خطيبي زعلان مني ,,, وانا السبب !!

  • بادئ الموضوع بادئ الموضوع دوديـ
  • تاريخ البدء تاريخ البدء
الحالة
مغلق و غير مفتوح للمزيد من الردود.
د

دوديـ

New member
إنضم
2011/04/17
المشاركات
15
مرحبا ياحلوات
تكفون ساعدوني مالي غيركم
انا بنوته مخطوبه صارلي 5 شهور يعني كاتبين كتابنا وخلاص
شحليلنا عايشين جو وماعلامنا
اهو يجي بالويك اند بس يعني لازم كل يوم اكلمه تلفون اتطمن على احواله وقت الي يكون بالدوام
تعودنا جذي يومياً تلفونات ومسجات
مشكلتي ازعل بسرعه واقل شي منه احس يزعلني حتى لو ماكان يقصد
اهو بطبعه مزوح ومرح وانا بعض الاحيان اقلبها جد وازعل واهو دوم يقولي لاتصيرين كذا تراني امزح
وهو فديته يرضى بسرعه مايطولها
ياناس حاسه بروتين غبي ابغى اتذكر ايام قبل لما ماكان يقدر يسمع صوتي ومكتفيين بالمسجات وبس حتى اني احسه يتشوق لي اكثر وملهوف على صوتي حييييل اما الحين احس اني بين ايديه اي وقت يبغاه
من باب التجديد وقبل مايروح يوم الجمعه قلت له مابغاك تكلمني تلفون خلاص جرب ماتسمع صوتي وخلينا ع المسجات بس !! قالي اوكي وخلاص
استغربت انه ماسألني ليش ولا شنو السبب ويوم سألته قال مايحتاج عارف السبب
ومشت على كذا
ويوم راح يداوم :( اتفاجئ انه زعلان ومايتصل ولا حتى يرسل لي مسج فيه كلام حلو وربي مو عادته كلـــــش حتى نام وماقالي تصبحين ع خير !!!
شلون اراضيه ؟ اتصل عليه واخرب السالفه ولا شسوووي ساعدووني تكفوون ؟؟​
 
هونيها وتهون

الي واضح انه زعل لانه فهم انك مليتي وتبيني تريحين لفتره

الحل اقلبي السالفه عليه بس بشوية ذكاء

يعني اتصلي وقولي انا قررت انا نبعد لفتره عشان نشتاق وتجيني ملهوف بس والله اشتقت لك ولاقدرت اني مااسمع صوتك ومن هالحكي مع شوية دلع
وقولي بس انت شكلك ماصدقت وقلت يلا خيره بس مو مشكله اهم شي اني سمعت صوتك وطمنت عليك
واللحين اسيبك تخلص اشغالك

هو بيصير يعتذر وانه ماقصد بس حس ان انتي ماتبينه يكلمك

وتكوني قلبتي السالفه عليه هههههههه

موفقه
 
هو يبغاك تشتاقين له استمري ع المسجات وكأنك مالاحظتي تغييره اتركيه فتره ان طفش بيرجع لك مشتتاااااااااااااااااق وان ماطفش فانتي ماهميتيه وقتها حاولي تلحقين عليه وتعدلين الوضع من غير مايحس انك ندمتي على قرارك..
 
اصدق احساس مشكوره ياقلبي ع نصيحتك بس انا دايما اسوي كذا
حتى اهو دايم يقول انتي اشطر وحده تقلب الحكي
واذا سويت زي الي تقولين دقيت عليه عارفه انه بيرضى بس ماقدر اقلبها عليه لانه بيقول الحين طلعت انا الي غلطان !! مو انتي الي قلتي كذا تحملي بعدين ادري بيقولي من قال انا مليت منك ولا اشتاق لك!!
وبيقلبها عليا ماتعرفين الرجال يعني !!
هههههههههههه اني واي ياعسل ميرسي ع ردك
 
احساس عاشقه كلامك صحيح والله
بس ياقلبي مشكلتي عاطفيه حيـــل قسم لو يمر يوم مايسمعني كلمه حلووه على طوول اتضايق تعودت منه ع اسلووب الدلع والحين صاير العكس انا الي اسمعه كلام حلو وادلعه واهو يرد عليا ببرود يعني من راح للحين حتى حبيبتي ماقالي
 
اتصلي وراضيه زوجك وقل انا كنت ابغا اشوف ردة فعلك وتتصل ولا لاواذا على الزعل انا زيك كنت ازعل من المزح بس بعدين تتعودي عليه وعلا مزحه والله يوفقك0
 
هههههههههههه والله على بالي انك بريئه قلت اعلمك كيف تقلبين الحكي
اجل طنشي وخلك على المسجات بس

لان مافي حل انتي اخترتي وهذا قرارك تحملي
بس لو اني انا مكانك والله مااقطع المكالمات ياشيخه مانصدق نملك عشان نكلم ههههههههه
فرررررررررررصة لاتضيعينها بالدلع والتغلي
 
بصراحه رايي عكسهم كلهم
انتي سويتي كذا ومليتي منه وانتي ملكه بس
اجل احنا وش نقول
كل يوم وهم بوجيهنا
والله اني اشتاق لايام العزوبيه كثير هههههههههههههههههههههه
الله يحلي ايامك معاه
اشك انك بعد الزواج تقولي له خل نتطلق ونرجع نتزوج ههههههههه بسبب الروتين
انتي باين عليكي غربيه مثلي امل بسرعه لو من زوجي
 
من الواضح ان نمط خطيبك مو شمالي ....لان الشمالي مايزعل

من رد الفعل المباشر ...يمكن خطيبك نمطه جنوبي ...اذا كان كذا

فتعاملي معه ( بالتودد والتخدع وبرري كلامك بانك تمزحي وتتغلي

عليه لا اكثر .....وربنا يوفقكم ..
 
استغلي الفرصه و طالما بعد
اصبري لك فترة عشان تشتاقين له و يشتاق لك
و عشان لما تكلموا بعض تكونوا مشتاقين لبعض مش بس كلام
 
تسلموووونـ لي لكم ماقصروتوا والله
ماتوقعت كل هالدعم منكم
اني واااي انتهت المشكله الحمد لله
فيه موضيعات تحتاج نقاااش بأجلها خخخخخ
 
الله يسعدك اينما كنتي والأخوات اجادوا وافادوا
الله يسر امرك
اعزمينايالغلااااااااااااا على الزواج
بارك الله لكما وبارك عليكما وجمع بينكما بخير
 
الحالة
مغلق و غير مفتوح للمزيد من الردود.
عودة
أعلى أسفل