خطيبي والزواج العرفي

حياااتي تحملي تقولين له ,,,

بس لو (انا مكانج ) .. ماكمل معاه حتى لو احبه ... لان شخصيته بصراحه ما تشجع .. اي حد عنده علاقات
قبل الزواج في اي وقت يمكن يرجع لها ..
الله يوفقج يارب
 
عنقود عنب قال:
انا لي راي ثاني

والقرار الاول والاخير لك انت عزيزتي

اولا انت عمرك 32 يعني مو صغيرة بالعمر ...والفرص قليلة بالنسبة لك

ثانيا ...هو ولد ....يعني مو مطلق او ارمل وفي رقبته اولاد

ثالثا.... دوري لي شاب ما كان له ماضي

هو على الاقل اعترف لك ...وعلى الاقل دخل في علاقة معاها بشكل شرعي

غيرة ...يسوي علاقات حرام

بعدين هذا انت تشوفي بعض الرجال ...وهو متزوج...وكل يوم في حض عشيقة ...هل معناته ان كل وحده تطلب الطلاق

عزيزتي ...لا تستعجلي بالرفض

انت ما تضمني ان يتقدم لك شخص .... افضل منه ...او مالة ماضي

هذا الشخص على الاقل انت عرفتي اهم شي في حياته وكان واضح معك

باين ان معدنه طيب وفيه بذرة خير

وانت بكل سهولة تستطيعين انك تشكلينه مثل ما تبغين

استخيري كثير و شوفي وش يناسبك
أنقر للتوسيع...

كلامك صحيح أختي وانا احس إني أقرب لهالراي .. بس خايفه موووووووووووت
لا تنسيني من دعواتك الطيبة​
 
do0oz قال:
حياااتي تحملي تقولين له ,,,

بس لو (انا مكانج ) .. ماكمل معاه حتى لو احبه ... لان شخصيته بصراحه ما تشجع .. اي حد عنده علاقات
قبل الزواج في اي وقت يمكن يرجع لها ..
الله يوفقج يارب
أنقر للتوسيع...


الظاهر الأغلبية مع إني ما أقول .. خلاص بتوكل على الله وما بقول مع إني بمووووووووووووت وأقوله وأشوف ردت فعله..

فعلا شخصيته ما تشجع بس ما أحد يعلم وين الخير ..
​

لا تنسيني من دعواتك الطيبة​
 
الحين ماشاء الله عليه معدد علاقات .. ومتزوج عرفي وغبي وساذج ؟؟؟؟؟؟ والله محد ساذج الا انتي .. لا وسهل يغازل ويكلم مب بسيط يعني ماشاء الله على طول يروح .. وانتي تحطين الغلط عالبنت واهلها !!! من رايي تكملين معاه عالنت يمكن يطلع عنده اعيال خبرج الريال غبي وينضحك عليه .. حبيبتي عقب بيغازل وبيقولج قصوا علي ... الله يهديج بس ..
 
استخيري قبل كل شي الله هو الوحيد العالم بالخير وين
واحذري تقولي انتي اللي ع المسنجر
وسالفة البنت الي تزوجها ممكن تكون كذبه يبي يكبر بعينك انه يحب ويوفي ويساعد ومايبيع ممكن
الله يوفقك للخير
 
دامه جنوبـي وانتي قلتي تقدرين تحتوينه و... بعدين انتي ادرى منا اللي نرد عليك باخلاقه من..الى
انا اقول استخيري والفرصه عادتا ماتجي كل مره انتي خلك من اخته اذا هي تحبك وقلبها عليك صدقيني تحب مصلحتك اما اذا توك متعرفه عليها راجعي الموضوع بينك وبين نفسك اكثر من مره وربي يوفقك ,,
 
الله يعينك وتقدرين تغيرينه

والعلاقه كانت شرعيه وهالشي ايجابي مو عشيقه بالحرام

الكل يغلط. وهو عنده محاسن كثيره, فلاتخلين تهويل الخطأ يعميك عن ايجابياته

واجمل شي انك عرفتي شخصيته وانه طيب جدا


والمفروض تواصلك معه يخليك تفهمينه اكثر , عشان بعدين تكسبينه


الواحد عشان يعيش لازم يتنازل شوي , والوحده مايجيها العريس مفصل على المواصفات اللي ترغبها


اهم شي تستخيرين وطبعا لا تقولين له انك تحايلتي عليه واستغفلتيه واستدرجتيه, لانها حركه مو كويسه وانتم توكم على البر
 
بصراحة مدري اذا توافقين عليه والا لأ

ولكن حطي امام عينك قول النبي صلى الله عليه وسلم:::

( اذا جاءكم من ترضون دينه وخلقه فزوجوه )

اشترط الدين + الخلق .. زوجك عنده الخلق بس ماعنده الدين

وانت عاقله والعاقل خصيم نفسه

اما بخصوص انك تعترفين له بشخصيتك على المسنجر فتراها قدييييييييييييييمة :sadwalk:

انت على بالك انه بينصدم وبينشف الدم في عروقة وبيسمع موسيقى الرعب !!!!!!!!!:thumbdown:

لا يااختي :icon-mos:

موقفه المتوقع انه بيقول لك اصلا ً انا عارف انك فلانه بس حبيت اشوف وش اخرتها معك :thumbdown:

اجابة طبيعية دايم يقولونها الرجال اذا انحشروا في مثل هالمواقف :fish:

لايدري انه انت لان معرفته بشخصك لاتقدم ولا تأخر

الله يعييييييييين على هالدنيا بخير
 
ماحبيت امر من غير مااقولك الله يهديك للي فيه الخير ويوفقك لما يحب ويرضى واذا اهو من نصيبك الله يسخره ويهديه للحق
 
كل اللي صار لك بسبب تتبع العورات واخطاء الناس حتى صار اللي صار وخربتي علي نفسك ودخل فيكي الشك من اجل ذلك نهانا الرسول عن تتبع عورات الناس لكي لانسقط من اعين بعض
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل