خطيبي يشكك في اخلاقي ماذا افعل ساعدوني بسرعة..

د

دخل مزاجي

New member
إنضم
2009/08/14
المشاركات
167
السلام عليكم اخواتي البلقيسيات


مشكلتي اني تملكت قبل اسبوعين
انا كنت مطلقه بدون اطفال ومااستمريت بزواجي الاول الا ايام معدوده
خطيبي الحالي لم يسبق له الزواج بس يكبرني بـ9 سنوات

المهم :
تصير بيننا مسجات حب وغرام ومره ارسلت رسايل زوجيه اللي فيها بوس واحضان وكذا
ارسل لي انه مايحبها وانها رسايل منحطه ومن وين اجيبها .. انا بينت له ان كل المتزوجين عندهم كذا وهي رسايل زوجيه مليان النت منها وانتهى موضوعها
من خلال المكالمات في هالاسبوعين تطرقنا لمواضيع حساسه وعن الانجاب
ومع الكلام قال لي انتي ثقافتك الجنسيه عاليه ..
قلت له لي اخوات وصديقات متزوجات وبرضه النت والكتب ماخلت شيء
وقلت له مو معقول الرجال مايتكلمون بهالاشياء؟؟
قال لي انتي وش عرفك بكلام الرجال ..

انا زعلت وقلت له انت تشكك في اخلاقي ومانا مااسمح بهذا الشيء

هو يضحك وغير الموضوع وانه ماقصده شيء وانا حساسه بزياده

هو اذا زعل مايبين بنفس الوقت بس يطنشششششششش ويخليني يومين مايدق واذا اتصل يتكلم باسلوب مو حلو



ماادري وش اسوي معاه؟
هل تصرفي كان صحيح؟؟
هل اعدي الموضوع وماادقق انه مطنشني وكذا؟؟؟
هل اتكلم معه بهالمواضيع او اسوي نفسي جاهله بالاشياء الجنسيه؟؟؟؟



ياليت تساعدوني ولكم دعوه من القلب


:21:


​
 
يمكن أنه من النوع الي يستمتع بحياء المرأه ومن رأيي الشخصي أنه بدري ع التعمق ف الأمور الحميميه عشان يكون طابع العلاقه أرقى لأنكم لاحقين على هالأشياء وبتملون منها كمان حاولي تغيري أسلوبك معاه وتتكلمي معاه ف الأشياء الي يحبها كرة القدم , الأخبار, الطقس أي شي تعرفي يحبه وتتثقفي فيه أكثر عشان تبهريه فيك وتقربيه منك بالطريقه الصح دعواتي لك بالتوفيق
 
هذي النوعيه من الرجال (مريضه )

ومرت علي وانا اختك ..

لو تقولين اي شي عن عاده سريه ولا جماع ولا اي شي طبيعي

قال وش عرفك

وشلون دريتي

ويبي كل شي باالتفصيل الممل

لانك ماعرفتي الا مجربه ..

وكأنك عايشه بصندوق مغلق ماتسمعين ولاتشوفين ,,

والله من رايي اللي هذا اوله ينعاف تاليه

النوعيه هذي من الرجال متعبه جدا جدا ..
 
حبيبتي اول شي خليك مررره حياااويه ورسميه ولاترسلين رسايل قويه لانك اول شي مخطوبه لسى بدري وثاني شي حبيبتي انتي مطلقه يعني وضعك حساس معليش بس بواقع حياتنا المطلقه حساس وضعها ...انتبهي وخلك حياااويه وحريصه وخجوله جدا معاه شكله يبي كذا..وسوالف الانجاب ووو خلوها بعد الزواج احسن لكم وربي يوفقكم ويسخركم لبعض
 
بصراحة غلطتي لانك توك متملكه وتتكلمين عن هالاشياء اكثر الرجال يحبون اللي تستحي وانتي جريئة معه مره حتى لو هو زوجك ما بعد دخلتي انا صارلي تسع سنين متزوجه استحي اتكلم في الجنس رغم اني مخلصه دراستي الجامعيه ومثقفه الحمدالله بس اكثر الرجال مايحبون الجرائة ويحبون اللي تستحى وقللي من مكالماتك خليه هو اللي يدق اللهم اغفرلي وللمسلمين والمسلمات والمؤمنين والمؤمنات الاحياء منهم والاموات
 
لااه ليش انتي تصيرين جريئه لا انتبهي خليك ثقل وحياء حتىلوماكان بك حياء خخخ
اانتبهي يالحلوه تراهم كذا انتي عفويه بس هو لا
اقطعي الرسايل هذي وخليك رسميه شويتين ووانتبهي يقولك كلمه تمس اخلاقك لاتسكتين
ردي بذوق ولاتضعفين
 
انا شايفه انك مستعجله على المواضيع العميقه خلي بينك وبينه مسجات حب وغرام حياويه لاتدخلين فالمواضيع الثانيه لو فتحها هو تكلمي بشكل عاديه لا تتجاوبين
 
دامك عرفتي طبعه
خلاص لاتكوني جريئه عليه
الا لما تروحين بيتك معه
واعملي نفسك حيويه
 
أنا ما عتقدت إنه متعقد وإنه من النوعية المريضة
الواضح إن إنت أول إمرأة بحياته
وهو راسم بباله المرأة خجولة وحياوية
كوني له مثل ما يبي
تكلمي معاه بحدود المعقول .. خاصة إنك مملكة
تمسكي بحيائك وخجلك أهم شي
الرجال يحبون المرأة الخجولة

دمتي بود



 
والله انا ردي غير عنهم انا بقولك عيشي حياتك ووريه من البدايه عشان حتي هوا يحاول يثقف وغير كذا ياحلوه انت كلامك جدا كان منطقي ومافيه اي عيب واي شي يخليه يقولك كذا اعرفي من قبل ماتروحي عنده وبعدين تندمي مره ثانيه والله يوفقك ويسعدك وينور لك حياتك ويبعدك عن الطلاق نهائيا
 
شكرا اخواتي لتفاعلكم

الله يسعدكم ويحقق امانيكم

بالصراحه انا حسيت انه يتوقع المراه خجوله بس هو عارف اني كنت متزوجه يعني المفروض يكون في باله اني اعرف لو بعض هالاشياء
وهو شكله مايعرف كثير حس بالجهل وهو مره شفت انه مايحب اني اكون اعرف اشياء اكثر منه وبرضه انا مستواي التعليمي اعلى منه احسه حساس من هالناحيه بعد

ودي اسوي اني خجوله بس مااقدر وهو يجرجرني بالكلام وبعدين يتفاجأ اذا قلت له شيء
وانا قريت من مواضيع د.ناعمة انك ماترفضين له طلب ايام الملكه عشان كذا اسوي اللي يبي واجاريه بالكلام



ماادري انا فهمت الموضوع غلط او ايش السالفه..!!!


وفي نقطه ثانيه ياليت تساعدوني فيها .. هل انفذ كل طلباته؟؟ لانه شمالي وقريت من مواضيع د. ناعمه انه يبغى المراه مطيعه وانا اقوله ابشر باشياء كثيره

ماادري هل هذا صح او خطأ؟؟؟؟؟
 
شوفي اختي انتي تطلقتي من قبل مره .. وما أنصحك تكونين خوافه وتقعدين تحاسبين نفسج على كل كلمة خاصه في تجربتج الثانية ..
شفيها لمن يكون لج خبرة في الجنس وهالأمور ؟ عسى ماشر ؟ ومنو اللي مايعرف أصلا في هالأمور في هالزمن ؟
وبعدين وشو اللي مايحب هالسوالف ؟ خليه يحلف بس .. الا تلاقينه راعي سوالف ومسوي معاج ثقيل .. شوفي أختي لو مكانج قولي له مع احترامي لك أنا إنسانه مثقفة جدا وأحب أتعلم في كل شي .. وأحب أقرا في أمور الحياة الزوجية والجنس وهالشي مو عيب ولا هو جرأة .. بس هو علم يفيدني ويفيدك .. عيل عقب شبيسوي ؟

بط جبدي .. زين ما طاح بيدي جان طبيت في بطنه
 
اصبري وغيري أخلاقك زي ما يبغى وهذا كله من أساليب إبليس في التفرقة بين الزوجين
الله يسعدكم
 
خلاص انتبهي لكلامك
المفروض هو يعرف لوحده انك صاحبت خبره حتى لو تزوجتي ايام
لو انك مومتزوجه قبل كان قلنا معه حق
 
شوفي حبيبتي خذيها نصيحه مني من ألحين
هالنوعيه ماتحب الجرأه لما تتزوجين أصحي تسوين له حركات وأوضاع من ألى تقرينها بالمنتديات
سوي عمرج غشيمه بكل شي وكل شي جديد عليج لان وحده حبت تفاجأ زوجها وتعلمت له حركات
من النت ... فلما دخل عليها وقامت تطبق هالحركات حلف لها إنها مسويتها مع رجال قبله وشك فيها
قال لها تصرفاتج مب تصرفات بنت وين تعلمتي هالحركات قالت له والله من الكتب والنت ماصدقها ..
فاسمعي مني حبيبتي الرجال يحب هو ألى يبادر وهو ألى يسوي كل شي مايحب البنت الجريئه
خصوصا مثل ألى عندج شكاك ويدقق بكل شي ...

الله يوفقج يارب
 
اختي لو انا منك مااقلت له انت تشكك باخلااقي ..ممكن تفتح عيونه ع شي هو ماافكر فيه
 
يالحبيبه

ترى غيرته من انك عرفتي رجال قبله

حتى لو هو قابل بها الشي بس بداخله شي مو هاضمه

نصيحه

لاتخلينها تتطور

وانسي وخليه ينسى انه لك تجربه من قبل

واعتبري نفسك ماتعرفين شي وان هذي تجربتك الاولى

وهي فعلا كذلك لان كل رجل يختلف عن الاخر وكل زواج يختلف عن الاخر

امسحي الماضي من راسك عشان يروح من راسه

وبيني له انك توك تتعرفين على الرجال معه وانك فعلا مستحيه منه

الله يتمم لك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل