خطيبي الخاين الكذاب!!!!!!!!!!

  • بادئ الموضوع بادئ الموضوع مطر أسو
  • تاريخ البدء تاريخ البدء
الحالة
مغلق و غير مفتوح للمزيد من الردود.
مطر أسو قال:
هو ما قال يحبها.. يحاول يبين لي اني انا السبب باللي صار.. اليوم الصبح قمت على مسج منه.. كاتب فيه.. ادعي علي احسن.. ويقول اسلوب المره هو اللي يأثر الحب كله لج بس أسلوبج يخليني ابع.. استفزازاتج لي.. كل ما اكلمج مريضه راقده تعبانه ما تسولفين.. يقول انا ابيج انتي تعرفين كيف تتعاملين معي وما تفرطين فيني..

هذا كله الاني في الفتره لاخير كنت تعبانه من بعد رمضان تقريبا.. كان يصيبني هبوط دايما.. ومناعتي صارت صفر.. امرض بسرعه والقط ا لمرض من اي حد...

شفتوا كيف الريايل انانيين.. بدل لا يوقف معاي استغل الظروف وراح يدور غيري..

بليز ساعدوني..
أنقر للتوسيع...


ياعمري ياحبيبتي هو قاعد يسحب عليك سيفون .. لكن بالتدريج هو الحين قاعد يضغط زر في دماغك يبرمجك انك انت الغلطانه وصدقيني لو ما اتخذتي اي قرار هو اللي راح يتركك قريب .. وبتذكرين كلمتي هاي .. الحين لازم تحسمين قرارك تتركينه او تطنشينه (استخيري) لكن اتخذي القرار بسرعه لان اذا انتي ماضغطتي زر البرمجه في دماغه هو اللي راح يضغط زر البرمجه في دماغك وراح يفتح السيفون عليك ..
ترى ابو طبيع مايجوز عن طبعه .. انتي عالبر لا تتهورين​
 
وسيت ما اقولك .. صدقيني لو كان حاس ان انتي قويه وممكن انك تاخذين قرارك بسرعه ماكان تجرأ وحط اللوم عليك لانه راح يكون عارف انك ممكن تتركينه باي لحظه .. وتفضحينه كمان ... بس من كلامك معانا عالمنتدى انك ذات شخصيه متردده وسريعه التراجع
 
حبيبتي نصيحتي لاتقولين لاهلك .. انتي قفلي جوالك وهولما يحس انه راح يفقدك راح يزحف على رجوله اذا كان شاريكي ..
 
انا مطنشته الحين.. يمكن انتوا شفتوا فيني ضعف الاني احبه.. ومنصدمه في الدنيا.. انا مطنشته ولا بسوي له سالفه.. واستخير ربي وادعيه والله يقدم اللي فيه الخير..

مشكورين خواتي..
 
الله يعينك أختي ويكتب لك الي فيه الخير
00أستخيري رب العالمين0
 
اللي ما يباني ما اباه.. يروح بستين داهيه خلاص ما عاد يهمني مثل قبل.. واحمد ربي اني كشفته من البدايه..
 
مطر أسو قال:
اللي ما يباني ما اباه.. يروح بستين داهيه خلاص ما عاد يهمني مثل قبل.. واحمد ربي اني كشفته من البدايه..
أنقر للتوسيع...


مشكلتهم حبيبتي انهم متمسكين فينا بس للاسف مايبغونا نحاسبهم مع ان هذا ابسط حقوقنا ..
حبيبتي انت داومي على صلاه الاستخارة واكثري من الادعيه .. وربي العالم ان كان فيه خيره الله يسهله لك وان كان من نصيبك احمدي ربك انك كشفتيه من البدايه ..
عارفه .. انا جالسه اهون عليك ومشكلتي اكبر من مشكلتك .. بس ادعوا لي
 
حبيبتي وغاليتي..
وأنا كمان مخطوبه والحمدلله على كل شيء..
مشكله يعاني منها الجميع اللي يحبنا مانحبه نجافيه..
الرجال بطبعه يحب شخصية المراءه القويه ..

وانتي للحي بالبر وتقدرين تتصرفين قبل يوقع الفاس بالراس..
تبين حد يموت فيك أرفعي نفسك منه وخليها عزيزه..
وعلى قولت المثل لاتكثر الدوس ياخلي يملونك...
أنقطعي فتره عنه وقفلي جوالك ولاتردين عليه
هو بحركاته ورمي الغلط عليك شخص بايعها
ومثل ماقالو خواتي...

اتمنى من الله العلي القدير ان يأجرك في مصيبتك ويخلفك خير منها...


 
حبيبتي

انتي لا تقعدين تنفخين بقربة مخرومة

نفس الموال وبنفس السؤال وبنفس الطريقة

قطعيه فترة بعد ما ترسلين له مسج

قولي له بنات الناس مب لعبة واذا بتتوقع اني بتحمل تصرفاتك فهذا غلط

اذا شفت نفسك انك هاوي غيري فانت خاين وخنت الامانة ويكبرها عند الله

خل موقفك بموقفي وانا حبيت واحد شاعر شو ردت فعلك؟؟

عموما

انا ما راح ارسل لك واتمنى ما نتواصل لين تقرر يا تستر بنت الناس الي خذتها .....

او ...................


وبس ولا ترسلين عقب


اضغطي على نفسج

كلمي حد من اخوانج الشباب .. العاقل فيهم خليه يكون مطلع ع الموضوع في حالة استوى شئ

وصدقيني

ما بيستوي شئ كبير

هو بيكون لج

بس شكله حصل وحدة تحب الشعر مثله فحسب انها تقاربه بالافكار

ترا بعض الرجال اذا شاف حد يشاركه شغلاته فهو يستانس


بس ما عليج هذي فترة

بس خلج حازمة ....

والله يجمعكم ع خير
 
!!!!!!!!!!!!!!!!!!
من اولها خيااااااااااانه ...
بس انتي قرري وتحملي النتائج ....
يا انك تتزوجينه وترضين فيه (( زوج خاين ))أأو (( زوج زاني ))
لانه مو اكيدددددد انه يتغير بعد الزواج ...
وحطي هذا الشىء في باللك ...
او تتركينه دامك ع البر ..
بحفظ الله موفقه يارب ...
 
يا حبابيباتي.. سمعوا شو آخر الاخبار ارسل لي رساله كاتب فيها.. لا تخافين انا ما اكلم غيرج.. وانا احبج.. وبعدها بيومين اللي هو ا ليوم ارسل لي رساله انا رايح العمره..

شو رايكم؟؟
 
انا من رأيي ياحبيبتي تقطعي الشر من اوله إحمدي ربك إنك لسه ماتزوجتي
مادام سواها دحين وقت الملكه وهي معروفه إنها تكون احسن واحلى الايام و سوى هذا الشي، بعدين مع الزمن ماتعرفي إيش بي سوي تاني وإنشاء الله ربي يعوضك احسن منو
معليش احس كلامي كان بالمره قوي بس هذا راي الرجال محد يضمنهم
 
الخيانه مرض صعب علاجه خاصه اذا كان اللي فيه الداء مايبي العلاج


نصيحتي دامك لى البر اتركيه ويعوضك ربي خير..


مو كل مشكله نقول لصاحبتها زوجك وحاربي عشانه ..
 
شايفة لما نسمع الكلام و نتوقف عن عدم احترام انفسنا شو يصير

لا تردي عليه بولا رسالة خليه
ولا اتصال ولا اي شيء
خليه لساته ينطبخ و ما استوى لسى
 
يا جماعه زوجي راح العمره.. ورحت شيكت على ايميله هي اللي مش طايعه تفك عنه.. ترسل له ايملات اهداءات اغاني.. شلون اتصرف معها؟؟


هو حلف لي انه ما يكلمها من بعد اللي صار.. بس هيه ما تفك عنه..

عطوني طريقه ارجوكم..
 
هلا...حبيبتي..هذا..داء..انتشر...فالرجال..فالساقطات..في..كل..مكان..اسالي..الله...وادعي..له..فلا..نملك.
الا..الدعاء..لهم..والخيانه..اصبحت..موضه..وتعودنا..عليها..حسبي..الله.ونعم..الوكيل
 
الله يكون في عونج ويسهل عليج..

اختي الغالية

آآآآآخ على حالنا..هاي الدنيا..ما تعطينا اللي نباه اللي تاخذ منه..

بس أقولج..بعد الدنيا ما وقفت ان شا الله الخوات يساعدونج أكثر مني

بس بغيت اقولج ..

لا تتعلقين فيه وااااايد..إنتي خليتيه محور حياتج وكل شي بالنسبة لج

وبعدين طفش ويقول خليني بروحي..

يعني كلميه وسولفي وياه..بس بعد تغلي عليه..يعني اذا كان حبيبك عسل لا تلحسه كله

الله يوفقج ان شا الله

شكله من النوع الصعب بس اللي تعرف ها الشخصية ما بتقصر وياج

بس لا تتنازلين عن حقج..واذا هو يباها ليش خطبج..انتي مب لعبة في ايده..

تقبلي ردي البسيط


Ms Uae
 
مطر أسو قال:
يا جماعه زوجي راح العمره.. ورحت شيكت على ايميله هي اللي مش طايعه تفك عنه.. ترسل له ايملات اهداءات اغاني.. شلون اتصرف معها؟؟


هو حلف لي انه ما يكلمها من بعد اللي صار.. بس هيه ما تفك عنه..

عطوني طريقه ارجوكم..
أنقر للتوسيع...

شوفي اذا صدق هو ما يبا يكلمها..هو يقدر يتصرف وياها..خليه يقول لها خلاص اللي بيننا انتهى..خيليه يكلمها بصرامة..ما فيه فايدة اذا نتي رمستيها..وخاصة اذا انتي اللي تكلمتي..بتكونين جدامها وحدة ضعيفة..و اذا بغيتي ترمسينها خلي الرسايل اللي توصل قصيرة وواضحة اونها منه..عشان ما تعرف ان المرسل مش هو..لانها من الاسلوب بتعرف..تراهم مكارات..او خليه يصك الايميل ويفتك منه ومنها..واذا ما رضا في طريقة انه ما يقبل الايميلات منها..بس ما اعرف كيف بالضبط ان شا الله اهل الخبرة يعينونج..والله يفكج منها..ويسعدج دنيا وآخرة:icon26:
 
انا حذفت الرساله اللي وصلته منها.. ودخلت على المسنجر بعد واكتشفت انه راقعها بلوك ودليت.. فتأكدت انه فعلا تركها.. من غير هو حلف لي انه ما يكلم حد..

وسويت لي ايميل وضفتها.. وبكلمها على اساس اني واحد.. وبحاول اتقرب منها اكثر يمكن على وعسى افهم منها شو السالفه..

تبون الصدق اشك انها عيوز خخخخخخخخخخخخخ

الاني يوم سمعت الاهداء كان بو الروغة فطست من الضحك..

وهو الحين في العمره.. وبين فتره وفتره بدش وبشيك..


بس ماعرف ليش احس انه هاي حركة منه.. الانه كان يلومني ويقول انتي السبب باللي انا فيه انتي السبب.. ويوم حاولت افهم ليش انا السبب ما خبرني..

ومن غير حظرته ما غير الباس وورد ومخلني اطلع على كل شي..

توهني هالريال وضيعني والله ما قمت افهم شو يبي..

شخصيته حلوه ويصلي وعارف ربه.. بس ماعرف شو صار له فجأه.. يا جماعه انقذوني واذا عندكم افكار فيدوني.. تراني مطنشتة حتى يوم قال انا رايح العمره ما رديت عليه.. والمصيبه انا بعد اسبوع بكون في مكه تخيلوا نلتقي..
 
الحالة
مغلق و غير مفتوح للمزيد من الردود.
عودة
أعلى أسفل