خاني ويقولي مقصره ...

ك

كسر ضلوعي

New member
إنضم
2010/06/25
المشاركات
23
السلام عليكم ورحمة الله وبركاته..
خواتي احب ادش فموضوعي دايركت ..
انا تزوجت من 11 شهر تقريبا كنت سعيدة اول شهرين ونص وبعدين ...
تدمرت حيايي اكتشفت ان زوجي يخوووني وانا عرفت هالاشيا من جواله وصور بعد
عرفت هالشي من ثالث اسبوع فزواجنا بس ما كنت ادري بخيانته القوية لي الا في الشهر الرابع .. زنا والعياذ بالله ..
زوجي تغير علي وااايد بعدها .. المشكله ان هو من قبل ع هالحال وعرفت هالشي من مصادر موثوقه ..
المهم .. اجي للشي الي ابي اوصلكم اياه ..
زوجي صار ينام معاي بالشهر مره بس لاغير وما تكون هالمره الا بعد طلعت الروووح ...
فالمقابل يكون لبسي وعطري مايفارقني ابدا ..
استغرب من انه ماينغري مني ...
اذبح عمري عشانه وهو مب حاااس ابدا ...
المهم اليوم دار بينا حوار وهو كالاتي :
قالي .. ان انا مقصره فيه وملابسه ما اجهزهم له مع اني اسويله كل الي يبيه ومو مقصره معاه بس هو مايملي عينه شي ..
قلتله والله اذا اكنت انت مقصر فيني شي طبيعي ان انا راح اقصر وياك وما سويلك الي تبيه ولو كنت مو مقصر معاي راااح اخدمك بعيوني ..
المهم قال انا يمكن اكون ظالمج بس انتي الي خليتيني اسوي هالشي ..
تفكيرج اهو الي يخليني اظلمج معاي ...
والي استغربته من من 7 شهور لحين توه قالي هالكلام تدرون اشقال : انتي حلوه وجسمج حلو وخلوقة وحلوه بس عقلج مخرب عليج .. >> خف علينا يا بو العقول ..
قلتله الشي انا لما ابي اشويه بسويه بطيب خاطر .. مب كل يوم والثاني تهاوشني عشان ملابسك الي انا مو مقصره فيها..
قالي : واذا انا مانمت معاج خلال هالفتره لازم اتعرفين ان في شي وان انتي غلطانه ..ومن هالكلام
قلت مو لدرجة انك ماتنام معاي ..
قال ماتناقشيني كلامج الي قلتيه ان الشي ما تسوينه الا بطيب خاطر فكري فيه عدل وانا بس بتنازل عن كل شي وجهزيلي ملابس الدوام ... وفكري بالكلام عدل وطلع ..

قوليلي شساوي شرد عليه .. ؟؟؟؟
 
يالغاليه مافي اي شي يبررللانسان انه يزني
حتى لو كانت زوجته شيفه
هذي كبييرة من الكبائر الله يرحمنا برحمته
ويكفينا شر الدنيا
يالغاليه ماودي اقول لك حل ويكون فيه خراب لبيتك
لكن ان كان ابوك موجود ورايه سديد افضل لو تقولين له
مافيه زي الاب يخاف على بنته ويعزها
الله يصلح حالك يالغلا
 
لا حول ولا قوة الا بالله

الله يعينك

بس هذا زنا لابد له من وقفه ولازم تحاسبين على نفسك من الامراض الله يهديه

وعليك بالدعاء والاستغفار​
 
والله كلام الأخت نسائم الوجدان سليم 100%,,,
كل شي إلا الخيانه وربي تمووووووووووووووووت وتذذذذذذذذذذذذذبح
أنا لو ماعندي أطفال منه كان والله وبالله وتاالله طلقته بالثلاث وتركته هو
وحثـــــــــــــــــــالته,,, لأنه ماأرضى أعيش مع واحد خاااااان ربه قبل يخوني
وماجاااب لي الأ مراض إلأ خياناته اللي ماتخلص,,,, بس راحت علي عندي أطفال هم نقطة ضعفي,,, وحسبي الله ونعم الوكيل,,,,,
 
الله يكون بعونك حبيبتي
وربي الرجاجيل لو تعطينهم عيونك قالوا مقصره
حسبي الله ونعم الوكيل
 
انتبهي من القذف في العرض واذا كان الكلام صحيح كل شي يهون الا الزنا والعياذ بالله لانه سبب للامراض الجنسية الله يكفيك شرها لازم ابوك يكون عنده علم الله يعينك على ما بلاك سبحان الله العظيم سبحان الله وبحمده
 
خيييييييييير تعرفي انه يزني وجالسه معاه
حبيبتي هي لو خيانه بالكلام والرسايل ومش عارف ايه اقول ممكت تصبري عليه وتتعدلي
لكن زنا يا احبيبي لااا هذي فيها امراض لو جاله ايدز ياحظي ونقله لك

اقول الله يكفيكي الشر ياااارب
 
كيف نفسك قابله انه ينام مع واحدة ثانيه ويجي عندج
لا وتستني منه انه يجامعج بعد
انا لو منج ما استنى عنده يوم واحد بس اقرف منه وعععع
انصحج دام انه ماتنازل و مصر على غلطه وطلعج انت الغلطانه فوق كل هذا
انج تروحي عند اهلج وتكلميهم بالموضوع خصوصا انتي تقولي انا متاكدة من مصادر موثوقه و برضه اذا كان عندج دليل
الله يعينج ويسخره لج​
 
عذر اقبح من ذنب

يخونك عشان ما تجهزين ملابسه وش هالتخلف ؟؟؟الحمدلله بسسس
 
احمدي ربك انه ماعندك اعيال منه ...فكي عمرك وروحي حق ابوك وعلميه كل السالفه ولاتنسي تثبتين عليه بدليل عشان ماينكر ويقلب السالفه عليك...
وقبل لا يجيك منه مرض الايدز والعياذ بالله والامراض الثانيه اللي تنتقل له عن طريق الحرام
 
انا اعرف دكتوره صديقه مقربه مني قالت لي مره انه سار من قبل شهر مؤتمر طبي عن مرض الايدز وقالت والله انه منتشر في المملكه العربيه السعوديه بشكل مو طبيعي بس الاعلام والصحف وغيرها انتم فاهمين طبعا رافضه انها تنشر الخبر طبعا انتي لازم تنتبهي على نفسك عموما لو كنت مكانك وربي ارفض انه يقرب مني نهائي مو اطلبه وازعل ان رفض
نصيحه استخيري ربي وترا الانسان اللي ما بقلبه خوف من الله ينخاف منه
دخلي اهلك واهم شي لا تنامي معاه انتي من نفسك وبيني له انك تخافين منه لانه يمشي في الحرام وبعدين مهما حصل لايحطك شمعاه لاخطائه من بدري فهميه ايش علاقت الملابس والغسيل والكوي والبيت في الزنا ليش يربط دي بدي وين وجه المقارنه يعني كل وحده تقصر بشغل بيتها لازم يزني زوجها عقل تكروووووووني بجد
الله يكتب لك اللي فيه الخير ويبعد عنك شره يا رب
 
اعوووووووذ بالله يزني ويفعل ما يغضب الله وانت ساكته ؟؟؟

بالله عليك هل تخافين على زوجك من العقوبة هل تعلمين ما عقوبة الزوج الزاني وهو محصنننن؟؟؟؟

لا تسكتي على هذا الامر فأنه من معصية الله فيجب عليك ان تعلميه عن المنكر الذي يفعله وخوفيه بالله سبحانه وتعالى

وليس له اي عذرررررر اي كان !!!!!

الله المستعان
 
شتسوين ؟؟
دامك ع البر حبيبتي ولابلشتي بأطفال بيت أبوك الله لايهينك
ولاتنتظرين إلين يجيب لك أمراض وينقلها لك أخرتها يقول خلاص ماعاد أبيك
ساعتها أبلشي بعمرك..حبيبتي وش عقب الزنا بمجرد بس ماأفكر انه يخوني
أنهبل كيف واهو نايم مع وحده وين غيرتك ..وعذره مثل وجهه ملابس جعلها تخنقه
وين عايشين حبيبتي إذا عندك شي يثبت انه سوى هالامور اللي مثل سواد وجهه
روحي لاأبوك وخليه يشوفها بعينه وقولي انا موماله من نفسي اجلس معه ينقل امراض من بنات شوارع هاذاواهو عاف نفسه وعنده زوجه ويسوي كذا وش خلى لشباب اجل جعله البلش والله قااااااهرني ..لو منك وقال ملابسي موجاهزه رميتيها بوجهه وخليتيه الخاين
 
حبيبتي الرياجيل ما يملي عينهم شي..
لا تحرقين نفسج وتشكين بنفسج على شأنه..
 
هذا وانتوا توكم عرسااان
زنا والعياااذ بالله
هذا ماخوذ خيره من شره​
 
لاحول ولاقوة الا بالله اختي اول شئ بقولك الحمدلله ماحملتي منه ثاني شئ اذا هو يزني دائم يعني مو مره بس وندم والله هذا ماعليه تحاسيف بس اهم شئ تكوني متأكده من هذا الشئ وبعدين اختي الشخص الي يسوي الحرام ويعلق فعلته بااعذار واهيه هذي مصيبه ثانيه يعني بدل ماالواحد يقول الله يغفر لي ويرحمني والله اني غلط وابغى المغفره من ربي وانتي سامحيني اخطيت على نفسي واخطيت عليك يجي يقول ملابس وترتيب وش دخل الزنا بالملابس الله المستعان انتي انتبهي على ننفسك ووادعي ان ربي يبين لك الخير والله شفتي هذا الشخص بنفس طريقته روحي لاهلك وهذا شئ راجع لك عشان ماابغى اتحمل ذنب احد هي الحكايه كلها نصيحه
 
استغفر الله
استغفر الله
استغفر الله
استغفر الله





الله يكون فعونج حبيبتي
حسبي الله على بنات الحرام
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل