امس ماسك جواله وقاعد يراسل ويكلم .. تعببببت بخيانته ماعاد ابي اغير من نفسي كرهته ع الآخرررر
وليش ما تواجهينه
ليش ما تقولين له من تكلم ؟
مشغول في مين ؟
طيب لا تناظر خاطري
ناظر ربي تخيلي تموت وانت تكلم وتبعث وانت تكلم غيرك يبعث يأذن والا حاج ولا نايم بفراشه والا يسوي خير
وانت على الجوال تراسل بنات مالك فيهم علاقه وتتبادل معهم كلام رخيص
طيب ما تخاف يندق بابك ترى من دق باب القوم اندق بابه
طيب ما تخاف تنبلى في اختك في بنتك في بنت اخوك في عرضك باي شكل
ليش تسكتين وتحاولين تجذبينه
هذا يسوي ذنب وذنبه عظيم في اعراض الناس
وانتي قاعدة تدورين الغلط في نفسك ؟! ماله عذر باللي يسويه ابدا يقوي علاقته مع ربي
واذا صادق انك مقصره معه عنده طريق الحلال يقدر يقولك تعدلي والا انا بتزوج
وقتها انتي بتتغيرين من الخرعه بدون علاج ولا خرابيط
اشتغرب من اللي تسكت وتحاول تجذبه
تجذبينه لو ان المشكله برود مشاكل نفسيات حواجز قديمه تتغلبين عليها
اما يتسلى بأعراض الناس ويقنعك ان خجلك السبب هذي شماعه حاب يعلق عليها اخطائه
الا الذنب لا تسكتين عليه
ترا يوم القيامه يحاجك ويقول رأتني على منكر ولم تنهني
واذا شفتيه معاند وما يبي يتغير اتركيه قولي خلك مع صديقاتك بس جوك ما يناسبني
ما راح استنى العاقبة في عيالي والا بيتي
وسويها زعله كبيرة خليه يعرف انك اطهر منه لكن بعد ما تواجهين وتنصحين وتبذلين كل سبل
الله يسخره لك ويهديه ويبعده عن كل ما حرم الله