خطيبي واختي

  • بادئ الموضوع بادئ الموضوع هامش
  • تاريخ البدء تاريخ البدء
ه

هامش

New member
إنضم
2010/04/11
المشاركات
33
مرحبا
دا اول موضوع ليه واحترت فين اكتبو ابغى مشورتكم..

انا مخطوبه من كم شهر والحمد لله اغلب الاشياء تمام..

بس فيه كم شغله مره تضايقني منو ومو عارفه كيف اقولو عليها

اول شي انو انا واختي مخطوبين يعني هم 2 اخوان خاطبينا واختي اصغر مني بس ماشاء الله تعرف تطبخ وتسوي اشياء كتير انا ما سويها فيقعد يقارن يقولي ماشاء الله اختك وهي صغيره تسوي كده انتي ليه ماتسوي انا صراحه سرت مررره انقهر ومره اتضايق وكرهت اختي وسرت بس ابكي وكمان احس اذا طلعنا وهي معانا يستنى اي لحظة بس عشان يشوفها وانا اشوفو بعيني واتضايق ماني عارفه كيف اقولو استحي يعني دي اختي ومرت اخوك بنفس الوقت..
مدري المح ولا اقولو بوجهو ولا ايش احس نفسي راح انفجررر منو وكرهت اختي منو
وحتى هي سارت تحس بدا الشي وسارت تتعمد وهي طالعه تخلي العبايه مفتوحه ولا تكشف وجها واللهي احس فيني بكيه اذا هو كده دحين كيف بعدين..

هو على كلامو يقول مرره مرتاح معاي والحمد لله علاقتنا كويسه بس من دي الناحيه مو عارفه كيف اتصرف..

اخر شي قبل يومين اختي سوت غدا وكان حلو وبس طول المكالمه قاعد يقولي انا خلاص مابطلب منك شي بطلب من اختك حتى انا كنت ناويه اتعلم منها بس من اسلوبو كرهت مابغى اتعلم مابغاه يحس اني غيرانه منها..
واللهي مع اني قاعده احاول اتعلم وكل ماجا احاول اذوقو شي جربتو هو يقولي ذوقيني حتى لو مازبط ويقعد يجامل انا عارفه انها مجامله

بليز قولولي اش اسوي:30:
 
عادي ياقلبي يمكن انتي غيوره وحساسه شوي كلمي اختك بلموضوع وبلرواق وحاولي تتعلمي الطبخ وناديه ياكل عندك وقوليله اني اتعلم عشان خاطرك زاطلبيه من الان لايقارنك باختك ابدا قوليله اختي وععيني بس لاتقارني فيها
 
حبيبتي عادي يمكن انتي حساسة شوي حاولي تفنني لة وحاولي تتميزي بعد وخلية يشوف الفرق وتعلمي كل يوم طبخة وخلية يذوقة والله عادي هالشي يصير حتى لما الجيران يجبون لنا نقصة لازم التعليق والكل لة نفس بالاكل وسع صدرك عادي
تقبلي مروري
 
تسلمو كلكم ع الرد مو حكاية حساسة بس انا اتضايقت لانو بس يمدح فيها ويقارن بينا ولما يشوفني زعلت يقولي والله ماهمني الاكل اهم شي انتي معاي ومن دا الكلام ..

طيب غير الاكل قلتلكم يضايقني انو كل ماطلعنا يطالع فيها لا تقولو حساسه ولا يتهايالي كم مره اشوفو يطالع عيني عينك او من الشباك او من حافة الباب او بالمرايه يعني مررره مسخها وانا مدري اعصب عليه ولا اطنش ولا اش اسوي.؟
شوي اقول اطنش واكبر راسي بس اشوفو يتمادى وشوي اوقل اكلمو بس راح يقلبها علي يقولي ماتثقي ودي زوجة اخوي وكلام الرجال دا فكرت المح لو بس مو عارفه اش اقولو
 
مع احترامي للردود بس من حقك تتضايقين
وقوليها في وجهة صراحه الطبخ نفس وكل انسان وله قدراته بعدين انت ما تعرفني الا من كم شهر صرت تهتم في كل شي اختي تسويه وكأنها هي موانا خطيبتك ... عيييييب كذا
وقولي لأختك بصراحة اذا خرجتو لا تطلع معك واذا زجها معاها حاولي تروحي مع زوجك بعيد عنها وقولي له اتحرج من وجود اخوك معنا
وبعدين وين اخوة الكمخة موداري وين الله حاطه والا السكين سارقته
انتبهي هي اختك بس الشيطان ما يعرف احد ..........
اتمنى لك هدوء النفس والسكينه
دمت بخير
 
غيري اسمك
ولا ترضي تكني هااااااامش ابد
من دروس نعومتنا الغاليه
انت حيث تضعين نفسك
انتبهي ....
 
تسلمو ع الردوووود

ندى الريحان حلو اسمك بس انا كتبت هامش لاني ماقد حسيت نفسي مهمه بشي مدري احس ماعرف اسوي شي ولا قد حسيت اني مهمه بحياة احد احس نفسي هااااامش..
 
اقولك حبيبتي قوليله انو اختي تقولي الله يعينك على زوجك مرا عينه زاااايغه .وبينيله انك زعلتي منها وانك ماسمحتيلها تتكلم على زوجك .
يمكن يحس على دمه شوي
من ناحية الطبخ حبيبتي جيبي كتب واتعلمي وخليكي احسن منها وذا قالك اختك احسن منك بالطبخ قوليله بس بالطبخ. انا احسن منها بكل شي حبيبي انا اللي اعلمها اشياء كثيره هي ماتعرفها وزوجها دايما يقولها خلي اختك تعلمك.وبعدين خلي خرجتكم لحالكم ليش اختك تروح معاكم .
واهم شي خليكي وااااااثقه من نفسك بقوه لا يهزك كلامه وترى اختك مالها ذنب تكرهيها حبيبتي .
 
ياقلبي عادي لاتطفشي تعلمي وشوي شوي وتصيري تمام وكلمي اختك وهي بتفهمك هذي اختك
 
اهم شي الثقة بالنفس


ولا تطلع معكم


وحبيبتي النت والكتب ما خلوا شي
 
اختي انا الا اشوفو انو ثقتك في نفسك ماهي كبير ه اهم شي الثقه في نفسك وقدراتك يمكن انتي احسن من اختك بس عشان انتي ثقتك في نفسك ماهي كبيره ووتشوفي اختك احسن منك كدا راح تتعبي يكفي انك مسميه نفسك هامش خليها كابداية تغير غيري اسمك عشان تتحسني اكثر وتزيد ثقتك في نفسك وان شاء الله تستفيدي من المنتدى
 
عادي ياقلبي افتحي النت واكتبي الطبخه اللي نفسك فيها وبتلاقينها وبالصور كمان
 
طيب تعلمي عشان زوجك وشى ينقصك عن اختك
ترى الزوج يحب اللي تجيد الطبخ 00اتعلمي ياعمري
ولا تشوفي نفسك ناقصه 00اذا مثلا يبغى يزورك سوي حلى وذوقيه
وخليكي واثقه من نفسك
 
لاحول ولاقوة الابالله ...

ايش هالسلبية اللي فيك معقولة كل هذا يصير وانتي ساكته ومقهورة

وكاتمة على قلبك .. ليـــــــــــــــــه؟؟؟!!!!!! :33:

بعدين خيــــــر اختك تطلع معاكم خيـــــر ان شاء الله؟!! :30:

قوليلها تطلع مع زوجها اذا تبغى تطلع , وقولي لها ان خطيبك ينتقدها على لبسها

للعباية ونظراتها , وانه يمكن يعلم اخوه اللي هو خطيبها ,

ونفس الشي قولي لخطيبك ان اختك تشتكي من نظراته لها ويمكن تعلم اخوه ,

واهم شي طبعا خلي ثقتك بنفسك اكبر من كذا نصيحة ترى الرجل مايحب

البنت اللي شخصيتها سلبية وضعيفة واذا هو مامدحك مو لازم انتي امدحي نفسك

يعني مثلا لو طبختي واكل من طبخك زي ماتقولين لاتسألينه وش رايك ؟؟

لا انتي امدحي اكلك وقولي ان الكل عجبه اكلي ويقولون اني احسن وحده تطبخ

ومن هالكلام يعني بيني ثقتك بنفسك وان كل شي تسوينه حلووووووو :1:

واشياء كثيرة بس يبغالك تشغلي دهاء المرأة وكيدها اللي ربنا وهبلنا اياه

ومع الوقت حتشوفي النتايج وطبعـــــا هذا بعد الاعتماد على الله واللجوء دوووما

اليه .... والله يوفقك ويسخرلك زوجك ويبعد عنكم كيد الكائدين وحسد الحاسدين

تقبلي مروري واعذريني على الاطالة .... :21:



صلي على الحــــبيــــب :c016: قلـــــبك يـــطــــيــــب

​
 
watyn قال:
اقولك حبيبتي قوليله انو اختي تقولي الله يعينك على زوجك مرا عينه زاااايغه .وبينيله انك زعلتي منها وانك ماسمحتيلها تتكلم على زوجك .
يمكن يحس على دمه شوي
من ناحية الطبخ حبيبتي جيبي كتب واتعلمي وخليكي احسن منها وذا قالك اختك احسن منك بالطبخ قوليله بس بالطبخ. انا احسن منها بكل شي حبيبي انا اللي اعلمها اشياء كثيره هي ماتعرفها وزوجها دايما يقولها خلي اختك تعلمك.وبعدين خلي خرجتكم لحالكم ليش اختك تروح معاكم .
واهم شي خليكي وااااااثقه من نفسك بقوه لا يهزك كلامه وترى اختك مالها ذنب تكرهيها حبيبتي .
أنقر للتوسيع...


انا مع الاخت في كل كلمه

لربي يوفقك ويسعدك ان شاء الله

​
 
هذي اختك ولاتحطي الموضوع في راسك ماهي عدوه عشان تتعمد يمكن يكون خطيبها معكم لما تتعمد في حركاتها والعبايه تبي تلفت انتباه خطيبها وهو لما يقولك اختك طبخها حلو ترى قصده يثير الغيره فيكي عشان تتحمسي وتتعلمي كل شي بس ماعرف يجيبها صح خلاك تغارين من اختك شكله يحب المرأه الطباخه ويحب الكل عشان كذا بس يزن عليك بالطبخ بالعكس وش زينها لما تكوني انتي واختك متزوجات اخوان وتسافرون مع بعض فيه اخوان وخوات يسكنون في بيت واحد ويصيرون عيله واحده انتي لاتخلين الشيطان يلعب في راسك يمكن احد حاسدكم على الجوازه انتي واختك لان حلو لما اخوان يتزوجو خوات
 
الله يسعد كل من ردت علي ولو بكلمه..
انا ادري ممكن تقولو مكبره الموضوع وكده بس واللهي مقهورة اوكي انا دايما اقولو انو يمدحو اكلي وكده وهو اوكي ذاق كم اكله يقول لزيزه بس لما اختي تسوي شي يالله كانو مافي احد بالدنيا قد سوا زي كده ويجلس يمدح ويمدح يعني لو اني ما سوي شي ممكن بس والله دايما احاول ادور وكده ..

ومن ناحية اختي انا ماكنت حاطه الموضوع براسي بس خلاص مره على مره مو قادره اسكت هي لو مره كان قلت صدفه هي مو دايما تطلع معانا والي تقول عشان تلفت خطيبها خطيبها مايكون موجود معانا ويالله تفقع مرارتي وهي تتكلم يعني لو هي كده طبيعتها ناعمه بقول اوكي بس هي قدامو كده تسوي حركات تفقع لي مرارتي خاصة لما تطلع وعباتها مفتوحه واللهي انا لما ادري زوجها في اقفل العبايه واتغطى عشان لا انرفزها..

وهو مو مقصر عينو 10 على عشره عليها الي قاهرني انو ماستحي انحرق دمي لما شفتو يطالع من فتحت الباب ومو عااااارفه اش اسوي واللهي مو مكبره الموضوع ولا شي دا الي بيسير وانا اقول اذا هو كده على اختي كيف برا مدري الموضوع مره مضايقني ومدري اقولو بوجهو ولا المحلو ولا اش اسوي
 
هامش قال:
مرحبا
دا اول موضوع ليه واحترت فين اكتبو ابغى مشورتكم..

انا مخطوبه من كم شهر والحمد لله اغلب الاشياء تمام..

بس فيه كم شغله مره تضايقني منو ومو عارفه كيف اقولو عليها

اول شي انو انا واختي مخطوبين يعني هم 2 اخوان خاطبينا واختي اصغر مني بس ماشاء الله تعرف تطبخ وتسوي اشياء كتير انا ما سويها فيقعد يقارن يقولي ماشاء الله اختك وهي صغيره تسوي كده انتي ليه ماتسوي انا صراحه سرت مررره انقهر ومره اتضايق وكرهت اختي وسرت بس ابكي وكمان احس اذا طلعنا وهي معانا يستنى اي لحظة بس عشان يشوفها وانا اشوفو بعيني واتضايق ماني عارفه كيف اقولو استحي يعني دي اختي ومرت اخوك بنفس الوقت..
مدري المح ولا اقولو بوجهو ولا ايش احس نفسي راح انفجررر منو وكرهت اختي منو
وحتى هي سارت تحس بدا الشي وسارت تتعمد وهي طالعه تخلي العبايه مفتوحه ولا تكشف وجها واللهي احس فيني بكيه اذا هو كده دحين كيف بعدين..

هو على كلامو يقول مرره مرتاح معاي والحمد لله علاقتنا كويسه بس من دي الناحيه مو عارفه كيف اتصرف..

اخر شي قبل يومين اختي سوت غدا وكان حلو وبس طول المكالمه قاعد يقولي انا خلاص مابطلب منك شي بطلب من اختك حتى انا كنت ناويه اتعلم منها بس من اسلوبو كرهت مابغى اتعلم مابغاه يحس اني غيرانه منها..
واللهي مع اني قاعده احاول اتعلم وكل ماجا احاول اذوقو شي جربتو هو يقولي ذوقيني حتى لو مازبط ويقعد يجامل انا عارفه انها مجامله

بليز قولولي اش اسوي:30:
أنقر للتوسيع...


تبين كلمه تسكتينه فيها

كلمه وحده بس


قوليله بالفم المليان لاتقارني بأحد انا واثقه من نفسي وطبخ مع الايام راح اتعلمه :31:

كل هل الكلام الي يقوله يبيك تتعلمين الطبخ مو اكثر
 
حبيبتي لاتخلينها تجي معاكم وإذا لازم تروح عشان اهلك مايخلونك مع خطيبك لوحدكم اصري انه يجيب اخوه معاه وانتي وزوجج خذو طاوله روحكم وهي وخطيبها لوحدهم ودايما تكلمي عن نفسك ولاتعطين زوجج مجال انه يجيب طاري اختج وإذا مدحها لاتتنرفزين وغيري الموضوع باهتماماتك ولا تكرهينها بالعكس تعلمي منها الطبخ ودايما تكلمي معاه عن حياتكم الجديدة وكيف بتكون

والشي الثاني لاتقولين انا هامشيه ومحد يحبني ليش خطيبج وين رااح اكيد يحبج بس انتي لسه مش فاهمه طريقة تعبيره

والله يوفقكم ويصلح حالكم ويسعدكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل