خطيبي بعت لخطيبته السابقة ايميلات

[spice girl]

تاريخ الميلاد ؟
شهر ديسمبر سنة 1989
مكان الميلاد ؟
جدة بالسعودية لكن انا مصرية وعايشة بمصر من صغري
الحاله " مخطوبه – مطلقه – عازبه " ؟
مخطوبة

الدرجه العلميه ؟
طالبة جامعية بآخر سنة في الكلية

درجة الإلتزام بالدين ؟
جيدة

هل انتي مداومه على الصلاة في وقتها ؟
نعم الحمد لله

المستوى المادي للأسره ؟
متوسطة (ميسورة الحال نوعا ما)

الترتيب بين افراد الأسره ؟
الرابعة

عدد الأخوه والأخوات ؟
احنا 5 اخوة 3 اخوات من ضمنهم انا واخين

علاقة الوالدين ببعضهم ؟
متذبذبة (وفي الطفولة كانت المشاكل ما بتخلص واعتقد ان المشاكل دي اثرت عليا انا واخواتي الاربعة)

علاقة صاحبة المشكله ببقية الأسره ؟
عادية كويسة بس بحب ابعد شوية عنهم في بعض الاوقات

هل يوجد زوج ام و زوجة اب ؟
لا

علاقتك مع زملاء المدرسه / العمل ؟
جيدة جدا بس برضه ساعات بنطوي عنهم

هل تعاني من امراض عضويه او نفسيه ؟
لا الحمدلله

الحاله النفسيـه حاليا ً عند كتابة الإستشاره ؟
مخنوقة

مدة المشكله منذ بدايتها حتى الآن ؟
3 اسابيع

نقاط ضعفك ؟
عدم الثقة في النفس من اقل موقف صعب يواجهني
طيبة وبصدق الناس وبديلهم الامان بسرعة
انتظاري مقابل لما افعله لاي شخص في الدنيا
نفسي احب نفسي

نقاط قــوتك ؟
اقدر ابث روح حلوة في الناس اللي حواليا وبقدر امتص غضب الناس (وقت ما اقدر)
بحب عمل الخير والاعمال الخيرية
-------------------------------------------------------------------------------------------------------

خطيبي كان بيزوورنا في مرة من 3 اسابيع وكان بيفتح الايميل (لقطت الباسوورد بتاعته المرة دي واكيد لما نزل دخلت على الايميل بتاعه)

فتحت صندوق الرسائل المرسلة لاقيته باعت حوالي 6 ايميلات لواحدة....انا استنتجت انها خطيبته السابقة من الكلام اللي في الايميل(كان باعت الايميلات دي في نفس يوم زيارته ليا الصبح....وربنا خلاني اكتشف في يومها بالليل)

كلامه في الايميل انها وحشته وكان بيفكرها بأيامها معاه وكان بيقولها انه نفسه انها ترجعله ولو اصحاب (طبعا ده اختصار كبير للكلام اللي في الايميلات)

طبعا مقدرتش استنى رحت واجهته واتصلت بيه في ساعتها (معرفتش افكر غير في اني اواجهه)

طبعا حصل شد وجذب وفي الآخر قاللي انه مش هو اللي عمل كدة وان الباسوورد مع ناس كتيير وكلام فاضي ملهوش لازمة وقلتله يعني اللي بعت الايميل بغرض انه يوقع ما بيننا عرف كل التفاصيل المكتوبة دي....اللي بعتلك الايميل عرف انك بقالك فترة مبتعرفش تنام...وعرف معاد عيد ميلادك امتى

طبعا قلتله كل اللي خطر في بال اي حد اني اقولهولوا

وبرضه مش اعترف....وقاللي انه محسش بحبه ليا الا لما حس اني هضيع منه و قاللي كمان انه لو هو لسة بيحبها مكانش هيتحايل عليا عشان مزعلش وكدة

وقاللي كمان ان بابا شديد ومبيخليناش ننزل مع بعض ولا نقعد لوحدنا (وانا كمان شديدة عليه ومبحبش اللف ولا الدوران وكمان مبخليهوش يسلم عليا بايده)

المهم قلت لماما واخواتي البنات (مقلتش لبابا ولا لاخواتي الولاد) ومعرفتهوش اني قايلة لاي حد (وهو كان مرعوب جدا اني احكي لاهلي عشان الخطوبة متتفكش)

ماما حست انه كان بيتسلى او انها غلطة ومش هتتكرر تاني
واخواتي كل واحدة سألت جوزها الاتنين ردوا وقالوا لو هي لسة بتحبه ومش عايزة تسيبه خليها تكمل معاه وتنسى الموضوع ده لانه اعتذر كتير واتذللها كتير

(وانا فعلا كنت شديدة عليه جدا ومخلتهوش يرتاح لمدة 3 ايام شوية اخليه يحس اني هسيبه وشوية لا)

المهم انا اخترت فعلا اني مسيبهوش واني اكمل معاه (انا سني صغير لسة في اول الطريق وفي عريس اتقدملي وانا مخطوبة -اهله مكانوش عارفين اني اتخطبت-)

انا مش عارفة انسى....مش قادرة انسى

انا عارفة انه بيحبني وبيحب كل حاجة فيا....وبيفهمني وبيحس بيا من صوتي في التليفون (ده الكلام ده حتى من قبل ما المشكلة دي تحصل)

لما حس اني بستخدم اسلوب اني اتقل عليه شوية....ضحك وقاللي الحركات دي مبتجيش معايا انا فاقسك وفاقس حركاتك

يعني انا بالنسبة ليه كتاب مفتوح...وفاهمني وعارف انا امتى بزعل وامتى بفرح وفاهم مشاعري كويس جدا (هو متقدملي جواز صالونات....وانا مخطوباله بقالي 3 شهور)

انا خليته يعرفني كويس قوي وخليته يفهمني وخليت نفسي بالنسبة ليه زي الكتاب المفتوح
انا بحبه قوي

بس مش عارفة انسى اللي عمله

وكل فترة لازم انكد عليه واتخانق لسبب عبيط وانا عارفة ان الخناقة دي وراها قهري انه عمل فيا كدة

انا معرفش هو عمل فيا كدة ليه....ليه يخليني اعشقه ويعمل كدة

انا عايزة حد يشور عليا اعمل ايه

 

[بارونة القمر]

اهلين اختي...خطيبك شكلو لعاب ..وماينفع تثقين فيه ..!
انصحك استخيري في بقائك معاه او فسخ الخطوبه ...

 

[Ms.RoZa]

ينقل لـ قسم الإستشارات الزوجيه

 

[NicE-GirL]

والله الاستخارة بالنهاية هي احسن شي ..


بس حبيبتي ما فهمت ( زواج صالونات ) ؟؟



اتوقع انه لعااااب وحب يستانس ويفرفش ,,,,,


بالنهاية انتي اللي تحددين والله يكتب لك اللي فيه الخير

 

[bent aboha]

شنو زواج صالونات ؟؟

بالنسبة لمشكلتك فاتوقع ان خطيبك لعاب ونقطة انك كتاب مفتوح له بتدمرك عاجلا ام آجلا

حلو انو الغموض يلف الزوجة .. تلقين الزوج فضولي وملقوف كثير وهذا شئ حلووووو

بس لو كنتي تحبينه من اعماق قلبك وبعدك عنه جحيم فراح تكملين يمكن نزوة وماتتكرر

 

[spice girl]

المقصود بجواز صالونات انه معرفنيش قبل ما يخطبني

يعني اتقدملي وشافني في بيت اهلي ووافق عليا وانا وافقت عليه

 

[spice girl]

هو انا عارفة انه لو كان اعترفلي انه عمل كدة كان موقفه هيبقى اوحش وكان هيبقى في سبب قوي اني اسيبه

لكن انا حاسة انه مرضيش يعترف عشان هو باقي عليا وخايف اني اضيع منه

المشكلة اني خلاص عرفت ازاي اجيبه ليا وازاي اخليه يحبني اكتر

بس كل شوية افتكر انه عمل كدة فيا ومش قادرة انسى

 

[spice girl]

وبالنسبة لموضوع اني كتاب مفتوح ليه
ده ليه مميزات وليه عيوب
مميزاته انه لما ببقى عايزة اقوله حاجة بيعرف على طول وبيقعد ينكشني لحد ما اقوله عايزة ايه
وعلى طول فاهم انا عايزة ايه وبيعملهولي

عيوبه انو انا عايزة اعرف اني ابقى غامضة شوية بالنسبة ليه عشان يتشوقلي اكتر واكتر

 

[زوجه مؤدبه]

خطيبك مرواغ انتبهي منه بتتعبين معه بعد الزواج .. واذا بتستمرين لازم تنسين ولا المشاكل الجايه اكبر وبتكونين انتي السبب فيها .

 

[سمراء وافتخر]

السلام عليكم

ربي يعينك ويفرج همك يا رب يا كريم خي بالك استخيري ولا تتعجلي بالزواج لكي لا تندمين واعرفي نمطه وتعاملي معاه وطوري م شخصيتك الكثير لكي تستطيعين العيش مع الناس واستشير شيخ دين وايضا اسشاري لمشاكل الاسريه وان شاء الله راح يفيدوك وربي ينور طريقك وطمنينا عليك