بادئ الموضوع تاريخ البدء
  • المشاهدات 3,113
  • الردود 25

ضاع الوفا

New member
إنضم
22 نوفمبر 2006
المشاركات
102
مستوى التفاعل
0
النقاط
0
زوجي يا دكتورة خاين .. مع ان بدايتي الزوجية وياه كانت ممتعة وما قصرت وياه بشي .. حسيت بكثرة خروجة للمنزل وتأخره المستمر .. ومن كثر ثقتي فيه ما كنت حتى افتش في اغراضه حتى لو شفا ورقة صغيرة طاحت من عنده وهو مش موجود والله اني ما افتحتها احتراما له .. قدر الله ان تلفونه يرن بالليل .. فشكيت لأول مرة .. لأن اغلب اصدقاءة ما يتصلون هالوقت ؟؟ .. ياني فضول قوي اني اشوف التلفون وهو كان نايم .. خذت التلفون ورحت الحمام عزكم الله وانصدمت .. .. ((((( حبيبتي شو حسيتي يوم تلاقت عيونا ))))))) ((((((( حبيبتي اختاري المطعم اللي تبينه وانا حاضر )))))) .. هني تخدرت رجلي وطحت في مكاني وخفت على نفسي وقاومت نفسي ووقفت بصعوبه مادري ليش .. من غبائي رحت مسحت المسج وخذت الرقم .. اتصلت فيها بالليل الساعة 3 بنفس الوقت لأ،ي كنت منهارة.. ماردت .. اتصلت الصبح وانصدمت .. سوريه او لبنانية .......... اللي قهرني انه ما يطلعني ابد ..ودايما يقولي (((وين بتسيرين.. الحرمة مكانها بيتها )))))) وغيره ...... المهم تطورت الأمور للأسوأ ورحت اطرش لها مسجات ادعي عليها .. زوجي مارضى .. رحت واتصلت لزوجها .. طلع خسيس .. وشكله عادي عنده ... واستمريت بالمسجات .. وهو عنده خبر اكيد بس مايقدر يواجهني .. ودايما يكون معصب ....وعلى فكرة انا رحت بيت ابوي اسبوع فالوقت اللي اكتشفت فيه خيانته ... بس بعد مارديت صار كل هذا (المسجات) ... المهم اختلق لي قصة ان هي تاجرة مخدرات وهو مكلف انه يضبطها في وضع التهريب:dunno: انا مصدقت ... جابلي اوراق مزوره عليها توقع رسمي وفيها اسمه واسمها ... من شده غباءه .. كتب اول اسم من اسمها واول اسم من زوجها ... فبحكم عملي فدائرة حكومية حساسة .. شيكت بالاسم وخذت الاسم كامل وواجهته وانكر بكل وقاحة .. المهم تطور الامر من ناحيتها وقالت لي بالحرف (( زوجك يا حلوة احطة فجيبتي الصغيرة وحبيبي الثاني بيلعب فيه ))) (((( روحي ثبتي حملك اشرف لك ))))) لأني كنت فهذي الفترة كثيرة الاجهاض (3 مرات) وهي عندها خبر ..الله يسامحه .... المهم واجهته ..عصب .. ارتفع صوتنا .. ورفع ايده عليي .. وشوي جرب فيني كل انواع الضرب:sadwalk: :no: (هذا بالمختصر )) المهم هم ماحب ان حد يعرف وخاصة اهله ..لأنه يحترمهم .. بس انا سويتله فضيحة .... المهم طلبت منه اني اروح المستشفى لأني حسيت بألأم في رقبتي من شدة الضرب .. وفي هذي الاثناء سبقته ورحت اتصلت لأبوي وخبرته اني رايحة المستشفى زوجي ضربني ..... عصب ليش اني خبرته ... وصلني لين بيت ابوي في منطقة جديدة البناء وكلها عمال ... نزلني عند الباب وكان مسكر .. ورااااااااااح .... خلاني ابكي جدام الباب والهنود يطالعوني .. وبالمختصر.. كبر الموضوع وتميت 7 شهور بيت ابوي لأن سار صلح بينا من ناحية عمه ... المهم هني ان امه كان لها دور .. طلعت عليي كلام لا صار ولا استوى .. اللي كنت اسويه قالت اني ما اسويه ..( ما تطبخ .. 24 ساعة نايمة ... )) وهذا كله العكس .. شوهت صورتي .. وهو ما يتكلم ولا ينطق شخصيته ضعيفة .. لين اليوم ...


وعلى فكرة كل مرة افتش في اشياءة واشوف صور حريم .. واحتفظت ببعض الصور كدليل لليوم الاسود .. حاولت اني اتغير والكل ملاحظ ... بس هو ما يملي عينه شي ... قريت عنج دكتورة وقريت قصة وحده وانعجبت فيها .. وانا الحين ما اعيرة اي اهتمام .. لأن كثير السفر.. .. وهذا مختصر الجحيم اللي عايشتنه .. بس امه لالالالالالالالالالالالازم يشاورها فكل شي .. ولازم يكون عندها كل تحركاته .. متحكمه فيه .. ويلعب عليي دور الرجل ... استويت ما اهتم له .. اهتم بنفسي لنفسي .. وهو ملاحظ .. بس ل اتركه جذي ولا كيف اتصرف وياه .. مع اني متأكده انه بعده يخوني .. بس حبيت يا دكتورة تكملين عني وتعطيني حلول لأني ما اقدر احس اني يأست .. وبدأيستخدم اسلوب الضرب ....


عندي منه 3 اطفال :cupidarrow: بس ما يستهالونه اب:icon1366:


بس مشكلتي بعد في الفترة القصيرة اللي مضت اني طويلة اللسان .. ما اسكت عن حقي جدامه .. وتكبر المشاكل بينا ... علما بأني ساكنه ويا اهله الوحووووووووووش الحقودين .. اللي همهم القيل والقال .. ودايما اقوله : انت اسلوبك اسلوب حرمة وايد تهتم بالقيل والقال .... بس مليت منه .. عدييييييييييييم احساااااااااااااااااااِاااس


قلبي يعورني .. احس اني روح انسانه ميته في جسد حي
 
إنضم
19 نوفمبر 2006
المشاركات
5
مستوى التفاعل
0
النقاط
0
الإقامة
KUWAIT
حبيبتي..الله يفرج عنج يارب ويساعدج ويصبرج..ويهدي لنا ازواجنا..
انا حبيت ادعيلج واترك الرد والاستشارة للدكتورة وانشالله تساعدج
حبيبتي الله يرزقج بالذرية الصالحة والحمل الثابت السليم ويخلي لج عيالج يعوضووونج عن كل اللي قاسيتييه...
بانتظار الدكتورة..​
 

kookii8

New member
إنضم
20 أكتوبر 2006
المشاركات
7
مستوى التفاعل
0
النقاط
0
العمر
41
الإقامة
oman
هلا قلبي ... الله يصبرك على زوجج :no: اهم شي اهتمي بالعيال بهذي الفترة وان شاء الله الدكتورة ترد عليج .. وانا اشوف الاحسن انك تشتركي بالاستشارات عن طريق التلفون علشان تكون معاكي خطوة بخطوة ..
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
رد : خاين .. وولد امه .. ساعديني دكتورتي الغالية

مرحبا بك اختي الغالية في منتدانا الغالي
اختي الحبيبه لو حبيتي تتواصلين بالاستشارات مع الاستشاريه ناعمه راسلي مديرة العلاقات العامه بترتب لج الموضوع
بخصوص اللي قلتيه ومشكلتج
راح اعطيج حل مؤقت للضرب
هددي زوجك بانك بترفعين عليه قضية اذا ضربك والقضية فيها سجن وانك ما راح تتنازلين عن حقك لو هو انسان ما يفتهم غير بالضرب فخلاص بعد انتي ما بترحمينه اقل شيء يا اختي في العشره الاحترام

بخصوص علاقتج بزوجك راح تكون لي عوده لمشكلتك انشاء الله بس اهم شيء تعرفينه انه الحرمه مهما كان ضعف زوجها تحاول تكسبة بالكلمه الحلوه وياما الكلمه الحلوه
ظهرة الافعى من الجحر
اختي يعني لا تحسسينه بضعفه جدامج وضعف شخصيته ابدا يمكن هذا احد اسباب ضربه لج
 

ضاع الوفا

New member
إنضم
22 نوفمبر 2006
المشاركات
102
مستوى التفاعل
0
النقاط
0
صدمة ثانية ...



ناقشته اليوم عن الصور اللي فتلفونه .. وكان الرد :: لا تتدخلين في اموري الخاصة وخصوصياتي .. انا ابوي ما تحكم فيني وانتي ما يخصج )))



والطامة الكبرى .. اني سألته ليش تخوني وكان الرد كالصاعقة وقفت عن كلمته واااايد وقلت حسبي الله ونعم الوكيل :


((((((( انغشيت فيج .. تحسبتج مثل الحريم تغارين علي ))))))) يمكن هذا الشي اللي خلاه يكرهني بس مب معقول .. عيل ليش سويت هذا كله .. مب غيره .. شو يبغيني اسوي .. اضارب الناس والعالم .. والا اضارب نفسي .. والله خواتي الغاليات مشكورات على الرد والتخفيف عني .. بس حسيت فجأه إني ما ابغيه .. ولا ابغي رضاه .. لأني خلاص احس اني انجرحت منه .... وخاصه انه يذمني وايد ويعايرني في اشياء خاصة بيني وبينه في جسمي .. شو تم بعد .. ما تم شي ..على شو ادور رضاه .. على شو ارجعه .. افضل اني اخليه ضايع وما ارده ...

الله يزيده هم مثل ما زادني هم وجروح
 
إنضم
14 نوفمبر 2006
المشاركات
102
مستوى التفاعل
0
النقاط
0
الإقامة
الرياض
والله قطعتي قلبي الله يسخر لك زوجك يارب وبعدين سوال ليش ساكنه مع اهله ليش ماتتطلبين بيت لوحدك مو ممكن سبب في المشاكل اهله !
 
إنضم
14 سبتمبر 2006
المشاركات
251
مستوى التفاعل
0
النقاط
0
الإقامة
الكويت
الموقع الالكتروني
🔗
رد : خاين .. وولد امه .. ساعديني دكتورتي الغالية

[ALIGN=CENTER]
[CELL="filter:;"] [ALIGN=center]الله يفرج عنج اختي العزيزة

بانتظار رد الدكتورة

وياليت تراسلين الأخت الكريمة مديرة العلاقات العامة عشان تحط لك موعد للإستشارة الهاتفية مع الاستاذة

راح تستفيدين منها الكثير بإذن الله


وراح أدعي لك بالخير وأسأل الله القبول [/ALIGN]
[/CELL]
[/ALIGN]
 

ضاع الوفا

New member
إنضم
22 نوفمبر 2006
المشاركات
102
مستوى التفاعل
0
النقاط
0
مشكورات الغاليات على مشاعركم والله .. وبالنسبه للبيت صار 5 سنوات عايشة وياهم وحياتي كلها فإيد امه .. انا ادري بها الشي بس ساكته تجنب للمشاكل وما ابغي اعمل فجوه بين زوجي وامه .. لأن نحنا حريم ونعرف بعض .. ونحنا طالبين بيت شعبي من 5 سنوات بعد وان شا الله في خبريه ان البنا قريب .. كل سنه نسمع نفس الكلام .. ويوم حدثت القطيعة اللي بينا 7 شهور حاولت ان نطلع في شقه .. بس ما بحط في ذمتي .. اهله ترسوا راسه ورسموله ان الشقة خطره على عيالك وزوجتك .. كنت ساكنه وياهم بنفس الفله في غرفة صغيرة وسبحان ابوه بنا غرفه كبيرة في الحوش وفيها عزكم حمام علشان هو يجلس فيها لأن عنده 3 حريم .. سبحان الله يوم رجعت لزوجي رجعت في هذا الملحق وانا احب ابوه واقدره واحطه على راسي بس مع احترامي الشديد امه ( لأ)



ما يحط خيط في ابره إلا امه عندها خبر ويكذب عليي ويقولي سر بيني وبينج .. اعرف انه يكذب لأني اعرف اقرأملامح الوجه وقريت عنه وايد .. واعرف متى يكون صادق وكاذب وهذا اللي يموتني ..


بس لين الحين افكر .. خلاني اشك في عمري هل انا انثى كامله او لأ .. كيف يعني ما اغار عليه .. حتى احس اني مشتته .. ما عرف شو الغيره وشو الشك :(


حسبي الله ونعم الوكيل ...خاطري اقول الله يهديه بس ما تطلع مني والله .. ما يستاهل استغفر الله
 

ضاع الوفا

New member
إنضم
22 نوفمبر 2006
المشاركات
102
مستوى التفاعل
0
النقاط
0
بتستغربون من امه لو اقول لكم انها تدخل علينا فجأه بدون لا تطرق الباب سبحان الله ننسى نقفل الباب وهو اصلا يوم تدفعينه بشده ينفتح حتى لو كان مقفول واذا كان مقفول تطق الباب بالقوه واذا سألت منو عند الباب تسكت ساعات اخليها مرتزعه برع فترة وبعدين افتح والله حتى لو انا لابسه قميص نوم ودخلت علينا عااادي تسوي عمرها انها اسفه وزوجي البار ساكت ولا كلمه والله ساعات اسير عزكم الله الحمام مستحيه والمصيبة ان زوجي يزعل ليش ؟ عشان امه يمكن تزعل وتحط في بالها اني ما ابغي اشوفها .. شوفو العقل ..مليت .. عشان جذيه ما اهتم له ولا اكشخ له واذا شرحتله السبب ما يسمعني بس يحط في باله اني مهمله وبس .. احس انه مب في حاسيته ساعات ..مليت .. والله اني صابرة عشان الصغاريه بس
 
إنضم
12 يوليو 2006
المشاركات
87
مستوى التفاعل
0
النقاط
0
رد : خاين .. وولد امه .. ساعديني دكتورتي الغالية

عزيزتي ضاع الوفا:

مشكلتك معقدة ومتشابكة، ولا يمكن تقديم حل سريع عن طريق المنتدى، أنت اولا بحاجة إلى تصحيح أخطاء كثيرة ترتكبينها يوميا، ثم عليك أن تغيري من طريقة تفكيرك فهي قديمة وغير صالحة للتعامل مع هذا الرجل، وأخيرا أنت بحاجة إلى شخصية قوية لا لسان جارح، .......... حاولي الإتصال بي إن كنت قادرة على ذلك وبإذن الله سنجد مجموعة كبيرة من الحلول.
 

some1

New member
إنضم
28 سبتمبر 2006
المشاركات
7,559
مستوى التفاعل
2
النقاط
0
الإقامة
Abu dhabi
رد : خاين .. وولد امه .. ساعديني دكتورتي الغالية

استمعي حبيبتي لنصيحة و كلام الأستاذة ناعمة و حاولي الاتصال بها لانها والعلم عند الله وثقتي بها كبيرة فإنها أنسب شخص ممكن يساعدك في موضوعك ،،،
لا تتجادلي معه ، خلليك رايقة وفكري بعقل و هدوء ، وان شاء الله تتحسن الامور بعد أول لقاء لك مع الإستشارية ناعمة الرائعــة ،،،

دعواتي لك بالتوفيق
 
إنضم
28 نوفمبر 2006
المشاركات
248
مستوى التفاعل
0
النقاط
0
أختي ما تيأسي ، لو هو كان ما يكون لا تهدمي بيتك بيدك ، لأنك بذلك تظهري ضعفك وعدم تحملك ،
والبنات اللي يخونك معهم عرفوا يغيظوكي وييضعفوا من عزيمتك ، ويسيطروا على زوجك ، ...
وأنت الأحق فيه ليس هم ، وما دام في أول حياتك كانت تمام ، تقدري حبيبتي تكون أفضل ،

تابعي مع الدكتورة ، وأكيد قرأتي القصص وكيف كانت حالتهم ولأي مستوى وصولوا قبل ذهابهم للدكتورة ...
أنصحك بأن تتوكلي على الله وتذهبي للدكتورة ، ووفقك الله ، ...
ولا تنسي تطمنينا ...
 

ام الفارس

New member
إنضم
5 ديسمبر 2006
المشاركات
103
مستوى التفاعل
0
النقاط
0
سبحان الله يااختي نفس مشكلتي بالضبط
لكن انا في امور اختلف فيها
اني عمري مازعلت ورحت بيت اهلي لعدة اسباب
اولها ماحب اكبر مشاكلي وافضح زوجي بالذات عند اهله
والله ياختي 14 سنه زواج عمري ماشكيته عند اهله
والسبب الثاني ابوي انسان يختلف عن باقي البشر
ماحب اكدره ولاازعله ولو تركت بيتي بيزعل علي ابوي ورضاه هو غايتي بالدنيا
من سنتين تقريبا طلقني لاني مجرد شكيت اني الي اتصلت بنت
فتح باب الشارع قال برااااااا وطلع واتصل بالتلفون وقال طااااالق وكمل سهرته مع ربعه الين الفجر
تخيلي طلقني !! ولاطلعت من بيتي والله ياختي احب ابني بيتي ماهدمه
وابوي دايم كلمته بنت العرب تصبر
ومن سبع شهور تقريبا ارسلت له وحده من ربعي ابي اشوف الى اي مدى علاقته هل توصل للزنا؟؟
تخيلي اختي بعد مكالمتين فقط؟؟ قالها انه متزوج من وحده شينه لا تفكير ولا اسلوب وحياتي معه جحيم؟؟
وشرايك يااختي وانا اسمعه وهو يسبني
ولاطلعت من بيتي!!
من اسبوع رحت سيارته مابي افتش لاني معاهده نفسي اني مافتش باغراضه لقيت تلفون سري
لما واجهته قال
ماااااااااااااالك خص واطلعي عن بيتي والحين تطلعين
هنا ياختي بغيت احتفظ بالبقيه الباقيه من كرامتي واطلع
لكن ابوي الغالي رفض قال لو تعزيني ماتطلعين
انا الحين جالسه اتابع كلام الدكتوره وهي تغير الشخصيه اول
ويارب تصبرنا ونكون ماجورين
 

غاليه

New member
إنضم
3 ديسمبر 2006
المشاركات
649
مستوى التفاعل
0
النقاط
0
الله يفرج همك اختي العزيزه ويجعلك من كل ضيق فرجا لاتنسي الدعاء في اوقات الاجابه وان شاء الله تفرج من عنده سبحانه
 
إنضم
26 نوفمبر 2006
المشاركات
403
مستوى التفاعل
1
النقاط
0
لا أملك لك عزيزتي في هذا الوقت غير الدعاء لك ولي بأن يفرج الله همنا ويهدي أزواجنا وييسر لنا الخير حيث كان وكان الله في عونك
 

ضاع الوفا

New member
إنضم
22 نوفمبر 2006
المشاركات
102
مستوى التفاعل
0
النقاط
0
شكرا لكل من وقف بجانبي ... وبصراحه .... انا بخير والحمدلله بفضل الله ثم بفضل المنتدى الغالي ... و شكر خاص للدكتورة ناعمه وحكاوينا ....:clap:



خاطري ألحين أحذف كل مواضيعي اللي تنكد .. خخخخخخخخ


بس جاري التحقيق في موضوع زوجي الى الآن :essen: ... بس عن نفسي انا ... الحمدلله أصبحت إمرأه اخرى ...انظر للمستقبل للأفضل ... ولا أعير اي اهتمام للماضي التعيس .. بالرغم من الجراح الموجوده في قلبي والتي ما زالت تنزف ولكن ليس بكثرة ما اهدرته في الماضي ... فدائما أضع امام عيني ربي الذي الذي خلقنني وثقتي الكبيره بالله بأن حقي لن يضيع أبدا ...



قبل ما كنت اقدر ادعيله بالهدايه ...

بس ألحين أقول ..


الله يهدي زوجي ... ويوفقه ... ويصلح باله ... ويبعد عنه نساء الحرام يارب :tears:
 
إنضم
4 فبراير 2007
المشاركات
139
مستوى التفاعل
0
النقاط
0
الحمد الله الي ماوصلتي الية يا اختي
والله يهدي زوجك وازواج بنات المسلمين ويبعدهم عن بنات الحرام
 
إنضم
4 مارس 2007
المشاركات
1,914
مستوى التفاعل
0
النقاط
0
االله يفرج كربك وكربنا وحتى أنا عندي مشاكل مايعلمها إلا الله
ا
 

ssmmss

New member
إنضم
14 يونيو 2007
المشاركات
72
مستوى التفاعل
0
النقاط
0
الله يهديه ويسخر لك ياه
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى