خطيبك شمالي؟ و أنا كمان.. تغزلي و حشي هنا ^^

[توتة الأمورة]

هلا بنات...

أحس الشماليين نوع خاص من الخطاطيب، و محتاجين موضوع نتناقش فيه بكل ما تمر فيه علاقتنا. نتشاور في اللي احترنا فيه، نتبادل تجاربنا، و نفضفض = )


يالله يا حلوات،

عرفينا بنمطك و نمط خطيبك.. و ابدي فضفضة = )

 

[فديتكe]

انتي ايش نمطك؟؟؟

انا جنوبيه وزوجي شمالي

 

[توتة الأمورة]

بكون الأولى = )

خطيبي شمالي شرقي و أنا شرقية جنوبية... من سنين حاولت أغير صفات الجنوبيين السلبية لصفات شمالية إجابية.. فتقاطعت مع خطيبي بأشياء كثيرة.. و أختلفت معاه في أشياء أكثر.

أحيانا أكون أمووت فيه و يا ويل اللي يقول عليه كلمة، و أحيانا يقهرني و أنفر منه.

أحب فيه أشياء كثيرة: حبه، حنيته، اهتمامه، حنانه، عفويته، طموحه، و أشياء كثيرة.
و أكره فيه : عصبيته (و تحته ستين خط)، و عدم تفهمه لظروفي، إصراره على تنفيذ رأيه بموافقتي المطلقة (يا ويلي أقول لا) حتى لو كان الأمر يخصني، و أشياء اختفت و إن شاء الله ما تظهر من جديد.

تعديل:

صرت الثانية = )

هلابك فديتك

 

[توتة الأمورة]

وين خطيبات الشمالي؟ = )

 

[RAIOMA]

واخيرا موضوع للمخطوبات تسلمي ياعسل
أنا جنوبية شرقية وخطيبي شمالي شرقي

 

[توتة الأمورة]

قريبين من بعض

ايش الأشياء اللي ما تعجبك في علاقتكم؟ = )

 

[الدمعة الحنون]

انا غربية شمالية وهو شمالي غربي اللي تعبني معه نفسي اسمع منه كلام رومنسي انا حسة اني بقيت زيه بس بحاول اكون فرفوشة علشان مملش منه

 

[توتة الأمورة]

الدمعة:

أعتقد لو تعطينه كلام رومنسي مع الوقت بيتعود يعطيك = )

 

[الدمعة الحنون]

حبيبتي والله بحاول بس عصبيته الديمة بسبب العمل بتمنعني وحياكي الله لو اعطتيني مثال علي كده

 

[RAIOMA]

صباح الورد
كيفك توتة
ايش الأشياء اللي ما تعجبك في علاقتكم؟ = )
تقدري تقولي البرود أحيانا
بس أبغى أخلية يقتنع بكلامي أنا وبس لاكن ماني عارفة الطريقة
وكمان مشكلة الشمالي الغموض وما يقول كل شي عنده
يعني أجر الكلام منة جر

 

[RAIOMA]

وينكم ياعرايس
ومتى موعد أعراسكم
أنا ان شاء الله بعد شهرين والله يوفقنا

 

[توتة الأمورة]

هلا بنات


صار لي يومين اشقر عالموضوع و ما أرد..

إجاباتكم عالأسئلة مختصرة جدا.. و ردودكم مختصرة أكثر.. بكذا مب مستفيدين من تجمعنا في الموضوع = )

اعتبروا الموضوع زي المتنفس.. يعني تعالي و طلعي كل اللي في خاطرك عن علاقكتم أو خطيبك بالتفصيل الممل.. و بكذا نستفيد من بعض و نفيد بعض

أبدا أنا و لو أن عندي امتحان اليوم >> منحاشة ^^

علاقتنا هذي الأيام مستقرة.. عندي امتحانات و ما اقدر اكلمه.. هو فاضي تماما.. خلص دراسته.. و جالس ينتظرني اخلص و بعدها الزواج

أكثر شي يدور في بالي في هذي الأيام.. بما أني ما أكلمه.. قد إيش هو متطلب.. و يبغى كل شي على مزاجه.. الموضوع قديم شوي.. بس عرق الشرقي فيني يرجع القديم و يحلله
و أفكر إيش الحد الفاصل بين تنفيذ طلباته.. و شخصيتي.. كيف أوازن بينهم...
مثلا بتغرب معاه سنة تقريبا.. و يبغاني اتعلم لغة ثالثة.. لكن من وجهة نظري انها مضيعة وقت و الأفضل أدرس شي مفيد زي حاسب أو أي مجالي يخدمني في وظيفتي بكرة.. المشكلة كانت في أسلوبه.. طرح الموضوع كأنه أمر متفق عليه من الطرفين.. يعني أنا وافقت و انتهى الموضوع.. ما ناقشني أصلا في إيش أبغى أسوي في وقت فراغي هناك.. حسيت أنه فارض الوصاية علي و رفضت طبعا.. لازال متضايق من رفضي.. وقالي بعدها أنه توقع أني أرحب بالموضوع.. كان يفكر من وجهة نظرة.. هو يحب يكون عنده لغات.. و فيه فرصة "ذهبية" للتعلم بتوفر كافة الظروف المناسبة.. لكن من وجهة نظري هي أصلا مب فرصة.. لأنها متواجدة عندي بسهولة.. و مالها منفعة في مجال الوظيفي عندنا.. كان يفكر بالتباهي بتعدد اللغات كشمالي و كنت أفكر بالفائدة المرجوة منه..
و النقطة اللي تدور في بالي.. رفضي لتعلم اللغة خطأ أو لا؟ هل لو وافقت بيكون على حساب استقلالية شخصيتي أو لا؟ هل رفضي للـ"ـفرصة الذهبية" يقلل من احترامه لي كشخص؟ و أخيرا.. إيش الحد الفاصل بين طلبه و استقلاليتي في اتخاذ قراراتي؟
أحيانا أفكر أخذ دورة مبدئية في اللغة.. عشان أرضي تباهية شوي.. لكن في عقبات: أولا: كرامتي (بجد يعني أتعلم شي ما أبغاه عشانه شي صعب علي، ما أحب أحد يضغط علي عشان شي) الثانية: انعدام رغبتي.. و بالتالي ثقل الدراسة و لو كانت سهلة


بوقف هنا.. بروح الجامعة.. و أرجع أكمل آخر اليوم = )

 

[أجمل غرام]

أشكر صاحبة الموضوع

لأني الصراحه بحاجه لأن أفضفض اللي بداخلي

أنا جنوبيه غربيه .. وخطيبي شمالي شرقي

غموضه متعبني .. وعدم أهتمامه بنفسه ، أحب أشوفه كاشخ لكن مقصر في حقه كثير

وأحس أنه مستخسر على نفسه أنه يشتري له شيء بسعر غالي

وأنا وحده متعوده أني ماأبس إلا ماركات فأخاف أنه مايقبل بعد الزواج أني أشتري شيء غالي

دائماً تفكيري مشغول بالمستقبل وكيف بعيش معاه

​

 

[عشقي وغرامي]

شوفن حبيباتي زوجج وعلى ماتعودينه يعني في بدايه الزواج خلي ف بالج فكره إنج تبيه يسوي لج كذا وكذا فقولي له ليش لا حتى لو مانفذ ولكن سمع منج شي يعجبج وحاولي معاه حتى بالفعل لين ما يتعود على الامور اللي تحبيها واللي ما تحبيها وجيه تمشي الامور تمامو

