خاويني واخاويك واخذ رجلك وأخليك

سمراء وافتخر قال:
السلام عليكم
والله لو انا يمكن اقتلها واقتله والله ما احب اللي يستغفلني ويعتبر طيبتي نوع من الغباء انا انسانه لا احب احد يستغفلني وياخذ مني الانسان اللي احبه والله يستر علينا ليوم الدين
أنقر للتوسيع...
ان شاء الله ماتذوقين الي ذاقتة:tears:
 
الخطأمني وفيني قال:
لاحول ولا قوه إلا بالله الحركه واااااااااااااااااااايد تقهر لو انا مكانها كان ياتني صدمه اولاً من صديقه عمري لان اخر وحده اتوقعها تسوي هالحركه فيني ،ثانياً:من زوجي اللي اعتبره جزء مني:icon28:
أنقر للتوسيع...
الله لا يقولة حبيبتي أن شاء الله ماتمرين بالي مرت فية
 
:icon1366:
vdhq قال:
انا اعرف وحدة نفس القصة

كانت معلمة معها بنفس المدرسة
وادراجهم لاصقة ببعض

وكانت دائما تمدح زوجها وطيبته لها

وبعد ما توفى زوج الثانية اخذت زوج صديقتها

طبعا وهي في الحداد كانت الغبية تخلي زوجها يروح لصديقتها واولادها ويشوف طلباتهم ويجيب اغراضهم

وكانوا اولاد الثانية بيض وحلوين واكيد تخيل شكل امهم مثلهم ( وهذا الحاصل )

وانصدمت بزواجه منها

الحين تقط خيط وخيط المسكينة
وصارت تحكي حكايتها حتى للطالبات والعاملات بالمدرسة تشكي عليهم من صديقتها الخاينة

وفجأة نقلت الثانية عن المدرسة وزوجها اللي نقلها

يقول ان ((الاولى ما خلتها في حالها وخلت صديقاتها وطالباتها يتغيرون عليها وهي طيبة ومسكينة))

على الرغم من انه لازال يعاملها زين ..بس صار يحب الثانية ويموت عليها وعلى اولادها

الله يعينها
أنقر للتوسيع...
وهذي ضحية ثانية الله يكفينا الشر
 
قمة التحدي قال:
الزواج قسمة ونصيب

ولكل بيت قصة

107.gif
أنقر للتوسيع...
مشكورة اختي على المرور
 
صاحبة الكساء قال:
عند خالتي صديقه عزيزه عليها تعرفها من عشرين سنه

كانت صديقتها مطلقه وضعيفة حال عشان كذا خالتي اعتبرتها اكثر من اخت
اكرمتها وافتحت بيتها لها
قدمت لها هدايا ما تخطر على بال احد
سفرتها زورتها لبيت الله
تخيلوا من عشرين سنه واسمها مقترن باسم خالتي
ما تبقى عزومه ولا فرح الا رجلها على رجل خالتي
المشاوير اللي تحتاجها ما يوصلها لها الا زوج خالتي او ولدها مهما كانت ضروفهم
بحجة انها مره وحدانيه ما لها احد الا هم
والاهم من هذا كله انها صارت مستودع اسرارها حتى خبايا نفسها
كان زوج خالتي معارض هذي الصداقه وبشده
واكثر من مره يطلب منها تقطع هذي العلاقه
لكنها كانت مطنشه
ومعتبره الامر تسلط ماله داعي
من سبع سنوات
تغير حال خالتي مع زوجها
دايما معصب
و الغريب انه يعرف بعض الاشياء اللي تخبيها عليه
وساعات يزل لسانه ويردد عبارات قالتها قبل عنه لما كانت معصبه او متضايقه منه
في نفس الوقت كانت دايما تشتكيه لصديقتها وتفرغ شحنات غضبها وطبعا كانت صديقتها تشجعها على الطلاق
شلك فيه شوفيني تطلقت وارتحت من الرجال وبلاويهم وكلام من هالنوع
المهم من شهرين تقريبا الامور وصلت ذروتها
وخالتي اتخذت قرار الطلاق ما لم يتعدل زوجها​

تكلمت معاه وتناقشوا في كثير من مشاكلهم الى ان وصلو الى موضوع صديقتها​

طلب الزوج انها تتركها اذا تبغي حياتها تستمر ​

قالت له المره مسكينه ومالها الا انا في هالدنيا​

وشرطك صعب​

لازم تعطيني سبب قوي يخليني اتركها​

قا لها اعطيني جوالي​

لما عطته الجوال اتصل على رقمها وحطه على السبيكر​

طبعا تفاجات انها ترد على زوجها بمياعه ​

قال لها هاه يا فلانه شاخر اخبار ام فلان​

قالت له:افا عليك حبيبي ​

وقامت تسرد كل كلمه قالتها خالتي عنه مع اضافة بهارات من التهويل والمبالغه​

تخيلوا حتى مواضيعها في النتديات وردودها على الاعضاء كانت تخبره فيها​

وفي نهاية كلامها قامت تعرض نفسها عليه وانها بتحطه في عيونها وانت وشلك فيها اهي منشغله عنك
باشياء ثانيه وما لها اهميه في حياتك​

وقامت تقوله كلام بذيء توصف فيه جسدها ​

وان كل هالجمال ماله قيمه عندي لانك عايفه وما تبيه ​

طبعا كل هذا صار وخالتي قاعده تسمع ومو مصدقه​

وشريط عشرين سنه قاعد يمر قدام عيونها ​

كيف كانت طيبه ومغفله ​

كيف كانت تخليه يوصلها لبيتها​

كيف كانت تعطيها رقمه عشان تكلمها منه لما كان تيلفونها خربان ​

وكيف وكيف وكيف ​

وتساؤلات ما لها نهايه ​

طبعا زوجها خبرها بعدين انها كانت بالنسبه له مجرد جاسوسه كانت تتصل وتوصله الاخبار​

وانها طاحت من عينه لانها خانت صداقة عشرين سنه مع وحده اكرمتها وما قصرت معاها بشي​

والحمد لله هالحين تصلحت مشاكلها مع زوجها وانقطعت علاقتها مع الخائنه ​

لكن اثار هالصدمه ما زالت الى الان​
أنقر للتوسيع...
حسبي الله ونعم الوكيل
 
دعاء العمر قال:
حسبى الله ونعم الوكيل عليها منها لله

لازم الواحده تاخد بالها جدا جدا لدرجه انها ما تجيبش سيره اى واحده من صاحبتها نهائيا ولا توصفها ولا توصف لبسها او شكلها
موضوعك جميل جدااااااااااااا​
أنقر للتوسيع...
مشكور ة اختي على كلامك
 
زهورالطبيعه قال:
هلا مامت ريون
كلامك صحيح والمفروض ان كل زوجه تحفض اسرارها ولا تتكلم كثير عن زوجها لأحد لا قريبه ولاصديقه حتى لا تجلب لنفسها العين ولا الحسد او ان تخذ الصديقه المصون زوج صديقتها .
ولأسف حصل مع قريبه لى مثل هلقصه بعد منفصلت القريبه عن زوجها صارت تحوم حول صديقتي في اوقات غيرمناسبه واسئله ملها داعي و و و فنتبهت صديقتي لقريبتها ثم كلمتها بصريح العبارة وقالت لها لحد كذا وكفايه ولو سمحتي كلن بحاله ثارت قريبته كثير وكيف تقولي كذا وسب ولعن. طنشت صديقتي قريبتها .وقالت كلمتين منك سب وشتم اهون لي من انك تخذين زوجي وتدمرين حياتي انا واطفالي .وبعد كذا صارت حريصه على ان لا تتكلم عن حياتها لا بزين ولا بشين ..وتقولي اخذت درس من هذا الموقف وتعلمت منه
أنقر للتوسيع...
فعلا مشكورة اختي
 
تعبت منهم قال:
سبحان الله

ماحرم الشرع شيء إلا فيه مضرة ..


ومن ذلك حرمة توصييف المرأة الأجنبية ...


ولو موحرام .. الي عاقلة وفطينة راح تنتبه لخطورة هذا الشيء ..


مشكورة مامت ريون ,,, عنوان الموضوع كافي لشرح القضية فما بالك بمحتواه ... جزيتي خيرا والله يصرف عنا وعنكم كل بلاء ...
أنقر للتوسيع...
جزاك الله خير على رفع معنويلتي
 
مشكوره مامت ريون ع الموضووع الرائع

الله يبعد عننا صديقات زي هذول
 
صدقوني القصص الي من هالنوع كثيرة اهم شي نحاول نحصن بيوتنى من خرابات البيوت
 
عافانا اللــــــــــــــــــــــــــــــه
ليش جي الرياييل،،، في لحظة ينسوون كل اللي بنوه
الله يعافينا ويحفظنا ويحفظ ازواجنا من حريم وصديقات السوء
 
فعلا يا اختي اكبر غلط لما تنقل المراة اسرار بيتها لصديقاتها

وخصوصا بهالزمن ماعاد فيه امان حتى من اقرب الناس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل