خطيبك شمالي؟ و أنا كمان.. تغزلي و حشي هنا ^^

الحالة
مغلق و غير مفتوح للمزيد من الردود.
اووووووف وا خيرا كملت الصفحات يا بنات انا خطيبي شمالي هو مايكلمني كثير و دايما يسئلني على الجديد بس لو مافي جديد بروح انا خطيبي بعيد عني في الغربة وما نتحدث كتير يعني بالمسنجر بس نتكلم شوي و يروح و هو دايما مشغول م كتير عملي و انا بدي يتصل في و يسئل عني شو اعمل
 
ms-reem قال:
لي عوده انا شمالية وخطيبي شمالي
هع هع هع لي عوده ورد ان شاء الله نستفيد منه انا وانتم
أنقر للتوسيع...
انا كمان شمالية و خطيبي شمالي ممكن تفيدني
 
هلا بكم بنات

علقوا على النقاط الثلاثة المطروحة: التحكم، الأنانية، التغيير

عشان نستفيد من بعض = )
 
توتة الأمورة قال:
:


عطر:

أخيرا أحد مثلي :shiny:

انتبهي يعرف أنك تعاندينه و حاطه راسك براسه.. و الله تنقلب علاقتكم جحيم.. الشمالي موته أحد يعانده.. و أكثر من بيخسر أنت. :thumbdown:
العناد للرجال و الحيلة للنساء :icon30:

لأن ما ينفع أبد تواجهينه.. بيقلبها عليك.. يا بيخترع لك شي أنت ما سويتيه أو ياخذ شي صغير و يضخمه.

يعني ببساطة أكذبي.. الكذب يجوز لصلاح الحياة الزوجية.. ربي محلله لك.. تاخذين الطريق الصعب ليه؟ العناد شدة أعصاب أما الكذب بسيط جدا.. بس أحبكيها صح..

يعني لازم العذر اللي تقولينه قوي كفاية.. لا تقولين و الله عندي بنت خالتي بتسهر عندنا.. يحقد على بنت خالتك عشانها أخذتك منه.. إذا تدرسين قولي عندي امتحان.. قولي مريضة مرتفعة حرارتي شوي.. أو داخلني برد و أبي أنوم أرتاح.. أو جايني أمس أرق و ما نمت كويس و ودي أخذ غفوة.. طبعا لا تقولينها وقتها.. قبل الموعد بساعتين أو ساعة.. و حطي جوالك عالصامت و نوما هنيئا :shiny:

أهم شي انتبهي ينسيك الشمالي الاهتمام بنفسك و بشرتك.. لأن هو اللي يشغلك عنها.. و هو أول واحد ينقدك على إهمالك

و سالفة البلوك لا تواجهينه إذا سواها مرة ثانية.. يسوي كذا لأن مزاجه مب رايق يكلمك.. مره كفشت خطيبي مسوي زي كذا.. و ما واجهته.. و رجع من نفسه.. إذا كنت مصررة تكلمينه.. ارسلي له رسالة.. أن ودك تشوفينه عالنت لأن بكره و بعده عندك كذا و كذا و مب قادرة تكلمينه.. بيشبك طيران لووول

ودي تعلقين على النقاط الثلاثة اللي طرحناها و تعطينا تجربتك معها و حلولك لها = )
أنقر للتوسيع...


توته انتي رحمة من ربي
يعني مو بس انا اللي تبلكت واجهته وكملته كلام قاسي ومن يومها ما دخل
بس انا طنشته مو تطنيش كلام لا من جد
سويت اللي ابيه ولا اهتم ولا افكر فيه
رتبت اغراضي جهزت اشياء يعني اشتغلت بالي عنه
وهو يدري اني اعانده مشكلة
لكن انا اكتشفت شيء

لما اصير اتدلع عليه ولا اهتم فيه يجي يركض
ويوم اني ادور وراه يسحب علي
تدرين مالي الا الكذب وبس
:shiny:

أحسن حل
تدرين عاد طول الوقت الماسنجر مفتوح ولا اصير فيه احطة في الخارج واروح

ابي اعلمه اني مو بس له

وانا اوريه والله ثم والله لو ما خليته يركض وراي ما اكون انا عطر بنت امي وابوي
:icon30::icon30:
 
هلا عطر = )
حلو و الله، و لا تتعبين أعصابك بانتظاره :shiny:
تدرين عاد يوم يسوي الحركة ما كان بينا أي مشكلة.. بس مزاجه زفت.. يعني توقعيها كثير.. سواء بينكم شي أو لا
 
انا خطيبي شمالي شرقي

زواجي ان شاء الله بعد شهر انا صار لي اسبوع قطعت الشوفات

خلاص ماراح اقابله لان العرس قرب

بس هو احسه انه زعل

مااعطيه وجه

ولا اقابله

مع ان الشكل مايسمح حواجب وحاله

تدرون قبل لزواج


وهو متاكده مو شوق ولا حب بس عناد


يقولي

خلاص حتى انا ماراح اكلمك


ماادري وش اسوي برايكم
 
هلا توته
تدرين من صارت المشكلة للحين ما دخل مسن




ارسلت له رسالة وابي اقوله اني بشوفة ضروري الحين ولا دخل
شرايك بس بالحركات
؟؟













وش اسوي معاه بنات؟
 
تدلعيه عليه و تغنجي.. قولي كله عشان اتجهز لك حبيبي و أكون أحلى أنثى.. لازم اتفرغ لنفسي شوية = )


لا تقولين له الشي بحزم.. يحس انك ندة له = )
 
السلام ...


هلا بنات وربي ها الشمالي من جد حكايه

اذا طنشتيه ركض وراك واذا ركضتي وراه سحب وسواء ثقل عليك ..

احنا عرفنا الحل طيب ليه ما نمشي عليه

با اختصار هو يحب الثقل
اذا صارحته وقلتي الصدق يتفلسف..
فوق راسك لين تنغثين منه وتحوم كبدك الا يبي الي براسه

لاكن اذا لفيتي ودرتي معه وما كنتي سييييده مثله يعني مولازم كل شي تسوينه تقولين له >>لاني كنت كذا وتغيرت الحمدلله

عنيد مره يقهر خاصه اذا صارت بينك وبينه مشكله وانتي مره منقهره ومتاثره يقول خلنا نقفل احسن ما يحب التفاهم
اما من ناحية اذا درى ان عندي احد صديقتي بنت الجيران بنات خالي

مره ينقهر مره يغار بس صرت با النهايه اقول ضيوف واجيب له مليون حجه
واقول اني مره مشغوله طبعا يزعل بس انا اسوي زيه هو اذا جاه ضيوف يسحب علي

غيييييييييييييييييييييييييييييييييييييور لدرجه تقهر حتى لو اكلم 902 ينقهر يقول ليه اخووانك ما يكلمون

الي براسه براسه بس عرفت انه مع المساحروالتفاهم يجي معك شوي شوي

عصبي مره

من النوع الي يفشل ويجيبها با الوجه ولا عنه في مشاعرك ابد

انا كنت اول اتأثر واقعد ابكي واسوي فلم هندي بس الحين ارد الكلمه بعشر حتى هو لاحظ قال انتي وش سالفتك قلت انا امزح مثلك درى ان مالها داااااااااااااااااعي

ارجع واقول يحب الحرمه الطموحه والي تحب توفر وتدلع نفسها
والي واثقه مو تشاوره با اي شي
والي تبين انها مو ميته عليه بس تحبه وتموت عليه حاولي توازنين عشان ما يشك بغلاته ويقول هذي ما تحبيني
ويشوف غيرك
ما يحب التشكي ابد
ولا يحب الحزن والكأبه
يحب الشياكه بس الي مو مبالغ فيها
بس خاطي ادري وش الالوان الي يحبها
والبس
والعطور
الي تعرف تقولي هو شمالي شرقي

ولي باقـــــــــــــــــــــــــــــي بس نبي تفاعل ونبي وحده وحده نحكي عن المواضيع ..

حددو اكثر موضوع تاعبكم ؟؟
نبي نناقش فيه ونقول التجارب ..
 
:icon-mos: هلا حبيباتي

بصراحة الحين احس اني اتفقت معاكم على أغلب الامور


ما يحب اللي تركض وراه
ولا الحنانة
ولا المهانه عند اهلها
ولا اللي تتمسكن >>> أذكر مرة اشكي له من وحدة قام قالي وش هالضعف :thumbdown:



يحب النعومة
يحب الدلع
يحب الستايل المودرن
يحب الجسم النعوم
ما حب اللقافة والاسئلة الكثير
يحب اللي ماسكه زمام نفسها
وسري الاكبر الغموووووووووض
خليك غامضة كثر الكون :icon31:


وبالنسبة لانانية ... صرت أكذب وأقفل جوالي واطلع من المسن
ولا اقوله كل شيء عشان ما يسوي مشاكل


والتحكم ما اعطيه فرصة يتحكم فيني

والمكالمات ما احب اكثرها :schmoll:
مو بيكفي لكن هو كذاا


ويقاطع وااااااااجد ولا يهتم لكلامي صرت اقول مستحيل اقول لك سالفة مهمه

ونصيحة ذهبية
ابعدي عن الاسرار لا تعلمينه كل شيء


 
عطر:

معليش ما انتبهت لردك اللي قبل.. شكل الحركة ما مشت عليه.. ما بيدك غير تسفهينه و تشغلين نفسك بأشياء ثانية

سالفة المهانة عند أهلها.. فعلا لاحظتها.. قد مرة قال لي أن من أسباب خطبته لي أني مشبعة عاطفيا.. يعني ما عانيت من شي عند أهلي.. بيني و بينك حسيته تفكير أناني من الشمالي.. يعني مب كل بنت أهلها مدلعينها و مب قاهرينها.. يعني في صديقاتي ما فيه إلا أنا و وحدة من أصل ٦ اللي معطينا أهالينا وجه.. البقية كعادة المجتمع السعودي.. جيب أطفال.. و أهملهم.. و هو عادي يكون ناقص عاطفيا..

أما قلة المكالمات.. و الله أحسن و أريح.. كل ما طولت المكالمة كل ما قلت أشياء ما تبغين تقولينها.. يعني أمس قاعدة أسولف و قلت أن بنت خالتي كانت طفشانة و قالت خلونا نطلع السوق.. و طلعنا و شريت هدية لصديقتي.. أول جزء من السالفة يكرهها.. ما يحب البنت اللي تحب الطلعات و الأسواق (لازم البنات بيتوتيات زيه، برضو جزء من الأنانية).. يعني بيحط أكس على بنت خالتي و مب حابني أجلس معها و أسولف.. و مب زين الوحدة تتكلم أصلا عن أقاربها البنات عنده..
أما المقاطعة فشي يضحك لوول.. يا ويلك تقاطعين و هو عادي يقاطع.. بس الظلم حرام.. أول مكالمة بينا كانت قبل الملكة.. كان يقاطع كثيير.. ما عطاني فرصة اتكلم.. لكن بعد المكلة تحسن كثيير.. و إذا قاطع يحس بنفسه و يطلب مني أكمل = )
طيب كيف تتعاملين مع المقاطعة.. أول شي لا تعصبيين أبدددد اسكتي و حطي ابتسامة مجاملة.. يعني تراك قاطعتني.. يمكن أول شي ما يهتم بس بعدين يحس على دمه.. وحدة من صديقاتي شمالية.. و ما تنتبه أحيانا أنها تقاطع.. لكن بالابتسامة هاذي صارت تنتبه لنفسها و ترجع لي دفة الكلام لين أخلص

بالنسبة للقوة، يحبك قوية عند غيره.. ضعيفة عنده.. أدري تناقض بس هذي شخصيته.. يعني ما يحبك ند له في النقاش.. فتجنبي النقاش من أصله معاه..

لون حياتك:

بجد ما ينتواجه بالحقيقة.. يعني لو أقوله ليش أنت متناقض تحبني ضعيفة معاك و قوية عند غيرك.. وحدة من الثنتين يا بينكر أو بيتفلسف عن أنوثة المرأة

العند و تقفيل النقاش شي يقهررررررررررر.. تخيلي ما تناقشنا عن حياتنا الا عن شي واحد بس.. و الباقي يوصلي إياه عن طريق التلميح و قصص أصدقاءه عشان يتهرب من سماع رأيي في الموضوع.. و بنفس الوقت اتشربه و أوافق عليه.. يقهررررني إذا سوى كذا.. حتى لو النقطة اللي يلمح لها ما عندي مشكلة فيها.. أحسها سيطرة غير مباشرة

أما الغيرة من اللي تجلسين معهم صدق.. ما كنت أتوقع أنه يغار.. يعني إذا هو فاضي يا ويلك تنشغلين بغيره.. و أعتقد بيحقد عليهم.. بس حلو أنك تقولين ضيوف.. يحقد على ضيوف.. و لا على أسماء معينة.. خاصة أن هو ما يترك أصدقاءه عشانك.. إلا إذا يجاملك أو خايف يجرحك (في وضعي) بما أنه بعيد..
بعدين لاحظت شي.. ما عنده مشكلة أني أكلمه بين أصدقاءه.. زي ما تقول الأستاذة ناعمة أنه يحب يتفاخر بزوجته.. بس ما أطول.. لأن طبعا ما يقدر يسولف زين..

بس بجد أنا مستغربة.. كيف هو غيور.. و غار أنه شاف ردودي على رجال في النت.. فكيف بتكون غيرته و أنا متحجبة عند أصدقاءه.. خاصة أن بعضهم زوجاتهم منقبات.. و مع ذلك مصر أني اتحجب ما اتنقب؟

عصبيته خالصين منها.. ولو أني للحين ما واجهتها كلها وجها لوجه.. لازال يراعي شعوري.. الله يستر كيف بتعامل مع عصبيته.. ما قد أحد عصب علي.. بس قاعده اتعلم.. مره عصب شوي.. و انكتمت من الروعة.. و رجع بسرعة عادي..

أما مزحه أحيانا بايخ جد.. و يجرح.. أحسه يمزح معاي زي ما يمزح مع الشباب.. يعني ما يلاحظ أن مزحه ثقيل..
بس ما عالجتها و سويت زيه.. ما أعرف أصلا.. صرت إذا مزح مزحة بايخة سويت نفسي ما فهمت إيش يقصد.. يعني تصير بايخة عليه مب علي

بالنسبة للشياكة و اللبس يحب كل شي ناعم و أنثوي.. تنانير شورتات فساتين ناعمة بناطيل ضيقة و لو نازل خصرها و باين الأندروير يكون خطير.. اللون الأبيض عشقه.. اشتري بنطلون أبيض و تنورة بيضا و شورت أبيض.. و إلخ.. بس نوعي شوي .. و برضو يحب الألوان الهادية و فاتحة.. و ما يحب الفاقع كثير.. يتقبله كتوب أو بلوزة لكن كتنورة أو بنطلون ما يتقبله..
الألوان اللي يحبها غير الأبيض هي الأصفر و الأزرق و الوردي و الأخضر بس تكون درجتهم هادية مرره.. و ما تكون فاقعة.. ابتعدي عن اللبس اللي فيه صبيانية شوي.. و الاكسسورات الزحمة.. يعني ما يحب تلبسين ٦٠ سوارة على يدك... أو سلاسل كثيرة.. و أعتقد ما يحب أكثر من خرم على الأذن.. يعني أي شي يقرب من العربجة ابعدي عنه

الروائح ما ادري صراحة.. خطيبي أنفه حساس.. و يحب الروائح الخفيفة.. ما أدري راجع لشماليته أو ماله دخل.. بس فيه طريقة حلو تعرفين ايش يحب.. شوفي إيش العطر أو العطورات اللي يستخدمها.. و روحي لوجوه أو دبنهامز و أسألي الخبير هناك إيش أنواع الروائح اللي يحب صاحب هذي العطورات..

إيش مقترحاتكم بنات للنقاط الجديدة؟
الرومنسية و إيش؟
 
حبيبتي



انا عطيته بلوووووووووووووووووك

والله وريحت راسي منه من جد افكر افك الخطوبة معاه لانه مصخها









بس ابيه ينقهر كم شهر بعدين بشوف شغلي




بنات المشكلة يدري اني عند اهلي مو مرة زينه الحياة



لانه اول الايام كان يحسب لي الف حساب ودلع ويسوي نفسه كشخة
بعدين بس عرف شوي عن الوضع
صرت عنده ولا شيء
وجد متعبني هالشيء










افكر افك خطوبتي ولا انخطب لين احس اواضاعي احسن صارت






تعبت منه يغلط ولا يبي احد يعاتبه



شوروا علي بنات
 
عطر: سالفة الفكة كبيرة.. إيش عارف عن أهلك؟ أنت اللي تكلمت و لا هو عرف؟ أوصفي علاقتكم من بالبداية بحلوها و مرها.. هل هو كخطيب نادر.. يعني ما يتكرر.. و لا ممكن يجيك واحد نفس وضعه؟ أنت وافقت عليه عشان تهربين من بيت أهلك.. و لا عشانه فرصة حلوة

عشان نقدر نشور عليك
 
عطر حبيبتي فكري زين كلامك كبير ...

مثل ماقالت توته اوصفي علاقتكم من البدايه بحلوها وبمرها يمكن نقدر نشاعدك بشي ...!!!

