خطوبتي قربت اوافق ولا لا :(

[لحظة شوق]

السلام عليكم ورحمة الله وبركاتة

بختصر السالفة وبقولكم انا اصغر وحدة في خواتي يعني دلوعة امي وابوي :blush-anim-cl:

من كم يوم تقدم لي شخص اصغر مني ب5 سنوات :icon1366::icon1366:

واهلي موافقين علية ....:icon1366: لانة لة منصب حلو وابوة بعد لة منصب كبير ....

انا ماااابية احس صغييير وااايد:surrender: مااهمني منصبة ولا من منة ؟؟ ...الحين

خواتة كل يوم يتناقشون مع خواتي الكبار ويبون يحددون موعد الملكة :dunno:

قلت لهم مااابي مب لازم اتزوج ... والله تعبت ماعاد عرفت اناام ..تخيلوا للحين

مانمت من امس:surrender:..اقولهم انا مابي واهم يقولون اهو يبيج ومتلعق فيج ومصر

ماياخذ الاانتي :surrender: مدري صج ولا يبون يقنعوني فية .. انا استخرت عدتة مراات بس

للحين احس ماااابية .... المشكلة انا احااتي نظرة الناس لي شنو بيقولون ؟؟

بيقولون اصغر وحدة المفروض يدلعونها مب يجبرونها .....ياااربي


انا تعبت وزني كل مالة ينقص..ودوام الجامعة قرب .. بعد الجامعة مايبي لها كلاااااام بروحها هم


حتى العيد الكل يقول لي اشفيج متغير شكلج ؟؟ اللي اتقول انتي مريضة .... الخ

تكفون جاوبوني اوافق ولا لا ؟؟

 

[لحظة شوق]

نسيت شي انة مطلق مرة وخاطب 4 مرات وكل ماخطب انفسخت الخطوبة

سالت اللي تزوجها وقالت مافية شي بس انا مب مرتاحة معاة:surrender:

واتقول اهي اللي قالت لة نبي نفصل لان مايصلحون حق بعض :no::no: ماااعرف

 

[شموخ المدينه]

والله اذا كان رجال واخلاق ودين مافيها شي لكن المشكله انتي بعدين راح تحسسين من موضوع العمر كثير
ويمكن حتى هو يقوم يعايرك في بعضهم والله عادي اكبر منه هي وبعضهم لا بس احس انك اكبر منه بكثير والله يكتب لك الخير وين ماكان

 

[وشحيلتي]

أولآ زين أنك أستخرتك وإنشاءالله ربي بيختارلك الخيره الصالحه بس أستمري بالإستخاره لاتبردين...........وربي يسهلها عليك..
ثانيآ إذا كنت بالجامعه بيكون مره صغير يعني هو بالثانويه معقوله مدري أحس أنه مراهق هذي حياة موتجربه ..
والمشكله مو مسألة عمر.......الله يدبرلك الصالح ويوفقك .........

 

[لحظة شوق]

والله اذا كان رجال واخلاق ودين مافيها شي لكن المشكله انتي بعدين راح تحسسين من موضوع العمر كثير
ويمكن حتى هو يقوم يعايرك في بعضهم والله عادي اكبر منه هي وبعضهم لا بس احس انك اكبر منه بكثير والله يكتب لك الخير وين ماكان

مشكورة اختي الغالية على الرد.. هذة مشلكتي اخاااف يعريني بالعمر .. انا لي صديقة مقرربة مني

تقول اذا تزاعلت مع زوجي .. تدخلت امة وقالت اني اكبر منة رجعي لة لانة صغير ولو بتخلينة

بيتزوج غيرج :icon1366::icon1366: وربي قهرررر

 

[وشحيلتي]

سألتوا عنه طيب ماسبب فسخ الخطبه وليش يرفض من قبل 4 خطبات....
ياقلبي لاتعبين روحك إذا أنت مو مرتاحه ترا مو غصب الزواج أنت مخيره ولست مسيره..

 

[شموخ المدينه]

والله ياقلبي ابعد عن الشر وغنيله دامه مطلقو خاطب كذا مره وقلبك واجعك من الموضوع
نسيت اقولك وحده تزوجت اكبر منها بسنتين كان عمرها 20 وهو 18 تقول انه عاش مراهقتها معاه طفشها مكالمات وغيره لان اهله كانوا جدا شديدين عليه
لكن صبرت وش تسوي ولازال قبل سنوات له تصرفات طايشه

 

[miss classic]

إنتي بالجآمعة .. وهو أصغر منك ب5 سنوآت ..!

ومتزوج ومطلق ؟؟

وخآطب 4 مرآت ..؟!!

بالله كم عمره هو ..!!!!!!!!!!

 

[لحظة شوق]

أولآ زين أنك أستخرتك وإنشاءالله ربي بيختارلك الخيره الصالحه بس أستمري بالإستخاره لاتبردين...........وربي يسهلها عليك..
ثانيآ إذا كنت بالجامعه بيكون مره صغير يعني هو بالثانويه معقوله مدري أحس أنه مراهق هذي حياة موتجربه ..
والمشكله مو مسألة عمر.......الله يدبرلك الصالح ويوفقك .........

انا متاخرة شوي في الجامعة درست وطلعت ورديت لها عقب 3 سنوات

وهوا مب مراهق قولي متخرج من الثانوية تقريبا 2006 ..المشكلة مب على الدراسة

المشكلة على العمر .. لان انا متاخرة كم سنة واهو ماعرف كم بالظبط ...

 

[لحظة شوق]

إنتي بالجآمعة .. وهو أصغر منك ب5 سنوآت ..!

ومتزوج ومطلق ؟؟

وخآطب 4 مرآت ..؟!!

بالله كم عمره هو ..!!!!!!!!!!

انا ذكرت قبل شوي ان انا متاخرة شوي في الجامعة درست وطلعت ورديت لها عقب 3 سنوات



اهو اكبر واحد في الاولاد وامة تبي اتزوجة بسرعة تخطب لة هذة وتفسخ ويخطب الثانية والثالثة

وجذي .... وهذة اللي مخوفني لو كلمني اوشافني اكيد عاادي بيقول ماابيها مثل غيري صح ولا لا :tears::tears:

واللي تزوجها ماتم عندها الا تقريبا اسبوعين او يمكن اقل :sad_1:

 

[لحظة شوق]

سألتوا عنه طيب ماسبب فسخ الخطبه وليش يرفض من قبل 4 خطبات....
ياقلبي لاتعبين روحك إذا أنت مو مرتاحه ترا مو غصب الزواج أنت مخيره ولست مسيره..

المشكلة خواتي مستاانسن على خواتة .. ولانهم صديقاتهم من زمااان والسبب فسخ الخطوبة

ماااعرف البنات بس عرفت اللي تزوجها وكلمتها شخصيا اما الباقي قلت خطوبة مب ملكة

بسال ابوي بقولة صج ليش 4 ارفضوة اكيد في شي بس احنا مانعرف

 

[أم ذياب89]

الغاليه العمر هب مهم صدقيني اهم شي الاخلاق


انا اعرف ناس المعرس كان اصغر من العروس 6 سنوات



بعمره مافكر يعايرها بالعمر بالعكس كان يحبها يموت فيها بعد



الغاليه انتي فكري يأخلاقه قبل عمره



اهم شي الاخلاق هب المنصب والفلوس

صلي استخاره اكثر من مره جوفي عمرج


اذا ارتحتي وافقي ولاتفكرين بعمره


فكري بأخلاقه بس


الله يوفقج ان شاء الله


السموحه منج

 

[لحظة شوق]

الغاليه العمر هب مهم صدقيني اهم شي الاخلاق


انا اعرف ناس المعرس كان اصغر من العروس 6 سنوات



بعمره مافكر يعايرها بالعمر بالعكس كان يحبها يموت فيها بعد



الغاليه انتي فكري يأخلاقه قبل عمره



اهم شي الاخلاق هب المنصب والفلوس

صلي استخاره اكثر من مره جوفي عمرج


اذا ارتحتي وافقي ولاتفكرين بعمره


فكري بأخلاقه بس


الله يوفقج ان شاء الله


السموحه منج

تسلمين حيااتي على الرد والله يخلي لج ابو عيالج ويبعد الحساد عنكم ..

المشكلة انا ماعرفة عدل بس اعرف اخواتة من خلال زيارتهم لاخواتي

صج والله العمر هب مهم ولا منصب اهم شي الاخلاق بس انا ماافكر

الا في العمر ونظرة الناس !!! ساعات اقول خلي ا يتكلمون ويقولون اللي يقولونة

وساعات اقول لا اخاف يعيرني ويطلقني !!!:sadwalk:خاصة ان امة مدلعتة لانها شبة

منفصلة عن زوجها وماعندها الا 4 بنات وثلاث اولاد وهو اكبرالاولاد ... واحس مدلعتهم

وماتبي اتحسسهم ان ماعندهم ابو ..كللللل شي متوفر سيارات طلبية خاصة وبانشيات

وهـــــــــــــــــــذا ذابحني مب محدد على احد والدنيا فري عندة ...

 

[جلجامش]

دامج استخرتي ومارتاحيتي....فماله داعي..وموضوع العمر مهم ..لازم في تقارب فالمرحلة العمريه..ودامه مدلل بعد معناها عطيه اصغر من عمره الحالي..مومضطره اصلا تحطين نفسج فهالموقف..شكلج فنص العشرينات وهذا عمر صغير..موقف مثل هذا ممكن تضطريله لما انتي فنص الثلاثينات..كلمي ابوج وقوليله استخرت وقلبي مو مرتاح..ومومرتاحه لفكرة طلاقه وخطوباته كلها الي مانجحت...كلميه بالعقل

 

[همسة حزينة]

لاخاب من استخار ولاندم من استشار

 

[خواطر5]

عليج بالاستخاررره اكثر من مره اختي وبالفعل ما اخاب من اسستخار انا اعرف وحده تقربلي تزوجت واحد اصغر منها بخمس سنوات والحين هي مستانسه وياه بس مب كل الناس مثل بعض
الله يووووفقج ويسعدج عزيزتي

 

[جدااويه]

نصيحه مني لاتوافقين ترى شي صعب انك اكبر منه بخمس سنوات ولو هو عادي اهله والمجتمع مو عادي عندهم وراح ياثرون عليه صدقيني .. والله يوفقك

لاتخلي احد يجبرك على شي ماتبغيه دا زواج مو لععععععععععععب .. ولقب مطلقه صعب ..الله يسهل امرك

 

[خواطر5]

نسيت اقولج اختي اذا كان اهلج موافقين بس عشان منصبه ومنصب ابووه فلا توافقين ابدا عمره المنصب ما كان سبب في سعادة الحياه الزوجيه انا اختي ياها واحد منصبه كبير واهلي كانو موافقين بس اهي استخارت وما ارتاحت ورفضته وياها الي احسن منه

 

[لجيّن]

دامج استخرتي ومارتاحيتي....فماله داعي..وموضوع العمر مهم ..لازم في تقارب فالمرحلة العمريه..ودامه مدلل بعد معناها عطيه اصغر من عمره الحالي..مومضطره اصلا تحطين نفسج فهالموقف..شكلج فنص العشرينات وهذا عمر صغير..موقف مثل هذا ممكن تضطريله لما انتي فنص الثلاثينات..كلمي ابوج وقوليله استخرت وقلبي مو مرتاح..ومومرتاحه لفكرة طلاقه وخطوباته كلها الي مانجحت...كلميه بالعقل

كلامك اختى تمام 100% وانا اؤيدك

بصراحة الوضع غير مريح

ربنا يوفقك لما يحب ويرضى عزيزتى

 

[هواجسهـ]

لا تواافقين


اصغر منك بكثير

وانتي تدرسين لساا

ومطلق 4 مدري خاطب

وامه متسلطه من بدري




وفووووووووق هذا كله

استخرتي ولا ارتحتي





وش حاااااادك ؟؟






بعدين فيه نقطه تقولين انا دلوعه وصغيره واهلي مدلعيني

هذا كله مااله شغل بالزوااج

انا عن نفسي فوقي 2 وتحتي 5 بنات
ولما انخطبت كااني بنتهم الوحييده وتدقيق وتمحيص وتفحيص وتقبيص هههههه
هذا زوااااااااج وحيااااااااااااة


بجد بجد

لاتوافقين ولا عليك من احددددد




موفقه يااارب بالنصيب الافضل منه