خاني و واجهته

[روح_الروح]

زوجي شمالي شرقي و خاني و واجهته بالخيانه للاسف لاني ادري ان المفروض ما اواجهه بس واجهتهه و صار اللي صار و هو انكر طبعا بس انا متأكدة مليون بالميه انه يخوني و الحين مب عارفة كيف اتصرف معاه
اطنشه ولا شو اسوي بليز ساعدوني و فيدوني باسرع وقت

 

[ميوسه]

استفيدي من مواضيع الخيانه بالمنتدى


وراقبيه بين فتره وفتره واجمعي ادله


هذا لو عادها ولا استمر


موفقه

 

[سر الحنان]

كان الله بعونك..........
لكن عن جد ادا بغيتي الحل ....داومي على صلاة الليل .....وسورة البقره .........والاستغفار
بنية اصلاحه...........
وبتشوفي النتيجه

 

[روح_الروح]

مشكورين خواتي

بس انا الحين اريد اعرف كيف اتعامل معاه بالضبط هل اطنشه ولا اعيشه بجو حب عشان احسسه بالذنب ولا شو والله احس عمري تايهة

 

[روح_الروح]

ياليت لو حد يوصل رسالتي هذي لاستاذه ناعمه فانا في اشد الحاجة لرأيها

 

[ميوسه]

عيشي حياتك وحبي نفسك لابعد حد

وكوني انثى رائعة الجمال في كل وقت حتى وقت الطبخ


وقومي بواجباته بس استقلي عاطفيا عنه


يعني قوي قلبك للصدمات من خيانته وجمعي ادله مع الصبر واقلبي الطاوله بالنهايه ضده


وحطي شروط لرجعة الحياة طبيعيه بينكم

 

[روح_الروح]

انزين انا الحين هذا اللي سويته بس ما كلمته ولا كلمه و كنت طول اليوم بكامل اناقتي بس هو ولا التفت ولا عبر و طلعت اليوم من غير ما اقوله اي كلمه فما ادري هل استمر اني ما اكلمه و اصبح عليه نفس قبل و اتكلم معاه بس في اي شي يخص العيال ولا ازيد جرعة الحب و اخلي يحس بتأنيب الضمير؟؟

 

[ريح الشمال]

الله يعييييينج

 

[روعة مشاعر]

الله يفرج عليج الغاليه ويهدي زوجك ياااااااااااااارب

 

[تحيه للعلم]

انزين انا الحين هذا اللي سويته بس ما كلمته ولا كلمه و كنت طول اليوم بكامل اناقتي بس هو ولا التفت ولا عبر و طلعت اليوم من غير ما اقوله اي كلمه فما ادري هل استمر اني ما اكلمه و اصبح عليه نفس قبل و اتكلم معاه بس في اي شي يخص العيال ولا ازيد جرعة الحب و اخلي يحس بتأنيب الضمير؟؟

حبيبتي رووح اهم شي انج تعيشين مستانسه لا تحسسينه انج متأثره بخيااانته ابدا ادري صعب

بس حاولي وفرفشي وضحكي مع عيالج وسولفي معاه عادي والمهم المهم عند الشماليين انج

تكونين دايما شاغله نفسج بهواياتج بالمقابل تكونين بكامل الاناقه والنظافه والدلع ولا تقصرين

على روحج من الناحيه الماديه اخذي منه يوم قولي عندي استقبال ومحتاجه بدله ويوم قولي عندي

عرس ويوم قولي عندي تجمع مع رفيجاتي واذا طلعتج من البيت ما تزعله طلعي عادي من غير

ماتقولين اما اذا هو عنده لازم تستأذنين فمن الناحيه الشرعيه لازم استئذان الزوج ...