--------

والله انا مدري ايش اقولكم غبت عنكم فتره .. مزاجي ضايق شوي من هالشمالي تعبني جداً

انا من طبعي ماازعل بسرعه والتمس العذر 100 مره و ارضى بسرعه وبأقل كلمه

هو عكسي ..

بقولكم موقف حصل البارح وللحين الاخ مطنشني بسببه !!!

كان يكلمني العصر وعادي والمزاج من احسن مايكون ...

بعدين قالي انتي روحي شوفي شغلك وانا بروح اشوف شغلي

بعد كذا جاتني بنت جارتنا وجالسين انا وياها بالغرفه نسولف

الا وهو يتصل على جوالي رديت هلا والله ..

قال هلا فيك ... انتي خرجتي ؟ قلت لا بالبيت عندي فلانه ..

قال لي ساعه ادق ويعطيني الجهاز مقفول ... قلت والله انا ماغيرت مكان جوالي من اخر مره كلمتك فيها ... بس انت عارف الشبكه عندنا كيف شويه كويسه وشويه مافي ...

قال طيب والشريحه الثانيه مع مين ؟؟؟

(( طبعا الشريحه الثانيه هي بالاصل له جابها لي بعد مارجع من سفرته قالي اوفر لنا .. بس ماكان عندي جهاز ثاني ... واول امس بالليل اخوي رجع لي جهازي القديم وحطيتها فيه ولاغيرت وضعه ع الصامت لانه مايدري اني حطيت الشريحه فماراح يتصل وغير كذا كنت ناويه اشحنها ويصير اكلمه وارسل له منها يعني مفاجأه ))

المهم

قلت له موجوده عندي ... في الجوال ..!!

قال طيب ليش ماتردي عليها .. بصراحه يابنات انا ماتوقعته يتصل لانه لي اكثر من شهر هو عارف اني مااستخدمها ونسيت اني اصلا حطيتها بعدين بالجهاز الثاني ..

فقلت له والله ماسمعت الجوال وجالسين انا وفلانه ماسمعنا شي غير يوم دقيت توك رديت عليك ..

قال طيب انا رايح انام <-- قبل المغرب

قلت بدري تنام الحين !! قال ايوه وطبعا بنبرة زعل ..

قلت طيب متى بتصحى ؟ قال وقت مااصحى بعطيك خبرررررر يالله سلام !!!

قلت طيب براحتك فمان الكريم ...

-------
والى الان ماكلمني مررررررررره ..............!!!!

وانا خارجه البارح ارسلت له رساله توني خرجت كالعاده اعطيه خبر اني خرجت يعني عشان لايسوي لي سالفه ..

والفجر اتصلت عليه عشان اصحيه للصلاه برضه مارد وعذرته قلت اكيد نايم ...!!

الحين وش اسوي ؟؟

تعبني هالشمالي على زعله التافه مدري اقوله انت ليش زعلت والا اطنش اسوي نفسي ماادري انه زعل ؟؟

-------

غير كذا هو عودني اني اذا صحيت اعطيه خبر من باب انه عشان اكلمك اذا صحيتي ..

اليوم ماعطيته خبر ...

وش رايكم اعطيه خبر والا لا ؟؟ يعني حتى لو برسالة كول مي هو يفهم اني صحيت ..

مدري مدري مدري وش اتصرف والله مره تعبني :sad_1:​
 
أمل الغد الجميل

برأيي أنك خلاص ماترسلين له .. لأنه خلاص عملتي اللي عليك وأكثر

يعني ماله داعي تلاحقينه .. هو متى مايحس بأنه مو متضايقك منك راح يتصل

أنا بعد صارت مشكله مع خطيبي .. بس أنا أقوووووى

أنا سافرت من منطقتنا إلى منطقه ثانيه بالقطار وهو مايرضى أسافر من دون محرم

المهم أني رحت .. وصار له يومين زعلان مني ومايكلمني

أنا دقيت عليه مره وحده ومارد فأرسلت له مسج .. مضمونه : أني أعتذرت لك وأنا مش غلطانه عشان

تزعل مني ويحصل بينا هالجفاف .. ومارد علي ولا أتصل

فأنا بحكم أنه شمالي قلت أخليه متى ماأرتاح يكلمني

فماأدري برأيكم : كيف أصحح الموضوع إذا كلمني ..

لأنه زعلانه هالمره زعله قووووويه مره ​
 
غاليتي اجمل غرام ..

مشكلتي اخاف يقولي بعدين ليش ماقلتي لي انك صحيتي كالعاده

اخاف يرجعها علي .. يقولي كنت انتظر خبر انك صحيتي بس شكلك ماتبغيني اكلمك ....!!

يسويها لانه سواها قبل كذا ..!!

هو مو ملاحقه .. بس من باب اننا متفقين اذا صحيت اعطيه خبر عشان يتصل ... وانا مدري احسسه اني عارفه انه زعلان والا اطنش وامشي الوضع عادي بحكم ان الموضوع اتفه من التافه عشان يزعل عليه ؟؟؟

وبنفس الوقت افكر اني اطنش مره وانا رايحه جده العصر فـ في بالي اني ارسل له مسج وانا رايحه اكتب له فيه [ معقوله لين الحين نايم ماصحيت من امس ؟؟ ع العموم انا رايحه جده الحين فمان الله ]

وش رايكم ؟؟

لأنه لما كلمني اخر مره قالي اذا صحيت بعطيك خبر
--------

عزيزتي اجمل غرام

بصراحه انتي غلطتي ... وترسلين له اعتذار وتقولين فيه انا ماغلط ...!!!!!!

طالما قال لك لاتسافرين بدون محرم وش له سافرتي بدون محرم وماتبغينه يزعل ..!!

راضيه برساله حلوه واعتذار مو مباشر واتركيه لين هو يتصل عليك ..

والله ييسر امرك يارب ​
 
أمل الغد:

هذا الشمالي بعينه.. زعوول مره.. الحل سوي زي أول.. ارسلي له الرساله انك صاحية.. و تصرفي زى قبل ما تتطاقون باختلاف انك ما تكلمينه أو ترسلين له رسايل غرام عشان ما يعتقد انك تعتذرين.. و عيشي جياتك عادي لين يرجع يدق من نفسه.. لا تعتذرين أبد و لا تبررين أبد خلال هالمدة.. بيتغلى زيادة.. بعد ما يرجع.. لا تفتحين الموضوع الا اذا فتحه.. وقولي له بنبرة دلع أنك تضايقت منه أنه ما عطاك فرصة.. و أنك تزعل بسرعة.. بس حاولي تبعدين عن نبرة الاتهام.. و لو ما فتح الموضوع.. انسي السالفة.. لان هذي حركاته برضو.. يعصب و يرضي.. و يبي من يراضيه.. و لو ما راضيتيه و عرف انه غلطان ما يفتح الموضوع الا بعدييين و بشكل غير مباشر..

أجمل غرام:

تبين الصراحة، أنت غلطانة = )
المفروض وحدة من الثنتين: ما تقولين له أنك بتروحين.. يعني ما تشاورينه.. و بكذا تكونين ما تعرفين أصلا أنه ما يحبك تروحين بدون محرم..و بعد ما يدري انك رايحة بدون محرم.. تعتذرين و تقولين انك ما تدرين و مب مكررتها..
الثانية.. أنك حاولت تقنيعينه بشتى الطرق.. بس بعيد عن الحن و الزن.. يعني تدلعين عليه و أنت تطلبين.. و إذا ما وافق ما تخالفين شوره...

الحل الآن: أرسلي له رسالة اعتذار حقيقية.. خالية من التربريرات.. يعني اعتراف أنك غلطانة و ما تعيدينها مره ثانية.. و طبعا مب راد عليك.. و بيسفهك (بزعمه بيأدبك).. بس برضو اسكتي و لا تتصلين عليه و تحاولين تراضينه.. لان بيكبر راسه و بيتغلى.. خليه.. شوي و يروق و يرجع لك..
توقعي تجيك كم كلمة منه = )
 
الاموره الغاليه توته

الله يعطيك العافيه فعلاً ارسلت الرساله ماكملت دقيقتين الا وهو يتصل =)

صحيح كلمني ببرود مو كالعاده .. لكن اتوقع انه اتصل لانه فهم غلطته ..

جزاك الله كل خير يارب

بس من جد اكره حركات الزعل اللي على اي شي الله يعنني على شماليته ويعينكم يارب

..........

اجمل غرام

لازم ترسلين رسالة الاعتذار ... وبعدها اتركيه لين يطيح اللي براسه ويكلمك ..

الله يسهل امرك يارب
​
 
الحالة
مغلق و غير مفتوح للمزيد من الردود.
عودة
أعلى أسفل