خطيبي واسئلته

[مهى]

بنات انا مملكه وخطيبي يسألني عن علاقتي بأهلي وانا جاوبت وحكيتله احساسي مع كل شخص ومين احب اكثر من اهلي ولما سألته نفس الأسئله ماعطاني جواب محدد مدري مايبغى يقول او هو فعلا ماعنده شي محدد وعلاقته عاديه انا سؤالي لكم هل انا غلطانه بكلامي معاه لما قلتله عن احساسي وعلاقتي بأهلي مع انه كلامي ماكان فيه غلط على اي احد وكيف تكون حدود المعلومات الي اقولها عني ........

 

[رولالان]

يا قلبي لاتفلين السبحه بالملكه

خليك غامضه قد مافيك بس مو لدرجه اللي يشك انو وراك شيء

يعني لو سئلك عن اهلك كلهم حبوبين واهلي شهادتي مجروحه فيهم طبعا

 

[مصاصه بالفراوله]

الله يصلحك
اعتقد هو بيعرف شخصياتهم و مين اللي له كلمه و مين اللي ينخاف منه و تراه شاطر يبغا يفهم اهلك
و هذا انتبهي على كلامك معاه
لانه عرف منك و ماخلاك تعرفي شيء
لا تعطي اسرار اهلك لزوجك حتى لو بيموت عليك
كثير غلطو قبلك و ندمو​

 

[انامل ناعمة]

انتبهي اهلك لاتقللي من احترامهم قدام خطيبك او زوجك0000حتى ينظر لهم نظرة احترام وتقدير على طول0000 تقبلي مروري

 

[فجرا جديد]

لاتقولين شي سي عن اهلك امدحيهم دايم

وقوليه انهم يموتون عليك ومدلعينك وعمرهم ما ضربك حتى لو هم هارينك ضرب واذا عندك اخوان قوليه يغيرون علي موت ومايرضون احد يمس مني شعره

لان بكذا زوجك يعمل لاهلك حساب ويحترمهم

واياك اياك تقوليله على مشاكل اهلك سواء معاك او مع غيرك احذري

 

[bent aboha]

ترى اذا حس خطيبك ان اهلك مو مهتمين فيك كثير هو بعد ماراح يهتم

واذا حس انهم مايحترمونك ماراح يحترمك .. بيتصرف نفس تصرفات اهلك معك بدون مايحس

جزاها الله خير اللي نصحتني بهالشئ ولأني بينت لزوجي اني دلوعة اهلي واني رقم واحد بقلوبهم

ويمكن بعد عشان هو لمس هالشئ صرت رقم واحد بحياته والحمدلله وان كانت استراحته ماخذته مني

بس وقت الجد اعرف انه مستحيل يستغني عني ولا دقيقه

 

[مهى]

هو سألأني مع مين ارتاح او احب اكثر وانا جاوبته بحسن نيه بس ماغلطت ببقيه اهلي واحسه فهم اني ماحب بقيه اهلي الحين موعارفه كيف اوضحله الصوره واني لما ارتاح لشخص مو معناه اني ماحب الشخص الثاني

 

[فجرا جديد]

شوفي حبيبتي ممكن تقوليله اش رايك نفسي اهدي فلان من اهلي اللي تقولين حس انك ما تحبيه

واذا قلك ليش قوليله لان له معزه خاصه او لاني احبه بس ارتاح اكثر لفلان من اخواني

يعني مثلا انتي عندك اخوان محمد وخالد

وهو حس انك تحبين محمد وما تحبين خالد

فقوليله نفسي اشتري هديه لخالد اش رايك اش اخذله
بيقولك اش المناسبه

قوليله بدون مناسبه انا اعزه واحبه مع اني ارتاح اكثر مع محمد في الكلام لكن خالد احبه وله مكانه خاصه عندي

ياليت تكون الفكره وصلت

 

[حلا ماركه]

لاتقولين شي سي عن اهلك امدحيهم دايم

وقوليه انهم يموتون عليك ومدلعينك وعمرهم ما ضربك حتى لو هم هارينك ضرب واذا عندك اخوان قوليه يغيرون علي موت ومايرضون احد يمس مني شعره

لان بكذا زوجك يعمل لاهلك حساب ويحترمهم

واياك اياك تقوليله على مشاكل اهلك سواء معاك او مع غيرك احذري

نفس الكلام الي كنت بقوله

 

[جامعية متخرجة]

شوفي حبيبتي أهم شيء كمان لا تزيدين مدحك لشخص معين من اخوانك
اعرف وحده كانت تحب أخوها وحكت خطيبها كرهه وحرمها منه بعد الزواج وصار يكرهه عن خوانها كلهم
فعشان كذا وضحيله محبتهم كلهم في قلبي وحده ولاتنسين حببيه في أهلك انهم يمدحوك انهم يسألون عنك
انهم شايفينك رجال محترم رجال طيب رجال ينشرى ومن هالكلام
الله يسعدك

 

[يارب ارزقني طفل]

خليك غامضه لين تروحين معه

 

[sesebombom]

انا مابنصحك انه زوج المستقبل يعرف كل شي عن اهلك اخلاقهم وتصرفاتهم واطباعهم
جاوبيه بدبلوماسيه هاد سؤال زكي منه بدليل انه ما جاوبك على سؤالك حتى يعرف انتوا كيف عايشين بالبيت ويحتاط من مين..........
اسرار بيت اهلك مايعرفها الافضل حتى لا ييجي اليوم الي يعايرك فيه اوينتقدهم قدامك وتزعلي

 

[تلميذة ناعمة]

خلاص لاتوسوسي ماقلت غلط
يمكن هو كمان مايعرف يعبر عن مشاعره مو مسالة انه غامض
بس حاولي مايكثر الكلام بينكم لانه لازاد مو احسن

 

[الجده الصغيره]

أهلك دائما خليهم فوووووووووق...ولاتقولين عنهم أي شي بس امدحي فيهم.........مو كل شي ينقال بالملكه انتبهي........بعضها تندمين عليها بعدييييين...الله يوفقك وييسر امرك........

 

[ماينلام من حبك]

ماقلتي غلط حبيبتي بس وضحيله ان اهلك كلهم تحبيهم زي ماقالت الاخت ممكن تصححي الفكره بقول اي موقف يوضح معزة اللي قلتي عاديين عندي وبس