خايفه اعيش بديرة غير ديرتي...نصيحتكم يابنات دبي

[ام دحووومي]

انا سعوديه ...احب الامارات واهلها وزاد حبي لها في هذا المنتدى....

مشكلتي ان زوجي عنده عرض عمل مغري في دبي لمدة خمس سنوات ...انا ما احب اطلع من ديرتي اكثر من شهر...وبصراحة اخاف على زوجي واولادي من الفتنه ...وفيه اختلاط في العمل...

العرض مغري ...بس انا خايفه

اخواتي انصحوني ...لاني متردده ...مع اني استخرت كثير.:c016:..

بنات الامارات شوروا علي ...

 

[همس انثى]

عرض عمل مغري في دبي

انتي طلبتي مشورررررررت بنات الامااارات لانهم هم اعرف في منطقتهم من احنا السعوديااااااااااات

واذا سمحتي لي اني اقول لك

انتي بقولي عرض مغري فكري من الناحيه الماديه والمعنويه في الموضوع

وانا عن نفسي لو جاء زوجي عرض مغري ما افكر الا في يكيف يمكن انه سوف تتغير حياتنا من حاله الى حاله وخاصه الماديه بغض النظر عن اي دوله بنروح لها واعتبريها في رحله سياحه وهوني عليك الناس بيروحون الى دول غربيه كندا بريطانيا مو دوله خاليجيه
بعدين يمكن انتي متاثره بالي تسمعيه من الناس عن الاختلاط ومضاره

طبعا هذا راجع لك انتي وفهمك زوجك وهل هو ممن يحب النساء والنظر اليهم
وشوفي غاليتي الي يبغى يخرب يخرب وهو عندك بالدار مو ضروري بالعمل او غيره
وشوفي معاناة البنات ومشاكلهم الاغلبيه بتقول انهم تعرفو ازواجهم على بنات من البيت

((واسالي نفسك هل انتي قادره على ظبط زوجك وابنائك حفظهم الله لك من ان يذهبو الى اماكن تفسدهم ))

حكمي عقلك بالموضوع قبل قلبك ولا تجعلي للانانيه او الغيره مجال في حياتك

بعدين الان انتي تشاوري من قبله لا تخليه بعدين بيروح لوحده وتعضي اصابع الندم

انا لي قريبه رفضت ذهاب زوجها لدراسه في بريطانيا لاخذ الماجستير ومن ثم الدكتوراه وحتى الان يحسسها بالذنب لان اصدقائه افضل منه وهو مكانك سر بسبب غيرتها عليه

والان هي تقول انا ندمانه كل الندم ليه مارحت معاه وسانته

اقولك عن نفسي انا زوجي مقرر لان يدرس بكندا لاخذ الدكتوراه ومن القهر انه رافض اني اذهب معاه وانا محتاره كيف اقنعه بذالك


اسفه على الاطاله... او اذا جرحتك في كلمه لكن والله اني حاسه بالذي تحسين فيه الان وحابه انصحك اخت لااختها
الله يكون بعونك ويهديك الى طريق الصواب

 

[همس انثى]

انتي طلبتي مشورررررررت بنات الامااارات لانهم هم اعرف في منطقتهم من احنا السعوديااااااااااات

واذا سمحتي لي اني اقول لك

انتي بتقولي عرض مغري فكري من الناحيه الماديه والمعنويه في الموضوع

وانا عن نفسي لو جاء زوجي عرض مغري ما افكر الا في يكيف يمكن انه سوف تتغير حياتنا من حاله الى حاله وخاصه الماديه بغض النظر عن اي دوله بنروح لها واعتبريها في رحله سياحه وهوني عليك الناس بيروحون الى دول غربيه كندا بريطانيا مو دوله خاليجيه
بعدين يمكن انتي متاثره بالي تسمعيه من الناس عن الاختلاط ومضاره

طبعا هذا راجع لك انتي وفهمك زوجك وهل هو ممن يحب النساء والنظر اليهم
وشوفي غاليتي الي يبغى يخرب يخرب وهو عندك بالدار مو ضروري بالعمل او غيره
وشوفي معاناة البنات ومشاكلهم الاغلبيه بتقول انهم تعرفو ازواجهم على بنات من البيت

((واسالي نفسك هل انتي قادره على ظبط زوجك وابنائك حفظهم الله لك من ان يذهبو الى اماكن تفسدهم ))

