خطتي لما بعد النفس ... نبغي نرجع عرايس يالله يآ حلوآت

[شباصه]

مرحبا بنات كيف الحال




شرايكم كل وحده تحط لنا خطتها بعد النفاس وجدولها كامل عشان كل وحده منا تفيد وتستفيد وتتشجع في نفس الوقت ..

طبعا انا بعد النفاس على طول ناويه ارجع عروس لاني الحمدلله حملت بعد زواجي بيوم يعني ما تهنيت صح خخخ الحمدلله كله عشان خاطر الي فبطني :>لا يزعل علي خخخخ



انشالله ناويه اقص قصه حلوه لشعري واصبغه اشقر
واسوي خلطات لجسمي واشيل حلاوه واشقر
بس للحين ما اعرف شو نوع الخلطات الي اسويها انشالله بنسفيد من بعض
وبتحنا حنا عرايس ايدين وريول
وبستخدم المشد الاندونيسي
وانشالله سويتلي رجيم يناسبني ومرتاحه فيه لان وزني زاااااااااايد وبشكل فظيييييييع حتا زوجي انصدم مني خخخ يالله انشالله تستفيدون منه وحاولت انه ما يأثر على الرضاعه وفيه كل المواد الي الجسم يحتاجها من بروتين وفيتامينات وكالسيوم وغيره ..:essen:




على الريق: شاي أخضر
بعد نصف ساعه
الافطار :عصير أنآ ناس+ كورنفليكس فتنس مع حليب مقشود
سنآك : حبة فواكه مع تجنب المنجا والموز والعنب
الغداء: شوربة دجاج+سلطة خيار باللبن+عصير أنآ ناس
عصرونيه: شاي وشابوره
العشاء شوربة خضار"ماي كب" من مآجب
قبل النوم حليب مقشود

العشاء يكون عند الساعه:7 مساء
ورياضة المشي في الساعه 8 مساء


وحاولي كل وجباتج تكون مع العايله عشان ما تحسين بنقص وتتشجعين اكثر ...

اممم وانشالله اذا في اشياء ثانيه ما ببخل عليكم بفيدكم بعد



يالله خلونا نخطط من الحين عشان نكون متحمسييييييييييييييييين لما بعد النفاس:shiny:

 

[شباصه]

أب أب

 

[قطريه حبوبه]

:sadwalk:نصيحتي لج ياوخيتي انج تتجنبن الخيار تمامآوقت النفاس وماتجوعين نفسج حيل خلال هالفتره لأن هالشي راح يأثر عليج وايد وسألي مجرب لانه بعدج يديده ماتعرفين شي وواجبي انصحج ياعلجماتشوفين الشر:icon26:

 

[هند بنت عتبة]

حبيبتي الرجيم في فترة النفاس جدا خطر

بس انا ناوية اني كل اشياء مشوية وما اجوع نفسي وامتنع عن الخبز والرز بتاتا وصدقيني عن تجربه بتنزلين

واهم شي الدويات واللهومات لتنظيف الرحم

وبخصوص الخلطات انا جهزتلي خلطات لتفتيح المناطق الغامقة و شريتلي مشد مع سيت من كريمات السلولايت قبل لبس المشد واهم شي محاولة طول ماتكوني جالسة تشدين بطنك لداخل ومملرسة تمارين كيجل لتضويق المنطقة وغسول المرة ممتاز لتنظيف وشد المنطقة

وقبل لا اخلص الاربعين ببدأ اقص شعري و احني يدي ورجلي وميك اب وغيره

ونسيت شي بعد بشتريلي ملابس لخروجي من الاربعين

وان شاء الله تكونون استفدتوا مني

 

[زوجة اعز الناس]

لايالغاليه ابتعدي عن الريجيم والجوع في النفاس والله يخررربك كلي اكل صحي ومتوازن ابتعدي عن الارز والخيار والبطيخ والغازيات والبارد كله واهتمي بنفسك حتى ترجعي من جد عروس

 

[زوجة اعز الناس]

كلام الاخت هند روووعه التزمي فيه بس لاتخربي عمرك بالريجيم

 

[جورية 99]

اهلا اختي بالنسبة للاكل راح يكون.... فته + ترمس حليب بالحلبة +فطور متأخر عادي جبنه او بيض
الغداء ..ايدمات مع عيش بر...او قرصان او جريش شيء حار ولا فية نشويات العصر ...قهوة قشر مع معمول ...العشاء..شيء خفيف اذا امكن مع حليب....ولالا للحلى ...ما راح اتكلف بالاكل بس ما راح اجوع نفسي ابدا ان شاء الله واذا خايفة من السمنه كلي ..بس عبي لك طبق مو مليان خلية الكمية دائما وسط...
بالنسبة ... للوك ...راح احاول اغير بس شيء بسيط مثلا خلفية بنيه على خصل افتح...زي صبغات نانسي رايقة ومثيرة ...بس عسى الشعر يساعد خخخخ وطبعا تشقير عند بودي شوب مرة عاجبني)
الاهتمام بالبشرة لاتضحكون عليه ...راح افصل لي سروااال يكون من النايلون...واذا عجبني وصار تمام راح ازيد بلوزة ...هذا ياطويلات العمر ...للحالات المستعصية (انتي اول حمل ماأظن انك اتعدمتي لسة بدري) لكن الي اكل عليهم الدهر وشرب..لازم تجهيزات امنيه مشددة...ولا بتصير علوووم خخخخ
المهم هذا النايلون فايدته لحفظ الزيوت الي نحطها على الجسم لااطول مدة ممكنه..ويتشربها الجسم ولا تعدم الملابس...ويتلبس تحت الملابس..وطبعا بعد التنقيع يوم كامل يتم الفرك باليفة المغربية وشوفي العجب..واتوقع اني راح اجلس في موية دافية وخل التفاح بعد الاسبوع الثاني ان شاء الله

يارب نولد ونقوم بالسلامة يارب

 

[شباصه]

انا قلت لكم بعد النفاس مو بالنفاس الله يهديييكم >خرعتوووووووووني

بعد النفاس ما يضر

 

[وردة عموري]

انا بصراحه مالي خلق للخلطات واهم حاجه العنايه بصحتي من ناحية الخياطه والبطن

 

[؛%النادره%؛]

آآآآآآآآآآآآآآآآه بس نولد بالسلامه ان شالله لكل حادث حديث

 

[الصاامته]

آآآآآآآآآآآآآآآآه بس نولد بالسلامه ان شالله لكل حادث حديث

اي والله اهم شي نوولد بسلاامه وبعديين يجي كل شي

 

[زهرة حزن]

الله يسهل إنشاء الله ونولد بالسلامة واهم شي ربط البطن وتخفيف في الاكل والمشي ربع ساعة على الاقل والتغطيس في المر وبعد الاربعين يبدأ الحمام المغربي والقص والميك آب .