شقاوية حب
New member
- إنضم
- 2010/09/26
- المشاركات
- 15
مرحبا يابنات أنا متزوجه من 14 سنه ولله الحمد عندي 3 أطفال والرابع في الطريق المهم قصتي غريبه شوي أنا وزوجي نحب بعض بجنون هو أكبر مني ب9 سنين وعايشين قصص الحب والغرام والدلال والرومنسيه ويهتم فيني وفي أطفالنا ويحبهم بجنون يرعانا ويحن علينا وجنته لمن نكون سوى في بيتنا بس المشكله يغار من إهتمام أقاربي فيني ويغار من صديقاتي والصراحه حياته من العمل للبيت ومن البيت للعمل ماعنده أصحاب كثير يعني أبدا مايسهر لوحده برى البيت يحب ينام بدري ويصحى بدري مايحب السهر المشكله الأكبر إنه لازم كل يوم نختلف في الرأي ولازم يزعل مني كل يوم وأنا أشوف إنه الموضوع تافه مايحتاج الزعل طبعا يرجع يرضى بسرعه بس أنا مليت من عصبيته قدام أطفالي لاحظت من زمان لما نكون مع بعض دايما مختلفين رغم الحب إللي بيننا ولما نكون بعيدين عن بعض نشتاق لبعض ونقول ماراح نبعد ثاني مره أبدا بس المشكله إني خايفه من الأيام تفقدني صبري على عصبيته إللي مالها داعي كثير يقولو إنه إحتمال فينا عين من قصتنا المشهوره بين أقاربنا لأنه الوالد ماكان يبغى زواجنا يتم لأنه ماكان يعرف أخلاقه كويس بس زوجي وحبيبي الله لايحرمني منه تحمل الكثير والكثير عشان يتزوجني والحمدلله الكل مبسوط منه ومن أخلاقه لأنه يخاف الله وطيب لكن فعلا بدأت أخاف وبدأت أمل من عصبيته المستمره ماني عارفه إش أسوي مع زوجي حبيبي طبعا لمن أكلمه يقول إنتي السبب في المشكله أتمنى تساعدوني وسامحوني أطلت الحديث.
