خاينه ,,, لاتدعون علي (تحت المراقبه)

[دمرت نفسي !]

السلام عليكم ورحمة الله وبركاته

طبعا هاذي المره الثالثه اكتب موضوعي

ترددت في الكتابه بس لاني مالقيت الا هالمكان

الي اقدر احكي فيه واخذ مشورتكم ,,,,

اول شي راح احكي لكم عن حياتي

انا متزوجه وام لطفلين وحياتي كانت طبيعيه

وسعيده تزوجت بعمر 20 وكنت سعيده مع زوجي

زوجي انسان طيب وراعي خير , يحبني ويقدرني

ويقدر اهلي وماهو مقصر عني اي شي ,,

وانا زوجه صالحه اصلي وكنت اصوم كثير واتصدق

واحب زوجي واهل زوجي اقدرهم ,,

من كنت وانا صغيره وانا الكل يضرب باخلاقي

يعني كانت حياتي طبيعيه بدون اي مشاكل

لحد من سنه تقريبا ,,,,

هينا انقلبت حياتي وانا السبب ,,,

طبعا كنت طالعه بمكان وقابلت بنت عمرها 20 سنه

وكنا نسولف وقالت لي ليش ماتدخلين شات صوتي

مره وناسه وضحك قلت لها انا ماحب هالاشياء

قالت اذا عندك وقت فراغ ادخلي ووسعي صدرك

المهم

في يوم الصباح كنت فاضيه طبعا انا اغلب وقتي فاضيه

لان انا مو موظفه وعندي خدامه فاغلب الوقت اكون ماعندي شي

دخلت وفعلا جلست اضحك وطلعت عادي وتكرر دخولي
وشوي شوي كنت ارد السلام طبعا هذا كله كتابه

وتعودوا وجود نكي وصرنا نسلم ,,,

لحد ماتعرفت علي واحد كان يقول انتي ثقيله مو زي البنات كان كله كتابه طبعا وقال انا راح اعزمك

على البالتوك وااااه يالبالتوك

دخلت عالم ثاني شفت ناس وعالم وكامات اول مره بحياتي اشوفهم ,,

وتكرر دخولي هناك لحد ماتعرفت على شخص

ومو اي شخص شخص مهم وحساس ....

كنت اقول مستحيل يكون مثله في البالتوك

توقعت كل الموجودين عاطلين ومراهقين

وهاذا الي خلاني انجرف اكثر ,,,

وشوي شوي تعرفت اكثر لحد ماقال نروح للمسن اريح واهدي

وهناك كنا نسولف كان يحكي عنه نفسه ,,,

لحد ماوصل وفتح لي الكام حقه وصعقت لاني عرفته ,,,

كان يحكي لي الصدق يقول مادري ليش وثقت بببنت
وانا عكس كنت اكذب باشياء مزيفه كنت اقول انا اعرف شباب واشياء كثيره ,,,,,

ومع الايام كنت احرص علي المسن ,,,

وكنت اسولف معه هناك كثير ,,,,

وبديت شوي شوي ااخر صلاتي وشوي اجمعها لحد ماتركتها ,,,,

زوجي اهملته عيالي اهملتهم ,,,

صرت ماحب اروح لاهلي ولا اقاربي بس عشان انتظره اذا دخل للمسن ,,,,

وشوي وشوي وصلنا للجوال قال لازم اسمع صوتك ونسولف ,,,

ووصلت انا قال لازم اشوفك علي الكام ووافقت انا

قلت بس كام وشافني وانا ربي معطيني جمال وجسم وذوق واسلوب ,,,

وبعدها بديت حياتي تتغير صرت وحده ثانيه

حسيت نفسي قاسيه علي عيالي مادري عنهم

وزوجي بديت احس بفجوه بينا احس في عيونه نظرة الم

علما ان زوجي راعي صلاة ويصلي اخر الليل

وبار بأمه ويكفل ايتام يعني رجل خير ,,,,

وانا بالعكس صرت اترك الصلاه مااهتم فيه بديت اتدمر شوي شوي

وبعدها 5شهور من المكالمات بدا بموضوع ابي اشوفك

وانا مره اتهرب ومره اضيع الموضوع لحد مااصر اكثر واكثر

ومره كان زوجي مسافر وهو طلبني اشوفه قال مابي منك شي بس اشوفك

مع الاصرار انا وافقت ورحت لعنده وطلعت وفعلا

ماصار اي شي ,,,,

وجت المره الثانيه اصر قال لاتحرميني شوفتك

وانا استحليت الخيانه ووافقت ورحت وكان هالمره

فيه شراب اقصد خمر ,,,, وانا طبعا كذبت اول قلت انا قد شربت
وطبعا ماقدرت اتهرب وجربت وتجرئت وغامرت وانا مادري وش كان بيصير لي اذا شربت ....

والمره الثالثه جيت وشربت اكثر واكثر وباليوم هاذا
صار الحراااااااااااااااااام
عشت الف ليله وليله الشيطان زين الحرام بعيني
بنات والله العظيم انا احس نفسي بمسلسل
اليوم هاذا خنت زوجي حقيقه
مافيه وقتها شي ردعني
وين صلاتي وين صومي وين صدقاتي
وين تربيت اهلي لي
وين راحت قيمي واخلاقي وخوفي من ربي
ورجعت للبيت بدون تأنيب ضمير

هاذا الي جنني الان وقتها ليش مافكرت

ليش مافكرت بربي زوجي عيالي !!!!!!!!

بنات انا تعبت من التفكير ,,,,,

ومع الايام تمشي وانا بهم اكبر

ربي ستر علي كثير

اشياء كانت بتفضح قدام عيوني واشوف ربي يسترها

ربي ستر يابنات اشياء ماتتخيلوها

احب ربي الان اكثر اذا تذكرت المواقف ,,

من 4 شهور تقريبا وانا بديت احس بالهم والالم

بديت اصحي وكل يوم ابكي دموع علي حالي
وحال زوجي وعيالي الابرياء

اطالع الي حوالي صديقاتي خواتي اقاربي

احسهم طاهرات عفيفات احسدهم

وانا الي دمرت نفسي بنفسي والي مجنني بدون سبب

مافيه سبب يخليني اسوي كذا

البنات والقصص كلهم معانات من ازواجهم خانوهم

وانا اعيش العكس

فقدت لذه كل شي اروح اسافر اجي مااحس زي اول بالسعاده واللذه

ومن 4 شهور وانا صليت لربي وسجدت سجدت توبه

مستحيل ارجع للحرام حتي اني دعيت علي نفسي اني لو رجعت ان ربي يفضحني لاني
متأكده اني بأذن الله ماراح ارجع ..

انا دايم افكر هل انا مريضه نفسيا لاني سويت كذا

ليش مافكرت بربي

ليش مافكرت بزوجي

ليش مافكرت بعيالي

ليش مافكرت باهلي

كل ليله اذا انام اعطي زوجي ظهره لاني ماقدر اشوف وجهه
وش ذنبه ربي بلاه فيني
انا اقول يمكن ربي معاقبني وصار لي كذا بس انا ماسويت اي شي ولاضريت اي احد .
بنات انا والله احسدكم
اي بنت حفضت زوجها وبيتها احسدها
وانا ماشوف مبرر للي سويته .
انا مالوكم لو دعيتوا علي
او قلتوا عني اي شي انا راضيه لاني استاهل
والله دموعي تحرقني

ابي منكم تدعون ان ربي يغفر لي

وربي يثبتني ويهديني

وابي نصايحكم ومشورتكم

انا الي مجنني اكثير انا افكر فيه ليل نهار

وهو مايستاهل لو دقيقه تفكير

بعت ديني بسببه
ضلمت زوجي وعيالي بسببه
انا الي كنت بخسر وهو ولا شي راح يخسر

انا تعبت وابي اطلعه من راسي

ابيكم تساعدوني مالي الا انتم

ابي وقفتكم احتسبوا فيني الاجر

اول خطوه انا افكر فيها راح احمل لازم اشغل نفسي

انا تعبت اكتب لكم ودموعي تمشي

كرهت حياتي فقدت للذه كل شي

ابي شي واحد

السبب الي خلاني اسوي كذا

وابي ارجع لحياتي السابقه ,,,,


وانا بين يدينكم

 

[غـــــزة]

الله يقبل توبتك ويغفر لك
هذا الشيطان ووسوسته والعياذ بالله

 

[دانة القصيم]

شوفي ياقلبي

قال تعالى (التــــــــــــائب كمن لاذنب له )

الحمدلله الي من عليك بالهدايه ياقلبي قبل ماتنقبض الروح يوم لاينفع مال ولا بنون

الا من اتى الله بقلب سليم

الحمدلله ياقلبي انك رجعتي لربك ولزوجك الي ماقصر عليك بشي

ولعيالك

والله يبعد عنك عيال الحرااااااام وكل حراااااام ​

 

[حبيبة نايف]

كل بني آدم خطاء
لكن خير الخطائيين التوابون
وإذا ابتعدتي عن هالشي ونندمتي تماما
ابشري بالمغفرة من الله

 

[ملكة بإحساسي]

رددي سبحانك اللهم اني كنت من الظالمين والله يا أختي انتي غلطانة وغلطتج فضيعة جدا وبدون أي سبب الا كان عندج سبب واحد هو عدم خوفج من الله عزوجل ونسيانه,,وخنتي زوجج الريال المحترم الخلوق بسبب حجة وهمية وليس لها أي من الصحة,,بنصحج بعدة نصائح ارجعي لربج وصلي وااايد لرب العالمين عشر عشرين حتى خمسين ركعة واستغفري الله وربي يغفر لج ثانيا خلاص حصل اللي حصل خذيتي رأينا بعد ما طلعتي حتى وصلت للخمر لا حول ولا قوة الا بالله بس الحين عليج بالتوية أختي,,وشاغل بالج واحد قالج طلعي معاي وشربج خمر شاغل بالج واحد ما عنده خوف من ربه هاي اوهام أختي رجعي لعقلج قبل عن تندمي طوال حياتج واذا سولج الشيطان تذكري الله سبحانه والريال اللي امنج على بيته وعياله,,أنسي هالتجربة وفضي نفسج لعيالج وتربيتهم واذا وايد فراغ كملي دراسات عليا بس لا تروحي للحرام رجعي لصلاتج وواظبي عليها,,أهم شي تستغفري الله وتوعدي الله انج ما ترجعي لهالشي واذا جا عبالج استغفري,,أختي الله ستر عليج هالمرة وشكري الله على هالنعمة واذا يا في بالج او تذكرتيه خلي في بالج ان زوجج ممكن يعرف بتخسري زوجج وعيالج لأن ما بيرضى بوحده كذا تربي عياله وبتخسري ثقة أهلج وأهله والناس بيطالعوج باحتقار وازدراء بتكون نفس الشي البغيض اللي الكل بيكرهه,,والله أنصحج لنفسج اول شي اللي سويتيه فضيع في حقج وحق زوجج,,عليج بالاستغفار والله يغفر لج ويسر أمورج ويتوب عليج يارب​

 

[كاااندي]

اقبلي على الله اكثري من صلاة وزكات وتوبي وتوبي وتوبي توبه نصووحه بيعي الكبيوتر وكسري شريحه وغري رقمك وعووذ بالله وش صاار بدنيا كل يووم نقراء خيانه لله يعافي كل مبتلي ولا يبلانا ولا حولا ولاقوه الا بالله هذي منةعلاماات اسااااااااااااااااااااااااااااااااااااعه يستحل الحر والحرير والعيااذ بالله اتقو الله وتقو ناار وقودها اناااس والحجارة توبي وستغفري لذنبك وجااهدي نفسك وبجوبك تقولين كيف خنت وكيف ماندمت ووو ولا فكرت سبب هو تركك لصلاة سبحاان الله فمن تركها عمدا كفر والصلاة تركتيها فنجرفتي اكثر وخنتي ولم تخافي لان الصلاة تنهى عن الفحشاااء والمنكر توبي ولا ترجعي قبل فواات الوان مدام ربي ستر عليكي الله يهديكي ويثبتك ولله نعصر قلبي الم وحرقه عليكي وعلى حال الضيااع ونقهرت ورحمت زوجك وعيالك واهلك وش ذنبهم اتقو الله الله يهديكم فعلامااات الساعه كلها طلعت ماباقي لا قليله وكبيره جا توبو قبل ان تغرغرو وتخر لاروااح فماذا بتقبلون الله ؟؟ يااااااااااااااارب يستر عليكم ويهديكم

 

[الثرياا]

لا حول ولا قوة الابالله الله يهديك ويكفيك شررررررررره واعلمي ان الله ستر عليك كل هذه المددددددددة
فتوووووووووووبي الى الله وارجعي اليه والا راح تخسري زوجك واولادك ونفسك وسمعتك قبل كل شي
وماقلتي هذا الكلام الا وانتي قد صحى عقلك فقطعي صلتك به تماما وغيري ايميلاتك وارقامك ومهما هدد ومهما صار وسوى لاتلتفتي الى ذلك وانما بلغي الهيئه واعطيهم الرقم والباقي على الله . وادعي الله وصلي له واتهجدي وحاولي تردي علاقتك بالله اولا ثم بزوجك واولادك وخليهم شغلك الشاغل و من الافضل ان تسفري الخادمه لو هذا الوقت حتى تنشغلي ببيتك واولادك وزوجك وتنسيه واعلمي ان من تااااااب تاب الله عليه والله يعينك ويفرجها عليك ويكفيك شياطين الجن والانس .

 

[غراابيل]

الحمد الله رب العاااااااالمين الله ستر عليك لاانه رايد لك خيره

عشان تتوبين بقناعه واصرار تكفين فكري في نار جهنم فكري عقاب الزانيه

فكري لو انك حملتي وش العذاب اللي بيجيك ولد زوجك والا ولده فكري كثير

ولاترجعين مهما ضعفتي احضني زوجك وحبيه اكثر عشان تنسين الالم النفسي

الحمد الله كثير اللي يخطئون ويرجعون لربهم انسي التجربه المريره هذي وتقربي لربك

وارجعي زي اول واحسسن صدقيني الله بيكون معك لاان الله يفرح بتوبة عبده

الله يقويك ويثبتك وتناسي الخيانه وعيشي حياتك من جديد

 

[شهد شهودي]

يا أختي احنا بشر والبشر خطاؤون وخير الخطاؤون التوابين والشي هذا بينك وبين ربي ومن تاب تاب الله عليه وانتي احسن مننا لأنك تائبه يعني صافيه من كل ذنب ربي يغفر ويسامح ويمحي ذنوبك وانتي تذكريها شوفي ربي ارحم بعباده كيف.​

 

[نوفا_المملوحه]

حبيبتي ترى هذي نعمه كبيره انج ذكرتي ربج و تبتي ... ربي ستر عليج وانت عليج انج اتعويض زوجج و اعيالج ... عيشي حياتج من اول و يديد و افتحي صفحه يديده بينج وبين نفسج ... و قولي دايما " يا مقلب القلوب ثبت قلبي على دينك و طاعتك " ... الله يثبتج على طريقج الصلاح و السعاده ...

 

[الحياء طبعي]

الله يتوب عليك

>>> ما قلتي اش صار في علاقتك معاه !!

تركك ولا انتي تركتيه معليش كملي قصتك واسفه اذا يضايقك

 

[حبيبه عيالها]

ياسلام عليك حبيبتي
ماشاءالله عليك
الله يثبتك يارب
انتبهي ترجعين عن تويتك
وادفني سرك وانسيه وابدي صفحه جديده مع زوجك وعيالك
دلعيهم حبيهم عوضيهم
حبيبتي لو كان الله فضح املرك كيف نظرة زوجك
نظرة اخوك وابوك
اهلك
عيالك وبناتك الي انتي قدوه لهم
حبيبتي واصلي التوبه واحمدي ربك واشكربه على الستر
الله يستر مامضى ويثبتك يارب
انتبهي لعيالك وزوجك جنتك ونارك
ابن احرام هذا مابيرحمك ابد ابد
لعب فيك سكرك وخلاك زانيه
وش تبين اكثر
اذا هددك عليك بالهسيئه
الله ينصرك والهيئه له بالمصاد وبسريه تامه مابيفضحونك
بس لاتضعفين
اللحين اللحين روحي لزوجك واحضنيه بحنانك وعيالك اعطفي وحني عليهم
هم الي لك
لاشان ولا بلوك والاشي من الخرابااات هذي
الله معك حبيتي وينصرك
الله الله بالتوبه الصادقه وانا اختك

 

[الاستشاريه]

لاحول ولاقوة الا بالله انتي ارتكبتي الفاحشه امر عضيم وتستحقين الرجم لانك متزوجه !!!!!!!!!!!




وبما انك تبتي استغفري ربك واكثري الاستغفار


واحمد ربك انها ستر عليك واعرفي ان الدنيى دنيه من اسمها واعملي لاخرتك ولو تحجين او اعتمري ودعي بمكه ودوم ادعي ان الله يسامحك ويغفر لك


يارب ياغفور يارحيم ياقدير انك تسامحها وتستر عليها وتصلح حالها

 

[أم سدين]

لا حول ولا قوه الا بالله . الامورالتي تفعلينها هي الندم على فعل المعصيه .التوبه لعدم الرجوع الي المعصيه والدعاء تلحين في الدعاء والاستغفار الله غفور رحيم

 

[وأزهر الياسمين]

الله يهديك ويثبتك ويستر عليك


رددي هذآ الدعآء


اللهم خذه من قلبي كمآ أخذته من عيني


وخذه من تفكيري كمآ أخذته من نصيبي


وخذه من منآمي كمآ أخذته من يقظتي


وخذه من خيآلي كمآ أخذته من وآقعي


اللهم أإني أعوذ بك من عودة تكسرني أو رغبة تلوثني أو عآطفة تهزمني

اللهم أجعل فرآقه فآتحة الخير في دنيآي وفىتحة الفرح في حيآتي
​

 

[وأزهر الياسمين]

أإنتبهي لآيشوف زوجك الموضوع


ولآتعطي سرك لأحد​

 

[ام فيصل@]

الحمدالله رب العالمين انج تبتي والله قلبي يعتصر الم كتابتج اغرقتني بدموعي


حبيبتي افتحي صفحه جديده بتوبتج ثانيا كسري رقم جوالج والاميل بعد

حتى مايربطج شيء بذلك الشخص

هذا شخص مايخاف ربه وثاني شيء عشان ماتنفضحين


يمكن يهددج ويصورج الدنيا مافيها امان انتي بس توبي وان شاء الله ربج بيستر عليج

تمنياتي لج بحياة سعيده في دنياج واخرتج

 

[ابتسامه مهجوره]

منهوا اللي تعرفتي عليه واحد مشهور ولا قريب لك 0000عموما الله يهديك لطاعته ولايشغلك الابطاعته انا استغرب اللي زوجها مرضي ربه زوجته هي الخاينه او العكس والله ان زوجك خســـــــــــــاره عليك وعيالك خسارتين عليك بس عسى ربي يهديك ولا ياخذك علشان ماتعصين ربك ثم زوجك واولادك

 

[الغوالي حبي]

لاحول ولا قوة الا بالله
الدعاااااااااااااااااااااااااااااااااااااء يالغلا

 

[RRFF]

يا ااااااااااااااااااااااااااااااااا رب تباعد بين خطا ياها كما باعدت بين المشرق والمغرب