مرااااااااااحب ،،،،
إذا مب قادرة تسولفين أو هو مب قادر يسولف خلو سوالفكم بالمسجات احياناً في ناس تعبر أكثر بالكتابة ..
اسإلي عن اهتماماته و سولفي معاه فيها!!!!!!!! هذي أسهل طريقة..
لا تبينين إنك مملة جيبيها فيه هههههه قولي له ليش ساكت يا ولد؟ حبيبي ليش هادي اليوم؟؟
ركزي على نبرة صوتك و دلعك و كلماتك خليها حيوية مب كلها مستحى أو هااااادية ولا طفشانة .. ديري بالج!
اكتبي كم سؤال على ورقة أو مواضيع نقاش قبل لا تكلمينه وابدي سولفي فيها بعد المقدمات وكلمات الحب ... لما يهدا الجو قولي له حبيبي بسألك عن شي ، أو على طاري هالشي، شو رايك بهالشي، تذكر مرة قلت لي جذي فــ .. ، تخيل مرة صار لي جذي والخ
وبعد فترة بتدخلين فسالفة وبتطلعين فسالفة ..
اتدربي على كم كلمة قبل لا يتصل (كلمات افتتاحية)<<حاسة إني بصف عربي ههههه
أقصد منها يااااااااااااااااااااااااا هلا شايفة كيف المد ياااااااااااااااااااااا هلا! قوليها معاي خخخ
أهليييييييييييييييييييييييييين قلبي .. أو أهليييييييييييييييييييييييين بس إذا كنت ِ مستحية!
حتى الـــ ألو خليها تطلع مثل العسل الذااااااااااااااايب!!
تدرررربي عليها قبل المكالمات والله تعطي نتائج حلوة وتفتح نفس المتصل (جربيها على صديقاتج خخخ)
فكري في تعليقات وردود أفعال تخليج مميزة وتبرز منها شخصيتك .. في ناس تجيب لي الضغط تضحك على كل شي لأنها ما تعرف شو تقول ههههههه أو تدخل في سالفة صانية وإنتِ ما خلصلتي الكلمتين اللي في حلجك ههههه فانتبهي لرد فعلك ..
خلي لك بينك وبينه لزمة وتشفيرات:
(لزمة) يعني كلمة تعلقوون عليها وتدخلونها غصب بمزح في سوالفكم وتعليقاتكم ..
(تشفيرات) يعني كلمات مشفرة محد يعرف معناها غيركم..
طرشي له مسج قولي له فيه حابة أكلمك في موضوع اليوم حبيبي ولا فلان..
جهزي كم موضوع نقاش جدي ولا تكملين كل النقاش في نفس اليوم ،استأذني في نص المكالمة وقولي له دق لي بكرة خلنا نكمل كلامنا (سمعتي دق لييييييي)، وحددوا وقت؟
خليه يفكر بالكلام اللي ناقشتيه فيه ويحضر نفسه لنقاش بكرة ..
هذا اللي عندي وبالتوفيييييييييييييق ,,,
