خايفة اكون حامل وانا ما ادري ؟؟؟

[همسـ(أنثى)ـات]

السلام عليكم ..

انا سبق وكتبت موضوع ابعرف اذا انا حامل اولا ..

معي اعراض ..

صدري يالمني ومورم وبطني مغص نفس الام الدورة يجيني ع فترات يروح ويجي ولاحظت هاليومين ظهري بعد يالمني ..

الردود كتبوا لي انه هذي اعراض حمل ..

طيب انا ما معي اعراض غيرها ..

يعني ما احس بلوعة او دوخة ..

اليوم لي 45 يوم من خلصت من دورتي ولا جتني الدورة ..

وزوجي يقول انتي حامل ..

بس انا فكري مشوش وافكر كثير وما احس بحمل لان هالاعراض تجيني وانا بنت ولما تنزل الدورة تروح الاعراض كللها ..

المشكلة .. خايفة اكون حامل واشيل حاجة ثقيله او اجهد نفسي وانا ما ادري ..

قلت اذا اخذت 50 يوم ابشتري تحليل الحمل واشوف ...

بس سؤالي وياليت تجاوبوني ..

عادي ما يكون في لوعة او دوخة ؟؟؟

 

[مملكه فؤادي]

والله ماعندي خبر بس حبيت ادعيلك الله يرزقك الذريه الصالحه

 

[دره2008]

يختلف من وحده لوحده

انا ماجتني لوعه الا في نهايه الشهر الثاني
ووحده اعرفها ماعرفت انها حامل الا في الشهر الرابع
لانها ماجاتها اعراض حمل وعادي تتاخر عليه الدوره
وان شاء الله مايكون لك الا كل خير

 

[umm yusuf]

ليه تنتظري اشتري التحليل وجربيه ولو حامل بيبان من اول يوم لتاخر الدورة حتى
الله يوفقك ويحفظك

 

[my.vip]

عادي انا ماجتني لا لوعه ولاالدوخه لا الشهر الاول ولا الثاني بدات معاي الشهر الثالث
الله يكتب لك الي فيه الخير لك يارب

 

[ام مصعب]

موشرط تجيك لوعه وغيره سوي تحليل دم

 

[الاحساس الجرئ]

خيييير انشالله تحليل الحمل10ريال بس لكي 45يوم وماحللتي وكمان تبي تستني ..ازا خايفه على نفسك اشتري التحليل وهو يبين والله ب10 بسسسسسسسسسسس....ضحكتيني.......الله يرزقك الخير

 

[ترحال قلم]

بصراااحة أستغرب تصرك وشلون 45 يوم ولا حللتي

طيب حللي تحليل منزلي ولا تنسين أنه إن كنت حامل يبي لك تاخذين حمض الفوليك

أول حمل لي تأخرت علي الدورة اسبوع وماصبرت طرت للمستشفى أحلل

 

[همسـ(أنثى)ـات]

الاحساس الجريء طيب خير ان شاء الله والله لو انه ب 100 اكيد اني بشتريه ان شاء الله ما همتني الفلوس

بس ما ابي استعجل هدي اعصابك ؟؟

والبنات اللي ردوا الله يعطيكم العافية غاليات ويوفقكم ويارب ابشركم وحده وحده بحملي .. دعواتكم .

 

[عيون حورية]

اختي اغلب النساء اغلب النساء ماتجي الدوخه والوعه الا نص الشهر الثاني

 

[د.ام سامر]

الله يسامحك .....................45 يوم ولسه صابرة
وترتيني ارجوك اذهبي حللي فورا وبشرينا يلا بسرعة
يا رب يكتب لك الحمل السليم ولي ولكل اخواتي يااااااااااااااااا رب

 

[هدباء الرمش]

انا تاخرت شهر كامل وحللت وماطلع جمل واعطتني الدكتوره حبوب تنزل الدوره والى الحين استنى تنزل ومانزلت خايفه:sad_1: والله اول مره تحصل معي يارررررب تكوني حامل

 

[البارونا]

شوفي يااختي حسب ؟؟...دورتك منتظمة \والا غير منتظمة مثلا انا عن نفسي اذا تاخرت يوم اعرف حالي حامل من غير اي اعراض لا دوخة ولا غثيان ولا شئ فقط احلل والحمدلله على كل حال>>>اكيد لما تضعي نقاط البول في الجهاز توتري اكثر ههه ولما تشوفي الخطين ماادري ايش يصير حتى لو خط واحد>>>عن نفسي اقعد ابكي في كلا الحالتين>>مدري ليش حالة نفسيه خخخخ
اما وحده من قريباتي تتاخر عليها الدورة شهرين و3 وماتشوف الدم وماتكون حامل عااادي جدا ومرة حملت وماعرفت الا في الشهر الثالث انها حامل رغم انها شافت دم خفيف وحسبتها الدورة وفطرت كم يوم في رمضان على اثرها ههه و
طلعت حامل

يعني الحكايه ومافيها انتظام الدورة له دور
اذا كانت دورتك منتظمه خذيها مني انتي حامل باذن الله والا راجعي عند اي دكتورة لان الدورة المفروض تنزل
اما بالنسبه لبداية اعراض الوحام في هالحمل بدات عندي في نهايه الشهر الثاني والان بدات تخف >>على نهايه الرابع
دعواتك ان ينجي رب العالمين جنيني من جرثومة القطط

 

[البارونا]

من الان حد ماتحللي لاتشيلي ثقيل ولاتشربي قرفه علشان ماتكوني سبب في ازهاق روح

 

[رشة حُب]

روحي حللي بالمستشفى ياعمري وش تحترين

 

[همسـ(أنثى)ـات]

ايه انا دورتي مش منتظمة انا توني متزوجة لي شهرين بس ويوم كنت بنت كانت تتاخر حتى الشهرين ما تجي هذا سبب تاخيري في التحليل اخاف اتفشل قدام زوجي ..

 

[عيون حورية]

حبيبتي توووووووكلي على الله وحللي ماهي فشيله احسن ماتسوين شي وتفقدين الحمل لاقدر الله لوكنتي حامل
وان شااااااااااااااااااء الله تبشرينا
طيب روحي بيت اهلك واطلبي من امك او احد خواتك انها تساعدك بشراء التحليل المنزلي وسويه عندهم ثم اذا تاكدتي انه حمل اول ماترجعين قولي لزوجك يشتري لك وحللي وبشريه بس لاتخلين نفسك كذا

 

[همسـ(أنثى)ـات]

عيون حورية ربي يسلم قلبك ما في الا كذا ويارب ابشرك اني حامل ..

 

[love4life]

انزين حبيبتي اشتريه بدون ما يدري (الفحص المنزلي) أو خلي أمك أو أختك تشتريه وافحصي بمجرد مرور 5 أيام على موعد الدورة (شركة كلير بلو مضمونه نتايجه) ..

وبعدين انتي متزوجه وتنامين مع زوجج فاتوقعي تكونين حامل فلا تشيلين ثقيل وأما عن بذل الجهد والدوخه و و و .. ترا يختلف من وحده للثانية .. أنا ما جتني دوخه وأنا حامل واللوعه بس الشهر الثالث .. سبحان الله ما تقدرين تعممين الاعراض

 

[الوردهـ الخجوله]

يلا حبيبتـــــي

اشتري تحليل منزلي وإن شــــاء الله تبشرينا ياااااارب

اللهم ارزقني وارزق كل من أرادة الحمل باالذريه الصالحه المتعافيه

عاجلاً غير آجل إنك قادر على كل شي

ربي لاتذرني فرداً وأنت خير الوارثيين
ربي لاتذرني فرداً وأنت خير الوارثيين
ربي لاتذرني فرداً وأنت خير الوارثيين
ربي لاتذرني فرداً وأنت خير الوراثيين