وياروح الرووح عسى ريلج يفدى روحج قولي آمين ما اذكرج هالله هالله بالفروض صلاواتج بوقتها

وحثي زوجج عليها وعيالج والزمي الاستغفااار وتصدقي لو بالقليل يوميا دفعة بلا عنج وعن ريلج

وعيالج وألحي بالدعاااء وان شاءالله بتشوفين الخير كله اللهم آمين​

 

[nice angel]

الله يعينج يالغاليه
ويفرج همج ان شالله

 

[المتوكله]

كان الله في عونك مثلي عليه واجعليه يقتنع انك صدقت كلامه وتصرفي عادي البسي وتغنجي ومثلي عليه الحب حتى يطمئن قلبه من جهتك ولا تجيبي الموضوع نهائيا امامه ولكن كوني حذرة وفتشي وراؤه بحذر بدون ان يحس واشعريه انك تعطينه الأمان لعل الله يهديه واذا استمر بالخيانه عليك مسك الأدله بيدك وإظهارها عند اللزوم ولكن قبلا عليك التسلح بالإيمان والإكثار من الصلاة والإستغفار وفي كل خطوة قولي عليك الإتكال يا جبار يا قهار سدد الله خطاك ورشدك للخير

 

[وجوووود]

الله يكون في عونج..

 

[ليتني احتويك]

استفيدي من مواضيع الخيانه بالمنتدى والله يعييييينك ..

 

[ودي اعيش بسلام]

كان الله بعونك..........
لكن عن جد ادا بغيتي الحل ....داومي على صلاة الليل .....وسورة البقره .........والاستغفار
بنية اصلاحه...........
وبتشوفي النتيجه

والله انها صادقه

 

[[.مزاجي صعب.]]

اذا تبين النصيحه ...
طنشي له ولاتعطينه اهميه ...لانج اذا عطيتيه اهميه راح يسوي اللي براسه ...صدقيني هذا احسن حل ...لاني عانيت اكثر من اللي عانيتيه وكل ماكلمه يعاند ويسوي اللي براسه في الاخير طنشت له وعشت حياته
ولاصرت اعطيه اي اهتمام تعالي الحين شوفيه يلاحقني ....ياقلبي ريحي راسج من هالامور لانج راح تتعبين

 

[ضحكتي دموع]

كان الله بعونك..........
لكن عن جد ادا بغيتي الحل ....داومي على صلاة الليل .....وسورة البقره .........والاستغفار
بنية اصلاحه...........
وبتشوفي النتيجه

فعلا عزيزتي داومي على الاستغفار وبتشوفين ايش لون حياتك بتتغير من جميع جوانبها واللة وياك :surrender:

 

[سمنة غنم]

اختي المشاكل تختلف من خيانه لخيانه يعني فيه خيانه نزوه وتروح وفيه خيانه قديمه وفيه انواع من المشاكل

(يعني كل مشكله ولها زعل معين يعني مو كل شي يصير كبير ومو كل شي يصير صغير) ازعلي على قد مشكلتك

والله يهونها عليك ويرده لك ردا جميلا

 

[المعلمة الراقية]

الله يعينك ياقلبي مالك الا الصبر لان البيوت لاتخلو من خيانات الا ما ندر
:in_love: :bigsmile: :nosweat: :icon31: :shutup: :schmoll: :bye1:​

 

[روح_الروح]

مشكورين خواتي على الردود اللي تريح .. انا بقولكم شو سويت و ما ادري هالشي صح ولا لا.. انا امس مثل ما قلت لكم طلعت و ما كلمته فهو اللي اتصل و كلمني و انا ارد عليه عادي.. و يوم رديت البيت تم يحاول يرمسني و بعدين انا اتلبست و اتكشخت و هو طلع و انا ميته انه طلع على طول بس اتصل و قالي انا عندي مشوار و حدد لي المكان مع انه في العاده ما كان يحدد و بعدين قالي فتشي في اغراضي على راحتج اوكي قلت له ترا انا لو ما احبك ما كنت اساسا شكيت و لا اهتميت بس حبي لك هو اللي خلاني اشك و بس تراني ادري انك ما تسويها و العشرة ما تهون عليك ( عشان احسسه بالذنب) و يوم رجع كنت انا بكامل اناقتي طبعا و خليت عمري كووووول قد ما اقدر مع اني احترق في داخلي بس ما بينت هل اللي سويته صح ولا برايكم؟؟؟؟؟؟؟؟