حكمي عقلك بالموضوع قبل قلبك ولا تجعلي للانانيه او الغيره مجال في حياتك

بعدين الان انتي تشاوري من قبله لا تخليه بعدين بيروح لوحده وتعضي اصابع الندم

انا لي قريبه رفضت ذهاب زوجها لدراسه في بريطانيا لاخذ الماجستير ومن ثم الدكتوراه وحتى الان يحسسها بالذنب لان اصدقائه افضل منه وهو مكانك سر بسبب غيرتها عليه

والان هي تقول انا ندمانه كل الندم ليه مارحت معاه وساندته

اقولك عن نفسي انا زوجي مقرر لان يدرس بكندا لاخذ الدكتوراه ومن القهر انه رافض اني اذهب معاه وانا محتاره كيف اقنعه بذالك


اسفه على الاطاله... او اذا جرحتك في كلمه لكن والله اني حاسه بالذي تحسين فيه الان وحابه انصحك اخت لااختها
الله يكون بعونك ويهديك الى طريق الصواب

محبتك

 

[*الدلع قصيمي*]

الله يسير اللي فيه الخير...

انت اعرف بظروفك ..وازني..وقرري..

اسألي نفسك الاسئلة التالية..

مميزات العرض...
ماهي الاخطار التي قد تحيط بي...اولادي..زوجي..؟؟

هل المقابل المادي اهم من تعرض زوجي للاختلاط اليومي...؟؟

هل الفرص التعليمية افضل هناك لاطفالي؟؟

وووووو...

وفيه طريقة ثانية...تخيلي ان وحدة من صحباتك بنفس وضعك..كيف تردي عليها؟؟

 

[nonoura]

مافيها مشكلة شوفى الدنيا وخلى زوجك يشوف اشغاله وبعدين كل دول الخليج خير وبركة

 

[ms-reem]

استخيري وروحي معاه ولا تتركينه يروح بالحاله
ابدا وعيالك انقليهم معاك

هناك وحبيبتي الناس يتغربون عشان لقمه العيش

واهم شي تهتمي بنفسك وبجمالك
حتى تغنينه عن غيرك

الله يوفقك
:shiny:​

 

[vip]

ليش كل هالخووف يا اختي اللي بيسمعج زوجج بيروح دولة اوروبيه الا هي دبي دوله خليجيه عربيه وماتفرق عن الدول الاخرى ومنوو مايحب دبي الكل يسافر لها وبعدين هالشي بيطور من مستوى معيشتكم ليش كل هالخوووف وهذا زووجج لازم تكونين معاه في كل مراحل حياته وتساندينه وتشجعينه واعتبريها تجربه بتمرين فيهاوفي كل اجازه روحي لهلج وديرتج والناس في دبي طيبيين واي اختلاط تتكلمون عنه وفي رد وحده من المشتركات ماعجبني تقول((وهل انتي قادره على ضبط زوجك وابنائك حفظهم الله لك من ان يذهبوا الى اماكن تفسدهم )) خيبه با ناس تراها دوله مسلمه والاختلاط حتى موجود في السعوديه

 

[البارونا]

اخوي ياعيوني في كندا عايش وكان سابقا في الشارقه واحنا اصلا من السعوديه وماشاء الله اتزوج من 6 شهور وراح لكندا للدراسه ومعاه المدام وتراها مبسوووطه حيل

 

[همس انثى]

كل اجازه روحي لهلج وديرتج والناس في دبي طيبيين واي اختلاط تتكلمون عنه وفي رد وحده من المشتركات ماعجبني تقول((وهل انتي قادره على ضبط زوجك وابنائك حفظهم الله لك من ان يذهبوا الى اماكن تفسدهم )) خيبه با ناس تراها دوله مسلمه والاختلاط حتى موجود في السعوديه
غاليتي انا لم اقصد الاساءه لاهل الامارات بالعكس انا اكثر وحده تحب الامارات لا تنسي انها ديرة ابونا زايــــــــــد الله يرحمه وانا احب شعبها كلهم وان قصدت انها تحافظ على زوجهها واولدها من اهل الشر وتاكدي ان الشر في اي مكان مو بس في دول الغرب النت اذا استخدمه بطريق خاطى اصبح بؤرة فساد في البيت يعني الفساد يحول علينا من كل صوب

اكرر اسفي لك غاليتي اعذروووووووووووووووني

 

[Rosealmary]

هلا اختي زهرة لوز، انا اماراتية ومن دبي بالتحديد، بصراحة ما أقدر أرد عليج لأن همس أنثى كفت ووفت وما قصرت أبد، الله يجزاها كل خير، وصراحة أقولها حبج ربج يا همس أنثى لنج حبيتي الامارات، وترى احنا بعد نحب الشعب السعودي وكل شعوب الخليج الله يبارك لنا في هالمنطقة وفي بلاد المسلمين كلها
:a194:

 

[الـعـهـد]

هلا بأختي زهرة لوز

انا من الإمارات وبين فترة واخرى اروح دبي للتنزه:shiny:

حبيبتي تريدين الصدق الحلال والحرام في كل مكاااااان

بالنسبة للحريم في دبي تراهن وااااااايد واشكال والوان وطبعا االبس على كيف كيفهم:nosweat:

بعني عادي تروحي اي مركز في دبي وتشوفي اللي لابسة قصير واللي لابسة طويل واللي لابسة لبس مغري واللي ريولها مبينة كلها واللي صدرها ظاهر
يعني بصراحة ما بقص عليج كل الجنسياااات في دبي من هنود واجانب وخليجيين ومواطنين من البلااااد
بس طبعا اللي يلبسن هاللبس اكثرهن من الجنسيات الثانية غير الخليجية
لكن اللي يعرف ربه ويخاااافه بإذن الله مراح يضره شيء
خلي ريلج يستخير ويتوكل على ربه وإن شاء الله ربي يحفظه لج ويحفظج له ويحفظكم عن الحرام

 

[فطوم84]

الغالية انا من دبي وأقولج من كل قلبي يامرحبا فيج في دبي وان شاء الله كلها 5 سنين وترجعون بالسلامة لأهلكم وترى الخليج كله واااحد ومرة ثانية Welcome

 

[أم الأذكياء]

اختي اهلا وسهلا فيج بينا:clap:

بس نصيحة قبل لا توصلين كوني فكرة كاملة عن الجو هني من كل ناحية

كانت عندي صديقة سعودية عاشت تقريبا سبع سنوات في ابوظبي

وسكنت في منطقة بعيدة عن المدينة تقريبا

ايضا نصف ساعة بينها وبين المدينة

وكانت دوم تقول لي بلادكم غير عن بلادنا

ولين رجعت السعودية وهي ما تعودت على الجو

اللي عرفته فيما بعد انها وصلت الامارات وهي لاول مره تزورها

وفوق هذا ما عندها اي معلومات عن طبيعة الحياة عندنا

والامر مش مخيف ولا اقصد اخوفك

لكن اسألي قدر الامكان

واختاروا مناطق للسكن يكثر فيها العرب والمواطنين

افضل لاسرتج لانكم بالتأكيد بتحتكون في الناس والجيران

واعطيج معلومة عيال بلادي اعرفهم يحبون الخير ومضيافين

وايضا لا تتركين زوجج يسافر لوحده خله يرتب الموضوع لكم هني

والحقوه فورا

موفقين ..:cupidarrow:​

 

[نبرة حزن]

حياج الله في دبي ليش هالخوف جوفي حياتج وخلي ريلج يطور من نفسه وهل دبي والامارات ترا ماياكلون الاوادم لوووووووووول

 

[دوومي عالية]

يا هلا فيج اختي..حياج بيننا

وحياج في بلدج الثاني الإمارات..

عااد يا اختي دبي دااار الحي..

توكلي على ربج وتعالي..الا دبي حذفة حصى من السعوديه..ووقت ما بغيتي هلج ..تقدرين بسهووله
توصلين لهم

توكلي وتعالي..والزين ينعرف ويخاف ربه..والشين بعد ينعرف ..

لا تحاتين ولا شي..وحياج بيننا..

 

[ام دحووومي]

همس انثى...بارك الله فيك حبيبتي ...كلامك عين الحق ...وانا مقتنعه بكل كلمة قلتيها...وزوجي مستحيل يتركنا ويسافر ...وهو متوقف ومتردد مثلي ويحتاج قرار مشترك بيننا حتى يقرر...
لو كان بالدول الاجنية وافقت بدون تردد ...دول الخليج غيييييييييييييير...
انا اخاف الفتنه لانه ليس هناك اشد فتنه من النساء على الرجال...والنفس أمارة بالسوء...الامن رحم..
اشكرك من كل قلبي على النصيحة ...الله يسعدك دنيا وآخره...وانا احببتك من كلامك ياعسل


الدلع قصيمي...الله يجزاك كل خير...باجاوب على اسئلتك لانها توضح للجميع الوضع..
مميزات العرض...
ماهي الاخطار التي قد تحيط بي...اولادي..زوجي..؟؟

الانفتاح الي في دبي في كل نواحي الحياة ...

هل المقابل المادي اهم من تعرض زوجي للاختلاط اليومي...؟؟
لا طبعا

هل الفرص التعليمية افضل هناك لاطفالي؟؟
نعم وهي ايضا فرصة لاتعوض ..ابني سيدخل الجامعة بعد سنتين


وايضا فرصة علاج ابنتي الصغيرة من ""مرض خطير"""

وفيه طريقة ثانية...تخيلي ان وحدة من صحباتك بنفس وضعك..كيف تردي عليها؟؟

ما اعرف انصحها الا تستخير وتستشير امثالك من الناس الي تحب الخير

اسعدك الله حبيبتي

nonora
الله ييسر الي فيه الخير ...اشكر مرورك وحرصك

بنوته دلع...مشكورة للنصيحة ...ماراح يروح بالحاله ...وانا ماليه عينه الحين بس الشيطان ما مات
الله يجزاك كل خير

vip
ادري حبيتي كلامك سليم ...وعندنا الدنيا دمار والله بس بالخفاء والاختلاط موجود ...ويمكن دبي احسن من هنا مليون مرة ...وانا والله احب دبي واعرف اهلها الطيبين الطاهرين ...ومن خوفي قالو لنا اختاروا المنطقة الي تبغون ونسكنكم فيها ...وقلت ابغى اذا كتب الله لنا الروحة اني اسكن بالشارقة وسط المواطنين ...ادعيلي حبيبتي

sindrella
هين كندا كلا لاهي شغله ...ماعندهم خرابيط ...البلا عندنا بالخليج ...الله يجزاك خير

الله يسعدك انت وهمس انثى ...وانا ما احب يكون سوء فهم بسبب سؤالي ...احنا اهل من الامارات الى السعودية ...بارك الله فيك على مرورك

 

[ام دحووومي]

العهد ...هلا بالمهلي ...ادري بكلامك حبيبتي انا دايم اروح دبي واعرفها زين ...بس الحياة فيها اكيد غير..
ومايخوفوني هالاشكال ...انا اخاف من الي تحت لتحت ....الله يصلح الحال...
وجزاك الله كل خير

فطوم 84...مشكورة حبيبتي والله يكتب الي فيه الخير ,,,ودي والله بس خايفه ...

يارررررررر ب فرجا عاجلا من عندك ...دعواتكم أخواتي

أمالاذكياء...الله يحميهم ويحفظهم لك

الله يسعدك ياقلبي هذا الي اصريت عليه اني اسكن وسط المواطنين...اعرف اهل الامارات الطيبين

وانا اعرف دبي والامارات كلها زين ...مشكورة حبيبتي

دوومي عالية....

الله يطمن قلبك ياعسل كلامك يشرح الصدر ...اعرف نفسي يمكن اذا جيت دبي ماعاد اقدر افارق اهلها
الله يكتب الي فيه الخير

 

[همس انثى]

همس انثى...بارك الله فيك حبيبتي ...كلامك عين الحق ...وانا مقتنعه بكل كلمة قلتيها..

الف شكر اخيتي وغاليتي على تقبل نصيحتي لك بصدر رحب

واعانك الله الى مافيه الخير

وايضا فرصة علاج ابنتي الصغيرة من ""مرض خطير"""

اللهم اشفها من كل داء واجعلها بالحسن حااااااااااال

محبتك همسـ


اشكر كل من علق على كلامي

الله يسعدك انت وهمس انثى ...وانا ما احب يكون سوء فهم بسبب سؤالي ...احنا اهل من الامارات الى السعودية ...بارك الله فيك على مرورك

عين العقل كلامك واحنا اهل وحباااااااااايب

 

[طرايف]

شو فيهم اهل دبي يا حبيبتي لا تخافين خليج قريبه من ريلج حتى في دبي طلعي معاه كل مكان املي حياتج وياه لا تخلينه ييصبر بدونج وخليج وياه وياه

لا تخافين غيري حتى من شخصيتج وسلوكج وياه وكان عن الفتنه والعمل بلاخر كله راد على الريال نفسه كيف يصبر نفسه ويحترم ذاته عن بنات الناس وانه رجل عاقل ذات شخصيه ويحب بيته وزوجته ولا يمكن شي يغيره عليهم

لا تخلينا يشك ولا تترسين راسه بلافكار هاي تراه اذا ما يبغي يسوي راح يسوي من كلامج خليج انتي واثقه منه بينيله الشي هذا
انتي تقدرين تستوي اكثر فتنه له وقت انتقالج غيري من كل شي في نفسج وانتي معاه في البيت ملابسج مشترياتج شعرج اسلوبج اشغلي نفسج بلرياضه في البيت

 

[ام دحووومي]

نبرة حزن ...مشكورة اختي على ترحيبك والله يسعدك دنيا وآخره وييسر لك ولنا الخير اينما كان