[][][] خــــــــــــادمـــــــــــة فــي بــيــتي [][][]

[أحــلام امــرأة]

*** يا بنات انا شفت ها الموضوع و عجبني من منتدى اخر ***
كيف تستغنين عن الخادمة

اولا
نبدا بحديث الرسول عليه أفضل الصلاة والسلام لسيدة فاطمه رضي الله عنها عندما طلبت منه سبي لأنها تشتكي من ما تلقى من الرحى في يدها فقال :-
("ألا أعلمكما خيرا مما سألتما؟إذا أخذتما مضجعكما،أن تكبرا الله أربعا وثلاثين. وتسبحاه ثلاث وثلاثين .وتحمداه ثلاث وثلاثين. فهو خير لكما من خـــــــــــــــــــــــــــــــــادم").صحيح مسلم ص246ج4
هذي الخطوه الاولى قبل النوم.
ثانيا
:قيام الليل له فوايد كثــــــــــــــــــيره أسئل الله أن يعيننا عليه وتشربين شوية ماي هذا علشان يحافظ لك على رشاقة جسمك لان يا حبيبتي صح راح نشتغل ونكرف بس ما ننسا أنفسنا وجمالنا وهذا نوع لتثبيت الوزن والرجيم.​

ثالثا
تصلين الفجر في وقته وتقرين قرآن بعد الصلاه مههههههههههم جدا يساعدك على العمل بنشاط وهمه.وتبدين ياحلوه العمل في تجهيز الفطور السندويشات للأطفال الحلوين والشاي للحلو زوجك لاتنسين أذكار الصباح وانت تشتغلين.
طبعا يفضى البيت أو يكون عندك بنوته او اثنين معاك تفطرون مع بعض .هذى اللحظه لازم تستغل صح يعني تغسلين تكوين وتنظفين وإلا تنامين ؟؟؟؟؟؟؟؟؟ لا والف لا يقص عليش الشيطان اشتغلي........​

رابعا
لحظه حاسمه صلاه الضحى من اليوم وساير ما أفوتها أبداااااااااااااااليش شوفي النتيجه بعدها قوة إلاهيه في الجسم تشربين ماي وتبدين تكملة العمل طبعا ابعدي عن المسلسلات الي تآخذ العمر ولا منها فايدة فاضيه خلصتي شغلش سوي رياضه في يوم حطي ماسك لوجهك وانت تشتغلين في يوم سوي كيكه لعيالش جلسي يوم في الاسبوع على النت ما لازم كل يوم ، التلفون خفي عليه شوي ، ما لازم تروحين عن جارتك كل يوم
شغل عقللش رتبي يومك علشان تحققين هدفك هو أرضاء ربك والسعاده لزوجك واولادك التخلص من المبيد الحشري الخدامة الاستمتاع بالعمل والحصول على قلب صحى صافي وجسم رشيق وبدون رجيم ​

خامسا
وقت تحضير الغداء جهزيلهم طبخه حلوه من ايديك الناعمه النظظظظظظظظظظيفة والله بتحصلين الاجر والثواب والصحه والعافيه يلا ماشي وقت بيون اليهال وأبو اليهال يعني فهي لازم تتعدلين وتتعطريين وجهزي البخور (لاتكثرين ما زين وايد) انت في هذه اللحظه تستعدين نفسيا للهجوم الي داخل عليك .اذا كانوا تعبانيين من يشوفونك ينسون التعب لازم تاخذينهم وتخليهم يتنظفونا لانها تفتح نفسهم للأكل. انت في هذه الحالة مخلصه نصف الشغل تقعدين معاهم تشربين شاي الاخضر قليل السكر اذا ما عندش وقت تنامي لتجديد النشاط والرجيم بعد وتبدين تذاكرين لهم والعصر تعطيهم سويت ان شاء الله فوشار وهو من يديك لذيذ.
سادسا
والمغرب لاتنسين أذكار المساء قوليها جماعه انت وعيالش دخلي انت والبنات حضري أكله خفيفة للعشاء ويا مكثرها في المنتدى المهم لاتفكرين تشترين من برع البيت ان شاء الله تسوين خبر رقاق وبيض
سابعا
وبعد العشاء تعبانه ومنهد حيلك أدري رتبي على الخفيف البيت وروح نامي حدش السهر لين 9:30 أو بالكثير 10 لاتزيدين عودي أهل البيت على كذا وطبعا نبدأ البرنامج من اول كل ليله ​

أدري طولت واااااااااايد بس اليوم طويل مفعم بالخير والنعم والبركه من عند الله.
--------------
احتجت للشغالة لاني موظفة و ام ​

شكرا حبيبتي .. أفدتينا بما نقلتِ ..

وأعجبنا نحن ذلك ..

جزيتي خيرا ولاحرمتِ الأجر ..



​

 

[أحــلام امــرأة]

مرحبا يا أميرات

حتى أنا أختي العزيزة أعاني من هذه الوسوسة الفظيعة

أفكر بجلب خادمة ، تعبت كثيرا

من الغسيل التنظيف الكوي المسح وووووووو

نفسي أرتاح والله

حتى الآن مترددة

لي أكثر من 4 شهور وأنا ما زلت أفكر

خائفة ومترددة ومحتارة



الله يهدينا للخير

بالظبط ما أعيشه حاليا ..

هدانا الله وإياكِ ووفقنا إلى مافيه خير لنا ..

سلمتِ على تواجدكِ ..

​

 

[دلع بلقيس]

السلام عليكم حبيبتي..
موضوعك جدا رائع ومكمل لموضوع انا ناوية اطرحه ..
واول شي اشكرك من اعماق قلبي على طرح مثل هذا الموضوع واشكر طرحك الاكثر من رائع واللي يحتوي على شمولية وصورة واضحة.

حبيبتي..
انا نظرتي للخادمة قريبة لنظرتي للخمر <---- لاتتفاجأي فأنا قرأت ورأيت بأم عيني الكثييير.
فأنا أراها فيها منافع وفيها مضار لكن مضارها اكثر من منافعها واول ضرر الكل ماينتبه له او بالاصح ينظر انه شي صحيح اللي يسويه..
اللي هو عدم اطلاعه وتفحصه كل مايحتويه بيته من مواد غذائية الى ملابس الى ..الى..الى..
الكثير والكثير
لكن الاهم ماذا نظفت هنا وماذا فعلت هناك...؟!!!

ثاني شي رمي الاطفال على الخادمة او المربية ...!!
ثالث شي
رابع شي
خامس شي
سادس شي
....
ومارح نخلص لأن السلبيات كثييرة ..

لكن الاهم هو مضاره المخيفة والمرعبة مثل الخيانة سواء مع زوج او احد الابناء..
او اقلها تدخيل صاحب اقرب محل بقالة لبيتك!!
وثانيها السحر والله لايجيبه لنا..
وثالثها وهواهمها انك انت ممكن ترتاحين جسديا مع وجود الخادمة..لكن مافيه اي راحة نفسية معها وبالعكس ممكن تنطبق عليك ..(يامن شرى له من حلاله علة).
فلا راحة نفسية من اول يوم تتواجد في الخادمة في بيتك.

حبيبتي..
انا ان شالله ربي يقدرني على عدم دخولها بيتي..وبصراحة انا اقول لك هالشي ولا احد يدري عنه حتى اخواتي لأنه اخجل جدا منه ..لأنه معروفه بالنظافه والترتيب ..لأكن جاني ايام تجيب المرض من الحوسة والكركبة اللي تعم كل ارجاء البيت(طبعا شقة ولازلت في شقة).
لكن انا دائما اقول لو يطلع علي الدود ولا ادخل علي خادمة ..مو ترى رعب من وجودهم بس ..
كل شي مجتمع علي.
اخاف منها على زوجي وعلى نفسي اما بسحر او خيانة وغير هذا كله ماترتاحين ابدا في بيتك..
وتعبت كثيييير بس انا كنت مهتوية.. وفي نفس الوقت افهم زوجي اني انا ما ابغى خدامه مو عشان والله انا مابيها عشان اخسرك والا عشان شي يخصه هو ..افهمه اني متى ما احتجتها راح اطلبها وتوفرها لي في اي وقت ..<--- لأن الواحد مايضمن حياته كيف تكون؟

وبعد ماجاني ولد وانتقلت لشقة اكبر من الاولى اتعاقدت مع تشتغل عند ناس ..تجيني مرة في الاسبوع لكن بحثت وتعبت كثييير وانا ابحث عنها لدرجة اني جلست اكثرمن سنة ابحث والحمدلله لقيت.

فالخادمة المؤقتة هي الحل الاول والاخير بالنسبة لي والله لايحدني على غيرها.

لدرجة اني احيانا ادعي ربي اني ارزق بتوأم وبعدها اخاف اني احتد اني اجيب خادمة.
..
..
ولو اضطريت والله يكتب لي اللي فيه الخير ..راح اخليها اهم شي تتغطى مثلها مثل اي انسانة حرام على زوجي يشوفها..
وهذا ان شالله باقي موضوعي اللي انت فتحتيه وبدأتيه لكن بسوي له موضوع مستقل ويكون توعوي اكير من انه استفتاء..
لأنه السبب الوحيد في نظري للخيانات ان الخادمة مثلها مثل اي بنت في البيت وكأنها اختهم وليست خادمة فتفكر الأم او المدام ان اولادها يعتبرونها مثلها مثل اخت لهم وان زوجها يعتبرها مثل بنت من بناته..

للأسف.


تقبلي تحياتي ومروري الطوييييل وان شالله انه مايكون ثقيل لكن حبيت ابدي لك رأيي..
والله يوفقك

 

[ام المجاهدين]

هذا ماتقوله لي أمي دائما .. فهي لم تستعن أبدا بخادمه منذ أن كنا صغارا .. لا تتعودن على الكسل .. ​

وأرد عليها أمي بالفعل ليس هناك وقت !! ​

وحين أعرض عليها فكرة الخادمه ،، أجدها تعتب علي .. تعب البدن ولا تعب القلب ..​

مرحبا عزيزتي ....هدوء​

كلام والدتك حفظها الله نفس كلام والدتي​

اطال الله في عمرها عللى طاعته ،وكنت​

اتضايق جدا من كلامها هذا ....​

بسبب بحثي عن راحة البدن والهم الذي ​

يتولد من المشاغل المنزلية اليومية والمناسبات​

الاجتماعية الاسبوعية ،فيوم عندك عشاء ويوم ​

معزومة وعيب تروحي وايدك فاضية،ولازم ​

يشوفو شطارتك باعداد المشمر والمحمر​

وهذا بحد ذاته يثقل كاهلك ويتعب تفكيرك قبل جسمك​

بس تبغين الصراحة طلعت الوالدة على حق​

لاني جبت شغالة بس والله ما ارتاحت نفسيتي واخذت​

راحتي في بيتي ومعاملتي لزوجي واولادي الا بعد ما ​

راحت ....صح فيه تعب ومشقة بس مو لازم يكون كل ​

شى كامل ....​

وصدقيني الخادمة تعودك انت واولادك الاتكالية وعدم ​

تحمل المسؤولية مهما كنت حريصة على عدم التعود​

على ذلك الوضع ،فمرة تلو مرة ستجدين نفسك قد اوكلتي لها ​

كل شى...بينما في حال عدم وجودها يسود البيت روح التعاون​

من الاولاد والزوج وسيشعرون بمقدار تعبك وتضحيتك ...​

واعلمي اخيتي انه اذا كان عندك مشاعر الرفض من قبل ان ​

تجلبيها ...فنظرات التوجس والخوف والشك في تصرفاتها​

سوف تحرمك الراحة وعدم الحكمة في التعامل معها...​

اذا كان ولابد فأنصحك بجلب الخادمة التي بالاجر اليومي في حال​

اتمام الاعمال الاسبوعية او في حال وجود مناسبة لديك ...​

فهذا حل مريح جدا ....اسال الله لك التوفيق والخير ...واعذريني​

على الاطالة....​

 

[سكر زماني]

انا حالفه الف يمين الخادمه ماتدخل بيتي مهما كان لان شفت العجب ببيت اهلي من الخادمات

 

[وردة وردية]

والله بالنسبه لي انا مستحيل استغنى عن الخدامه ...بصراحه مريحتني اخر راحه ... وانا عندي خدامتين والحمدلله انا من عشر سنين معرسه والخدامه معاي من اول يوم ..لاني موظفه قبل لااتزوج ..ولاني اعاملهم زين وما اقصر معاهم الحمدلله وايد مرتاحه ... بس بالنسبه للعيال مستحيل كنت اخليهم في البيت مع الخدامه لازم اوديهم عند بيت عمتي كل صبح قبل لاروح الدوام ... والحين عيالي كبرو والحمدلله ...
بس صراحه الخدامه راااااااااااااااااااحه ... مره سافرت خدامتي وقلت بشوف كيف الحال بدون خدامه ..بصراحه عذاب وكراف وشغل اربع وعشرين ساعه يعني ابدا ما رتاح ...وسلامتكم

بس اشوف الي ما تشتغل وساكنه عند اهل ريلها وما عندها غير ولد واحد ..ما تحتاج لخدامه

 

[star-om7]

والله انا رائي شغاله لالالالالالالالالالالالالالالالالا والف لالالالالالالالالالالالالا مصايب اشكال والوان نشوفها عند القريب والبعيد
خيانات اشكال والوان
قسوه وجرائم مع الاطفال
سحر وما ادراك بالسحر وتبعاته
والله اعرف وحده جابت شغاله المره الاولى مشي معاها الحال كانت حريصه
وبعدها صار وجود الشغاله عادي وما انتبهت المسكينه الا والشغاله طبينتها اتغيرت حياتها فوق تحت طلبت الطلاق راحت بيت اهلها طلعت نزلت رجعت بيتزوجها علشان اولادها
حياتها انعفست اتغير كل شئ بسبب شغاله
والله انهم يجوا حاطين في راسهم ازواجنا وفلوسنا
حتي المتزوجات منهم
انا الحمد لله ماعندي شغاله رغم ان بيتي فله طابقين واولادي سبعه
لكن شر الخادمات يلاحقني من بيت اهل زوجي
والله فيه عندهم شغاله اندنوسيه الله لايوفقها امين متزوجه وعندها بنت
شكلها حالفه ماتطلع من البلد الا بزوج سعودي مجننتنا انا وسلفاتي ماخذه عقل رجالنا الله ياخذها امين
المشكله ام زوجي تموت فيها لها اربع سنوات عندهم والحين بتجلس سنتين كمان الله المستعان عليهم الله يكفينا شرهم امين
بالنسبه لبيتي الحمد لله دائما نظيف ومرتب منضمه وقتي في الشغل ماني موظفه واجيب وحده بالساعات مره اومرتين في الاسبوع تساعدني في بعض الشغلات الممله
والحمدلله عندى وقت اجلس على النت واهتم بنفسى رتبت امورى وبقوه
طوعت كل شئ ونظمت كل شئ
هذا مابيدي والذي ليس بيدي الله يتولاه ونعم الوكيل .

 

[غموض**]

بصراحة موضوع رائئئئئئئئئئئئئئئئئئئئئع
ومن وجهة نظري ومن خلال تجربتي ماجبت خادمة الا بعد ماكبروا عيالي عندي خمسة الله يحفظهم أذا كمل طفلي سنتين ونص قدمت على خادمة لكن من أقدم وأنا أستخير وأدعي الله أنه يطعمني خيرها ويكفيني شرها
وأذا جت أبين لها الحدود حتى ماتتجاوزها مثلا ملابسي وملابس زوجي ما تلمسها وغرفتي ماتدخلها والتنظيف يكون بعد مايروح العيال وزوجي للعمل . ومن ناحية اللبس كبروا العيال وصرت أستحي من الاولاد كبار يعني بعد ماينامون اخذ راحتي في السهرة مع زوجي ولاأنسى اقول لكم عامليها باحترام ولا تكثرين الكلام معها خليك ثقيلة وتكلمي في حدود المعقول.
ومن حسناتها بصراحة تفرغت لنفسي وهواياتي وفوق هذا زوجي لاحظ أني مرتاحة جسميا و تكونين متفرغة له وكذلك العيال لاتحببينهم فيها خليهم يرحمونها بس لايتعودون عليها
هذي سياستي مع الخادمة أتمنى أنكم تستفيدون من خبرتي

 

[الرمش الأسير]

الخادمة أصبحت شيء أساسي وانا جبتها من شهرين
وصار لي متزوجة سنة و4 شهور وعندي بنت
وكنت محتاجتها كثيييييير لما كنت حامل
لأني ساكنة مع أهل زوجي وما كان عندي حد يغسل ملابسي
وملابس زوجي إلا خدامة البيت وما قدرت أتأمر عليها
أو أطلب منهم شي لأنهم دلوعات واااايد
فاضطريت اني اجيب خدامة وتنام مع خدامات البيت وحذرتها من
أي تصرف مع الخدامات وهي لحالها ومالها شغل ببيت أهل زوجي
لأنها يادوب تلحق على ملحقي وعلى الغسيل والكوي
والعصر أوديها معاي الدوام للأني أداوم مسائي وأحتاجها تشيل
أغراضي
وبنتي ما أتركها دقيقة وحدة عندها أنا اللي أغير لها وأأكلها وأحممها
والأكل مع أهل زوجي وان شاءالله عن قريب بنستقل لحالنا في منزل خاص
وأخليها دايماً تخلص شغلها قبل ما يرجع زوجي وومنبهة زوجي إذا بغى شي
يقول لي انا ولا يطلب من خدامتي ولا خدامات البيت شي لان الواحد الصراحة يخاف من
بلاوي الخدامات ​

 

[* كلي إمومه *]

اذا تقدري تستغني عنها واللللللللللللللله احسلك ماراح تندمي

 

[passion]

السببب الوحيد دراستي ............. بس ان عيالي كبروا شوي ما بدخل بيتي خاااااااااادمة

 

[أم صغيرون]

أنا معلمه وأم لخمسة أطفال كان عندي شغاله طرتها من البيت لأنها ماتبغى العيال وشتغلت في بيت ثاني وقسما بالله يا بنات انا في راحه نفسية عظيمه ولله الحمد عندي عامله تنظف وتروح