خطيبي ارسلي

الحالة
مغلق و غير مفتوح للمزيد من الردود.
انسه طفشانه

انسه طفشانه

New member
إنضم
2009/10/08
المشاركات
2,671
السلام عليكم
انا مخطووبه بس مو مملكه لسه
بس الموضوع ومافيه ان خطيبي ارسل رساله
طبعا كاتب كل سنه وانتي طيبه ومن هالكلام<<<بدري بس مستعجل
انا ماعرف ايش اسوي
اطنش ولا ارسل
اخواتي قالوو اثقلي يعني لاترسلي

بس اخاف يتفشل ولاعاد يرسلي

يامتزوجات ومملكات
كيف كانت بدايتكم؟
ترسلون ولا تطنشون
 
غاليتي دامك مخطوبه فهو يجوز انك تكلميه مو بس ترسلي بس يكون بالمعروف
يعني ردي على رسالته بثقل وكلام مختصر بالمعروف
ونصيحه مني انا متزوجه لي سنتين يااااااما نصحوني لا تكلمين اثقلي واقرب قريب لي امي بس انا متعلمه ليس تقليل من حق امي بس جيلي غير جيل امي فاهم شيء اني افهم اش نوع زوجي في البدايه كلامك يكون بالمعروف وثقيل ومو كل شوي تكلمي او ترسلي يعني خليك ثقيله بس مو تكرهي الرجال فيك استغلي هالفتره لجذبه

ربي يوفقك لي عوده ان تذكرت <~ ابو الشباب جاء هع
 
حبيبتي عن نفسي ..
احسن تردين عليه بكلام ثقل ومختصر ..
مو مره كأنو شفقه عليه ^_^

والله يوفقك يارب وييسر لك
 
انا عادي ارسله
بس هو مايعتبر زوجي
واخاف يقول هذي خفيفه ماصدقت ارسلها
ويمكن يختبرني

محتااااره
 
احم ..لبى قلبك انتي ارسلي له واذا رجع ارسلك اسحبي عليه ..وهو بيفهمها ..:22:>>>>اممم بس في شباب يسوي اختبار وعلى قول خواتك اثقلي هه:30: وهو ممكن يفهم انك منحرجــ:21:ــه....ودمتم سالمين :24:
 
لآلآلآلآلآلآلالاترسيليه والله لاحقةعليه

هذا يمكن اختبار لك منه او ممكن هو فعلا حاب يعايدك ولقى فرصة يرسلك بمناسبة العيد

انا لو مكانك ادقها ثقل ومستحيل يززززعل لانك اساسا ماغلطتي بشي واذا بيوم سألك قول ماينفع ارسلك حرام مايجوز

لسا ماملكنا

والله يرزقك من واسع فضله حبيبتي ويتممم لك على خير
​
 
انا زيك خطيبي كان يراسلني مدة ستة اشهر وماكان مملك علي
بعدين عرفت انو حرااااااام مايجووووز<<< وللمعلومية فسخت خطبتي وندمت قد شعر راسي اني راسلت الرجال وخليتو يعرفني واللحين ماني له
خذيها مني ولاتغلطين غلطتي لاتغضبين ربك عشان رسالة لاراحت ولاجات
ولو رد وارسلك ردي عليه انو ماينفع يرسل وانك ماتحلين له وهو مايحل لك وحرام مايجوز وهو يضل رجال غريب عنك لين يملك عليك والللللله بتكبرين بعينه خذيها مني نصيحة والله كثير سارتلهم من معارفنا بعد الزواج يكلموهم ازواجهم انو كبرتي بعيني لما تصرفتي هذا التصرف
وكمان بيثق فيك اكثر ويقول هذي عقلها كبير رسالة ماهزتها ولا ضعفتها وحكمت عقلها على عواطفها
نصييييييييييييييييييييحة لوجه الله سوي زي ماقلتلك
وتذكري انو مااااايجوووووز وحرااااام هو رجال غريب عنك ومايحل لك
اللهم بلغت اللهم فاشهد
 
لايكون رديتي ؟؟؟

رأي البنات بعدم الرد .. حكيييييييييييم وفي محله ..

لسى بدري ..
 
تصدقي انا صارت نفس الحركه قبل الملكه وارسل لي رساله تهنئه برمضان

بس صرااحه مارديت عليه .. كنت مستحيه ​
 
لا ترسلي الا بعد الملكة .. انتبهي ممكن يكون اختبار لك ياقلبي
 
دامك ماتملكتي اتركيه
سوي نفسك ماوصلك رقمه وانك ماتعرفين انه هو
لاحقه
اذا تملكتي خذي رااااااحتك
 
نصيحتي لك لاتردين عليه لايفكر بعدين انك ميته عليه والثقل زين وعشان لايقول هذي ماصدقت بعدين انتي مخطوبه مو مملكه
 
انا نفس الشي ارسلي قبل الملكه..وكانت رسالة تعزيه لوفاة..يعني اهم بكثير من رسالة رمضان..ومع ذلك مارديت..ولما ملكت عليه,وبأول مكالمه كلمنا فيها بعض قالي: اكثر شي خلاني اتمسك فيك وكبرك بعيني اكثر,انك مارديتي على رسالتي..وقالي بعد انا ارسلتها لما صار عندكم حالة وفاة من باب جسة نبض لك,وكنت اقول بنفسي ياليتها ماترد على الرساله عشان نظرتي لها ماتتغير..!!!!
شششششفتي كيف تفكير بعض الرجال؟
 
ياخوفي انها ترد وطنش نصايحنا

لاترديييييييييييييييين لمصلحتك
 
لالالالا تردين اريح لك والله بتفتحين على نفسك باب انتي في غنى عنه
وبعدين بعد الملكه لو قالك ليه ماتردين على مسجاتي
قولي ما اعرف رقمك وبعدين لسى ماتم شيء عشان ارسلك وقتها
والله يوفقك غاليتي ويسهلك زواجك
 
معاكم حق
انا مارسلت ولابرسل
بثقل عليه
كمان اخاف اطيح من عينه
مشكورات يااحلى بنات
ربي يسعدكم
 
ولى يسلملكم ايش اختبار ومو اختباااااااار
يابنت رسالته مررررررررررره طيعيه ارسلي بس كل سنة وانت طيب ومعاه هذا الرمز :-)
واانتهيناااااااااااااااااااااااا
يالله حسستوني انها مسالة رياضايات
 
الحالة
مغلق و غير مفتوح للمزيد من الردود.
عودة
أعلى أسفل