خسرت نفسي وفي الطريق الان اخسر زوجي!

_


جزاكم الله خير ، حبيت ارد بتوضيحات وامور حصلت جديده
من ناحية اشتغل ع نفسي واترك النكد وردود الاخوات لي اسبوعين
كاتمه ع قلبي وماسكه اعصابي ومريحته مثل مايحب او بوضوح
صارت اجوائنا عسل في عسل ورايقه ومنشغله بنفسي
لما جلست ليله وحددت نقاط ابي اتناقش معاه فيها
واخترت الوقت اللي اعرف انه مروق ، وطلبته نتناقش تعرفون وش قال ?
قال الحمدلله مابيننا مشاكل ولنا فتره مرتاحين !!!!
قلت له مرتاحين لانك عايش وانا ماسكه نفسي واكتمها بقلبي وعايشه بحاله مايعلمها الا الله لكن لازم اتفاهم معك ونطلع بنتيجه ، يعني ماهمه ابدددددددد ومبسوط اني صابره عليه ةع كل غثاه ،،، وبديت اطرح نقاطي
بكل ثقه وحماس بديت اناقشه ومشكلته يقلب الموضوع ويدخلنا بمواضيع ثانيه المهم اجلنا النقاش بطلب منه وانو يبغى يطلع
وراح نتناقش بهالمواضيع بوقت ثاني مثل ماقال
لكن الصدمة انه فتح لي هو موضوع الزواج !
وقال انا ماهمني احد وقلت لامي وابوي بتزوج وهاوشوه طبعا !
وانا اشوف الوحده لو تزوج عليها زوجها وزعلت وراحت لاهلها هذي تطيح من عيني وخلاص اللي يبيع ابيعه !!!!@
قلت له مثلا تبغاه ترقص قال لا لكن المؤمنة تصبر وتحتسب وكلام
ماله داعي بس ماحبيت اناقشه بالحيل عشان.ماتوصل السالفه عناد



من ناحية اللي تقول اني هم الزواج ع بالي لا والله ولاعمري
جبت له طاري اول زمان اعصب وكم كره فتح الموضوع قلت له يلا الله يقويك وابشر انا ادور لك وازوجك بس قبل تعقد ارسل لي ورقة طلاقي الله لايهينك وكم مره اقوله لا تفكر يصير عندك شي اسمه زوجة ثانية لاني راح اكون لك ماضي وتزوج اربع بعد
يعني ردودي متذبدب اوقات اسكت واطنشه واغير الموضوع
يعني مالي رد واحد
بس صدمني هالمره وواضح انه مخطط لشي وبينفذه ...
 
_




اليوم ارسلت رساله واتس لزوجي اصبح عليه
عشان اذا صحى يلاقيها
وغلطت في كلمة وفتحت جهازه بحذفها والاقي اخر محادثة
له بينه وبين صديق له
دااااايم هالصديق يدخل بافكار زوجي واذا زاره ينقلب مزاج زوجي
ويحمسه للزواج

الكلام بينهم الغاز بس واضح جدا
كان زوجي يساله وقال انت مستخير وصامل ?
وقال لزوجي بكلم ابوي الليلة وارد لك
يعني كاني فهمت انه عارض اخته ولا ليش يكلم ابوه !!!
وبينهم موعد بالبيت بكرا بعد العصر
ويقول صديقه نضرب الحديد وهو حامي !!!!
قهر يابنات قهر
جلست اصلي وابكي وادعي ربي
ودعيت ع خويه من قهري الله يشغله بنفسه يجي يدخل براسه يتزوج وبالاخير يعرض اخته وكان الحركه مقصودة
الله يبتليه بنفسه ويبعده عن زوجي ويكره زوجي قربهم ويغسل هم الزواج من قلب زوجي ويريح بالي


ما اعرف كيف اتصرف وندمت اني هالايام مافاتحت اهلي بهمي اللي عايشته
كيف ارد زوجي يابنات قبل يروح
تعبت منه حسبي الله ونعم الوكيل حسبي الله ونعم الوكيل ...
كنت انتظر اخوي الكبير بكلمه بس كل هالاسبوع كان مشغول وسافر هالويكند




حسبي الله على من كان السبب حسبي الله ونعم الوكيل
:(
 
الله يعينك ياعزيزتي وضعك احزنني ..
بقولك شي يمكن ماتستوعبينه زيمكن يزعلك ولكن اذا دخلتي هالفكرة براسك وتقبلنيها بترتاحين شوي وتتعدل نفسيتك وتقدري تركزي على حقوقك ..

