خطيبي يشك فيني ويتفنن بتعذيبي

[Jo7jo]

السلام عليكم​

ابي استشيركم وياليت ما تزودوها علي​

انا متملكه وكانت اموري تقريبا تمام وقبل كم يوم دخلت ع موقع تعارفوا وخرابيط جاني مسج ع
ايميلي مع اني ما كنت ادري شنو سالفتوه وسجلت وبايميلي .. ونفس الموقع دخل عليه
خطيبي وبابي شافوا الايميل بالموقع ما علقوا .. بس خطيبي بعد ما عرف جلس كم يوم ما
كلمني وانا ياغافلين لكم الله .. وبعدها كلمني والسالفه انفتحت وجلس يحكيني عنه طبعا انا
مادري اش الهرجه قفل ع الموضوع .. ووضحت له السالفه بعدها و اني ماكنت ادري..

ومن بعدها صاير مرره شكاك ع كل موقف يصير .. ويتهمني بشكل غير مباشر ..​

ويحاول ينرفزني ويستثير غيرتي بشكل فضيع .. وربي الشك دخل بنفسي من كلامه .. واي شئ يقهرني يتفنن فيه ..​

مو قادره افهمه .. انا مرره عنيده وما اغفر الذنب .. وكل شئ يسويه ارده له يعني لو قالي فيه
بنات اليوم يضايقوني باجي باكر واقله نفس الشئ بطريقه ثانيه .. لو جرحني اجرحه .. احب
انتقم ادري انوه عيب فيني وعجزت لا اعدله .. حتى لو اني أمووت فيه​

ومهما ازعله او اضايقه ما يتكلم ولا يصارحني ..​

تعبت والله .. الحمد لله ان شاء الله انه خير ..:tears::tears:​

 

[قصه الم]

حبتي انتي غلطي
والحين لازم تسترجعي ثقه زوجك فيك
يعني افتحي معاه الموضوع وكلميه وانتي تبكين علشان يحن
ويتاكد انك مضلومه
وضحيله انك موقصدك
وقليله واذا يرضيكم النت معد تدخله بس مابقاء اطيح من عينك
او تهتز ثقتك فيه
اه9م شي ماتخلي لاالحين ولا في حياتك القادمه اي موضوع لين تحلينه
تقبلي مروري

 

[ليليان :$]

والله انا طايحه بنفس مشكلتك ..

ولاني لاقيه حل

الله يفرجها ان شاء الله

 

[Jo7jo]

قصه آلم
تسلمين يا قلبي ع ردك

بس انا ما غلطت والموقع اللي داخلته يقدر يشوف اللي مضيفتهم شباب ولا بنات

وهو كمان مسجل فيه .. واما اني ابكي استحاله لاني ما سويت شئ غلط ,,

ومو بس الموقع اللي مشككه كمان انو عندي اكثر من شريحه وروحاتي وخرجاتي ع كيفي

واشياء ثاانيه ..



ليليان

يسلمو ..

والله يفرجها قريب علي وعليك​

 

[ألماسة آسيه]

فرج الله كربتك وهداك واصلحك
اسال الله لك الحلم والعلم

 

[جسرالاحزان]

السلام عليكم

أن شاء الله ربك يفرجها عليك عن قريب

أسمعي يا اختي بحاول اني انصحك و ان شاء الله افيديك

اهم شي لا تكذبين عليه باي شي ومهما صار لانه هالفتره بيكون يحاول يمسك عليك شي وانتي مخبيته وفجأه تطبين بالكلام خليك واضحه قدامه وبرئيه وانك غشيمه في الامور كلها حتى لو كنتي تعرفي

عموما الرجال كلهم ما يحبون الحرمه القووويه والي فاهمه في كل شي لانه ما يحس قدمها برجولته

على قوله المصاريا خليك اقطه مغمضه ^_^ وبكذا بيعذرك وبيصدقك انه ما كان قصدك تسجلين فيه الا حب استطلاع وحسسيه انك تحبين تعبثين بكل شي ودك تستكشفين كل شي وان حب للمعرفه هي الي خلتك تسجلين ولا شي ثاني يجي في باله

وبعدين ترا الرجال مثل الطفل الصغير يحتااج لدلال وحنااان وربي راح ينسى كل شي اهم شي سمعيه كلام يذووبه ولا تجرحينه مهما كاااان

وش رايك تبدون صفحه جديده مع هالعالم الجديد وتنسون الي صاار كله ^_^ والله يوفقك ويصخره لك

تقبلي مروري

 

[sosh]

ماعيك منه يااختي اهم شي انك ماتقبلي اي اضافه من اي شاب في الفيس بوك
واذا كان هو مضيف بنات قولي له ع الاقل انا احسن منك مااضفت ولا شاب,,وبعدين حتى انت مسجل بعد ولا انت حلال وانا حرام,,,
موفقه ان شاء الله

 

[Jo7jo]

تسلمو ,,, والله يجزاكم كل خير

 

[nany2009]

حبيبتي الله يسعدك ويوفقك
انتي فهميه بهدوء انك مش كنتي تعرفي وانه لازم يثق فيكي زي ما بتثقي فيه
ويا قلبي الله يهديك حاولي مش تدايقه وحسسيه باهتمامك واهميته عندك وانك تحترميه وتقدريه في كل شيء وفي تصرفاتك
والله يفرجها عليك

 

[سـمـو الآمـيـرة]

ربي يسهل امروك ويسعدك يالحبيبة
يفرجهاااا عليكم اله الكون

 

[صاحبةعيالي]

شوفي حبيبتي تجلسين مع رفيق العمر جلست مصارحه تقولين له شوف يابن الحلال
حنا داخلين على حياة جديده وشركة حياه طول العمر وانا حابه اني اكمل مشواري معك
لاكن بهذا الاسلوب والشك فيني وعدم الثقه المتبادله بيننا ماراح تمشي السفينه اللي انا وياك شراكه فيها اتمنى تكون صادق معي وواضح بانك انسان تثق فيني لان التصرفات هذي انا ارفضها وانت خطبتني وانت عارف انا بنت منو واصلي و فصلي وتربيتي كان قصدك على الفيس بوك كل يدخله
وانت بنفسك راح تتتدخله وتشوف’ انا انسانه واثقه من نفسي ومتربيه واعرف من اللي اضيفه ومين اللي ارفضه ....... هذي نقطه
ونقطه الثانيه .....حبيبتي لا تحطين راسك براس الرجال يعني لما يسولف عن بنات احرجيه
برد حلو منك ونعومه وغنج قوليله بس مافي مثلي وبايات قرانيه عن غض النظر لهذه الفئه من الناس لانك انت احسن واطهر من هلشكال...ترى الرجل يحب البنت اللي فيها حياء والحياء من الايمان كان الرسول صلى الله عليه وسلم يستحي فكيف احنا النساء بالله عليك حاولي تكسبينه
بالحب والدلال وليس بضعف والبكاء لاني انا ضد هذا الشئ من الضعف

 

[سيدة عالمها]

حبيبتي الغاليه لازلتي على البر
استخيري وانتي ادرى
ويالغاليه اذا استمر هذا اسلوبك عناد وانتقام وطلعات وشرايح كيف تبين تكسبينه
والله ياحبيبتي ان الرجال تاسره البنت الراكده الهاديه المستقره الواضحه
الي تطيعه وتغفر له زلاته وتقابل الاسائه بالاحسان
لاتنسي هذا زوجك جنتك ونارك
وباب عظيم من ابواب الجنه فاستغلي هذا الباب
اما ان كان مريض بالشك او انه يستفزك ويوتر علاقتكم
لاياعمري زي مااقالو الاخوات اتفاهمي انتي وياه بهدوء
وانتي لسا فالبر زي ماقولتلك