كلنا نعرف إن الشمالي طبعه جاااااااااااف فالكلام الرومانسي وخاصه بعد الزواااااااااج هااااااااه متى قلت بعد الزواج خلي تحتها خط ولكن عشان تتجنبن هالشي يامخطوباااات حاولن بكل الطرق إنكن مايمر عليكن يوم إلا وإنتن مغرقتنهم كلام حلو ورومانسي عشان يتعودوا وما يبخلوا عليكن بالرومانسيه

الهدايا وخاصه فالمناسبات المألوفه مثل يوم ميلادكم يوم زواجكم أغلب الشماليين ما يحبوا هالسوالف لكن مع التعود راااااااااح يحبوه وتريوا هالمناسبه بفارق الصبر

ولما أفضى راح أكمل اللي عندي بنات اوكي​

 

[ليتك قريب]

انا خطيبي شمالي بعد وااااااااااااه من الشمالي جااااااااااف بالمشاعر ومكالماته فقط شخباركم وش الجديد وكل شي تمام ؟؟خلاص انتهت المكالمه
لكن انا قررت قرار انه ماراح اكلمه الين الزواج خلااااص عشان مايتعود علي بعد الزواج يصير خير ....
لان المكالمات ضرتنا اكثر من نفعتنا ...وهو مايعبر عن حبه بالكلام فقط بالافعال يعطيك فلوس مثلا او يسفرك او ....والدليل اذا قلت له شي قال تعالي بيتي وتشوفين ..
الصبرررررررررررررررررررررررر على هالشمالي ...بس فيه شي كويس يبيض وجهك بفزعاته هههه

 

[أجمل غرام]

عشقي وغرامي .. يعافيك ربي على ملاحظاتك وانتظر بعد منك نصايح ومن الأخوات

وهذا أنا أحاول أعوده على أمور أنا أحبها بس والله من داخلي تعبانه جددددددا

وأما على سالفة الكلام الرومانسي أنا والله نفسي أقول له بس ماأعرف أعبر عن مشاعري

وكمان أخجل منه ... فخلاص كل أعتمادي كله عليه يعني إذا تكلم رديت عليه بكلمة حلوووه

وإذا ماتكلم عادي نظل أسبوع أو اكثر أغلب محادثاتنا عن شغله ودراستي .. بس والله من داخلي

مقهور

وأنا أحاول أعوده أنه يهديني بمناسبه أو بدون مناسبه

فالبارح عطيته هديه يقول ليش عاااد مكلفه على نفسك ،، ماله داعي

أنا نفسي يتعامل معاي بأسلوب مرن مو بخشونه ماأحس أنه أحنا مخطوبين

وغالباً يقول لي إذا قلت لك لا خلاص قولي إن شاء الله من دون نقاش

بس أنا ماأقبل فنتزاعل


ليتك قريب ... بالفعل الكلام اللي قلتيه موجود فيه خطيبي مئه بالمئه

دائماً إذا جيتي عندي كل شيء يتغير .. أخاف والله بس كلااام

وأنا بعد دائماً ألمح له أني ماأحب جلست البيت لأنه هو مايطلع كثير

دائماً مشغول .. فيقول لي إذا جيتي عندي مابقصر عنك

أتمنى الكلام اللي أسمعه منه يتحقق

وفيه شغله أبغى أستشيركم فيها .. أبغى أنا أختار الثياب اللي راح يفصلها للزواج والعطور

والبلايز والبنطلونات وباقي الشغلات .. فكيف أقول له .. وأبغاهم ماركات

ت​

 

[عشقي وغرامي]

عشقي وغرامي .. يعافيك ربي على ملاحظاتك وانتظر بعد منك نصايح ومن الأخوات ​

وهذا أنا أحاول أعوده على أمور أنا أحبها بس والله من داخلي تعبانه جددددددا​

وأما على سالفة الكلام الرومانسي أنا والله نفسي أقول له بس ماأعرف أعبر عن مشاعري​

وكمان أخجل منه ... فخلاص كل أعتمادي كله عليه يعني إذا تكلم رديت عليه بكلمة حلوووه ​

وإذا ماتكلم عادي نظل أسبوع أو اكثر أغلب محادثاتنا عن شغله ودراستي .. بس والله من داخلي ​

مقهور ​

وأنا أحاول أعوده أنه يهديني بمناسبه أو بدون مناسبه ​

فالبارح عطيته هديه يقول ليش عاااد مكلفه على نفسك ،، ماله داعي​

أنا نفسي يتعامل معاي بأسلوب مرن مو بخشونه ماأحس أنه أحنا مخطوبين​

وغالباً يقول لي إذا قلت لك لا خلاص قولي إن شاء الله من دون نقاش ​

بس أنا ماأقبل فنتزاعل ​

ليتك قريب ... بالفعل الكلام اللي قلتيه موجود فيه خطيبي مئه بالمئه​

دائماً إذا جيتي عندي كل شيء يتغير .. أخاف والله بس كلااام​

وأنا بعد دائماً ألمح له أني ماأحب جلست البيت لأنه هو مايطلع كثير ​

دائماً مشغول .. فيقول لي إذا جيتي عندي مابقصر عنك ​

أتمنى الكلام اللي أسمعه منه يتحقق​

وفيه شغله أبغى أستشيركم فيها .. أبغى أنا أختار الثياب اللي راح يفصلها للزواج والعطور​

والبلايز والبنطلونات وباقي الشغلات .. فكيف أقول له .. وأبغاهم ماركات ​

ت​

حبيبتي الشمالي يحب زوجته تقول له إن شاء الله على أمرك حتى لو غلط كلامه والزوجه الذكيه اللي تماشيه بذكاءها يعني لما يأمرج بشي جولين له إن شاء الله حبيبي بس أنا كذا كذا رأيئ شو حبيبي وإذا أصر مو مشكله جولي على عيني ورأسي تأمر تأج راسي إشلخيه بالكلام وحببيه في نفسج لا تدخلي العناد بينكم زي ماكنت أناأعمل بس الحمدلله هالمنتدى صحاني من غفوتي مع الشمالي تبعي:bleh::shiny::blush-anim-cl:

وبخبرج حبيبتي عن تجاربي وبعد لاخوات إن شاء الله ما يقصرون ويأج​

 

[توتة الأمورة]

أجمل غرام:
غريبة، أشوف خطيبي أكرم الناس على نفسه.. من جميع النواحي. و يقتصد في دفع الفلوس على الأشياء الثانية.. مثلا.. خطيبي مقتدر.. و مع ذلك كان يبغى يكون شهر عسلنا في نفس بلد غربتنا عشانها أرخص.. و هو مسافر أكثر من بلد على حسابه قبل الزواج.. ويوم جت على شهر عسلنا فكر يقتصد، رغم أن ما فيه حفلة زواج و لا غيره. و غير رأيه بعدين بعد ما قلت له أن رغبتي في مكان ثاني.. لكن حسيت من كلامه أنها خساير فلوس!

يمكن مادية خطيبك ما تساعده، لأن الشمالي يحب الفشخرة في جميع الأشياء.

أما في النقاش، من جد، أشاركك و بقوة، يبغاني أقول طيب و انتهى الموضوع، و ما أناقشه حتى النقاش.. قلتها قبل في تعلم اللغة كان يتوقع موافقتي بدون نقاش.. برضو طلب مني أخفض وزني و أدخل النادي عشان أشد.. رغم أن وزني مناسب لطولي (وزني ٤٩-٤٨ و طولي ١٦١) و جسمي عادي مب مترهل.. يعني ما كنت سمينة و نحفت.. و صار بينا مشكلة عشاني رفضت.. بس كان هو لين شوي رغم أن جواه يغلي مني عشان كان لنا اسبوعين مملكين.. فما شد في النقاش.. و بعدها بدى يرمي كلام و يلمح تلميحات سخيفة.. و استسلمت في النهاية و بديت رجيم و دخلت نادي.. و جاني فقر دم و وهن.. و هو و لا على باله.

طيب كيف أناقشه؟ هذا سؤال ما لقيت له جواب حتى الآن.. لكن وصلت لطريقة ما أدري إذا صحيحة أو لا.. لما يطلب شي.. أنا مب موافقة عليه.. أبين له رفضي بوضوح و بدون تردد.. و أسبابه.. و ابتعد تماما عن النقاش أو تقديم مبررات.. أو الإقناع لانه ما ينفع معاه.. إلا إذا هو ناقشني.. و أخيرا أثبت على رأيي و لو زعل.. أتعامل معاه عادي كأن ما صار شي، و لو بين زعله بعدم الرد على مكالماتي و غيره.. اتركه لين يرضى بنفسه و يرجع يتصل.

برايي، قولي له إيش رايك أساعدك في شراء أغراضك، إذا رحب حلو، إذا تحفظ أو رفض.. انسي الموضوع عشان ما يحس أنك ما تثقين في كشخته.
بعد الزواج فرصتك أكبر في التدخل في اختياراته، بس بطريقة غير مباشرة.
عشقي و غرامي:
محتاجينك = )
متزوجة، و لا لسى؟

ليتك قريب:
من رأيي تغيرين نظرتك للرومانسية و الحب، لا تشوفينها كلمات بس، كل ما شفت فعل حلو منه لك.. اعتبريها رومنسية. مو يقولون الأفعال أقوى من الكلمات؟ إيش الفايدة لما يغرقني رومنسية.. و هو ما تطور في مجاله الوظيفي و لا أمن مستقبل أولادنا؟ و لا بسطني بسفرة حلوة؟
و مو معنى هذا ما تحاولين تخففين من جفافه.. لكن لا تشوفينها مشكلة كبيرة، حاولي في هالفترة تتعرفين عليه.. لا تسألينه وين رحت و لا جيت.. أسأليه عن طموحه.. طفولته.. دراسته.. ذكرياته.. بينفتح معاك و يترك غموضه.. لأن هو ينفر من الأسئلة اللي نشوفها أحنا أسئلة عادية

مثلا اكتشفت ان خطيبي يشوف أسئلتي اللي مثل: إيش سويت أمس؟ وين طلعت؟ إيش بتسوي اليوم؟ كيف كان يومك؟ أسئلة استفسارية تتطلب إجابة.. و كنت أستخدمها كفواتيح للمواضيع.. يعني عشان نتكلم في شي.. و كان يعتقد أني أبغى أعرف كل صغيرة و كبيرة.. و أعتقد الرجال يكرههون هذي النقطة.

 

[راوية الورد]

مرحبا صباياااااااااا


اكيد كل وحده داخلة تقوووول

آآآآآآآآآه من الشمالي

كنت متأزمة مرة منه

بس بعد الخبرة وبعد مافهمت شخصيته

صار الوضع احسن من اول بكثير

وبصراحه تعبت كثير الين ما بدأت اتأقلم مع صفاته وطبعه

انا مملكة لي سته شهور

راح اتكلم من خبرتي المحدوده

اولا انا جنوبية وهو شمالي << قمة التناقض

مكالماته

مرة مختصرة

الحل

صرت اجهز مواضيع قبل اتصاله حتى لو اكتبها بورقة

واذا قال وش الجديد ابدأ اتكلم في المواضيع ذي

يبدأ يسولف معاي ويتناقش وبس ينتهي ابدأ في موضوع ثاني

ابدأوا انتوا بس لا تثرثرون بس اعطي العناوين وخليه يتكلم


الكلام الرومانسي

باقي صراحه مالقيت حل

اللي يقهرني اكتب رساله بكل رومانسيه

I miss you

يرسل وانا ايضا << آآآآه بس

والا تسلمين

طيب اكتب جنبها حياتي !! تهئ تهئ


الهدايا والفلوس

كريم جدا علي وعلى نفسه

حطوا في بالكم

كل قرش يحطه يدل على انه يحبك

بما انه مايعبر عن حبه بالكلام

دايم طلي على هداياه وتذكري انها دليل حبه

ودورانه في السوق وهو يختار الهديه وتعبه كلها تدل على حبه

تسديد فواتيرك

تقديم مصروفك

ركزوا في افعالهم عشان تحسون بحبهم وقيمتكم عندهم

استغربت ياأجمل غرام لما قلتي انه مايهتم في نفسه

الاحظ ان الشمالي يحب المظاهر والفشخره!!


النقاش

غلط اللي تقول قولي على أمرك وماشيه بالكلام الحلو

الحل

الشمالي ومن خلال تجربتي بمواقف كثيرة

ماينفع معاه الكلام الحلو في هالمواقف

ويعتبرك تاخذينه على قد عقله بهالكلام

رغم ان هذا بالنسبه لك قمة الذوق وفن الاعتذار

مااعجبك رأيه بموضوع قولي ايه بس انا وجهة نظري مختلفة

احرصي بأسلوبك لاتبينين ان هذا عناد

وضحي ان لكل واحد وجهة نظر

الشمالي يحب القوية حطي تحتها مائة خط

تصرف مااعجبك موضوع مختلفة آراءكم فيه

لاتماشينه قولي رأيك بكل قوة وصراحة وثقة

الزعل

لو زعل من نقاشكم او اي شئ

تعاملي معاه عادي لا تعتذرين

الغالب الشمالي اذا زعل يبتعد عنك فترة

يمكن يطنش مايتصل او يرسل

خليه شوي لان بطبعهم يحبون يبتعدون عن اللي مضايقهم


احذري ثم احذري ثم احذري

اسلوب التبرير والاعتذار

بعد تجاربي

ندمانه على اعتذراي واسلوب التودد اللي كنت استخدمه

ماينفع معاهم كذا خليك صامده وراضيه بدون خضوع

مارضي لاتجلسي تزني الله يخليك ومن هالحكي !!



في جعبتي المزيد انتظروني

وأتمنى اكون افدتكم

واللي مختلفة معاي بشئ اتمنى توضح لي لا تسكت

:icon26::icon26:الله يسعدكم يارب ويوفقكم :icon26::icon26:


أطيب المنى

 

[لون حي...اتك]

هلا والله اخيرا صار لنا موضوع ,,

من جد ها الشمالي عله الي ما يفهمه يفكر با النتحار ....


انا قدلي مخطوبه 6 سنوات منه وعرفته وبخصته زين عرفت وش يبي وش ما يبي ,,

انا خطيبي شمالي شرقي...
وانا جنوبيه غربيه يعني فرق بين السماء والارض

تعبت معه وربي فكرت وتمنيت با الموت اكثر من مره استغفر الله

من كثر ما يضغط علي
انسان انااني هو الصح وغير كذا غلط

ما يشوف الا نفسه وبس
يحب ويموت با الاوامر وانه ينصح ولا تسوين ولا تفعلين ولو ما اسمع كلامه زعل وعصب

طبعا انا تعلمت كثير من ها السنين الي راحت واول شي سويته يوم دخلت ها الموقع
اني اغير نفسي

ولا اصير ضعيفه قدامه وحالت اني ابدي راي واسوي الي ابي معنها كانت صعبه علي مره
كنت اخاف يزعل ويتركني

وكنت ابكي عنده كثير وكان اول يتنرفز مني ولا يحترمني وكنت اركض وراه مثل الهبله كنت اخاف يضيع مني
لاكن الحين لا لا لا والف مليون لا اهم شي قناعاتي


والى الان اغير في نفسي ,,


يالله ابي الشوف التحمس عشان اكمل المعناة والمواقف والاستفادات الي استفتها من ها الموقع ابي تفاعل تكفون


يد بيد نغير انفسنا ونعيش مبسوطين..