان داخلي وتعب قالت اكشف عليك كشفت على الصدر قالت اتوقع عندك تكيس
قامت سوت لي فحص مهبلي طلع تكيس على المبيض اليمين تقول خمس تكيسات
عشان كذا الدوره تاخرت واذا كانت البويضه تنزل من المبيض اليمين تتاخر قلت بس هذه اول مره قالت يعني معقوله التكيس فجأه طلع
خلاص بنزل لك الدوره الحين بس رفضت قلت خليها تنزل بوقتها لأنها تقول بتنزل بعد يومين
وقالت تعالي اول او ثاني او ثالث الدوره عشان اضربك ابر عشان التكيس وعشان يسير حمل

عزيزاتي ابي مساعدتكم وخبرتكم اضرب الإبره والا اطنشها انا خايفه بصراحه تحوسني
وبعدين ليش الحراره والتعب في العظام احد معاه التكيس وصار معاها كذا اعراض
وهل يصير حمل مع التكيس عادي؟

تكفون ساعدوني
​
 
ياحبيبتي انا بقولك سالفتي مع الابر المنشطه حسبي الله عليها العبت فيني الدكتوره وانا سليمه كل شي طبيعي وش سوت جرب علي الابر لما خلت المبيض اشوي ولا ينفجر حتى هي والله قلب وجهه من السونار لما شافته وبعدها حلف زوجي اني ماروحلها قال اشلون تقول طبيعيه وهي تعطيك منشطات وهذا اللي قهرني اجرب على الحريم وبعدها تركتها سنه وغيرت الدكتوره وماشاء الله عليها قالتلي اشلون تعطيك وانتي مافيك شي حسبي الله عليها برمضان المهم الدكتوره اللي لعبت في تقولها ترا احتمال يصير تكيسات معاك وهي اكيد صارت بس سالت الدكتوره شنو منه التكيس قالت من المنشطات والحين انا قاعده استعمل حبوب التكيس والحمدلله اموري زينه بس الحمل بارادة الله لان اعرف بنات وهم يعالجون عن التكيس حملو لان حبوب التكيس مافيهاضرر ان شاء الله على الحمل والله يرزقني ويرزقك الذريه
 
نصيحه لا تستخدمين ابر , حسبي الله عليهم من دكاتره
انا معاي تكيس , ورحت للدكتوره من اول شهر تعطيني منشطات ,
انا اقولها عالجي التكيس , ولا حقين ع الحمل
تخيلي ثلاث شهور وانا آخذ ابر تفجيريه , اذبحتني وربي
وتعبت تعب ما تتوقعينه
واطنشها , صح عطتني كلوفاج لكن ماستمريت عليه اتعبني
والحمدلله والشكر يارب , صار الحمل بشهر فيه بركه ونعمه من ربي
بدون ابر , وبدون علاج للتكيس , وبدون وجع راس, ماشاء الله تبارك الله , ياربي لك الحمد والشكر يارب ,
 
انا يامزون الى الان مواصله على حبوب كلوفاج بس والله اتعبني بس الدكتوره قالت نصيحه ماتتركينهن الا لما تحملين وانا اذبحني قويات الله يرزقنا
 
حبيبتي انا مرت علي هاذي الحاله وجاني كيس بس ما ادري على المبيض او لا بس هي خافت يكون ليفي لاسمح الله وكان زي الكوره اول ماشفته توقعته بيبي هههههههه
بس طمنتني وقالت لا تخافين وعطتني حبوب منع حمل غير الي كنت استخدمها عطتني حبوب منع حمل اقوى وقالت بعد 3 شهور تعالي
اذا ماراح نسوي لك عمليه نشيله بس قالت اغلب الي جاهم كذا عطيتهم الحبوب وراح الكيس من نفسه
وانا بعد 3 شهور جيت عندها والحمدالله سوتلي سونار والحمدالله ياااارب كاان مختفي تماما ماله اثرر
لان الكيس كان يتعبني مررره ومسبب لي الم مووو طبيعي في الجمااع يززيد الالم لدرررجه ما اتحمل اجلس ابكي
بس الحمدالله راح في 3 شهور ..​
 
حبيبتي اذا فيك تكيس ماتحملين للا بالمنشطات لان التكيس مايخلي البويضه تكبر

للحجم المطلوب للحمل وتطلع لك بويضات صغيره تحتج لتنشيط عشان تكبر ويصير حمل
 
الله يعطيكم العافيه على الدخول والردود
لكن انا التكيس في مبيض واحد الثاني مافي شي على كلامها هل تتوقعون يكفي واحد لحدوث حمل
وحماتي كان عندها تكيس وحملت عادي
 
نصيحة مني يا اختي...
دورتك منتظمة ما شاء الله..واول مره تتأخر..وهذا طبيعي بعد الزواج لأن الهرمونات تتلخبط..
بس لاتغامرين وتلعبين بجسمك..
ربي قادر على كل شي..وتوك من 6 شهور متزوجة يعني بدري..
لاتحوسين بعمرك ولاشي..
.
.
طنشيها..
واعرف كثير مع ان فيهم تكيس الا انهم مااخذوا شي وسبحان الله حملوا مع انه تأخر الحمل..
مااقصد اخوفك بس ابيك تكونين بالصورة..
.
.
والله يكتبلك اللي فيه الخير
:)​
 
أنا أخت زوجي عندها هالمشكلة و عندها صعوبة في الحمل
بس تروح لوحدة تعالج علاج شعبي " مساج للبطن " و تحمل على طول
كل ما بغت تحمل راحت للحرمة و الله يكتب لها الخير


الله يشفيك و يبشرك بحملك قريب إن شاء الله ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل