خطيبي ودراستي

[منى الفلسطينيه]

يسعد مساكم من جديد
وبتمنى بالشهر الفضيل((شهر رمضان)) يقدم كل شي خير ويفرج هم الناس
مشكلتي بدئت من اول يوم خطوبه وحتى هذه اللحظه
من سنتين خاطبه واول شرط شرطتوا انو كمل دراستي وهاد الشرط حطو ابي قدام اهل خطيبي وافقوا
كملت دبلوم حضانه اطفال وعم بشتغل ومن سنه دخلت كليه بتخصص تصمييم جرافيك دبلوم خلصت سنه وهلا ضايل عليه سنه تانيه وبيصير معي شهادتين الاولى حضانه اطفال وتانيه انشالله اذا الله اراد تصميم جرافيك وبشتغل بروضه اطفال ومبسوطه كتير والحمدالله وبكفي دراستي وبربي اخواتي وكل وتمام وحياتي مليانه مسؤليات تبعدني عن التفكير بالهم والحمدالله ع كل حال...
اليوم عزمت خطيبي ع الفطره رمضانيه عندنا ولحتى تتصفا قلوبنا بعد المواقف الاخيره بينا
وفعلاً صفي الجو وحكينا بشوق كبير لبعضنا صرحتوا الي بقلبي وتقبل كل شي وصارحني بالاشياء الي بيتذايق منها وتفهمت ......
بس......
اخر شي قالوا
اهم شي ليكمل زواجنا تتركي دراستك؟!!!!!!!!!!!!:dunno::sad_1:
قتالوا شو مناسبه هاد الحكي ما انت خطبيتني وانا عم بدرس وبلشت اشتغل ودخلت تخص تاني بالكليه ع علم منك وما عارضت
قالي انا عارضت من البدايه وقلت الابوكي انو ما بدي ياكي تدرسي ..بالاصل عيب تروحي وتجي والبنت لازم تلتزم بالبيت مو تروح ع الجامعه وتتختلط بشباب وبنات الله اعلم بأخلاقهن وتحكي مع دكاتره ومدرسين وتركب بتكاسي مع شوفريه الله اعلم فيهم انا ضض كل هاد الشي وانتي كنتي مبسوطه كتير بعلاماتك المتفوقه ومنح الرداسيه الي بتجيكي لهيك ما حبيت خرب عليكي فرحتكي بس هلأ وبما انو تصراحنا انا هاد الشي لازم يتنفذ وصدقيني لو ما هلأ حكيتوا كان نفذتوا بعد زواجنا((مع العلم زواجي بعد عيد الفطر)):no::no::no:
نصدمت...قتالوا دراستي ما بتركها كل الي ضايلي 28ساعه من اصل 80ساعه جامعيه معتمده كدبلوم وديماً علاماتي عاليه ولانو جبتها الاولى ع تخصص حضانه الاطفال اعطتني الكليه منحه دراسيه اني كمل دراسه ع حسابهم تشجعت وشجعوني اخواتي ادخل تخصص تاني واكسب شهاده ناتيه فدخلت(تصميم جرافيك)
انا صممت ع رئي وهوه صمم ع رئيو
كمان قالي:انا مو ناقصني ارجع ع البيت والاقي مرتي اما بالوظيفه او بالكليه بالمحاضرات
انا بدي زوجه تريحني وروح من شغالي لاقيها بتنتضر رجعتي بحماسه ونشاط مو ارجع لاقيكي ماسكه لكتاب بتدرسي او تعبانه من جهد الشغل وبدك تنامي وكل هاد مو متحمل يكون بحياتي
قتالوا ليه هلأ حكيت قالي انا حكيت كل هاد الحكي ل ابوكي وقالي بنتي طيبه وما تكسرلك امر وهيه لما تحس انها مقصره معك لحالها راح تترك كل شي وتبقى حدك وانو صبر عليه ونحن بالخطبه كل هاد وطول وقتي اما متوتره بسبب الامتحانات او بدرس او عندي دوام اضافي..
قتالوا انا معك بحب ريحك بس برضو حرام ضيع كل شي باقي عليه بي 28ساعه بقسمهم ع قصلين يعني سنه وبخلص وع اقلل من راحتي
عصب وقالي :خلللللللللللاص انهي النقاش لانو عنادك وكبريائك ما بسمحلك تنفذي طلبي وزعل وطلع من البيت زعلان بصراحه ما فكرت اللحقوا او راضي لانو انا مو غلطانه
يا صبايا عم يقرب موعد عرسي انشالله ع خير
ومشاكل بتزيد وحده التوتر بتزيد
ما بعرف شو القصه
بس انا مو حاسه حالي غلطانه وبدي كمل دراستي ما بعرف كيف؟؟
وبابا الله يساحموا ما راجعتوا بهالحكي ..لانو بابا بزعل مني وما بحب بندوب يزعل مني
صبايا شو اعمل؟؟؟؟؟؟؟؟؟؟؟؟؟
شو الحل معو لخطيبي؟؟؟؟؟؟؟؟؟؟؟؟؟
وبعدين مع هالقصص الي عم بتزيد توتري بقرب عرسي؟؟؟؟؟؟؟؟؟؟؟؟؟
يارب يارب يارب ارحمني

 

[رازيا]

اسمعي يا بنت الحلال واضح انه خطيبك بيتلكك يعني عنا بالفلسطيني بيتحجج علشان ما يكمل العرس وشكله والله اعلم غيران منك ومن شهاداتك ومن مستواكي وثقافتك انصحك نصيحة اخت لاخت استخيري الله قبل زواجك منه اكثر من مرة واستمري بالاستخارة واذا شوفتي الامور بتمشي لصالحك كملي معاه
وانصحك اوعي تتخلي عن دراستك او شغلك لا تغلطي غلطتي ارجوكي ارجوكي ارجوكي
انا الحين بعض اصابع الندم انا خلاني اترك الجامعة وشغلي وجلسني بالبيت وفي الاخير اكتشفت انه على علاقة بوحدة بتشتغل وما بعرف هي خيانة او زواج سري
انصحك نصيحة استخيري الله ولا تستعجلي انت شكلك جميلة وصغيرة ومطلوبة وعندك مؤهلات
واصري على طلباتك لا تتنازلي نهائيا ارجوكي

 

[رازيا]

رفع للمساعدة

 

[هموسآ]

أؤيد رازيا بقوة,!

نصيحة لا تتركي دراستك وشغلك, انا اشوف ان الرجل اللي بيحب زوجته بيساعدها على تحقيق طموحها مو تحقيق طموحه هو وبس, هذه تعتبر انانية, واذا من الاساس مو مقتنع بوحدة تشتغل او تدرس , من البداية يخطب وحدة ماتدرس ولا تشتغل , مو بيلعب با عصاب بنات الناس!

الله يوفقك ويكتب لك الخيرة في امرك,​

 

[رندا كووول]

مع رازيا ..كملي دراستك واصرّي ع موقفك..

واستخيري والله يكتبلك الخير

 

[منى الفلسطينيه]

اوك راح استخير ربنا جل وعلا
مع العلم اني ستخرت اول ما خطبتوا
وتريحت وافقت ع الزواج بنائاً ع حلم حلمتو بأمي الله يرحمها قالتالي ديري بالك ع(محمد)
خطيبي ولانو ما بشوف امي الحلم الى في اندر الامور وخصوصي الي بدها اخذ بيها قرار
بحس هيه الي بترشدني للصح....راح استخير من جديد
بس صبايا
لو حتى قررت انو ما كمل معو
اهالبي بفضلو يعلقو مشنقتي
ولا اني افسخ خطوبتي
لانو هاي تاني خطوبه الي رغم عمري للصغير
عندنا بفلسطين معدل زواج البنت18سنه وفعلا خطبت وفسخت ع 19
وبعدها خطبت هاد التاني بس عانيت كتير لفسخه خطوبتي الاولى وحملوني كامل المسؤليه
صبايا ما بدب عاني
جد امالي بربي كبير كبير كبير
ويااااااااااارب يصلح الامور
مشكورين ع الردود

 

[بنوتة بلادي]

يا حبيبتي منو قال ان الإستخاره نتايجها تجي من حلم؟؟؟؟


نتيجة الإستخاره تشوفينها امامج.. إما يتيسر الأمر او يتعسر...

و بعدين بعدج صغيره... و مالج خص المجتمع اللي حولج.. هذا زواج مب لعب يهال...

و انتي بعدج مخطوبه يعني مب مكتوب كتابج... امرج أهون من عندنا ان شاء الله...

 

[mariouma]

من وين من فلسطين انتي يا منوش؟؟
انا من الجنوب وما عنا زي مبتحكي شكلك من الشمال صح؟

 

[منى الفلسطينيه]

انا من الخليل

 

[يالبى راشد وبس]

نصيحه كملي دراستك ثم كملي ثم كملي
انا تركت دراستي الجامعه اول سنه ولقيت خيانات وبلاوي
وعلى طول السنه اللي بعدها كملت والان باقي لي ثلاث سنوات مو زيك باقي سنه بس
فاسال الله العظيم رب العرش العظيم ان ييسر امرك ويكتب لك اللي فيه الخير

 

[ملكة في كل شيء]

أهم شي حبيبتي ما تتركي دراستك ولازم تحسسيه إنه هالشي بخصك إنتي بس وإزا مو عاجبه الله معه، لا ترضي بأي شي لإنك سبق خطبتي وتركتي، إنتي هلأ المفروض واعية أكتر شو بدك حياتك تكون في المستقبل، مو تعبك وتفوقك يكون ذكرى وشهاداتك تكون غطى لرفوف التلاجة، حددي هدفك بالحياة، وقرري بناء عليه. ومتل قالت الأخت "بنوتة بلادي" الإستخارة مو شرط تكون حلم، لإنه الأحلام فعليا بتتأثر بالعقل الباطن للإنسان وهالشي بخليها بعيدة عن الصحة في الإستخارة، يمكن العريس حليوة وعجبك شكله فعقلك الباطن رتبلك حلم يتناسب مع رغبتك. ونصيحة لا تبتدي حياتك بالتنازلات. وأهلين فيكي وكل بنات الخليل على فكرة أنا من طولكرم.

 

[أسماء زكي الدين]

أولا حبيبتي ما شاء الله عليك ربنا يكملك ويزينك ويزيدك علما على علمك ...

ثانيا خطيبك لما خطبك كنتي بتدرسي وشرط الوالد تكملي دراسة - ولو إني أرى إن الحياة الزوجية المفروض ما تبنى على الشروط - لكن كان هذا تأكيدا لحقك ...

*************************


والآن أرى الزواج شخص + شخص
وكل شخص له تفكيره المختلف وطبيعة مختلفة لذا فليس هو مسألة تطابق فالتوائم لا يتطابقا أبدا في التصرفات والطباع والتفكير حتى إن تطابقا في الشكل
إذا فعملية أنه يحدد لك مسارك عملية مؤذية ومعناها إنه يحاول يفصل له شخصية على كيفة ليعيش معها ... وهذه قمة الاذية

أنا لا أستطيع أن أجبر زوجي أن يغير تخصصه وهو لا يستطيع أن يفرض علي تخصصه طالما ليس من ميولاتي ...
وفي بعض الحالات التي تجاري فيها الفتاة خطيبها أو زوجها فيما يريد فإننا نجدها عند حد معين وفي وقت معين تسترجع نفسها كاملة وقتها تصبح الحياة جحيما ومعه العيشة لا تطاق

فالمفروض خطيبك طالما يريد إمرأة تجلس تنتظره في البيت ويكون هو كل شغلها الشاغل يبحث عنها وأنت هذه هي طبيعته ولو جلست في البيت صدقيني ستصابين بالاكتئاب وعدة أمراض نفسية وقد تستمرين معه لسنوات وبدلا من أن يعود يجد زوجة محة تنتظره عند الباب سيجد قنبلة موقوته رغما عنها تنفجر مع كل موقف ... فعليه ستجدين من يتأقلم معك ولا يهمه أن تكون وراء الباب تنتظرينه أو يمر عليك في مكان عملك - أو العكس لتعودا معا إلى البيت


والاستخارة حبيبتي ليست من المشكلة أن تكون موافق في البداية ومخالفة فيما بعد فهذا شيء قد كتبه الله عليك أن تريه وتعيشيه وتواجهيه وتكتسبي منه خبرة تصقلك ...

نصيحتي لك كما نصحت بناتي لا تتركي دراستك ولا عملك ... لأن طبيعتك لن تتوافق مع الجلوس في البيت انتظار الزوج المتعب لتخلعي حذاءه وتنتظري الصغير ليعملها وتغيري له حفاضه ... وهذا ليس معناه أن تقصري في البيت وتجاه الاطفال والزوج لكن لكل واحد أن يأخذ حقه ... ​

 

[منى الفلسطينيه]

تيلموا كتير ع الردود
انا الاكيد انو ما راح اترك دراستي هاي كل حياتي والاهم من هيك بفيد ولادي بتعلمي وبنفذ رغبه امي الله يرحمها ديما كانت تدفعني للدراسه..هون الحق والمشكله عند خطيبي مو عندي...
هلا يا بقنعني يا بقنعه...بس بالنهايه ابي عليه جزء من الحق بالحكي الي حكاه لخطيبي
والحق الاكبر بيقع ع خطيبي الي بيعرف بأمر دراستي وهلأ جاي يحكي مشكله عندوا
بدي الليله احكي مع ابي ولاقي حل واحكي مع خطيبي ولاقي حل لانو ما بيصير كل هاد التوتر والضغط ع اعصابي
مشكورين صبايا
ملكه في كل شي يا مليون هلا بيكي وباهل طول كرم ورمضان كريم

 

[أسماء زكي الدين]

لأ يا منى أبوك معه حق في كل ما ذكره

هو لم يقل له أيوه بنتي تترك دراستها لكن حديث والدك لواحد عنده عقل وبيفكر وبيحكمه ومعنى كلم والدك إن بنتي راح تكمل دراستها وبتشتغل طالما هي قادرة ووقت ما تلاقي نفسها ح تقصر في بتها ومع زوجها فعقلها الكبير والذي أنا مقتنع به سيجعلها تختار بيتها لأن بيتها وزوجها أولا ...

وهذا حديث عاقل لعاقل لكن خطيبك واضح أنه أهوج ... وكان محتاج جملة بنتي ما راح تترك التعليم ولا الدراسة "وهذا رد أهوج ويخرب البيوت" ...

وأحب أنبهك لشيء خطيبك ممكن يوافق الآ ن انك تكملي دراستك وعملك لكن - واضح من كلامك - إنه سيذيقك تعذيبا من نوع آخر ... فتفكيره قاصر ... يعني مثلا إذا اتأخر الاكل ممكن يعملها مشكلة وسيعلقها على عملك ورداستك ... وإذا كانت كل قمصانه مغسولة ومكوية سيطلب القميص الوحيد اللي في الغسيل ... وسيعلقها أيضا على دراستك وعملك لغاية ما يكرهك في نفسك ويخليك من نفسك تتركيهم وقتها سيرد قلبه ... ولو ما لقى أكل ما راح يتكلم ... عارفة ليه لأنه عنيد بدون عقل .... استخيري الله ألف مرة ...

وخليك قوية وواضحه وصريحة ... ​

 

[منى الفلسطينيه]

مشكوره اخت اسماء زكي
بتشكرك من قلبي على ردودك
انشالله خير
بعمل الي عليه والباقي على ربنا

 

[فخامتي بكبريائي]

حبيبيتي شو تعليم خطيبك اعتقد مش دارس جامعه وبجوز هادسبب غيرتو وبجوز اللي حواليه بحرضوه انك اعلى منو مستوى وبدي اسالك عندك سلفات ازا عندك بدي اسالك هل هم متعلمات متلك


بسالك هادي الاسئله لانو بس خطبني زوجي ماكانو اخوتو وسلفاتي بعرفو مواصفاتي وبس عرفو اني خلصت تعليمي بكالوريوس انجن جنونهم وبلشو يعملو مشاكل لزوجي وللان في مشاكل بين زوجي واخوتو وبيني وبين سلفتي الكبيره طبعا هي مش مخلصه توجيهي وانا صارلي 5 سنين متزوجه


اللي بطلبو منك تسايري وتحكيلو بكمل جامعتي ومش لازم اشتغل وبس تاخدي شهادتك بحلها ربك

 

[ظبي الشمال]

أهم شي لا تتركين دراستك,,

 

[أسماء زكي الدين]

حبيبيتي شو تعليم خطيبك اعتقد مش دارس جامعه وبجوز هادسبب غيرتو وبجوز اللي حواليه بحرضوه انك اعلى منو مستوى وبدي اسالك عندك سلفات ازا عندك بدي اسالك هل هم متعلمات متلك


بسالك هادي الاسئله لانو بس خطبني زوجي ماكانو اخوتو وسلفاتي بعرفو مواصفاتي وبس عرفو اني خلصت تعليمي بكالوريوس انجن جنونهم وبلشو يعملو مشاكل لزوجي وللان في مشاكل بين زوجي واخوتو وبيني وبين سلفتي الكبيره طبعا هي مش مخلصه توجيهي وانا صارلي 5 سنين متزوجه


اللي بطلبو منك تسايري وتحكيلو بكمل جامعتي ومش لازم اشتغل وبس تاخدي شهادتك بحلها ربك

لكن يا أختي البنت بتشتغل ....


وحابة تكمل في عملها ....

هل تسايروا وتكذب عليه وبعدين لما تحب ترجع لعملها ماذا تفعل تدخل في مشكلات أخرى ووقتها سيكون وقت التنازلات ... على حساب صحتها وعقلها وراحتها؟!!


لازم تكون واضحة معه من البداية ... ​

 

[فخامتي بكبريائي]

رد على اسماء زكي الدين

ماانتبهت انها بتشتغل بس انا رأيي انو بتقدر تترك الشغل لانه شغلها بالروضه انا من فلسطين ورواتب معلمات الروضه 500 شيكل يعني 500 ريال او 500 درهم وهاد ازا مابعطوها راتب اقل يعني تضمن شهادتها وبعدين تقرر ازا بدها تشتغل او لا وبعد الزواج بتفهم اطباعه وبتقدر تقنعو على اقل من مهلها بس انا برأيي ماتفسخ خطبتها لانه مجتمهنا مابرحم وخاصه انه هاي تاني خطبه

 

[رازيا]

طمنينا شو صار معك