خسرت نفسي وفي الطريق الان اخسر زوجي!

ل

لهآ نغم !

New member
إنضم
2014/08/22
المشاركات
36
_





السلام عليكم .
حبيباتي ضاقت فيني وابحث عن حلول عسى ربي ان يفرج همي وهمكم وهموم المسلمين اجمعين .

متزوجه من اربع سنوات عندي طفل عمره سنتين وطفل عمره ست شهور ، رغبة من زوجي لم امنع الحمل منذو تزوجت وحتى هذه اللحظه ?
زوجي آخر ابناء اهله يعني اخر العنقود .. عاش حياته وطفولته بين ام مريض واب كبير واخ متسلط نوعا ما بمعنى اخر حياته كانت قاسية شوي ، عنيد منذو صغره ضاعت عليه سنوات بسبب عناده واسلوب اهله معه ضاع ورجع والتزم الحمدلله وبعد التزامه بسنه تزوجنا .. عمره 29 وعمري 27 ..
من تحليلي لشخصيته زوجي شمالي غربي والله اعلم
عشت معه سنتين من احلى ايام عمري
وكنت عايشه بجناح كامل خاص فينا عند اهله بعدها انتقلنا لبيت مستقل بسبب انه اصبح مؤذن مسجد
بعد ماسكنت بالبيت كان في استقلاليه تامه بحياتنا واختلاف عن حياتنا السابقة
اصبح زوجي مرتاح اكثر من ناحية اصدقائه ويعزم ووو ...
بعد ماسكنا بنفس الشهر حملت بولدي الثاني
وكان وحامي شديد يعني تعب نفسي فضيع ماتهنيت بهالبيت "(
لما كنت بالرابع وبيوم بعد ماتعشينا وجالسين وكالعادة زوجي معه جواله ومتحمس وجالسه عنده اقوله وش عندك وكذا قال سالفه ماتصلح تعرفينها ! وهو يتبسم ويكتب وعايش جو مع السواليف اللي بالجوال
بعد مانام عجزت اتحمل فتحت جواله لقيتهم يستهبلون بقروب عن الزواج وهو يستعرض انه يبي يتزوج ووو سكرت ولفت انتباهي محادثة واحد
فتحتها وشفت الرجال يعرض ع زوجي وحده مطلقه وعندها بنت وتبي الستر وكلام فاضي !
جلست يومين بهم مايعلمه إلا الله خصوصا زوجي مرحب بالفكره ومستفسر !!
انجنيت كتمتها بقلبي واذا طلع زوجي جلست اصيح لما ينفجر راسي اذكر بطني وجعني بالحيل لحظتها شعور الله لايذوقكم اياه
المهم عجزت اتحمل وفاتحته بالموضوع وانهرت عنده السالفه تقفلت وانتهت بطريقه ما !
والله وقتها دعيت ع صديقه هذا ان الله يشغله بنفسه وبعد فتره بسيطه دخل السجن !!!!
سالفة الزواج تقريبا بلسانه بعد هالموقف صارت بلسانه كثير لدرجة كل يوم !
لما صرت بالتاسع وتعباننه جدا وتعرفون شعور وحده ثقيله وقدامها ولاده
ووالله راضيه وادور رضى زوجي لما ما منعت وحملت وولدي صغير

المهم جالسه ارسلي صور ولدي من جوال زوجي
وبسكر الواتس ويرسل زميل له كلام شدني
دخلت لقيت كلام يجيب الهم ومن وساعت الوجه
يقول تعرف الاولى بتصير نفاس ووو !
المهم نفس الشي يذكر له بنت ابوها شايب ووو
انا جتني صدمه عنيفه
ووقتها كان وقت النوم دخلت دورة المياه وجلست ابكي مصدومة ،لهدرجة انا بهم وحامل وهو يفكر كذا
واتخيل اني نفاس ويروح يتزوج واتخيل شكلي بعد النفاس مطلقه لاني مستحيييييييل اجلس ع ذمته
المهم هديت نفسي وطلعت والمشكله ماقدرت اكتمها نفسيتي تعبانه وزاد همي هم وكلمته بنفس اللحظه مصدومة منهاره بكيت عنده
وجلس يقسم لي ان ماشفت منك شي يخليني اتزوج والزواج الله شرعه ووووو كلام دار بيننا ليته اخذ بخاطري وقال كلمتين تهدي نفسي للاسف لا يحاول يقنعني ان ماصار شي بس انتي ليش تزعلين من الزواج ووو
جلست يومين مقهوره واكتم وهمي هم وادعي ربي واصييييح
بعد يومين كان في حفل تخرج لاختي عجزت اروح لما قمت بتجهز عجزت وهو عندي جلست عنده وحصنته وبكيت بكاء يمكن نص ساعه وجلس يهاوشني
بس مالقيت منه اي كلمه اي شي يدل انه راح يبعد عن هالموضوع وسالته كم مره ويحلف مافي شي منك يخليني ادور الزواج بالعكس احبك وغاليه وكلام بايخ ولما مرا حجرت له بكلامي قال اني ابي عيال !
متخيلين الوقاحه ! كرشتي قدامي ويقول ابي عيال !
كانه عطاني كف بلعتها وهديت نفسي وقلت له وانا ماجبت عيال !وهالكرشه وشي?
قال انتي مزعجتني بتمنعين بعد الولاده وانا ما ابغى فقلت اخليك براحتك واتزوج !
وقتها كرهته كره وكاني بس متزوجني عشان احمل واجمع بزران !
قلت اذا صادق وهذا السبب الحين انا اقول اشتريك واشتري راحتي عشان عيالي ماراح امنع ولا شي ، (كان همي ليه نخرب عيشتنا كذا ) واقوله ليه عايشين مبسوطين وماشيه امورنا ،ع فكرة ماديا حالتنا زفت لانه شخص مزاجي ويصرف فلوسه ولايفكر اويخطط المهم اكمل لكم السالفه
هديت وتطمنت وتسكرت السالفه
ولدت الحمدلله وصار يزورني وانا بهم وغم مع نفسية الولاده ووو رجعت لي الضيقه واتخيل وشي يجيب الهم
عجزت اسكت واسلي نفسي ماقدرت توني والدة وتدمرت بسببه .. مره كان عندي وحضنته لما جا يطلع وعجزت اكتم جلست اصيح بالحيل
بحضنه واعطيه كلمات متقطعه ابغاه يفهم اني قلقانه المهم فهم وقال للحين تفكرين انا غضيت النظر وووو
طبعا فاتحته بالموضوع ومن بكرا جاني ونسى جواله ومستحيل لو وحده بمكاني تخلي جواله ماتفتحه



راح اكمل برد ثاني اذا ممكن ياحلوات محد يرد
 
فتحت جواله ولقيت محادثة صديقه السابق طبعا كان بالمحادثة تفاصيل زوجي كذب علي للاسف وكان مستمر بالموضوع
وانا توني مالي اسبوع والده هو يخطط لزواج
وبما ان البنت ابوها شايب وماعندها احد مثل مافهمت وكانت طالبه تكلم زوجي ، هذا فهمته بمحادثة قبل هذي والمحادثة اللي قريتها كان مكلمها زوجي ومتنافشين ببعض الامور ولا اعجبته عشانها من منطقه معروفه الحريم يحبون السيطرة ع الزوج والحريه لهم ووو كل هذا عرفته بمحادثتهم
يعني كذب علي قبل اولد وبعد ماولدت وغص الطرف لان البنت ما اعجبته فقط لاغير
انقهرت ع كل دمعه بكيتها وانا تعبانه عنده ، حاولت انسى واستغل تواجدي عند اهلي ةفرغتي اثقف نفسي واحاول اغير نفسي للافصل
طلعت من النفاس والحمدلله تغيررت كثير واعترف لي هو لكن للاسف هو صار للاسواء
طبعا انا ركزت ع نقطة الزواج لكن في نقطة ثانيه مهمه جدا
بعد انتقالنا للبيت الجديد المستقل تغير زوجي شوي،كان لما سكنا بالبيت مر ع زةاجنا ثلاث سنوات بالضبط
بعد ماسكنا صار التصاقه باصدقائه كثير جدا جدا الشي اللي كان يخليه يضبط خروجه قبل هو وجود امه الله يحفطها كانت تعاتبه اذا طلع كثيير او سهر كثيير كانت نقطه لصالحي لكن فقدناها فاخذ راحته بالحييل
كنت حامل ونفسيه شوي ومو مهتم يطلعني او يوسع صدري لما اطلب نطلع نتعشى هواش عشان هالطلعه وكان مادياً حالته سيئه فاجلس يومين ع اكل حوسه خبزه ومدري كيف مافي البيت شي وهو يكون طالع واوقات والله يجي متعشي شبعان وانا احط راسي بنام ما اقدر من الجوع ? لما اروح لاهلي كاني جايه من مجاعه بس ماوضح لهم :(
مرت الايام وتغيرت شخصيته وصارت حياتنا مختلفه وصار يعصب علي كثير وانا من الضغط انفعل وصرنا نتهاوش واطول صوتي عليه وللاسف صار بيننا قل احترام من ناحيتي وناحيته وهالنقطه انا خسرت فيها امور كثيرة غلطت صحيح وعرفت خطئي وحاولت اصححه ومازلت .. يحب يقهرني دايم وصار مايهتم لو زعلت ومره قاال تزعلين وبكرا ترضين ومره يقول خلاص انا ماعلي منك تزعلين وترضين خلاص مو مهم طقي راسك بالجدار وكلام كثير ماكان بيننا ابدددددددد
اول ماتزوجت كان زعلي كثير بعدين تعدلت يعني ماله دخل مثلا تقولون كثير تزعلين لا ابد يمكن اول سنه كنت ازعل دايم تعرفون اول الزواج والحساسيه ، المهم
خاطري انكسررر كثير قلبي انكسر احس اني ناقصه عن كل الحريم اغبط وحده اشوفها مرتاحه صرت اغار من خواتي من صديقاتي واحس بنقص معه للاسف
تعبانه نفسيا واعاني ومحد عارف اجلس بين اهلي وانسى همي ولما ارجع يرجع كل شي كل هذا قبل ولادتي
حتى البيت للحين ما احبه اكرهه برغم انه كبييير ومرتب واشتغلنا فيه بس لاننا من سكنا فيه وحنا مو الاوليييين
ودي اسكن بغرفه وحده بس يرجع زوجي مثل قبل وارجع انا ونعيش مثل قبل :(
نرجع لبعد ولادتي وحاولت اكون افضل معه صحيح افقد نفسي اوقات واذا غلطت اعتذر منه واراضيه مستحيل يمر ساعتين وانا غلطانه ولا اراضيه
تعلمت من هالموقع امور وطبقتها مع زوجي من نواحي كثيرة ...
اهتميت بنفسي اكثر نزلت وزني حاولت اهتم فيه برغم ضغط وجود طفلين وبيت
احاول ما اقصر معه واعتذر لو قصرت بشي ..
التفاصيل كثيرة من ناحية اني اسعى للافضل .










اذا ممكن لا تردون لما اخلص ابغى مشكلتي تكون متتابعه ياجميلات ")
 
اعذروني اكتب من جوالي وكلامي مليان اخطاء:39:




اعطيكم بعض مواصفات زوجي حتى تستوعبون الاحداث
زوجي عنييييييييد جدا جدا
ويحب كلمته تمشي دااايم ، صريح ولايعرف يكتم
اذا صار عنده فلوس مايهتم يصرفهم بشكل جنوني وانقهر منه تعبت افهمه ومافي حياة
في باله شي معين ينفذه حتى لو الجميع ضده
ومستعجل من ناحية اتخاذ قراراته
يحب الاطفال وشخصيته فيها شي طفولي احس فيه ، يحب اولاده جدا
حنون ويرحم ، وممكن يستغل عاطفياً في اوقات اقدر اخليه يوافق بطريقة اني استغله بس مو دايم تنجح :21:
اتكاااالي 100% ومهمل اشييا كثيرة ضرورية
مايحب المظاهر ، يحب يمتع نفسه ولا يهتم لغيره زوجه ولد....
اذا زعل رضاه سهل تقريباً ..
كريم من ناحية الفلوس لكن المشكله يفقد التخطيط يعني
اذا كان معه فلوس مايقصر معاي لكن اذا ما معه وللاسف الغالب يكون مامعه >< كان يتسلف من امه دايم ولها سنه ماتعطيه وجه تبغاه
يشيل الهم ويحسب حساب ان مافيه احد بيسلفه '(

مايخطط للمستقبل ابد ابد
مايشيل همم بكرا ابد احياناً من تصرفاته كأنه عايش بروحه!
هالسنه صاير عصبي بسرعه يعصب ويهدى بسرعه بس يخرب الجو علينا :(
واذا عصب يقول كلام يجرررررح ..
عجول في امور كثيرة ويخطي خطوات ولايفكر وياخذ وقته بالتفكير ودراسة الامر ..
يحب يتثقف من الناحيه الدينية ويحب الكتب والقراءة ..
يحب يدرس ويكمل دراسته لكن رفض جدا اكمل دراستي يقول انا ارفض انك تتوظفين فماله داعي تدرسين ،الناس يدرسون ويسعون عشان الوظيفه !
يتأثر بالحيل بكلام زملائه للاسف وصديق يقول له كلمتين يلعب براسه ويغير رايه او يتخذ قرار عشان خويه ...
اشتغل يبيع ويشتري بالسيارات وخسر وهذا اللي وصلنا لحاله ماديه
سيئه من اكثر من سنه ...
ومازال بهالشغله :(

هذا اللي في بالي الان من ناحيته ...
انا الان وصلت لحد الصبر نفذ ابي حل
زوجي مازال نفسه اللي قبل الولاده وزاد بعد الولاده
حاولت اصبر عليه لعلى وعسسى يتعدل شوي يستحي ع دمه
للاسف
زوجي الان مايشتغل ولاشي متفرغ لتقديم بحث الماجستير
ومخطط السنه الجايه يقدم ع الدكتوراه ..
كانت الحاله الماديه امرها محتمل شوي بس هو نفسيته صارت علي
سيئه ويغلط علي ويجرحني واذا تناقشنا اوقات النقاسش يتحول لهوشه
واوقات يقول النقاش معك عقيم واوقات يقول ما ابي اتناقش
قليل اطلع بنتيجه
خرب مكيف غرفتي وتعبت انام انا وياه بالحر ابغاه يتحرك
بالاخير صرنا ننام مع اولادنا وخرب مكيف اولادي خخخخ
لانها كانت مركبها مستعمله فتخيلوا خلانا ننام بالمجلس!!
اغراض كثيرة ضروريه وغير ضروريه ماتصير
جميييييع الاساليب سويتها معه ولا نفع
لدرجة مره سالته كيف ووش الاسلوب اللي يخليك تلبي حاجاتي
قال مافي !
متخيلين ? يقول ع مزاجي ! ، لكن هذي حياة غيرك مربوطه بحياتك
صعب تصير ع مزاجك :(
فقدت الامل فيه حاولت اخفف طلباتي واستغني عن امور كثيره وحاجات
بسبب ما ابغى اضيق صدري اذا طلبت ورفض واطلب ويرفض
يعني عنده لا يقولها بسرعه
ع اني والله اذا وافق ع شي بسيط اقوم ابوسه واشكره قبل وبعد :(



لا تردون ياحلوات معليش باقي كلام محتاجه افضفض "(
 
ماني مرتاحه معه ولا مبسوطه
التواصل بيننا شبه معدوم ما انكر بيننا لحظات ومواقف حلوه
بس انا دايم اشوف انه يخليني ع فراغه ومو مثل قبل مثلا
كان كثير نطلع مع بعض لو نتمشى بالسيارة
يعني من نفسه يجي يقول يلا نطلع ، وحتى تفهمون اكثر الحين لي ست شهور والده بطفلي الثاني ماطلعنا نتعشى بمطعم الا مره وحده وكنت انا طالبته عشان كان في سبب معين وبعد طلعنا بالغصب بس عادي ...
له شهرين عايشه مع زوجي زواج مسيار مو زواج مثل الناس
بما انه فاضي لاشغل ولامشغله عنده مخيم مشترك مع اصدقائه
وبهالوقت صاروا يشتغلون فيه ويجددون وووو وهو كل شي ع راسه
فاخذ من وقته كثييييييييييير واخذ من ماله بعد
يومياً يصلي الفجر ويطلع ايام يجي بعد العشاء خلاص بينام تعبان واوقات يجي الظهر ينام ويطلع
يعني جلوسه بالبيت فقط للنوم وبعض الاوقات للاكل
وقته مو بس للمخيم لكن في امور مثل امه كل مغرب لازم يروح عندها
وهذي عادي ومن زمان يسويها ومرتبط فيها فوقت المغرب لامه
مره طلبته نطلع نشتري اغراض للبيت للاكل لما وصلنا اتصل عليه صديق له وتحمس قال شوي وبرجع انتي تمشي وكذا واذا جيت نشتري لاني مقدر اشتري ومعي طفلين ..
جلست ساعتين بمول في بنده واتصل قال انا جاي
ومافهمته كان يقول خذي الاغراض الضروريه لاني ما اقدر مرتبط
برجع للبيت
فهمت انو ابدي اشتري وانا جاي لما وصل عصب ليه ماحاسبت
ولا اخذت اغراضي اخذت بعض الاشياء
المهم هو مازال بنفس الوضع طلعاته ووو وانا وولدي ضعنا تعبت نفسيا منه مافي اكل مثل العالم ياربي لك الحمد ، واذل قلت له جيب لنا معك اكل يقول ما ابغى ارتبط ، انا موديك لبنده قبل اسبوع ليه ماشريتي ، جلس اسبوعين اذا طلبته اكل يردد هالكلمه بالاخير صرت ما اطلبه شي ارسل له جيب لي هالاغراض واذا جابها ولا بكيفها واكل اي شي عندي
احترت معه اكلمه باسلوب لطيف واكلمه بسماحه وعادي عنده
يعني مايتاثر ابداً ، لدرجة مره قلت له كانك مسحور :( والله كانه مسحور يابنات اهماله فضيييع ، ولدي اللي عمره سنتين صار يشتاق لابوه :(
وبعد عشانه يروح من الفجر ويجي تعبان بينام قل بيننا اي تواصل
جسدي و لفظي ، اذا جلست بناقشه بهالموضوع خروجه الطويل واهماله لنا يعصب وانا تعبان وبنام وينام بسرعه لانه صحيح تعبان وادري لكن وش اسوي متى اتكلم معه !

اتبعت اسلوب اتركهه براحته يطلع اودعه ويدخل فجأه وارحب فيه
وعادي اكتم بقلبي وابلعها .. ارتحت انا وتحز بخاطري اشيا كثيره
بس قلت بتركهه لعله يحس ويتعدل تعبت معه وانا الخسرانه وهة عايش ومبسوط ولاهمه احد ..
لكن مافي اي تعديل او اثر وزادت السالفه وبصراحه صار مستفز
قبل ينام اليوم ع الساعه تسعه قلت له ودي بكرا اروح اطعم ولدي الكبير قال طيب ليه هالاسلوب !!!!!!!
قلت له وش قلت انا ، اقولك ودي اروح اطعم ولدي لها اسبوعين التطعيمه متاجله ، قال تقولين وكانك غصب بتروحين والله كان صوتي هاااادي ومروقه ولا قلت اي كلمه تدل اني افرض رايي ولا في بيننا اي شي يخليه زعلان علي ابد ابد ومو اول مره تصير
صاير يطن فيني بسوء ويفسر امور للاسواء اتعجب منه كثييير ويقهرني اذا فسر اشيا ع كيفه

نام زوجي اليوم وحصل اللي قصم ظهري ...
راح اكتبه بالرد الجاي اخر رد لي واعتذر لو طولت عليكم ..
 