اللي واقف بطريقك هو قرار زوجك بالزواج.. من راي انك تتقبلي هالفكره لانه مهما زعلنا وبكينا وعضبنا هالشي يظل حق له ومو اول ولا اخر رجل يتزوج.. لاتفكري تتطلقي عشان هالسبب ..فكري بجديه بوضعك بعد ماتتطلقي بييت اهلك وباطفالك هل بيجلسون معك او مع ابوهم.. او هل تتوقعي ان طلاقك بيخلي زوجك يعض اصابع الندم على خسارتك..!!
او في احسن الحالات راضاك ورجعتي لبيتك والثانيه على ذمته ولسان حاله يقول هذي هي رضت..
من ناحيه كرامه وماكرامه اشوف افضل تجلسين ببيتك وتقولين له تزوج ماراح اعارضك بس تحطين له كل الاشياء اللي حرمك منها ويعوضك ومايقصر معك بشي ابببدا .. واذا قصر فهناك قضاء تاخذين حقك منه .. زي ماله حق يتزوج انتي لك حقوق وابسطها بطنك وبطن عيالك وصرفيته عليكم

اقول فقط تقبلي القكره ومهما صااار لاعاد تفتحي جوال زوجك لانه هالشي ينكد عليك ويشحنك بالسلبيه..

ثاني شي حقوووقك ثم حقووقك ثم حقوووقك ..
تدرين متى راح تنقهرين.. اذا تزوج وكانت الثانيه قويه وقدرت تاخذ منه كل اللي حرممك منه .. !!!!
والله ياختي من ناحيه اهمال البيت من الزوج اغلبنا يعاني تدرين اني اغسل الملابس بيدي لان غسالتي خربانه وزوجي كل ماقلت له يماطل.. واقول يمكن يشفق علي وانا اغسل بيدي فهالبرد ولكن الرجال والله لو شافك تموتين ماراح يسوي شي اذا ماتكلمتي.. طبعا اكيد يماطل والا يرفض رفض صريح ولكن اذا وصل الضرر لازم حد يتدخل يعني حرام عيالك يجوعون وربي وحده اعرفها متزوجه وعندها انيميا وتقول لنا عن معاناتها مع هالمرض وتقول السبب ان ابوهم مايصرف عليهم وماكانت تاكل الخضار والفواكه وماتلاقيها والله يشفيها الحمل والولادة تعب عليها كثييير ..

يعني حرام اذا ماخفتي على حالك خافي على عيالك من الامراض وهم في سن نمو يحتاجون تغذيه سليمه ..


ومهما ومهما تذمر الرجال من طلباتك مرده بينفذها اذا شافك مصممه وصامده.. هم يطفشونا عشان نسكت ولانطلب..
لكن انتي لاتسكتين عن حقك.. ومن هاللحظه اطلبي بقوة .. ولما تطلبي حطي في نيتك ان طلبك راح يتنفذ يعني راح يتنفذ لان لما نطلب شي وداخلنا نحس بسلبيه ينتقل هالاحساس للشريك .. بس لما تطلبي بقوة وجديه بيحس بجديتك ..


ويمكن اذا شافك تاخذين حقك بدون خوف او تردد يهون على فكرة الزواج على باله كل الحريم زيك صرفيتهم خفيفه ولاحظي انه يفكر كمان بالثالثه والرابعه عجبه الوضع معاك

الله يكون بعونك يااااااارب
 
أسأل الله يدخل الراحة الى قلبك ..
وترا بسبب تهاونك وعدم طلبك خلاة يتمادى
ويبحث عن الزواج ... اطلبي كل اغراضك و لا تستخسرين في نفسك
شي .... كلمي ابوك او اخوك يوقفة عند حدة من ناحية الطلبات و حقوقك كزوجة

واخير الزمي الدعاء و اذا تعبتي صلي وادعي ربي يسهل امرك
 
شكراً حبيباتي ، كلمت أهلي وانقهرت أمي ليه اسكت :(
قلت لهم كل التفاصيل ، والشكوى لله كان ما ودي تخطئ هالخطوة
بس بصراحة ماباليد حيله خلاص لانى ما أبغى اضايقهم
وأمي قالت لي انا وأبوك ملاحظين إهماله وأسلوبه معك مو مثل قبل
بس ساكتين مانبغى نتدخل :(
طبعا انا قلت لأمي ابوي كان مو موجود بتكلمه اليوم
وكان الحل ان ابوي يتواصل مع إخوة الكبير بمثابة ابوة هذا الأخ
رجل جدا ً متفهم وومثقف رجل بمعنى الكلمة ") ويقرر مع ابوي إيش
التصرف المناسب
أحس ارتحت شوي صحيح حاسه زوجي جالس يخطط من وراي
هو وصديقه وكان في وعد بينهم العصر أمس :(
الله يصرف قلبه عن هالامر وبرده لي رد جميل عاجل ، دعواتكم حبوبات ...
وكنت بسأل هل امثل ع زوجي واكتمها بقلبي ع سالفة انه بيخطب
وكيف اتصرف معه وش اسوي
ماني طايقته ابببببد ابددد جالسه اجامل واضغط ع نفسي
مو عارفه اتصرف معه بهالموقف
 
طمنينا عنك وعن امورك اذا صار شي جديد ..


الله يسخر لك زوجك و يردة لك ردا جميلا
 
لاإله إلا الله وحده لاشريك له له الملك وله الحمد وهو على كل شئ قدير . لاحول ولا قوة الا بالله العلي العظيم

أسأل الله ان يفرج همك يأختى
 
امين يارب الله يجزاكم خيير ..
ساعدوني يابنات ابي ارده عن الزواج بأي طريقه :(
لنا فترة وضعنا تمام واخوه تدخل بالموضوع ومازال شغال ع الموضوع
وفي نتائج الحمدلله ، لكن موضوع الزواج مستمر
وكل يوم قلبي اكتم جروحه وانا اشوفه او المح شي افهم منه انه
مازال ...
عطوني تجاربكم حلول اي شي
اطبقها معاه :(
 
لا حول ولا قوة إلا بالله ...
اعرفي منه اسباب رغبته بالزواج وايش اللي ناقصة

وادعي ربي ان يكفيك هذا الامر وقولي اللهم كفني شر زوجي و زواجة بما شئت
ادعي في السجود ..
 
((اللَّهُمَّ إِنِّي عَبْدُكَ، ابْنُ عَبْدِكَ، ابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُــــلِّ اسْمٍ هُوَ لَكَ، سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَداً مِنْ خَلْقِكَ، أَوِ اسْتَأْثَرْتَ بِهِ فِي عِلْمِ الغَيْبِ عِنْدَكَ، أَنْ تَجْعَلَ القُرْآنَ رَبِيعَ قَلْبِي، وَنُورَ صَدْرِي، وَجَلاَءَ حُزْنِي، وَذَهَابَ هَمِّي)). ((اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَالْجُبْنِ، وَضَلَعِ الدَّيْنِ وَغَلَبَةِ الرِّجَالِ)). ((اللَّهُمَّ لاَ سَهْلَ إِلاَّ مَا جَعَلْتَهُ سَهْلاً، وَأَنْتَ تَجْعَلُ الْحَزْنَ إِذَا شِئْتَ سَهْلاً)). اكتري من دعاء اخر الليل الله يفرج همك
 
حسبي الله على كل واحد يخبب زوج على زوجته الحين مااكان بباله الزواج الا لما نط عليه صاحبه بالواتس عاد تلقين صاحبه مستانس مع زوجته وحاطها فوق راسه
فيه ناس كذا تحب تخرب اعوذبالله من هالاشكال من جد عصبببت
 
ياحبيبتي انتي محرقه نفسك ليش !؟
اولا اصري انك تتوظفين في اي مكان وباي راتب
ثانيا من الان خذي مانع ولا يلعب عليك يسلب صحتك وهو كذااااااااب مو قصده العيال كذااااااااااب اقولها بفمي المليان
اهتمي بنفسك ودلعي عمرك وهو الله يعينه على الشقا ترى ماخذها لعب مو مستوعب وش معنى بيتين وعايلتين ومسؤوليتين بكرى بيشيب وبينهبل ههههههههههههههه قلعته الغبي قهرني تفلتت عليه ماعليك منه بس طنشيه وعيشي جوك
واطلبي مصروف منه شهري غصب عليه
 
احب مصر;(ممنوع كتابة أرقام الهواتف نهائياً) قال:
ياحبيبتي انتي محرقه نفسك ليش !؟
اولا اصري انك تتوظفين في اي مكان وباي راتب
ثانيا من الان خذي مانع ولا يلعب عليك يسلب صحتك وهو كذااااااااب مو قصده العيال كذااااااااااب اقولها بفمي المليان
اهتمي بنفسك ودلعي عمرك وهو الله يعينه على الشقا ترى ماخذها لعب مو مستوعب وش معنى بيتين وعايلتين ومسؤوليتين بكرى بيشيب وبينهبل ههههههههههههههه قلعته الغبي قهرني تفلتت عليه ماعليك منه بس طنشيه وعيشي جوك
واطلبي مصروف منه شهري غصب عليه
أنقر للتوسيع...

ياعيني على الناس الفهمانه

اهم شي صاحبة المشكلة تعيش جوها ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل