خبيرات الشمالي الشرقي ايجاوبوني

[دنيتى عبودى]

بدخل بالموضوع علي طول أنا زوجي شمالي شرقي وصار لي 5سنين من زواجا ما تفاهمنا المهم تنا حامل بالشهر الرابع بتوأم والدكتور قالي لازم ربط ملاكم بالطويله طلب علينا مبلغ معقول المهم قلت بالله خل اسوي عليان مانخسر الحمل والله يا بنات حاجز ليسافر وبيخليني أعاني ابروحي وعره ماعندي افلوس قاتله اللي ما عنده ما يسافر طبعاعصب وصراخ وكسر البيت وقالي عناد فيك ربط مافيه وقبلها قالي دبي من اهلك والحين اي قولي جهزي الشنطه بالله شل الحل

 

[was not love]

اتفاهمي معاه بنقاش جاد ... وواثق...وايجابي

قوليلة انت الكبير العاقل الفاهم...كيف تخللي حياتي وحياة اطفالك بخطر...

هذي نعمة الف واحد يتمناها كيف نهملها

ولاتنسين كلمة حبيبي ببداية كل جملة

الشمالي الشرقي...يحب الي يناقشة يكون واثق من نفسه...وعارف وفاهم لكل كلمة يقولها..

يحب احد يخاطب الجانب الايجابي من شخصيته...لانه مغرور

يعني كوليله...انت ابو قلب الطيب ..الحنون...وهكذا

لاترفعين صوتج خلال الحديث ولاتعصبين او تستفزين من اي شي يكوله

اذا كنتي مو عارفة شتكولين بالضبط...او تحسين نفسج راح تتلعثمين بكلامج معاه...

كتبي الشي اللي تريدين تكوليه بورقة..وحفظيه...وروحي كوليه لزوجج

ولاتكثرين من الكلام

ناعمة الهاشمي تقول...ان الرجل اذا استمع لحديث المرأة لعشر دقايق بيصير عنده صداع بالجزء الخلفي من راسه...

يعني اتكلمي معاه لمده سبع دقائق واسكتي.عشان مايكولج...صدعتي راسي

لاتبكين...بيعتبرج ضعيفة ...وهذا مالايحبه

ولاتنسين الابتسامة الرقيقة...لها سحر خاص

قبل لاتروحيله...اعطي لنفسج طاقة ايجابية...

كولي لنفسج...انا انثى ... استطيع ان احصل على مااريد...اعرف مااريد واعرف كيف ساحصل عليه

الله يوفقج...طمنينا عنج

 

[دنيتى عبودى]

والله تعبت ماني قادره أوصل هو شنو يبي بالضبط شي يحر احس يقهر أنا ما اكلمه ولا معطته وجه وعادي مؤ فارق معاه بأجر بتوكل علي الله واسوي العمليه صراحه نعمه الله رزقني فيها وما ابي اخسرها دبرت المبلغ من أهلي وبسوي العمليه اهو واحد مسافر يعني لايمكن أني أغير رأيه بس أنا اللي حاز بخاطري انه تخلي عني لأصعب ظرف امس كلمته بنبره حاده تري بسوي العمليه والمبلغ اللي تسلفته انت اترجعه قالي مالا داعي عمليه والفلوس مالي شغل مت من البكي شل الحل أزعل اروح بيت أهلي وخايفه الناس اتشمت فيني معارفه شسوي ساعدوني يا خبيرات

 

[was not love]

يااختي لاتدمرين حياتج بنفسج...

اذا انتي معاه وموفارق معاه...كيف اذا رحتي لبيت اهلج....يمكن لاسمح الله يطلقج...او يتزوج عليج...ليش من تصير مشكلة على طول تفكرون ببيت الاهل

حل المشاكل لازم يصير ببيتج...بينج وبينه...وصدكيني البعيد عن العين بعيد عن الكلب...وخصوصا بالنسبة للشخصيات اللي مثل زوجج

زوجج صعب الطباع ولازم تفهميه عشان تعرفين تعيشين معاه

هذا عمر كامل..مويوم ويومين

اتمنى تاخذين الموضوع بجدية...وتشوفين بالمنتدى مواضيع عن كيفية التعامل مع الرجل الشمالي او الجنوبي

يمكن اذا فهمتيه وعرفتي تتعاملين معاه تكدرين تكسبيه وتخلليه بصفج

 

[فراشه فوشيه4]

كم لكي متزوجه

 

[ام هتون]

الله المستعان اسال الله العلي القدير ان يعينك عليه

واختي لازمي الاستغفار فوائده عجيييييبه صدقيني انا زوجي مثلك شمالي شرقي واذا حط شيء في راسه ما همه احد

وخاصه لو كان يخص الزوجه

الله يقومك بالسلامه ويصلح الحال بينكم يارب

اشعر انه خايف من المسوليه والمصاريف انت وبعدين التوام ومصاريفهم اتوقع عشان كذا لكن خليه يسوي الي في هواه وانت انتبهي على نفسك ما احد ينفعك

 

[دنيتى عبودى]

مشكورين يا قلبي علي الردود انا صارلي 5 سنوات والله اني اظغط علي نفسي بكل شي مصاريف حتي طلعات ومطاعم وسوق مراعيته بكل شي من فتره قالي حياتي معاك ماتنطاق لا اهتمام انتي ماتهتمين فيني انتوا احكموا راتبه ايعيش عايلتين موعايله واحده يعطيني 100دينار بالكويتي يعني اذا رحت للسوق ارخص شي اشتريه اذا قلت ابي زياده قال ماعندي عنًدي التزامات طيب اشلون تبيني البس واكشخ و انت تنقط علي بالقطاره وقتله تري عبالي هذا بكبر ابعينك انتي مااطلب منك شي اخر شي قلب الطاوله علي خاصه اني ساكنه عند اهله كل مشاكلنا علنيه والكل يدري فيها اللحين ابي رايكم اجهز شنطته واتاقلم مع الموضوع ولا اخلي اخته تحطها ابي اوصله اني مو منقهره منه

 

[farsamsm1]

مرحبا يالغاليه

فديتك شكلك جنوبية

والجنوبية حساسه وخجوله حدها وتخجل المطالبه بادنى حق من حقوقها


اولا ياحبيبتي عليك بالدعاااااء واطلبي ما تشائين من رب العباد فالله ارحم بنا من الام على ولدها


ثانيا اهتمي بجنينك وسوي العمليه وبيدفع هو بعدين وخليه في الامر الواقع قولي له انا قلت حق اهلي انها سلف وزوجي بيرجعه واسكتي ولا تزيدي في الحكي معاه واذا قال ماشي قولي له كيفك تفاهم مع اهلي ترا انت المسؤؤول عني مش هم
هم ما قصروا





ثالثا انظري الى شخصيتك يبدوا انك لم تحاولي ان تطوريها وتجعليها شخصيه قوية وتطالب بحقوقها بكل قوه وهدوء في نفس الوقت

الرجل الشمالي يكره الشخصية الضعيفة ويدوسها برجليها حتى لو كانت زوجته المضحيه والمسكينه وراح يستبخل عليها ولو عنده كنوز العالم لانه ما تثيرين اعجابه

فاخبرك بهذه الوصية المهمه احبي نفسك كثيرا واهتمي بها ودلليها وعيشي انوثتك فانت تستحقين الافضل واقراي مواضيع كيف تكونين دلوووعه

لا تلاحقينه ولا تسالي عنه وانشغلي كثيرا بالاهتمام بنفسك وصحتك ومستقبلك

نظمي وقتك بين قراءة القران وحفظه حتى يحفظك الله

ومارسي الرياضه واهتمي بجسدك كثيرا


ودلعيها واطلبي ماتريدين واجعليه يصرف عليك بكل ذكاء

مثلا وانت جاي جيب لي كذا

اذا قال لا

اسكتي ولا تعلقي ولا زعلي وخليك عاااادي ولا كأن شي صاير


فهو اهنا بيفكر وبيستغرب وغموضك راح يخليه ينجذب لك

لانه يحب الانسانه الغامضه والقويه اللي ما تهزها ريح


اذا عصب او زعل اسكتي واذهبي الى غرفه ثانية وانشغلي وبعد ما يهدأ ارجعي ولا كانه شي قااال



حاولي تقراي في الانماط وكيفية التعامل مع الشمالي الشرقي البنات في المنتدى ما قصرن عطنا خلاصة تجاربهن وصدقيني بعدها راح يحبك وما راح يستبخل عليك




تمنياتي لك بحياة سعيده

 

[was not love]

farsamsm1

انا جنوبية غربية ...وابد مااخجل من المطالبة بحقوقي...بالعكس...حتى هدايا المناسبات اطالب بيها...بكل جرأة وثقة


كلامك عن حب النفس والاهتمام بها روعة ماشاء الله...