_



اختصرت لكم تفاصيل كثيرة واحداث كثيرة ومواقف لاني ما ابغى
اطول عليكم والله ..
المهم زوجي امس شاري جوال جديد لان جواله متكسر والسماعه خربت ورايح فيها
اخذت جواله القديم جلست اتفرج فيه بشوف الصور حسافه
تروح وافكر ارسلها لجوالي خصوصا صور اولادي ، المهم فتحت الواتس
البرنامج المشوؤم وارسلت وفضول جلست اتفرج ع المحادثات
مافتحتها من برا يعني ? .. :(
وفي زميل قديم له قبل الالتزام ويتواصل معه مازال بين وقت ووقت
المهم اذكر انه صديقه بيتزوج قريب وحماس فتحت المحادثة لقيت الولد مرسل لزوجي انه تم عقد قراني ووو
زوجي مبارك له ويدعي له
وكاتب قريب ان شاءالله ملكتي !!!
ع الهم اللي معيشني اياه هذا تخطيطه ?
سكرت الجوال ومسكت الجوال الثاني منهاره وافتح الواتس كان فاضي لانه جديد في قروب اخر شي مسولف فيه زوجي قبل ينام
كان في رساله مثل النكته عن سالفه الزواج وتعليقات من الشباب
وزوجي معلق بعد بعدها كاتب قرب الزواج !
ويدعي له واحد ورد عليه زوجي ابشرك يمكن ثنتين مع بعض يعني حرمتين ويقول حنا اذا خربناها خربناها مره وحده وادعولي !!!!
هل معقول الجفاء والبرود اللي حاصل والاهمال منه بسبب كذا!
انا مدري ليه ربي يجرني ع جواله اذا كتب هالاشياء :(
طبعا قبل اقراء هالكلام وانا كنت ناويه اجلس معه جلسة حوار هاديه بعد الفجر لانها وقت مناسب له خصوصا اذا ما طلع
وارسلت لجواله اصبح عليه باسلوب حلو وطلبته باكلمه بموضوع مهم مايتحمل التأجيل ، وبعد الكلام اللي قريته تشتت وش اتصرف
انا كتبت اغلب النقاط اللي تضايقني فيه وكل شي ابي اناقشه فيه حتى ما انسى شي ابد
لكن هالموضوع ???
كيف اتصرف !
خصوصا ممكن يقلبها علي مثل مره قبل اولد قال لي تستاهلين اللي صار لك ليه تفتحين جوالي :)!!!
محتاره ومتضايقه وبكيت لما انفجر راسي
مدري كيف اتصرف خصوصا والله هالاسبوع اللي راح واللي قبله تقريبا بعد
كنت معه عسسسسل اذا راح مع السلامه واذا جا رحبت فيه بس مو حياة هذي ابد ابد والحين من زين الحياة معه بيروح يتزوج!!
ماتتخيلون كيف شعوري لما ازور اهلي ارتاااح نفسيا بالحيل "( ،
نوروني الله ينور عليكم ()
 
الله المستعان .. انا اعاني في بعض النقاط تقريبا نفس مشكلتك مثل لما كنت
حامل في الشهر التاسع كان يردد انه يرغب بالزواج وكان هالموضوع القشة
التى قصمت ظهر البعير .. فقدت الثقة فيه نهائي حتى لو قالي كلمة حلوة
اشك فيه حتى الطلبات اللي اطلبها يأجل و يأجل لين اكرهه الطلب .. لكن
طلبات المطبخ للامانة ما يأجلها نهائي و كل شي من اكل و شرب متوفر
الحمد لله .. بس اقصد الطلبات اللي تخصني .
... وايضا حتى الطلعات تقريبا نفس زوجك

لكن اتجهت لربي ادعي ربي في كل وقت وما استعجل الاجابة
وادعي ربي انه يسخر لي زوجي وا ادعيه انه يخليه شي عادي بحياتي
يعني ان جاء رحبت و استقبلت وان راح تركتة في حالة ..
والحمد لله احس نفسي ارتحت نفسيا وصرت ابحث عن راحتي اكثر و اهتم
بنفسي لأجل نفسي اولا ..

وانت ياختي مدام مقصر في الاكل و الشرب و طلبات اولادة و كلميتة باسلوب
حلو و لا فاد .. كلمي احد من اهلك يكون رجل حكيم ويكلمة
من هاالناحية لان كل شي الا الاكل لك و لأطفالك لازم يوفرة


واولا و اخيرا اتجهي لله عز و جل و ادعيه ليل نهار فهو المسخر لك شي
 
و عليكم السلام و رحمة الله و بركاته .. ربي يفرج عنك أختي .. و لا تنسي حديث الرسول صلى الله عليه و سلم : اذا أحب الله عبدا ابتلاه . أول شيء أوصيك به هو الدعااااااااء و الالتجاء الى خالقك .. كما قال أحد السلف : أعمل السيئة فأرى ذلك في خلق زوجتي و دابتي _ فعليك أختي بالاستغفار داومي عليه
و قيام الليل
و تلاوة القران .. اجعلي لك وردا يوميا
و تذكري قول الله تعالى : ( أمن يجيب المضطر إذا دعاه و يكشف السوء )
ربي يحفظك
 
ثم أول حاجة اعرفي نمطك و اعملي على نفسك و استقلالية شخصيتك و أبعدي عن التفكير في الهموم بممراسة هواية تحبينها مثل حفظ القران أو الخياطة أو زيارة صديقاتك أو غيرها ..
ثم ثتقفي فيما يخص نمط زوجك و ركزي على نقاط ضعفه و نقاط قوته ,, و أخلصي لله قبل كل شيء و ادعيييييييييييي
 

أختي سكوتك على زوجك أوصلك الى هذه الحالة
أولا استعيني بالله سبحانه و تعالى .
ثانيا خذي مباعدات حمل ميشان صحتك ترجعلك باعدي بين الولادات على الأقل سنتين الى 3 سنوات .
الرجل عندما يرد الزواج ليس بسبب الأولاد و هو عنده بل من أجل أن يشبع غريزته.
ثالثا أخبري أحدا من أهلك يكلمه بخصوص متطلباتك مع عيالك كالأكل و الشرب و اللباس .
ماهذا الضعف الذي أنت فيه بسببه تترجينه على أبسط الأشياء لماذا أوصلتي نفسك لهذا.
تدرين لو يتزوج أخرى لن يفعل لها مثلك.
اذن اتخذي القرار و تغيري من أجل نفسك.
نحن النساء نضحي و نضحي من أجل الزوج و في الأخير يكافؤننا اما بالزواج علينا أو بالخيانة.
 

أختي حينما تجدين نفسك و تعزيها و تصبحين ملكة في عيون الجميع
سيرجع لك زوجك لأنه ببساطة سيرى ملكة أمامه تستحق تعبه و شقاؤه من أجلها.
 
فعلا لقد خسرت نفسك حينما سكتت ولم تطلبي أبسط حقوقك،، ريحتي الرجال على الآخر ليش مايفكر يعدد.
على العموم لم يفت الأوان.. قوليلو يخصصلك وقت ضروري من أجل الحوار للي ضايع بينكم.
برأيي أطلبي أغراضك بنفسك وخللي تدخلات الأهل لو رفض.
أطلبي بأسلوب حلو وبثقة .. ديما تكون ثلاجتك مليانة ،،وأول مايبدا ينفد أطلبي ملابس جديدة لك والأولادك وعطور ومكياج وأي شي يهمك أنت أولى بفلوسو لأنو مانعك من إتمام دراستك للي ممكن تتوظفي بيها. ولا هو بدو بس عيال ومو قادر على مسؤولتيه.
 
لاتضعفي كثيير فشكلو بدو وحدة قوية وذكية بنفس الوقت.
للي بدو يعدد لازم يكن قادر على تحمل مسؤولية بيتين..
الله يبعد عنو هالفكرة ويجعلك أول وآخر وحدة حيلمسها.
 
لاإله إلا الله وحده لاشريك له له الملك وله الحمد وهو على كل شئ قدير​
 
اسأل الله العظيم رب العرش العظيم أن يسخر لكي زوجك ويهديه وأتمني من الخبيرات أن يفيدوكي ريحانة الجزائر أعجبني ردك أتمني من الاخت نغم أن تعمل بنصائحك
 
ركزي علي نفسك ودعيه و شأنه
الرجل اذا دخلت فكرة الزواج في رأسه لن يمنعه كلامك و رجاءك فو ضي امرك لله

اهتمي بنفسك واطفالك وطاعتك للربك
والله ييسر امرك
 
انتي السبب في طمع زوجك بالزواج الثاني لانك كشفتي نفسك امامه وخلاص فهم ردة فعلك لو تزوج انها بكاء وحزن وبس خلاص ترضي بالامر الواقع وتستسلمي المفروض ماواجهتيه بمخاوفك وانما اشتغلتي على نفسك بصمت واشغلتيه بنفسك وبحياتك لكن انتي بدل ماتجذبيه لنفسك ولبيتك وللحياة تبعك للاسف نفرتيه من حياتك ومن جوك بالنكد والهموم والنفسيه التعبانه من كثر ماتفكرين وتتخيلين زوجك تزوج وغيرها يعني انتي جلبتي له ايحاء الزواج الثاني من كثر ماتفكري انتي بالزواج الثاني المفروض ماتفكري بشي ماحصل على ارض الواقع عيشي حياتك اليوم وخلي بكره لبكره شلتي هم وعفستي حياتك على اوهام طيب زوجك مو موظف وحالته الماديه ضعيفه كيف بيتزوج ثاني هو ماكان مفكر اخذ الموضوع تسليه لكن انتي من كثر ماتكلمينه بالموضوع وكل ماشاف خوفك يتذكر الزواج وصار دائم يتردد في باله لانك انتي اللي مشغلته فيه بسبب انشغالك انتي فيه لكن لو الجهد اللي ركزتيه على التفكير بالزواج الثاني استغليتيه في التقرب من زوجك وصنع حياة حلوه بينكم خالي من النكد والشك والتذمر والبكاء والحزن الذي جعله يكره جو البيت ويهرب منه ويبحث عن الوناسه والبسطه برا البيت لانه مايشوف الا بكاء ودموع وحزن وشكوك المفروض ماوجهتي زوجك باللي عرفتيه ولا استسلمتي لتفكير وخليتيه يسيطر عليك وياثر علبى حياتك المفروض كنتي غامضه مايدري وش ردة فعلك لو تزوج عشان يخاف تتركي البيت االرجال دائما يخاف من الشي المجهول مايقدر يجازف فيه لكن انتي الحين طمنتيه بردت فعلك لما اكتشفتي انه يفكر يتزوج وارتاح نسبيا من موقفك والحين اتوقع مو مفكر بالزواج لكن مستقبليا يخطط ولذلك عندهم اسلوب يوهمك الحين انو بيتزوج عشان مستقبليا تكونين خلاص مستعده نفسيا لتقبل الوضع كثير منهم يقول انا من اول سنه ابدا ابين لها اني بتزوج عشان بعدين تكون مهياه للتقبل زوجك الحين ابدي انتي اشعريه بعدم الامان من ناحيتك عشان يخاف يفقدك بحيث تحسسيه انو خلاص الحياة جوع عندك وكذا وادعي انه يجيب قدامك سيرة الزواج واذا جابها قولي له بكلمات مختصره وبدون انفعال انت بتبحث عن الجنب اللي يريحك لتنام عليه وانا من حقي اسوي مثلك قولي وانتي تضحكي مو معصبه خليك مو مهتمه لكلامه او خايفه منه اقولي انت الحين معيشني على خبزه ناشفه اتعشاها وانا ماقصرت معك بشي وتدور الزواج وش بيكون وضعنا بعدين لكن الحمد لله ذاك الوقت اكيد ماني عندك لكن خوفي على اولادي مساكين مالهم ذنب ولاتوضحي له وش تقصدي واذا شد معك بالكلام قولي له الحمد لله انا ماقصرت معك يكفي صابره على ظروفك لكن لو بتفرقنا وتخرب حياتنا يكفي انها تجي منك مو مني اعطيه ايحاء غير مباشر اني لو تتزوج بروح بيت اهلي واترك لك اولادك خليه يدور بحلقه كامله مايدري كيف يخرج منها توهيه واشغليه بنفسك وبحياتك ولاتكوني نكديه النكد وشخصية زوجك قطبين متنافرين اكثر شي يكرهه النكد وعفست الوجه ولو ماتتكلمي هو ذكي ويفهم من وجهك انك نكد ونفسيه لكن مايتكلم يحاول يخرج من هالجو ويرفه عن نفسه والزوج لاتناقشيه بامور الزواج كثير او تخليه تحدي ترا تكبر براسه بسببك ويسويها كلمتين مبطنه مو واضحه وبس اسكتي
 
كلام الاخت حجازية عين العقل ..


طالبي بكل حقوقك بشكل هادي
ومتزن بعيد عن النكد و الهم .. اذا مافيه فايدة
دخلي ابوك عشان يعرف ان لك سند و ظهر وقت الشدة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل